अध्याय 43: भाइयों को कौरवों के भवन मिलना

ततो विसर्जयामास सर्वास्ताः प्रकृतीर्नृपः ।
विविशुश्चाभ्यनुज्ञाता यथास्वानि गृहाणि ते

tato visarjayāmāsa sarvāstāḥ prakṛtīrnṛpaḥ |
viviśuścābhyanujñātā yathāsvāni gṛhāṇi te

ततो युधिष्ठिरो राजा भीमं भीमपराक्रमम् ।
सान्त्वयन्नब्रवीच्छ्रीमानर्जुनं यमजौ तथा

tato yudhiṣṭhiro rājā bhīmaṃ bhīmaparākramam |
sāntvayannabravīcchrīmānarjunaṃ yamajau tathā

शत्रुभिर्विविधैः शस्त्रैः क्षतदेहा महारणे ।
श्रान्ता भवन्तः सुभृशं तापिताः शोकमन्युभिः

śatrubhirvividhaiḥ śastraiḥ kṣatadehā mahāraṇe |
śrāntā bhavantaḥ subhṛśaṃ tāpitāḥ śokamanyubhiḥ

अरण्ये दुःखवसतिर्मत्कृते भरतर्षभाः ।
भवद्भिरनुभूता हि यथा कापुरुषैस्तथा

araṇye duḥkhavasatirmatkṛte bharatarṣabhāḥ |
bhavadbhiranubhūtā hi yathā kāpuruṣaistathā

यथासुखं यथाजोषं जयोऽयमनुभूयताम् ।
विश्रान्ताँल्लब्धविश्वासाञ्श्वः समेताऽस्मि वः पुनः

yathāsukhaṃ yathājoṣaṃ jayo'yamanubhūyatām |
viśrāntām̐llabdhaviśvāsāñśvaḥ sametā'smi vaḥ punaḥ

ततो दुर्योधनगृहं प्रासादैरुपशोभितम् ।
बहुरत्नसमाकीर्णं दासीदाससमाकुलम्

tato duryodhanagṛhaṃ prāsādairupaśobhitam |
bahuratnasamākīrṇaṃ dāsīdāsasamākulam

धृतराष्ट्राभ्यनुज्ञातं भ्रात्रा दत्तं वृकोदरः ।
प्रतिपेदे महाबाहुर्मन्दिरं मघवानिव

dhṛtarāṣṭrābhyanujñātaṃ bhrātrā dattaṃ vṛkodaraḥ |
pratipede mahābāhurmandiraṃ maghavāniva

यथा दुर्योधनगृहं तथा दुःशासनस्य तु ।
प्रासादभालासंयुक्तं हेमतोरणभूषितम्

yathā duryodhanagṛhaṃ tathā duḥśāsanasya tu |
prāsādabhālāsaṃyuktaṃ hematoraṇabhūṣitam

दासीदाससुसंपूर्णं प्रभूतधनधान्यवत् ।
प्रतिपेदे महाबाहुरर्जुनो राजशासनात्

dāsīdāsasusaṃpūrṇaṃ prabhūtadhanadhānyavat |
pratipede mahābāhurarjuno rājaśāsanāt

दुर्मर्षणस्य भवनं दुःशासनगृहाद्वरम् ।
कुबेरभवनप्रख्यं मणिहेमविभूषितम्

durmarṣaṇasya bhavanaṃ duḥśāsanagṛhādvaram |
kuberabhavanaprakhyaṃ maṇihemavibhūṣitam

नकुलाय वरार्हाय कर्शिताय महावने ।
ददौ प्रीतो महाराज धर्मपुत्रो युधिष्ठिरः

nakulāya varārhāya karśitāya mahāvane |
dadau prīto mahārāja dharmaputro yudhiṣṭhiraḥ

दुर्मुखस्य च वेश्माग्र्यं श्रीमत्कनकभूषणम् ।
पूर्णपझदलाक्षीणां स्त्रीणां शयनसंकुलम्

durmukhasya ca veśmāgryaṃ śrīmatkanakabhūṣaṇam |
pūrṇapajhadalākṣīṇāṃ strīṇāṃ śayanasaṃkulam

प्रददौ सहदेवाय संततं प्रियकारिणे ।
मुमुदे तच्च लब्ध्वाऽसौ कैलासं धनदो यथा

pradadau sahadevāya saṃtataṃ priyakāriṇe |
mumude tacca labdhvā'sau kailāsaṃ dhanado yathā

युयुत्सुर्विदुरश्चैव सञ्जयश्च विशांपते ।
सुधर्मा चैव धौम्यश्च यथा स्वाञ्जग्मुरालयान्

yuyutsurviduraścaiva sañjayaśca viśāṃpate |
sudharmā caiva dhaumyaśca yathā svāñjagmurālayān

सह सात्यकिना शौरिरर्जुनस्य निवेशनम् ।
विवेश पुरुषव्याघ्रो व्याघ्रो गिरिगुहामिव

saha sātyakinā śaurirarjunasya niveśanam |
viveśa puruṣavyāghro vyāghro giriguhāmiva

तत्र भक्ष्यान्नपानैस्ते मुदिताः सुसुखोषिताः ।
सुखप्रबद्धा राजानमुपतस्थुर्युधिष्ठिरम्

tatra bhakṣyānnapānaiste muditāḥ susukhoṣitāḥ |
sukhaprabaddhā rājānamupatasthuryudhiṣṭhiram