अध्याय 5: जीवन के अन्त तक ओंकार का ध्यान

अथ हैनं शैब्यः सत्यकामः पप्रच्छ । स यो ह
वै तद्भगवन्मनुष्येषु प्रायणान्तमोङ्कारमभिध्यायीत ।
कतमं
वाव स तेन लोकं जयतीति । तस्मै स होवाच

atha hainaṃ śaibyaḥ satyakāmaḥ papraccha | sa yo ha
vai tadbhagavanmanuṣyeṣu prāyaṇāntamoṅkāramabhidhyāyīta |
katamaṃ
vāva sa tena lokaṃ jayatīti | tasmai sa hovāca

तब शिबि के पुत्र सत्यकाम ने उनसे पूछा: "भगवन्, मनुष्यों में जो जीवन के अन्त तक ओंकार का ध्यान करता है, वह उससे कौन सा लोक जीतता है?" ऋषि ने उन्हें उत्तर दिया:

एतद्वै सत्यकाम परं चापरं च ब्रह्म यदोङ्कारः ।
तस्माद्विद्वानेतेनैवायतनेनैकतरमन्वेति

etadvai satyakāma paraṃ cāparaṃ ca brahma yadoṅkāraḥ |
tasmādvidvānetenaivāyatanenaikataramanveti

हे सत्यकाम, यह ओंकार ही पर और अपर दोनों ब्रह्म है। इसलिए विद्वान इसी आश्रय से इनमें से एक को प्राप्त करता है।

स यद्येकमात्रमभिध्यायीत स तेनैव संवेदितस्तूर्णमेव
जगत्याभिसंपद्यते । तमृचो मनुष्यलोकमुपनयन्ते स तत्र
तपसा ब्रह्मचर्येण श्रद्धया संपन्नो महिमानमनुभवति

sa yadyekamātramabhidhyāyīta sa tenaiva saṃveditastūrṇameva
jagatyābhisaṃpadyate | tamṛco manuṣyalokamupanayante sa tatra
tapasā brahmacaryeṇa śraddhayā saṃpanno mahimānamanubhavati

यदि वह उसकी एक मात्रा का ध्यान करता है, तो उसी से बोध पाकर शीघ्र ही पृथ्वी पर लौट आता है। ऋचाएँ उसे मनुष्यलोक में ले जाती हैं। वहाँ वह तप, ब्रह्मचर्य और श्रद्धा से सम्पन्न होकर महिमा का अनुभव करता है।

अथ यदि द्विमात्रेण मनसि संपद्यते सोऽन्तरिक्षं
यजुर्भिरुन्नीयते सोमलोकम् । स सोमलोके विभूतिमनुभूय
पुनरावर्तते

atha yadi dvimātreṇa manasi saṃpadyate so'ntarikṣaṃ
yajurbhirunnīyate somalokam | sa somaloke vibhūtimanubhūya
punarāvartate

यदि वह दो मात्राओं से मन में एक होता है, तो यजुष् मन्त्र उसे ऊपर अन्तरिक्ष में, सोमलोक तक ले जाते हैं। सोमलोक में वैभव का अनुभव करके वह फिर लौट आता है।

यः पुनरेतं त्रिमात्रेणोमित्येतेनैवाक्षरेण परं पुरुषमभि-
ध्यायीत स तेजसि सूर्ये संपन्नः । यथा पादोदरस्त्वचा
विनिर्मुच्यत एवं ह वै स पाप्मना विनिर्मुक्तः स
सामभिरुन्नीयते ब्रह्मलोकं स एतस्माज्जीवघनात् परात्परं
पुरिशयं पुरुषमीक्षते । तदेतौ श्लोकौ भवतः

yaḥ punaretaṃ trimātreṇomityetenaivākṣareṇa paraṃ puruṣamabhi-
dhyāyīta sa tejasi sūrye saṃpannaḥ | yathā pādodarastvacā
vinirmucyata evaṃ ha vai sa pāpmanā vinirmuktaḥ sa
sāmabhirunnīyate brahmalokaṃ sa etasmājjīvaghanāt parātparaṃ
puriśayaṃ puruṣamīkṣate | tadetau ślokau bhavataḥ

परन्तु जो तीन मात्राओं वाले इस ओम् अक्षर से परम पुरुष का ध्यान करता है, वह सूर्य के तेज से एक हो जाता है। जैसे साँप अपनी केंचुली से छूट जाता है, वैसे ही वह पाप से छूट जाता है। साम मन्त्र उसे ब्रह्मलोक तक ले जाते हैं। वहाँ वह जीवों के समूह से भी परे, हर शरीर में बसने वाले परात्पर पुरुष का दर्शन करता है। इस पर दो श्लोक हैं:

तिस्रो मात्रा मृत्युमत्यः प्रयुक्ता
अन्योन्यसक्ताः अनविप्रयुक्ताः ।
क्रियासु बाह्याभ्यन्तरमध्यमासु
सम्यक् प्रयुक्तासु न कम्पते ज्ञः

tisro mātrā mṛtyumatyaḥ prayuktā
anyonyasaktāḥ anaviprayuktāḥ |
kriyāsu bāhyābhyantaramadhyamāsu
samyak prayuktāsu na kampate jñaḥ

तीनों मात्राएँ अलग-अलग प्रयोग की जाएँ तो मृत्यु के क्षेत्र में ही रहती हैं। पर जब वे एक-दूसरे से जुड़कर बाहरी, भीतरी और मध्य क्रियाओं में ठीक से प्रयुक्त होती हैं, तब ज्ञानी विचलित नहीं होता।

ऋग्भिरेतं यजुर्भिरन्तरिक्षं
सामभिर्यत् तत् कवयो वेदयन्ते ।
तमोङ्कारेणैवायतनेनान्वेति विद्वान्
यत्तच्छान्तमजरममृतमभयं परं चेति

ṛgbhiretaṃ yajurbhirantarikṣaṃ
sāmabhiryat tat kavayo vedayante |
tamoṅkāreṇaivāyatanenānveti vidvān
yattacchāntamajaramamṛtamabhayaṃ paraṃ ceti

ऋचाओं से यह लोक मिलता है, यजुष् से अन्तरिक्ष, और साम से वह जिसे कवि जानते हैं। विद्वान ओंकार के ही आश्रय से उस परम तत्त्व को पाता है जो शान्त, अजर, अमृत और अभय है।