अध्याय 4: इन्द्र आदि देवताओं की स्तुति

ततः सुरगणाः सर्वे देव्या इन्द्रपुरोगमाः ।
स्तुतिमारेभिरे कर्तुं निहते महिषासुरे

tataḥ suragaṇāḥ sarve devyā indrapurogamāḥ |
stutimārebhire kartuṃ nihate mahiṣāsure

ऋषि बोले: महिषासुर के मारे जाने पर इन्द्र आदि सभी देवगण देवी की स्तुति करने लगे।

शक्रादयः सुरगणा निहतेऽतिवीर्ये
तस्मिन् दुरात्मनि सुरारिबले च देव्या ।
तां तुष्टुवुः प्रणतिनम्रशिरोधरांसा
वाग्भिः प्रहर्षपुलकोद्गमचारुदेहाः

śakrādayaḥ suragaṇā nihate'tivīrye
tasmin durātmani surāribale ca devyā |
tāṃ tuṣṭuvuḥ praṇatinamraśirodharāṃsā
vāgbhiḥ praharṣapulakodgamacārudehāḥ

जब देवी ने उस अत्यंत बलवान दुरात्मा को और देवशत्रुओं की सेना को मार डाला, तब इन्द्र आदि देवगण गर्दन और कंधे झुकाकर प्रणाम करते हुए वाणी से उनकी स्तुति करने लगे। हर्ष से रोमांचित होकर उनके शरीर सुंदर लग रहे थे।

देव्या यया ततमिदं जगदात्मशक्त्या
निः शेषदेवगणशक्तिसमूहमूर्त्या ।
तामम्बिकामखिलदेवमर्षिपूज्यां
भक्त्या नताः स्म विदधातु शुभानि सा नः

devyā yayā tatamidaṃ jagadātmaśaktyā
niḥ śeṣadevagaṇaśaktisamūhamūrtyā |
tāmambikāmakhiladevamarṣipūjyāṃ
bhaktyā natāḥ sma vidadhātu śubhāni sā naḥ

देवता बोले: जिन देवी ने अपनी शक्ति से इस समस्त जगत को व्याप्त कर रखा है, जिनका स्वरूप सभी देवताओं की शक्तियों का समूह है, जो सब देवताओं और महर्षियों की पूज्य हैं, उन अम्बिका को हम भक्ति से प्रणाम करते हैं। वे हमारा कल्याण करें।

यस्याः प्रभावमतुलं भगवाननन्तो
ब्रह्मा हरश्च नहि वक्तुमलं बलं च ।
सा चण्डिकाखिलजगत्परिपालनाय
नाशाय चाशुभयस्य मतिं करोतु

yasyāḥ prabhāvamatulaṃ bhagavānananto
brahmā haraśca nahi vaktumalaṃ balaṃ ca |
sā caṇḍikākhilajagatparipālanāya
nāśāya cāśubhayasya matiṃ karotu

जिनके अतुलनीय प्रभाव और बल का वर्णन भगवान अनन्त, ब्रह्मा और शिव भी नहीं कर सकते, वे चण्डिका सारे जगत के पालन और अशुभ के भय के नाश का संकल्प करें।

या श्रीः स्वयं सुकृतिनां भवनेष्वलक्ष्मीः
पापात्मनां कृतधियां हृदयेषु बुद्धिः ।
श्रद्धां सतां कुलजनप्रभवस्य लज्जा
तां त्वां नताः स्म परिपालय देवि विश्वम्

yā śrīḥ svayaṃ sukṛtināṃ bhavaneṣvalakṣmīḥ
pāpātmanāṃ kṛtadhiyāṃ hṛdayeṣu buddhiḥ |
śraddhāṃ satāṃ kulajanaprabhavasya lajjā
tāṃ tvāṃ natāḥ sma paripālaya devi viśvam

आप स्वयं पुण्यात्माओं के घरों में लक्ष्मी रूप से और पापियों के घरों में दरिद्रता रूप से रहती हैं। आप शुद्ध बुद्धि वालों के हृदय में बुद्धि, सज्जनों में श्रद्धा और कुलीन जनों में लज्जा हैं। हम आपको प्रणाम करते हैं। हे देवी, विश्व की रक्षा करें।

किं वर्णयाम तव रूपमचिन्त्यमेतत्
किं चातिवीर्यमसुरक्षयकारि भूरि ।
किं चाहवेषु चरितानि तवाद्भुतानि
सर्वेषु देव्यसुरदेवगणादिकेषु

kiṃ varṇayāma tava rūpamacintyametat
kiṃ cātivīryamasurakṣayakāri bhūri |
kiṃ cāhaveṣu caritāni tavādbhutāni
sarveṣu devyasuradevagaṇādikeṣu

हे देवी, हम आपके इस अचिन्त्य रूप का क्या वर्णन करें? असुरों का नाश करने वाले आपके महान पराक्रम का, या देवताओं और असुरों के बीच युद्धों में किए गए आपके अद्भुत चरित्रों का क्या वर्णन करें?

हेतुः समस्तजगतां त्रिगुणापि दोषैर्
न ज्ञायसे हरिहरादिभिरप्यपारा ।
सर्वाश्रयाखिलमिदं जगदंशभूतम्
अव्याकृता हि परमा प्रकृतिस्त्वमाद्या

hetuḥ samastajagatāṃ triguṇāpi doṣair
na jñāyase hariharādibhirapyapārā |
sarvāśrayākhilamidaṃ jagadaṃśabhūtam
avyākṛtā hi paramā prakṛtistvamādyā

आप समस्त जगत की कारण हैं। तीनों गुणों वाली होकर भी आप उनके दोषों से अछूती हैं। विष्णु और शिव आदि भी आपको नहीं जान पाते, क्योंकि आपका पार नहीं है। आप सबका आश्रय हैं, यह सारा जगत आपका अंश है। आप ही अव्यक्त, परम, आदि प्रकृति हैं।

यस्याः समस्तसुरता समुदीरणेन
तृप्तिं प्रयान्ति सकलेषु मखेषु देवि ।
स्वाहासि वै पितृगणस्य च तृप्तिहेतुर्
उच्चार्यसे त्वमत एव जनैः स्वधा च

yasyāḥ samastasuratā samudīraṇena
tṛptiṃ prayānti sakaleṣu makheṣu devi |
svāhāsi vai pitṛgaṇasya ca tṛptihetur
uccāryase tvamata eva janaiḥ svadhā ca

हे देवी, आप ही स्वाहा हैं, जिनके उच्चारण से सभी यज्ञों में समस्त देवता तृप्त होते हैं। पितरों की तृप्ति का कारण भी आप हैं, इसलिए लोग आपको स्वधा कहकर उच्चारते हैं।

या मुक्तिहेतुरविचिन्त्यमहाव्रता त्वम्
अभ्यस्यसे सुनियतेन्द्रियतत्त्वसारैः ।
मोक्षार्थिभिर्मुनिभिरस्तसमस्तदोषैर्
विद्यासि सा भगवती परमा हि देवि

yā muktiheturavicintyamahāvratā tvam
abhyasyase suniyatendriyatattvasāraiḥ |
mokṣārthibhirmunibhirastasamastadoṣair
vidyāsi sā bhagavatī paramā hi devi

हे देवी, आप मोक्ष का कारण हैं और अचिन्त्य महाव्रत रूप हैं। इन्द्रियों को वश में रखने वाले, तत्त्व को सार मानने वाले, सब दोषों से रहित मोक्षार्थी मुनि आपका ही अभ्यास करते हैं। आप ही परम विद्या भगवती हैं।

शब्दात्मिका सुविमलर्ग्यजुषां निधानम्
उद्गीथरम्यपदपाठवतां च साम्नाम् ।
देवी त्रयी भगवती भवभावनाय
वार्ता च सर्वजगतां परमार्तिहन्त्री

śabdātmikā suvimalargyajuṣāṃ nidhānam
udgītharamyapadapāṭhavatāṃ ca sāmnām |
devī trayī bhagavatī bhavabhāvanāya
vārtā ca sarvajagatāṃ paramārtihantrī

आप शब्दस्वरूपा हैं। अत्यंत निर्मल ऋग्वेद और यजुर्वेद की ऋचाओं का, तथा उद्गीथ से सुंदर पदपाठ वाले सामवेद का आप ही आधार हैं। आप ही वेदत्रयी रूपी भगवती हैं, जो संसार के कल्याण के लिए हैं। आप ही सब प्राणियों की आजीविका वार्ता हैं और उनकी बड़ी से बड़ी पीड़ा हरती हैं।

मेधासि देवि विदिताखिलशास्त्रसारा
दुर्गासि दुर्गभवसागरनौरसङ्गा ।
श्रीः कैटभारिहृदयैककृताधिवासा
गौरी त्वमेव शशिमौलिकृतप्रतिष्ठा

medhāsi devi viditākhilaśāstrasārā
durgāsi durgabhavasāgaranaurasaṅgā |
śrīḥ kaiṭabhārihṛdayaikakṛtādhivāsā
gaurī tvameva śaśimaulikṛtapratiṣṭhā

हे देवी, आप ही समस्त शास्त्रों का सार जानने वाली मेधा हैं। आप ही दुर्गम भवसागर से पार कराने वाली नौका दुर्गा हैं, जो स्वयं असंग हैं। कैटभ के शत्रु विष्णु के हृदय में ही निवास करने वाली लक्ष्मी आप हैं, और चन्द्रमौलि शिव के साथ प्रतिष्ठित गौरी भी आप ही हैं।

ईषत्सहासममलं परिपूर्णचन्द्र-
बिम्बानुकारि कनकोत्तमकान्तिकान्तम् ।
अत्यद्भुतं प्रहृतमात्तरुषा तथापि
वक्त्रं विलोक्य सहसा महिषासुरेण

īṣatsahāsamamalaṃ paripūrṇacandra-
bimbānukāri kanakottamakāntikāntam |
atyadbhutaṃ prahṛtamāttaruṣā tathāpi
vaktraṃ vilokya sahasā mahiṣāsureṇa

आपका मुख मंद मुस्कान से युक्त, निर्मल, पूर्ण चन्द्रमा के बिम्ब जैसा और उत्तम सोने की कांति से सुंदर था। ऐसे अद्भुत मुख को देखकर भी क्रोध में भरे महिषासुर ने सहसा उस पर प्रहार किया, यह बड़ा आश्चर्य है।

दृष्ट्वा तु देवि कुपितं भ्रुकुटीकरालम्
उद्यच्छशाङ्कसदृशच्छवि यन्न सद्यः ।
प्राणान्मुमोच महीषस्तदतीव चित्रं
कैर्जीव्यते हि कुपितान्तकदर्शनेन

dṛṣṭvā tu devi kupitaṃ bhrukuṭīkarālam
udyacchaśāṅkasadṛśacchavi yanna sadyaḥ |
prāṇānmumoca mahīṣastadatīva citraṃ
kairjīvyate hi kupitāntakadarśanena

हे देवी, इससे भी बड़ा आश्चर्य यह है कि क्रोध से भरा, भौंहें तनी होने से भयानक और उगते चन्द्रमा जैसी लाल कांति वाला आपका मुख देखकर भी महिषासुर ने तुरंत प्राण नहीं त्यागे। क्रुद्ध यमराज को देखकर भला कौन जीवित रह सकता है?

देवि प्रसीद परमा भवती भवाय
सद्यो विनाशयसि कोपवती कुलानि ।
विज्ञातमेतदधुनैव यदस्तमेतन्
नीतं बलं सुविपुलं महिषासुरस्य

devi prasīda paramā bhavatī bhavāya
sadyo vināśayasi kopavatī kulāni |
vijñātametadadhunaiva yadastametan
nītaṃ balaṃ suvipulaṃ mahiṣāsurasya

हे देवी, प्रसन्न हों। आप परमेश्वरी संसार के कल्याण के लिए हैं। क्रोधित होने पर आप तत्काल अनेक कुलों का नाश कर देती हैं। यह अभी जाना गया, जब महिषासुर की विशाल सेना समाप्त कर दी गई।

ते संमता जनपदेषु धनानि तेषां
तेषां यशांसि न च सीदति धर्मवर्गः ।
धन्यास्त एव निभृतात्मजभृत्यदारा
येषां सदाभ्युदयदा भवती प्रसन्ना

te saṃmatā janapadeṣu dhanāni teṣāṃ
teṣāṃ yaśāṃsi na ca sīdati dharmavargaḥ |
dhanyāsta eva nibhṛtātmajabhṛtyadārā
yeṣāṃ sadābhyudayadā bhavatī prasannā

सदा अभ्युदय देने वाली आप जिन पर प्रसन्न रहती हैं, वे ही देश में सम्मानित होते हैं। उन्हीं को धन और यश मिलता है, उनका धर्म कभी शिथिल नहीं होता। उनके पुत्र, सेवक और पत्नी विनीत रहते हैं, और वे ही धन्य हैं।

धर्म्याणि देवि सकलानि सदैव कर्माण्य्
अत्यादृतः प्रतिदिनं सुकृती करोति ।
स्वर्गं प्रयाति च ततो भवतीप्रसादाल्
लोकत्रयेऽपि फलदा ननु देवि तेन

dharmyāṇi devi sakalāni sadaiva karmāṇy
atyādṛtaḥ pratidinaṃ sukṛtī karoti |
svargaṃ prayāti ca tato bhavatīprasādāl
lokatraye'pi phaladā nanu devi tena

हे देवी, आपकी कृपा से ही पुण्यात्मा मनुष्य प्रतिदिन बड़ी श्रद्धा से सब धर्मकर्म करता है और फिर स्वर्ग को जाता है। इसलिए हे देवी, क्या आप ही तीनों लोकों में फल देने वाली नहीं हैं?

दुर्गे स्मृता हरसि भीतिमशेषजन्तोः
स्वस्थैः स्मृता मतिमतीव शुभां ददासि ।
दारिद्र्यदुःखभयहारिणि का त्वदन्या
सर्वोपकारकरणाय सदाऽऽर्द्रचित्ता

durge smṛtā harasi bhītimaśeṣajantoḥ
svasthaiḥ smṛtā matimatīva śubhāṃ dadāsi |
dāridryaduḥkhabhayahāriṇi kā tvadanyā
sarvopakārakaraṇāya sadā''rdracittā

हे दुर्गे, संकट में स्मरण करने पर आप सब प्राणियों का भय हर लेती हैं, और सुख में स्मरण करने पर अत्यंत शुभ बुद्धि देती हैं। दरिद्रता, दुःख और भय हरने वाली देवी, आपके सिवा कौन है जिसका चित्त सबका उपकार करने के लिए सदा दया से भीगा रहता है?

एभिर्हतैर्जगदुपैति सुखं तथैते
कुर्वन्तु नाम नरकाय चिराय पापम् ।
संग्राममृत्युमधिगम्य दिवं प्रयान्तु
मत्वेति नूनमहितान् विनिहंसि देवि

ebhirhatairjagadupaiti sukhaṃ tathaite
kurvantu nāma narakāya cirāya pāpam |
saṃgrāmamṛtyumadhigamya divaṃ prayāntu
matveti nūnamahitān vinihaṃsi devi

हे देवी, आप निश्चय ही यह सोचकर शत्रुओं का वध करती हैं कि इनके मरने से संसार को सुख मिले, और भले ही इन्होंने लंबे समय तक नरक भोगने योग्य पाप किए हों, फिर भी युद्ध में मृत्यु पाकर ये स्वर्ग जाएँ।

दृष्ट्वैव किं न भवती प्रकरोति भस्म
सर्वासुरानरिषु यत्प्रहिणोषि शस्त्रम् ।
लोकान् प्रयान्तु रिपवोऽपि हि शस्त्रपूता
इत्थं मतिर्भवति तेष्वपि तेऽतिसाध्वी

dṛṣṭvaiva kiṃ na bhavatī prakaroti bhasma
sarvāsurānariṣu yatprahiṇoṣi śastram |
lokān prayāntu ripavo'pi hi śastrapūtā
itthaṃ matirbhavati teṣvapi te'tisādhvī

क्या आप केवल देखकर ही सब असुरों को भस्म नहीं कर सकतीं? फिर भी आप शत्रुओं पर शस्त्र चलाती हैं, ताकि आपके शस्त्रों से पवित्र होकर वे शत्रु भी उत्तम लोकों को जाएँ। उनके प्रति भी आपका भाव ऐसा कल्याणकारी है।

खड्गप्रभानिकरविस्फुरणैस्तथोग्रैः
शूलाग्रकान्तिनिवहेन दृशोऽसुराणाम् ।
यन्नागता विलयमंशुमदिन्दुखण्ड-
योग्याननं तव विलोकयतां तदेतत्

khaḍgaprabhānikaravisphuraṇaistathograiḥ
śūlāgrakāntinivahena dṛśo'surāṇām |
yannāgatā vilayamaṃśumadindukhaṇḍa-
yogyānanaṃ tava vilokayatāṃ tadetat

आपकी तलवार की चमक की भयंकर कौंध से और त्रिशूल की नोक की ज्योति से भी असुरों की आँखें नष्ट नहीं हुईं, क्योंकि वे चन्द्रमा के किरणों वाले अंश जैसे आपके मुख को देख रहे थे।

दुर्वृत्तवृत्तशमनं तव देवि शीलं
रूपं तथैतदविचिन्त्यमतुल्यमन्यैः ।
वीर्यं च हन्तृ हृतदेवपराक्रमाणां
वैरिष्वपि प्रकटितैव दया त्वयेत्थम्

durvṛttavṛttaśamanaṃ tava devi śīlaṃ
rūpaṃ tathaitadavicintyamatulyamanyaiḥ |
vīryaṃ ca hantṛ hṛtadevaparākramāṇāṃ
vairiṣvapi prakaṭitaiva dayā tvayettham

हे देवी, दुराचारियों के आचरण को शांत करना आपका स्वभाव है। आपका रूप अचिन्त्य है और किसी से उसकी तुलना नहीं। आपका पराक्रम देवताओं का बल छीनने वालों को मारता है। इस प्रकार आपने शत्रुओं पर भी दया ही दिखाई है।

केनोपमा भवतु तेऽस्य पराक्रमस्य
रूपं च शत्रुभयकार्यतिहारि कुत्र ।
चित्ते कृपा समरनिष्ठुरता च दृष्टा
त्वय्येव देवि वरदे भुवनत्रयेऽपि

kenopamā bhavatu te'sya parākramasya
rūpaṃ ca śatrubhayakāryatihāri kutra |
citte kṛpā samaraniṣṭhuratā ca dṛṣṭā
tvayyeva devi varade bhuvanatraye'pi

आपके इस पराक्रम की तुलना किससे हो? शत्रुओं को भय देने वाला और फिर भी अत्यंत मनोहर ऐसा रूप और कहाँ है? हे वरदायिनी देवी, हृदय में कृपा और युद्ध में कठोरता, ये दोनों तीनों लोकों में केवल आप में ही देखी गई हैं।

त्रैलोक्यमेतदखिलं रिपुनाशनेन
त्रातं त्वया समरमूर्धनि तेऽपि हत्वा ।
नीता दिवं रिपुगणा भयमप्यपास्तम्
अस्माकमुन्मदसुरारिभवं नमस्ते

trailokyametadakhilaṃ ripunāśanena
trātaṃ tvayā samaramūrdhani te'pi hatvā |
nītā divaṃ ripugaṇā bhayamapyapāstam
asmākamunmadasurāribhavaṃ namaste

शत्रुओं का नाश करके आपने इन समस्त तीनों लोकों की रक्षा की है। युद्धभूमि में उन शत्रुओं को मारकर आपने उन्हें भी स्वर्ग पहुँचाया, और उन्मत्त देवशत्रुओं से उत्पन्न हमारा भय भी दूर किया। आपको नमस्कार है।

शूलेन पाहि नो देवि पाहि खड्गेन चाम्बिके ।
घण्टास्वनेन नः पाहि चापज्यानिः स्वनेन च

śūlena pāhi no devi pāhi khaḍgena cāmbike |
ghaṇṭāsvanena naḥ pāhi cāpajyāniḥ svanena ca

हे देवी, त्रिशूल से हमारी रक्षा करें। हे अम्बिके, तलवार से हमारी रक्षा करें। अपने घंटे की ध्वनि और धनुष की डोरी की टंकार से हमारी रक्षा करें।

प्राच्यां रक्ष प्रतीच्यां च चण्डिके रक्ष दक्षिणे ।
भ्रामणेनात्मशूलस्य उत्तरस्यां तथेश्वरि

prācyāṃ rakṣa pratīcyāṃ ca caṇḍike rakṣa dakṣiṇe |
bhrāmaṇenātmaśūlasya uttarasyāṃ tatheśvari

हे चण्डिके, पूर्व में, पश्चिम में और दक्षिण में हमारी रक्षा करें। हे ईश्वरी, अपने त्रिशूल को घुमाकर उत्तर दिशा में भी हमारी रक्षा करें।

सौम्यानि यानि रूपाणि त्रैलोक्ये विचरन्ति ते ।
यानि चात्यर्थघोराणि तै रक्षास्मांस्तथा भुवम्

saumyāni yāni rūpāṇi trailokye vicaranti te |
yāni cātyarthaghorāṇi tai rakṣāsmāṃstathā bhuvam

तीनों लोकों में विचरने वाले आपके जो सौम्य रूप हैं, और जो अत्यंत घोर रूप हैं, उन सबसे हमारी और पृथ्वी की रक्षा करें।

खड्गशूलगदादीनि यानि चास्त्राणि तेऽम्बिके ।
करपल्लवसङ्गीनि तैरस्मान् रक्ष सर्वतः

khaḍgaśūlagadādīni yāni cāstrāṇi te'mbike |
karapallavasaṅgīni tairasmān rakṣa sarvataḥ

हे अम्बिके, आपके कोमल करों में शोभित तलवार, त्रिशूल, गदा आदि जो भी अस्त्र हैं, उनसे सब ओर से हमारी रक्षा करें।

एवं स्तुता सुरैर्दिव्यैः कुसुमैर्नन्दनोद्भवैः ।
अर्चिता जगतां धात्री तथा गन्धानुलेपनैः

evaṃ stutā surairdivyaiḥ kusumairnandanodbhavaiḥ |
arcitā jagatāṃ dhātrī tathā gandhānulepanaiḥ

ऋषि बोले: देवताओं ने इस प्रकार जगत को धारण करने वाली देवी की स्तुति की, और नन्दन वन में उपजे दिव्य फूलों तथा गंध और लेपन से उनकी पूजा की।

भक्त्या समस्तैस्त्रिदशार्दिव्यैर्धूपैस्तु धूपिता ।
प्राह प्रसादसुमुखी समस्तान् प्रणतान् सुरान्

bhaktyā samastaistridaśārdivyairdhūpaistu dhūpitā |
prāha prasādasumukhī samastān praṇatān surān

जब सब देवताओं ने भक्ति से दिव्य धूप अर्पित की, तब प्रसन्न मुख वाली देवी ने प्रणाम करते सब देवताओं से कहा।

व्रियतां त्रिदशाः सर्वे यदस्मत्तोऽभिवाञ्छितम् ।
ददाम्यहमतिप्रीत्या स्तवैरेभिः सुपूजिता

vriyatāṃ tridaśāḥ sarve yadasmatto'bhivāñchitam |
dadāmyahamatiprītyā stavairebhiḥ supūjitā

देवी बोलीं: हे देवताओ, तुम सब मुझसे जो चाहते हो, वह माँगो। इन स्तुतियों से भली भाँति पूजित होकर मैं बड़ी प्रसन्नता से वह दूँगी।

कर्तव्यमपरं यच्च दुष्करं तन्न विद्महे ।
इत्याकर्ण्ये वचो देव्याः प्रत्यूचुस्ते दिवौकसः

kartavyamaparaṃ yacca duṣkaraṃ tanna vidmahe |
ityākarṇye vaco devyāḥ pratyūcuste divaukasaḥ

देवी ने यह भी कहा कि करने योग्य कोई और कार्य कितना भी कठिन हो, बताओ। देवी के ये वचन सुनकर स्वर्गवासी देवताओं ने उत्तर दिया।

भगवत्या कृतं सर्वं न किञ्चिदवशिष्यते ।
यदयं निहतः शत्रुरस्माकं महिषासुरः

bhagavatyā kṛtaṃ sarvaṃ na kiñcidavaśiṣyate |
yadayaṃ nihataḥ śatrurasmākaṃ mahiṣāsuraḥ

देवता बोले: भगवती ने सब कुछ कर दिया है, अब कुछ भी शेष नहीं रहा, क्योंकि हमारा यह शत्रु महिषासुर मारा गया।

यदि चापि वरो देयस्त्वयास्माकं महेश्वरि ।
संस्मृता संस्मृता त्वं नो हिंसेथाः परमापदः

yadi cāpi varo deyastvayāsmākaṃ maheśvari |
saṃsmṛtā saṃsmṛtā tvaṃ no hiṃsethāḥ paramāpadaḥ

फिर भी हे महेश्वरी, यदि आप हमें वर देना चाहती हैं, तो जब जब हम आपका स्मरण करें, तब तब आप हमारी बड़ी से बड़ी विपत्तियों का नाश करें।

यश्च मर्त्यः स्तवैरेभिस्त्वां स्तोष्यत्यमलानने ।
तस्य वित्तर्धिविभवैर्धनदारादिसम्पदाम् ।
वृद्धयेऽस्मात्प्रसन्ना त्वं भवेथाः सर्वदाम्बिके

yaśca martyaḥ stavairebhistvāṃ stoṣyatyamalānane |
tasya vittardhivibhavairdhanadārādisampadām |
vṛddhaye'smātprasannā tvaṃ bhavethāḥ sarvadāmbike

और हे निर्मल मुख वाली अम्बिके, जो मनुष्य इन स्तोत्रों से आपकी स्तुति करे, उस पर आप सदा प्रसन्न रहें, ताकि उसके धन, समृद्धि, वैभव, पत्नी और परिवार की वृद्धि हो।

इति प्रसादिता देवैर्जगतोर्ऽथे तथाऽत्मनः ।
तथेत्युक्त्वा भद्रकाली बभूवान्तर्हिता नृप

iti prasāditā devairjagator'the tathā'tmanaḥ |
tathetyuktvā bhadrakālī babhūvāntarhitā nṛpa

ऋषि बोले: हे राजन, जगत के और अपने हित के लिए देवताओं द्वारा इस प्रकार प्रसन्न की गई भद्रकाली 'ऐसा ही हो' कहकर अन्तर्धान हो गईं।

इत्येतत्कथितं भूप सम्भूता सा यथा पुरा ।
देवी देवशरीरेभ्यो जगत्त्रयहितैषिणी

ityetatkathitaṃ bhūpa sambhūtā sā yathā purā |
devī devaśarīrebhyo jagattrayahitaiṣiṇī

हे राजन, तीनों लोकों का हित चाहने वाली देवी पहले जिस प्रकार देवताओं के शरीरों से प्रकट हुई थीं, वह मैंने तुम्हें बता दिया।

पुनश्च गौरीदेहात् सा समुद्भूता यथाभवत् ।
वधाय दुष्टदैत्यानां तथा शुम्भनिशुम्भयोः

punaśca gaurīdehāt sā samudbhūtā yathābhavat |
vadhāya duṣṭadaityānāṃ tathā śumbhaniśumbhayoḥ

अब सुनो कि वे दुष्ट दैत्यों और शुम्भ निशुम्भ के वध के लिए फिर से गौरी के शरीर से किस प्रकार प्रकट हुईं।

रक्षणाय च लोकानां देवानामुपकारिणी ।
तच्छृणुष्व मयाऽख्यातं यथावत्कथयामि ते

rakṣaṇāya ca lokānāṃ devānāmupakāriṇī |
tacchṛṇuṣva mayā'khyātaṃ yathāvatkathayāmi te

लोकों की रक्षा के लिए वे देवताओं की उपकारिणी बनकर प्रकट हुईं। वह कथा मैं जैसी हुई वैसी ही कहता हूँ, ध्यान से सुनो।