अध्याय 24: गणपति, दुर्गा और त्रिपुरा का पूजन

वक्ष्ये गणादिकाः पूजाः सर्वदा स्वर्गदाः पराः ।
गणासनं गणमूर्त्तिं गणाधिपतिमर्च्चयेत्

vakṣye gaṇādikāḥ pūjāḥ sarvadā svargadāḥ parāḥ |
gaṇāsanaṃ gaṇamūrttiṃ gaṇādhipatimarccayet

गामादिहृदयाद्यंगं दुर्गाया गुरुपादुकाः ।
दुर्गासनं च तन्मूर्त्तिं ह्रीं दुर्गे रक्षणीति च

gāmādihṛdayādyaṃgaṃ durgāyā gurupādukāḥ |
durgāsanaṃ ca tanmūrttiṃ hrīṃ durge rakṣaṇīti ca

ह्रृदादिकं नव शक्त्यो रुद्रचण्डा प्रचण्डया ।
चण्डोग्रा चण्डनायिका चण्डा चण्डवती क्रमात्

hrṛdādikaṃ nava śaktyo rudracaṇḍā pracaṇḍayā |
caṇḍogrā caṇḍanāyikā caṇḍā caṇḍavatī kramāt

चण्रूपा चण्डिकाख्या दुर्गेदुर्गेऽथ रक्षिणि ।
वज्रखड्गादिका मुद्राः शिवाद्या वह्निदेशतः

caṇrūpā caṇḍikākhyā durgedurge'tha rakṣiṇi |
vajrakhaḍgādikā mudrāḥ śivādyā vahnideśataḥ

सदाशिवमहाप्रेतपद्मासनमथापि वा ।
ऐं क्लीं
सौस्त्रिपुरायै नमः ।
ॐ ह्रां ह्रीं क्षें क्षैं स्त्रीं स्कीं रों स्फें स्फीं शां पद्मासनं च मूर्त्तिं च त्रिपुराह्रृदयादिकम्

sadāśivamahāpretapadmāsanamathāpi vā |
aiṃ klīṃ
saustripurāyai namaḥ |
oṃ hrāṃ hrīṃ kṣeṃ kṣaiṃ strīṃ skīṃ roṃ spheṃ sphīṃ śāṃ padmāsanaṃ ca mūrttiṃ ca tripurāhrṛdayādikam

पीठाम्बुजे तु ब्राहयादीर्ब्रह्माणी च महेश्वरी ।
कौमारी वैष्णवी पूज्या वाराही चेन्द्रदेवता

pīṭhāmbuje tu brāhayādīrbrahmāṇī ca maheśvarī |
kaumārī vaiṣṇavī pūjyā vārāhī cendradevatā

चामुण्डा चण्डिका पूज्या भैरवाख्यांस्ततो यजेत् ।
असितांगोरुरुश्चण्डः क्रोध उन्मत्तभैरवः

cāmuṇḍā caṇḍikā pūjyā bhairavākhyāṃstato yajet |
asitāṃgoruruścaṇḍaḥ krodha unmattabhairavaḥ

कपाली भीषणश्चैव संहारश्चाष्ट भैरवाः ।
रतिः प्रीतिः कामदेवः पञ्च बाणाश्च योगिनी

kapālī bhīṣaṇaścaiva saṃhāraścāṣṭa bhairavāḥ |
ratiḥ prītiḥ kāmadevaḥ pañca bāṇāśca yoginī

वटुकं दुर्गया विघ्नराजो गुरुश्च क्षेत्रपः ।
पद्मगर्भे मण्डले च त्रिकोणे चिन्तयेद्धृदि

vaṭukaṃ durgayā vighnarājo guruśca kṣetrapaḥ |
padmagarbhe maṇḍale ca trikoṇe cintayeddhṛdi

शुक्लां वरदाक्षसूत्रपुस्ताभयसमन्विताम् ।
लक्षजप्याच्च होमाच्च त्रिपुरा सिद्धिदा भवेत्

śuklāṃ varadākṣasūtrapustābhayasamanvitām |
lakṣajapyācca homācca tripurā siddhidā bhavet