अध्याय 5: या देवी स्तुति और शुम्भ का प्रस्ताव

पुरा शुम्भनिशुम्भाभ्यामसुराभ्यां शचीपतेः ।
त्रैलोक्यं यज्ञभागाश्च हृता मदबलाश्रयात्

purā śumbhaniśumbhābhyāmasurābhyāṃ śacīpateḥ |
trailokyaṃ yajñabhāgāśca hṛtā madabalāśrayāt

ऋषि बोले: पूर्वकाल में शुम्भ और निशुम्भ नाम के असुरों ने अपने बल के घमंड के सहारे शचीपति इन्द्र से तीनों लोक और यज्ञ के भाग छीन लिए।

तावेव सूर्यतां तद्वदधिकारं तथैन्दवम् ।
कौबेरमथ याम्यं च चक्राते वरुणस्य च

tāveva sūryatāṃ tadvadadhikāraṃ tathaindavam |
kauberamatha yāmyaṃ ca cakrāte varuṇasya ca

उन दोनों ने ही सूर्य का अधिकार ले लिया, और उसी प्रकार चन्द्रमा, कुबेर, यम और वरुण के अधिकार भी अपने हाथ में ले लिए।

तावेव पवनर्धि च चक्रतुर्वह्निकर्म च ।
अन्येषाञ्चाधिकारान् स स्वयमेवाधितिष्ठति ।
ततो देवा विनिर्धूता भ्रष्टराज्याः पराजिताः

tāveva pavanardhi ca cakraturvahnikarma ca |
anyeṣāñcādhikārān sa svayamevādhitiṣṭhati |
tato devā vinirdhūtā bhraṣṭarājyāḥ parājitāḥ

वायु का बल और अग्नि का कर्म भी उन्होंने अपने अधीन कर लिया, और अन्य देवताओं के अधिकार भी स्वयं सँभाल लिए। तब देवता अपमानित, राज्यहीन और पराजित हो गए।

हृताधिकारास्त्रिदशास्ताभ्यां सर्वे निराकृताः ।
महासुराभ्यां तां देवीं संस्मरन्त्यपराजिताम्

hṛtādhikārāstridaśāstābhyāṃ sarve nirākṛtāḥ |
mahāsurābhyāṃ tāṃ devīṃ saṃsmarantyaparājitām

उन दोनों महादैत्यों ने सभी देवताओं के अधिकार छीनकर उन्हें निकाल दिया था। तब देवताओं ने उन अपराजिता देवी का स्मरण किया।

तयास्माकं वरो दत्तो यथाऽपत्सु स्मृताखिलाः ।
भवतां नाशयिष्यामि तत्क्षणात् परमापदः

tayāsmākaṃ varo datto yathā'patsu smṛtākhilāḥ |
bhavatāṃ nāśayiṣyāmi tatkṣaṇāt paramāpadaḥ

उन्होंने सोचा, देवी ने हमें वर दिया है कि विपत्ति में स्मरण करने पर मैं उसी क्षण तुम्हारी सारी बड़ी विपत्तियों का नाश कर दूँगी।

इति कृत्वा मतिं देवा हिमवन्तं नगेश्वरम् ।
जग्मुस्तत्र ततो देवीं विष्णुमायां प्रतुष्टुवुः

iti kṛtvā matiṃ devā himavantaṃ nageśvaram |
jagmustatra tato devīṃ viṣṇumāyāṃ pratuṣṭuvuḥ

ऐसा निश्चय करके देवता पर्वतराज हिमालय पर गए और वहाँ विष्णुमाया देवी की स्तुति करने लगे।

नमो देव्यै महादेव्यै शिवायै सततं नमः ।
नमः प्रकृत्यै भद्रायै नियताः प्रणताः स्म ताम्

namo devyai mahādevyai śivāyai satataṃ namaḥ |
namaḥ prakṛtyai bhadrāyai niyatāḥ praṇatāḥ sma tām

देवता बोले: देवी को नमस्कार है, महादेवी को नमस्कार है, कल्याणमयी शिवा को सदा नमस्कार है। प्रकृति और भद्रा को नमस्कार है। हम एकाग्र होकर उन्हें प्रणाम करते हैं।

रौद्रायै नमो नित्यायौ गौर्यै धात्र्यै नमो नमः ।
नमो जगत्प्रतिष्ठायै देव्यै कृत्यै नमो नमः

raudrāyai namo nityāyau gauryai dhātryai namo namaḥ |
namo jagatpratiṣṭhāyai devyai kṛtyai namo namaḥ

रौद्रा को नमस्कार है, नित्या, गौरी और धात्री को बार बार नमस्कार है। जगत की आधार स्वरूपा देवी को, कृति रूपा देवी को बार बार नमस्कार है।

द्योत्स्त्रायै चेन्दुरूपिण्यै सुखायै सततं नमः ।
कल्याण्यै प्रणतां वृद्ध्यै सिद्ध्यै कुर्मो नमो नमः

dyotstrāyai cendurūpiṇyai sukhāyai satataṃ namaḥ |
kalyāṇyai praṇatāṃ vṛddhyai siddhyai kurmo namo namaḥ

चाँदनी रूपा, चन्द्ररूपिणी और सुखस्वरूपा देवी को सदा नमस्कार है। शरणागतों के लिए कल्याणी, वृद्धि और सिद्धि रूपा देवी को हम बार बार नमस्कार करते हैं।

नैरृत्यै भूभृतां लक्ष्म्यै शर्वाण्यै ते नमो नमः ।
दुर्गायै दुर्गपारायै सारायै सर्वकारिण्यै ।
ख्यात्यै तथैव कृष्णायै धूम्रायै सततं नमः

nairṛtyai bhūbhṛtāṃ lakṣmyai śarvāṇyai te namo namaḥ |
durgāyai durgapārāyai sārāyai sarvakāriṇyai |
khyātyai tathaiva kṛṣṇāyai dhūmrāyai satataṃ namaḥ

दुष्टों के लिए नैर्ऋती रूप, राजाओं की लक्ष्मी और शिवपत्नी शर्वाणी, आपको बार बार नमस्कार है। दुर्गा को, जो संकट से पार कराती हैं, सबकी सार और सबकी कर्ता को, ख्याति को, कृष्णा और धूम्रा को सदा नमस्कार है।

अतिसौम्यातिरौद्रायै नतास्तस्यै नमो नमः ।
नमो जगत्प्रतिष्ठायै देव्यै कृत्यै नमो नमः

atisaumyātiraudrāyai natāstasyai namo namaḥ |
namo jagatpratiṣṭhāyai devyai kṛtyai namo namaḥ

जो अत्यंत सौम्य और अत्यंत रौद्र हैं, उन्हें हम प्रणाम करते हैं, उन्हें बार बार नमस्कार है। जगत की आधार और कृति रूपा देवी को बार बार नमस्कार है।

या देवी सर्वभूतेषु विष्णुमायेति शब्दिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu viṣṇumāyeti śabditā |
namastasyai namastasyai namastasyai namo namaḥ

जो देवी सब प्राणियों में विष्णुमाया कहलाती हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु चेतनेत्यभिधीयते ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu cetanetyabhidhīyate |
namastasyai namastasyai namastasyai namo namaḥ

जो देवी सब प्राणियों में चेतना कहलाती हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु बुद्धिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu buddhirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में बुद्धि रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु निद्रारूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu nidrārūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में निद्रा रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु क्षुधारूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu kṣudhārūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में क्षुधा रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु च्छायारूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu cchāyārūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में छाया रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु शक्तिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu śaktirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में शक्ति रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु तृष्णारूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu tṛṣṇārūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में तृष्णा रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु क्षान्तिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu kṣāntirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में क्षमा रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु जातिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu jātirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में जाति रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु लज्जारूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu lajjārūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में लज्जा रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु शान्तिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu śāntirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में शान्ति रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु श्रद्धारूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu śraddhārūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में श्रद्धा रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु कान्तिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu kāntirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में कान्ति रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु लक्ष्मीरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu lakṣmīrūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में लक्ष्मी रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु धृतिरूपेण संस्थिता ।
तमस्तस्यै नमस्तस्यै नमस्तस्यै नमो नमः

yā devī sarvabhūteṣu dhṛtirūpeṇa saṃsthitā |
tamastasyai namastasyai namastasyai namo namaḥ

जो देवी सब प्राणियों में धृति रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु वृत्तिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu vṛttirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में वृत्ति रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु स्मृतिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu smṛtirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में स्मृति रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु दयारूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu dayārūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में दया रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु नीतिरूपेणं संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu nītirūpeṇaṃ saṃsthitā |
namastasyai namastasyai namastasyai namo namaḥ

जो देवी सब प्राणियों में नीति रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु तुष्टिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu tuṣṭirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में तुष्टि रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु पुष्टिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu puṣṭirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में पुष्टि रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु मातृरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu mātṛrūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में माता रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

या देवी सर्वभूतेषु भ्रान्तिरूपेण संस्थिता ।
नमस्तस्यै नमस्तस्यै नमस्तस्यै नमो नमः

yā devī sarvabhūteṣu bhrāntirūpeṇa saṃsthitā |
namastasyai namastasyai namastasyai namo namaḥ

जो देवी सब प्राणियों में भ्रान्ति रूप से स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

इन्द्रियाणामधिष्ठात्री भूतानां चाखिलेषु या ।
भूतेषु सततं तस्यै व्याप्तिदेव्यै नमो नमः

indriyāṇāmadhiṣṭhātrī bhūtānāṃ cākhileṣu yā |
bhūteṣu satataṃ tasyai vyāptidevyai namo namaḥ

जो समस्त प्राणियों की इन्द्रियों की अधिष्ठात्री हैं और सब प्राणियों में सदा व्याप्त रहती हैं, उन व्याप्ति रूपा देवी को बार बार नमस्कार है।

चितिरूपेण या कृत्स्त्रमेतद् व्याप्य स्थिता जगत् ।
नमस्तस्यै नमस्तस्यै नमस्तस्यै नमो नमः

citirūpeṇa yā kṛtstrametad vyāpya sthitā jagat |
namastasyai namastasyai namastasyai namo namaḥ

जो चैतन्य रूप से इस सम्पूर्ण जगत को व्याप्त करके स्थित हैं, उन्हें नमस्कार है, उन्हें नमस्कार है, उन्हें नमस्कार है, बार बार नमस्कार है।

स्तु ता सुरैः पूर्वमभीष्टसंश्रयात्
तथासुरेन्द्रेण दिनेषु सेविता ।
करोतु सा नः शुभहेतुरीश्वरी
शुभानि भद्राण्यभिहन्तु चापदः

stu tā suraiḥ pūrvamabhīṣṭasaṃśrayāt
tathāsurendreṇa dineṣu sevitā |
karotu sā naḥ śubhaheturīśvarī
śubhāni bhadrāṇyabhihantu cāpadaḥ

पूर्वकाल में अपनी अभीष्ट सिद्धि के लिए देवताओं ने जिनकी स्तुति की और देवराज इन्द्र ने बहुत दिनों तक जिनकी सेवा की, वे कल्याण की कारण ईश्वरी हमारा शुभ और मंगल करें तथा हमारी विपत्तियों का नाश करें।

या साम्प्रतं चोद्धतदैत्यतापितैर्
अस्माभिरीशा च सुरैर्नमस्यते ।
या च स्मृता तत्क्षणमेव हन्ति नः
सर्वापदो भक्तिविनम्कमूर्तिभिः

yā sāmprataṃ coddhatadaityatāpitair
asmābhirīśā ca surairnamasyate |
yā ca smṛtā tatkṣaṇameva hanti naḥ
sarvāpado bhaktivinamkamūrtibhiḥ

उद्दण्ड दैत्यों से सताए हुए हम देवता इस समय जिन ईश्वरी को नमस्कार कर रहे हैं, और जो भक्ति से झुके शरीर वाले हमारे स्मरण करते ही उसी क्षण हमारी सब विपत्तियाँ नष्ट कर देती हैं, वे हमारा कल्याण करें।

ऋषिरूवाच
एवं स्तवादियुक्तानां देवानां तत्र पार्वती ।
स्नातुमभ्याययौ तोये जाह्नव्या नृपनन्दन

ṛṣirūvāca
evaṃ stavādiyuktānāṃ devānāṃ tatra pārvatī |
snātumabhyāyayau toye jāhnavyā nṛpanandana

ऋषि बोले: हे राजकुमार, जब देवता इस प्रकार स्तुति कर रहे थे, उसी समय पार्वती गंगा के जल में स्नान करने वहाँ आईं।

साब्रवीत्तान् सुरान् सुभ्रूर्भवद्भिः स्तूयतेऽत्र का ।
शरीरकोशतश्चास्याः समुद्भूताब्रवीच्छिवा

sābravīttān surān subhrūrbhavadbhiḥ stūyate'tra kā |
śarīrakośataścāsyāḥ samudbhūtābravīcchivā

सुंदर भौंहों वाली पार्वती ने उन देवताओं से पूछा, 'आप लोग यहाँ किसकी स्तुति कर रहे हैं?' तब उन्हीं के शरीरकोश से प्रकट होकर शिवा देवी ने उत्तर दिया।

स्तोत्रं ममैतत् क्रियते शुम्भदैत्यनिराकृतैः ।
देवैः समेतैः समरे निशुम्भेन पराजितैः

stotraṃ mamaitat kriyate śumbhadaityanirākṛtaiḥ |
devaiḥ sametaiḥ samare niśumbhena parājitaiḥ

यह स्तुति मेरी ही की जा रही है। शुम्भ दैत्य द्वारा निकाले गए और युद्ध में निशुम्भ से हारे हुए देवता यहाँ एकत्र होकर यह स्तोत्र कर रहे हैं।

शरीरकोशाद्यत्तस्याः पार्वत्या निः सृताम्बिका ।
कौशिकीति समस्तेषु ततो लोकेषु गीयते

śarīrakośādyattasyāḥ pārvatyā niḥ sṛtāmbikā |
kauśikīti samasteṣu tato lokeṣu gīyate

पार्वती के शरीरकोश से अम्बिका प्रकट हुईं, इसलिए वे सब लोकों में कौशिकी नाम से गाई जाती हैं।

तस्यां विनिर्गतायां तु कृष्णाभूत् सापि पार्वती ।
कालिकेति समाख्याता हिमाचलकृताश्रया

tasyāṃ vinirgatāyāṃ tu kṛṣṇābhūt sāpi pārvatī |
kāliketi samākhyātā himācalakṛtāśrayā

उनके निकल जाने पर पार्वती स्वयं काले वर्ण की हो गईं और हिमालय पर निवास करने वाली कालिका नाम से प्रसिद्ध हुईं।

ततोऽम्बिकां परं रूपं बिभ्राणां सुमनोहरम् ।
ददर्श चण्डो मुण्डश्च भृत्यौ शुम्भनिशुम्भयोः

tato'mbikāṃ paraṃ rūpaṃ bibhrāṇāṃ sumanoharam |
dadarśa caṇḍo muṇḍaśca bhṛtyau śumbhaniśumbhayoḥ

तब शुम्भ और निशुम्भ के सेवक चण्ड और मुण्ड ने परम मनोहर रूप धारण किए हुए अम्बिका को देखा।

ताभ्यां शुम्भाय चाख्याता अतीव सुमनोहरा ।
काप्यास्ते स्त्री महाराज भासयन्ती हिमाचलम्

tābhyāṃ śumbhāya cākhyātā atīva sumanoharā |
kāpyāste strī mahārāja bhāsayantī himācalam

उन्होंने शुम्भ से कहा, 'महाराज, कोई अत्यंत मनोहर स्त्री वहाँ रहती है, जो हिमालय को अपनी कांति से प्रकाशित कर रही है।

नैव तादृक् क्वचिद्रूपं दृष्टं केनचिदुत्तमम् ।
ज्ञायतां काप्यसौ देवी गृह्यतां चासुरेश्वर

naiva tādṛk kvacidrūpaṃ dṛṣṭaṃ kenaciduttamam |
jñāyatāṃ kāpyasau devī gṛhyatāṃ cāsureśvara

ऐसा उत्तम रूप किसी ने कहीं नहीं देखा। हे असुरेश्वर, पता लगाइए कि वह देवी कौन है, और उसे प्राप्त कीजिए।

स्त्रीरत्नमतिचार्वङ्गी द्योतयन्ती दिशस्त्विषा ।
सा तु तिष्ठति दैत्येन्द्र तां भवान् द्रष्टुमर्हति

strīratnamaticārvaṅgī dyotayantī diśastviṣā |
sā tu tiṣṭhati daityendra tāṃ bhavān draṣṭumarhati

वह स्त्रियों में रत्न है, उसके अंग अत्यंत सुंदर हैं और वह अपनी आभा से दिशाओं को प्रकाशित करती है। हे दैत्येन्द्र, वह वहीं ठहरी है, आपको उसे देखना चाहिए।

यानि रत्नानि मणयो गजाश्वादीनि वै प्रभो ।
त्रैलोक्ये तु समस्तानि साम्प्रतं भान्ति ते गृहे

yāni ratnāni maṇayo gajāśvādīni vai prabho |
trailokye tu samastāni sāmprataṃ bhānti te gṛhe

हे प्रभु, तीनों लोकों में जितने रत्न, मणियाँ, हाथी, घोड़े आदि हैं, वे सब इस समय आपके घर में शोभा पा रहे हैं।

ऐरावतः समानीतो गजरत्नं पुरन्दरात् ।
पारिजाततरुश्चायं तथैवोच्चैः श्रवा हयः

airāvataḥ samānīto gajaratnaṃ purandarāt |
pārijātataruścāyaṃ tathaivoccaiḥ śravā hayaḥ

हाथियों में रत्न ऐरावत पुरन्दर इन्द्र से लाया गया है। यह पारिजात वृक्ष और उच्चैःश्रवा घोड़ा भी।

विमानं हंससंयुक्तमेतत्तिष्ठति तेऽङ्गणे ।
रत्नभूतमिहानीतं यदासीद्वेधसोऽद्भुतम्

vimānaṃ haṃsasaṃyuktametattiṣṭhati te'ṅgaṇe |
ratnabhūtamihānītaṃ yadāsīdvedhaso'dbhutam

हंसों से जुता हुआ यह अद्भुत विमान, जो ब्रह्मा का रत्न था, यहाँ लाया गया है और आपके आँगन में खड़ा है।

निधिरेष महापद्मः समानीतो धनेश्वरात् ।
किञ्जल्किनीं ददौ चाब्धिर्मालामम्लानपङ्कजाम्

nidhireṣa mahāpadmaḥ samānīto dhaneśvarāt |
kiñjalkinīṃ dadau cābdhirmālāmamlānapaṅkajām

यह महापद्म नाम की निधि धनपति कुबेर से लाई गई है। समुद्र ने भी आपको केसर से भरे, कभी न मुरझाने वाले कमलों की माला दी है।

छत्रं ते वारुणं गेहे काञ्चनस्त्रावि तिष्ठति ।
तथायं स्यन्तनवरो यः पुरासीत् प्रजापतेः

chatraṃ te vāruṇaṃ gehe kāñcanastrāvi tiṣṭhati |
tathāyaṃ syantanavaro yaḥ purāsīt prajāpateḥ

सोना बरसाने वाला वरुण का छत्र आपके घर में है, और यह श्रेष्ठ रथ भी, जो पहले प्रजापति का था।

मृत्योरुत्क्रान्तिदा नाम शक्तिरीश त्वया हृता ।
पाशः सलिलराजस्य भ्रातुस्तव परिग्रहे

mṛtyorutkrāntidā nāma śaktirīśa tvayā hṛtā |
pāśaḥ salilarājasya bhrātustava parigrahe

हे स्वामी, मृत्यु से आपने उत्क्रान्तिदा नाम की शक्ति छीन ली है, जो प्राण निकालती है। जल के राजा वरुण का पाश आपके भाई के अधिकार में है।

निशुम्भस्याब्धिजाताश्च समस्ता रत्नजातयः ।
वह्निरपि ददौ तुभ्यमग्निशौचे च वाससी

niśumbhasyābdhijātāśca samastā ratnajātayaḥ |
vahnirapi dadau tubhyamagniśauce ca vāsasī

समुद्र से उत्पन्न सब प्रकार के रत्न निशुम्भ के पास हैं। अग्नि ने भी आपको अग्नि से शुद्ध होने वाले दो वस्त्र दिए हैं।

एवं दैत्येन्द्र रत्नानि समस्तान्याहृतानि ते ।
स्त्रीरत्नमेषा कल्याणी त्वया कस्मान्न गृह्यते

evaṃ daityendra ratnāni samastānyāhṛtāni te |
strīratnameṣā kalyāṇī tvayā kasmānna gṛhyate

हे दैत्येन्द्र, इस प्रकार सारे रत्न आपके पास आ गए हैं। फिर स्त्रियों में रत्न इस कल्याणी को आप क्यों नहीं ग्रहण करते?'

निशम्येति वचः शुम्भः स तदा चण्डमुण्डयोः ।
प्रेषयामास सुग्रीवं दूतं देव्या महासुरः

niśamyeti vacaḥ śumbhaḥ sa tadā caṇḍamuṇḍayoḥ |
preṣayāmāsa sugrīvaṃ dūtaṃ devyā mahāsuraḥ

ऋषि बोले: चण्ड और मुण्ड की यह बात सुनकर महादैत्य शुम्भ ने सुग्रीव नामक दूत को देवी के पास भेजा।

इति चेति च वक्तव्या सा गत्वा वचनान्मम ।
यथा चाभ्येति संप्रीत्या तथा कार्यं त्वया लघु

iti ceti ca vaktavyā sā gatvā vacanānmama |
yathā cābhyeti saṃprītyā tathā kāryaṃ tvayā laghu

शुम्भ बोला: जाओ, मेरी ओर से उससे ऐसा ऐसा कहना। शीघ्र वही करना जिससे वह प्रसन्न होकर मेरे पास आ जाए।

स तत्र गत्वा यत्रास्ते शैलोद्देशेऽतिशोभने ।
तां च देवीं ततः प्राह श्लक्ष्णं मधुरया गिरा

sa tatra gatvā yatrāste śailoddeśe'tiśobhane |
tāṃ ca devīṃ tataḥ prāha ślakṣṇaṃ madhurayā girā

वह पर्वत के उस अत्यंत सुंदर स्थान पर गया जहाँ देवी थीं, और कोमल तथा मधुर वाणी में उनसे बोला।

देवि दैत्येश्वरः शुम्भस्त्रैलोक्ये परमेश्वरः ।
दूतोऽहं प्रेषितस्तेन त्वत्सकाशमिहागतः

devi daityeśvaraḥ śumbhastrailokye parameśvaraḥ |
dūto'haṃ preṣitastena tvatsakāśamihāgataḥ

दूत बोला: हे देवी, दैत्यराज शुम्भ तीनों लोकों का परमेश्वर है। मैं उसका दूत हूँ और उसी के भेजने पर आपके पास आया हूँ।

अव्याहताज्ञः सर्वासु यः सदा देवयोनिषु ।
निर्जिताखिलदैत्यारिः स यदाह शृणुष्व तत्

avyāhatājñaḥ sarvāsu yaḥ sadā devayoniṣu |
nirjitākhiladaityāriḥ sa yadāha śṛṇuṣva tat

सभी देवयोनियों में उसकी आज्ञा कभी नहीं टलती और उसने दैत्यों के सब शत्रुओं को जीत लिया है। उसने जो कहा है, उसे सुनिए।

मम त्रैलोक्यमखिलं मम देवा वशानुगाः ।
यज्ञभागानहं सर्वानुपाश्नामि पृथक् पृथक्

mama trailokyamakhilaṃ mama devā vaśānugāḥ |
yajñabhāgānahaṃ sarvānupāśnāmi pṛthak pṛthak

सारी त्रिलोकी मेरी है और देवता मेरे वश में हैं। सब यज्ञभागों को मैं ही अलग अलग भोगता हूँ।

त्रैलोक्ये वररत्नानि मम वश्यान्यशेषतः ।
तथैव गजरत्नं च हृत्वा देवेन्द्रवाहनम्

trailokye vararatnāni mama vaśyānyaśeṣataḥ |
tathaiva gajaratnaṃ ca hṛtvā devendravāhanam

तीनों लोकों के सब श्रेष्ठ रत्न पूरी तरह मेरे अधीन हैं। देवराज इन्द्र का वाहन गजरत्न भी मैं छीन लाया हूँ।

क्षीरोदमथनोद्भूतमश्वरत्नं ममामरैः ।
उच्चैः श्रवससंज्ञं तत्प्रणिपत्य समर्पितम्

kṣīrodamathanodbhūtamaśvaratnaṃ mamāmaraiḥ |
uccaiḥ śravasasaṃjñaṃ tatpraṇipatya samarpitam

क्षीरसागर के मंथन से निकले उच्चैःश्रवा नाम के अश्वरत्न को देवताओं ने प्रणाम करके मुझे सौंप दिया है।

यानि चान्यानि देवेषु गन्धर्वेषूरगेषु च ।
रत्नभूतानि भूतानि तानि मय्येव शोभने

yāni cānyāni deveṣu gandharveṣūrageṣu ca |
ratnabhūtāni bhūtāni tāni mayyeva śobhane

हे सुंदरी, देवताओं, गन्धर्वों और नागों में जो भी अन्य रत्न रूप वस्तुएँ हैं, वे सब मेरे ही पास हैं।

स्त्रीरत्नभूतां त्वां देवि लोके मन्यामहे वयम् ।
सा त्वमस्मानुपागच्छ यतो रत्नभुजो वयम्

strīratnabhūtāṃ tvāṃ devi loke manyāmahe vayam |
sā tvamasmānupāgaccha yato ratnabhujo vayam

हे देवी, हम तुम्हें संसार में स्त्रियों का रत्न मानते हैं। इसलिए तुम हमारे पास आओ, क्योंकि रत्नों के भोक्ता हम ही हैं।

मां वा ममानुजं वापि निशुम्भमुरुविक्रमम् ।
भज त्वं चञ्चलापाङ्गि रत्नभूतासि वै यतः

māṃ vā mamānujaṃ vāpi niśumbhamuruvikramam |
bhaja tvaṃ cañcalāpāṅgi ratnabhūtāsi vai yataḥ

हे चंचल नेत्रों वाली, तुम मुझे या मेरे महापराक्रमी छोटे भाई निशुम्भ को अपनाओ, क्योंकि तुम रत्नस्वरूपा हो।

परमैश्वर्यमतुलं प्राप्स्यसे मत्परिग्रहात् ।
एतद् बुद्ध्या समालोच्य मत्परिग्रहतां व्रज

paramaiśvaryamatulaṃ prāpsyase matparigrahāt |
etad buddhyā samālocya matparigrahatāṃ vraja

मुझसे विवाह करके तुम्हें अतुल परम ऐश्वर्य मिलेगा। बुद्धि से इस पर विचार करके मेरी पत्नी बन जाओ।'

इत्युक्ता सा तदा देवी गम्भीरान्तः स्मिता जगौ ।
दुर्गा भगवती भद्रा ययेदं धार्यते जगत्

ityuktā sā tadā devī gambhīrāntaḥ smitā jagau |
durgā bhagavatī bhadrā yayedaṃ dhāryate jagat

ऋषि बोले: ऐसा कहे जाने पर, जिनसे यह जगत धारण किया जाता है, वे कल्याणमयी भगवती दुर्गा भीतर ही भीतर मुस्कराईं और गंभीर वाणी में बोलीं।

सत्यमुक्तत्वया नात्र मिथ्या किञ्चित्त्वयोदितम् ।
त्रैलोक्याधिपतिः सुम्भो निशुम्भश्चापि तादृशः

satyamuktatvayā nātra mithyā kiñcittvayoditam |
trailokyādhipatiḥ sumbho niśumbhaścāpi tādṛśaḥ

देवी बोलीं: तुमने सत्य कहा है, इसमें कुछ भी असत्य नहीं। शुम्भ तीनों लोकों का स्वामी है और निशुम्भ भी वैसा ही है।

किं त्वत्र यत्प्रतिज्ञातं मिथ्या तत्क्रियते कथम् ।
श्रूयतामल्पबुद्धित्वात् प्रतिज्ञा या कृता पुरा

kiṃ tvatra yatpratijñātaṃ mithyā tatkriyate katham |
śrūyatāmalpabuddhitvāt pratijñā yā kṛtā purā

परन्तु इस विषय में मैंने जो प्रतिज्ञा की है, उसे झूठी कैसे करूँ? अपनी अल्पबुद्धि के कारण मैंने पहले जो प्रतिज्ञा की थी, वह सुनो।

यो मां जयति संग्रामे यो मे दर्पं व्यपोहति ।
यो मे प्रतिबलो लोके स मे भर्ता भविष्यति

yo māṃ jayati saṃgrāme yo me darpaṃ vyapohati |
yo me pratibalo loke sa me bhartā bhaviṣyati

जो मुझे संग्राम में जीत लेगा, जो मेरा अभिमान चूर कर देगा, और जो संसार में मेरे समान बलवान हो, वही मेरा पति होगा।

तदागच्छतु शुम्भोऽत्र निशुम्भो वा महासुरः ।
मां जित्वा किं चिरेणात्र पाणि गृह्णातु मे लघु

tadāgacchatu śumbho'tra niśumbho vā mahāsuraḥ |
māṃ jitvā kiṃ cireṇātra pāṇi gṛhṇātu me laghu

इसलिए शुम्भ या महादैत्य निशुम्भ यहाँ आए। मुझे जीतकर शीघ्र मेरा पाणिग्रहण कर ले, देर किस बात की?

अवलिप्तासि मैवं त्वं देवि ब्रूहि ममाग्रतः ।
त्रैलोक्ये कः पुमांस्तिष्ठेदग्रे शुम्भनिशुम्भयोः

avaliptāsi maivaṃ tvaṃ devi brūhi mamāgrataḥ |
trailokye kaḥ pumāṃstiṣṭhedagre śumbhaniśumbhayoḥ

दूत बोला: हे देवी, तुम घमंड में हो। मेरे सामने ऐसी बात मत कहो। तीनों लोकों में कौन पुरुष शुम्भ और निशुम्भ के सामने टिक सकता है?

अन्येषामपि दैत्यानां सर्वे देवा न वै युधि ।
तिष्ठन्ति संमुखे देवि किं पुनः स्त्री त्वमेकिका

anyeṣāmapi daityānāṃ sarve devā na vai yudhi |
tiṣṭhanti saṃmukhe devi kiṃ punaḥ strī tvamekikā

हे देवी, दूसरे दैत्यों के सामने भी सारे देवता युद्ध में नहीं टिक पाते, फिर तुम तो अकेली स्त्री हो।

इन्द्राद्याः सकला देवास्तस्थुर्येषां न संयुगे ।
शुम्भादीनां कथं तेषां स्त्री प्रयास्यसि संमुखम्

indrādyāḥ sakalā devāstasthuryeṣāṃ na saṃyuge |
śumbhādīnāṃ kathaṃ teṣāṃ strī prayāsyasi saṃmukham

जिन शुम्भ आदि के सामने इन्द्र आदि सब देवता युद्ध में नहीं टिक सके, उनके सामने तुम स्त्री होकर कैसे जाओगी?

सा त्वं गच्छ मयैवोक्ता पार्श्वं शुम्भनिशुम्भयोः ।
केशाकर्षणनिर्धूतगौरवा मा गमिष्यसि

sā tvaṃ gaccha mayaivoktā pārśvaṃ śumbhaniśumbhayoḥ |
keśākarṣaṇanirdhūtagauravā mā gamiṣyasi

इसलिए मेरे कहने से तुम स्वयं शुम्भ और निशुम्भ के पास चली चलो, ताकि बाल पकड़कर घसीटे जाने से अपमानित होकर न जाना पड़े।

एवमेतद् बली शुम्भो निशुम्भश्चातिवीर्यवान् ।
किं करोमि प्रतिज्ञा मे यदनालोचिता पुरा

evametad balī śumbho niśumbhaścātivīryavān |
kiṃ karomi pratijñā me yadanālocitā purā

देवी बोलीं: यह ठीक है, शुम्भ बलवान है और निशुम्भ भी बड़ा पराक्रमी है। पर मैं क्या करूँ? मैंने बिना सोचे समझे पहले ही प्रतिज्ञा कर ली थी।

स त्वं गच्छ मयोक्तं ते यदेतत्सर्वमादृतः ।
तदाचक्ष्वासुरेन्द्राय स च युक्तं करोतु तत्

sa tvaṃ gaccha mayoktaṃ te yadetatsarvamādṛtaḥ |
tadācakṣvāsurendrāya sa ca yuktaṃ karotu tat

इसलिए तुम जाओ और मैंने जो कुछ कहा है, वह सब आदरपूर्वक असुरराज से कह दो। फिर वह जो उचित समझे, करे।