अध्याय 6: उद्दालक का श्वेतकेतु को उपदेश: तत्त्वमसि

श्वेतकेतुर्हारुणेय आस तँ ह पितोवाच श्वेतकेतो वस ब्रह्मचर्यं न वै सोम्यास्मत्कुलीनोऽननूच्य ब्रह्मबन्धुरिव भवतीति

śvetaketurhāruṇeya āsa tam̐ ha pitovāca śvetaketo vasa brahmacaryaṃ na vai somyāsmatkulīno'nanūcya brahmabandhuriva bhavatīti

अरुण के पौत्र श्वेतकेतु थे। उनके पिता ने उनसे कहा, हे श्वेतकेतु, जाओ, गुरुकुल में ब्रह्मचर्य का पालन करो। सौम्य, हमारे कुल में कोई भी वेद पढ़े बिना केवल जन्म से ब्राह्मण कहलाने वाला नहीं रहता।

स ह द्वादशवर्ष उपेत्य चतुर्विँशतिवर्षः सर्वान्वेदानधीत्य महामना अनूचानमानी स्तब्ध एयाय तँह पितोवाच

sa ha dvādaśavarṣa upetya caturvim̐śativarṣaḥ sarvānvedānadhītya mahāmanā anūcānamānī stabdha eyāya tam̐ha pitovāca

वे बारह वर्ष की आयु में गुरु के पास गए और चौबीस वर्ष के होकर सब वेद पढ़कर लौटे। वे अपने को बड़ा विद्वान मानते थे, घमंड से भरे और अकड़े हुए थे। तब पिता ने उनसे कहा।

श्वेतकेतो यन्नु सोम्येदं महामना अनूचानमानी स्तब्धोऽस्युत तमादेशमप्राक्ष्यः येनाश्रुतँ श्रुतं भवत्यमतं मतमविज्ञातं विज्ञातमिति कथं नु भगवः स आदेशो भवतीति

śvetaketo yannu somyedaṃ mahāmanā anūcānamānī stabdho'syuta tamādeśamaprākṣyaḥ yenāśrutam̐ śrutaṃ bhavatyamataṃ matamavijñātaṃ vijñātamiti kathaṃ nu bhagavaḥ sa ādeśo bhavatīti

हे श्वेतकेतु, सौम्य, तुम जो इतने गर्वीले, अपने को विद्वान मानने वाले और अकड़े हुए हो, क्या तुमने गुरु से वह उपदेश भी पूछा जिससे बिना सुना हुआ सुना हुआ हो जाता है, बिना सोचा हुआ सोचा हुआ और बिना जाना हुआ जाना हुआ हो जाता है? श्वेतकेतु ने पूछा, भगवन्, वह उपदेश कैसा है?

यथा सोम्यैकेन मृत्पिण्डेन सर्वं मृन्मयं विज्ञातँ स्याद्वाचारम्भणं विकारो नामधेयं मृत्तिकेत्येव सत्यम्

yathā somyaikena mṛtpiṇḍena sarvaṃ mṛnmayaṃ vijñātam̐ syādvācārambhaṇaṃ vikāro nāmadheyaṃ mṛttiketyeva satyam

सौम्य, जैसे मिट्टी के एक पिंड को जान लेने से मिट्टी से बनी सब वस्तुएँ जान ली जाती हैं, क्योंकि हर विकार केवल वाणी से उठा हुआ नाम है, सत्य तो बस मिट्टी ही है;

यथा सोम्यैकेन लोहमणिना सर्वं लोहमयं विज्ञातँ स्याद्वाचारम्भणं विकारो नामधेयं लोहमित्येव सत्यम्

yathā somyaikena lohamaṇinā sarvaṃ lohamayaṃ vijñātam̐ syādvācārambhaṇaṃ vikāro nāmadheyaṃ lohamityeva satyam

जैसे सोने के एक डले को जान लेने से सोने से बनी सब वस्तुएँ जान ली जाती हैं, क्योंकि हर विकार केवल वाणी से उठा हुआ नाम है, सत्य तो बस सोना ही है;

यथा सोम्यिकेन नखनिकृन्तनेन सर्वं कार्ष्णायसं विज्ञातँ स्याद्वाचारम्भणं विकारो नामधेयं कृष्णायसमित्येव सत्यमेवँसोम्य स आदेशो भवतीति

yathā somyikena nakhanikṛntanena sarvaṃ kārṣṇāyasaṃ vijñātam̐ syādvācārambhaṇaṃ vikāro nāmadheyaṃ kṛṣṇāyasamityeva satyamevam̐somya sa ādeśo bhavatīti

और जैसे नहरनी जैसी लोहे की एक वस्तु को जान लेने से लोहे से बनी सब वस्तुएँ जान ली जाती हैं, क्योंकि हर विकार केवल वाणी से उठा हुआ नाम है, सत्य तो बस लोहा ही है; सौम्य, वह उपदेश ऐसा ही है।

न वै नूनं भगवन्तस्त एतदवेदिषुर्यद्ध्येतदवेदिष्यन्कथं मे नावक्ष्यन्निति भगवाँस्त्वेव मे तद्ब्रवीत्विति तथा सोम्येति होवाच

na vai nūnaṃ bhagavantasta etadavediṣuryaddhyetadavediṣyankathaṃ me nāvakṣyanniti bhagavām̐stveva me tadbravītviti tathā somyeti hovāca

श्वेतकेतु बोले, निश्चय ही मेरे पूज्य गुरुजन यह नहीं जानते थे। यदि जानते तो मुझे क्यों न बताते? इसलिए भगवन्, आप ही मुझे यह बताइए। पिता ने कहा, अच्छा सौम्य।

सदेव सोम्येदमग्र आसीदेकमेवाद्वितीयम् । तद्धैक आहुरसदेवेदमग्र आसीदेकमेवाद्वितीयं तस्मादसतः सज्जायत

sadeva somyedamagra āsīdekamevādvitīyam | taddhaika āhurasadevedamagra āsīdekamevādvitīyaṃ tasmādasataḥ sajjāyata

सौम्य, आरंभ में यह जगत केवल सत् ही था, एक ही, अद्वितीय। कुछ लोग कहते हैं कि आरंभ में यह केवल असत् था, एक ही, अद्वितीय, और उस असत् से सत् उत्पन्न हुआ।

कुतस्तु खलु सोम्यैवँस्यादिति होवाच कथमसतः सज्जायेतेति । सत्त्वेव सोम्येदमग्र आसीदेकमेवाद्वितीयम्

kutastu khalu somyaivam̐syāditi hovāca kathamasataḥ sajjāyeteti | sattveva somyedamagra āsīdekamevādvitīyam

पर सौम्य, ऐसा कैसे हो सकता है? उन्होंने कहा, असत् से सत् कैसे उत्पन्न हो सकता है? सौम्य, आरंभ में यह सत् ही था, एक ही, अद्वितीय।

तदैक्षत बहु स्यां प्रजायेयेति तत्तेजोऽसृजत । तत्तेज ऐक्षत बहु स्यां प्रजायेयेति तदपोऽसृजत । तस्माद्यत्र क्वच शोचति स्वेदते वा पुरुषस्तेजस एव तदध्यापो जायन्ते

tadaikṣata bahu syāṃ prajāyeyeti tattejo'sṛjata | tatteja aikṣata bahu syāṃ prajāyeyeti tadapo'sṛjata | tasmādyatra kvaca śocati svedate vā puruṣastejasa eva tadadhyāpo jāyante

उस सत् ने ईक्षण किया, मैं बहुत हो जाऊँ, मैं प्रकट होऊँ। उसने तेज को रचा। उस तेज ने ईक्षण किया, मैं बहुत हो जाऊँ, मैं प्रकट होऊँ। उसने जल को रचा। इसीलिए जब भी मनुष्य शोक करता है या पसीने से भीगता है, तब तेज से ही जल उत्पन्न होता है।

ता आप ऐक्षन्त बह्व्यः स्याम प्रजायेमहीति ता अन्नमसृजन्त । तस्माद्यत्र क्व च वर्षति तदेव भूयिष्ठमन्नं भवत्यद्भ्य एव तदध्यन्नाद्यं जायते

tā āpa aikṣanta bahvyaḥ syāma prajāyemahīti tā annamasṛjanta | tasmādyatra kva ca varṣati tadeva bhūyiṣṭhamannaṃ bhavatyadbhya eva tadadhyannādyaṃ jāyate

उस जल ने ईक्षण किया, हम बहुत हो जाएँ, हम प्रकट हों। उसने अन्न को रचा। इसीलिए जहाँ कहीं वर्षा होती है, वहाँ अन्न बहुत होता है; जल से ही खाने योग्य अन्न उत्पन्न होता है।

तेषां खल्वेषां भूतानां त्रीण्येव बीजानि भवन्त्याण्डजं जीवजमुद्भिज्जमिति

teṣāṃ khalveṣāṃ bhūtānāṃ trīṇyeva bījāni bhavantyāṇḍajaṃ jīvajamudbhijjamiti

इन सब प्राणियों के तीन ही बीज होते हैं: अंडे से जन्मे अंडज, जीवित जन्म लेने वाले जीवज, और भूमि फोड़कर उगने वाले उद्भिज्ज।

सेयं देवतैक्षत हन्ताहमिमास्तिस्रो देवता अनेन जीवेनात्मनानुप्रविश्य नामरूपे व्याकरवाणीति

seyaṃ devataikṣata hantāhamimāstisro devatā anena jīvenātmanānupraviśya nāmarūpe vyākaravāṇīti

उस देवता, सत् ने विचार किया, अब मैं इस जीवात्मा के रूप में इन तीनों देवताओं, तेज, जल और अन्न में प्रवेश करके नाम और रूप को प्रकट करूँ।

तासां त्रिवृतं त्रिवृतमेकैकां करवाणीति सेयं देवतेमास्तिस्रो देवता अनेनैव जीवेनात्मनानुप्रविश्य नामरूपे व्याकरोत्

tāsāṃ trivṛtaṃ trivṛtamekaikāṃ karavāṇīti seyaṃ devatemāstisro devatā anenaiva jīvenātmanānupraviśya nāmarūpe vyākarot

मैं इनमें से प्रत्येक को त्रिवृत्, यानी तीन-तीन का मिश्रण बनाऊँ। ऐसा विचार कर उस देवता ने इसी जीवात्मा के रूप में इन तीनों देवताओं में प्रवेश किया और नाम-रूप को प्रकट किया।

तासां त्रिवृतं त्रिवृतमेकैकामकरोद्यथा तु खलु सोम्येमास्तिस्रो देवतास्त्रिवृत्त्रिवृदेकैका भवति तन्मे विजानीहीति

tāsāṃ trivṛtaṃ trivṛtamekaikāmakarodyathā tu khalu somyemāstisro devatāstrivṛttrivṛdekaikā bhavati tanme vijānīhīti

उसने प्रत्येक को त्रिवृत् बनाया। सौम्य, अब मुझसे जानो कि ये तीनों देवता किस प्रकार एक-एक करके त्रिवृत् हुए हैं।

यदग्ने रोहितँरूपं तेजसस्तद्रूपं यच्छुक्लं तदपां यत्कृष्णं तदन्नस्यापागादग्नेरग्नित्वं वाचारम्भणं विकारो नामधेयं त्रीणि रूपाणीत्येव सत्यम्

yadagne rohitam̐rūpaṃ tejasastadrūpaṃ yacchuklaṃ tadapāṃ yatkṛṣṇaṃ tadannasyāpāgādagneragnitvaṃ vācārambhaṇaṃ vikāro nāmadheyaṃ trīṇi rūpāṇītyeva satyam

अग्नि का जो लाल रूप है वह तेज का रूप है, जो श्वेत है वह जल का, जो काला है वह अन्न का। इस प्रकार अग्नि से उसका अग्नित्व चला गया; वह केवल वाणी से उठा हुआ नाम था। सत्य तो बस तीन रूप ही हैं।

यदादित्यस्य रोहितँरूपं तेजसस्तद्रूपं यच्छुक्लं तदपां यत्कृष्णं तदन्नस्यापागादादित्यादादित्यत्वं वाचारम्भणं विकारो नामधेयं त्रीणि रूपाणीत्येव सत्यम्

yadādityasya rohitam̐rūpaṃ tejasastadrūpaṃ yacchuklaṃ tadapāṃ yatkṛṣṇaṃ tadannasyāpāgādādityādādityatvaṃ vācārambhaṇaṃ vikāro nāmadheyaṃ trīṇi rūpāṇītyeva satyam

सूर्य का जो लाल रूप है वह तेज का रूप है, जो श्वेत है वह जल का, जो काला है वह अन्न का। इस प्रकार सूर्य से उसका सूर्यत्व चला गया; वह केवल वाणी से उठा हुआ नाम था। सत्य तो बस तीन रूप ही हैं।

यच्छन्द्रमसो रोहितँरूपं तेजसस्तद्रूपं यच्छुक्लं तदपां यत्कृष्णं तदन्नस्यापागाच्चन्द्राच्चन्द्रत्वं वाचारम्भणं विकारो नामधेयं त्रीणि रूपाणीत्येव सत्यम्

yacchandramaso rohitam̐rūpaṃ tejasastadrūpaṃ yacchuklaṃ tadapāṃ yatkṛṣṇaṃ tadannasyāpāgāccandrāccandratvaṃ vācārambhaṇaṃ vikāro nāmadheyaṃ trīṇi rūpāṇītyeva satyam

चंद्रमा का जो लाल रूप है वह तेज का रूप है, जो श्वेत है वह जल का, जो काला है वह अन्न का। इस प्रकार चंद्रमा से उसका चंद्रत्व चला गया; वह केवल वाणी से उठा हुआ नाम था। सत्य तो बस तीन रूप ही हैं।

यद्विद्युतो रोहितँरूपं तेजसस्तद्रूपं यच्छुक्लं तदपां यत्कृष्णं तदन्नस्यापागाद्विद्युतो विद्युत्त्वं वाचारम्भणं विकारो नामधेयं त्रीणि रूपाणीत्येव सत्यम्

yadvidyuto rohitam̐rūpaṃ tejasastadrūpaṃ yacchuklaṃ tadapāṃ yatkṛṣṇaṃ tadannasyāpāgādvidyuto vidyuttvaṃ vācārambhaṇaṃ vikāro nāmadheyaṃ trīṇi rūpāṇītyeva satyam

बिजली का जो लाल रूप है वह तेज का रूप है, जो श्वेत है वह जल का, जो काला है वह अन्न का। इस प्रकार बिजली से उसका विद्युत्त्व चला गया; वह केवल वाणी से उठा हुआ नाम था। सत्य तो बस तीन रूप ही हैं।

एतद्ध स्म वै तद्विद्वाँस आहुः पूर्वे महाशाला महाश्रोत्रिया न नोऽद्य कश्चनाश्रुतममतमविज्ञातमुदाहरिष्यतीति ह्येभ्यो विदाञ्चक्रुः

etaddha sma vai tadvidvām̐sa āhuḥ pūrve mahāśālā mahāśrotriyā na no'dya kaścanāśrutamamatamavijñātamudāhariṣyatīti hyebhyo vidāñcakruḥ

यही जानकर प्राचीन काल के बड़े गृहस्थों और महान श्रोत्रियों ने कहा था, अब कोई हमारे सामने ऐसी कोई बात नहीं रख सकेगा जो हमने न सुनी हो, न सोची हो, न जानी हो। क्योंकि इन्हीं तीन रूपों से उन्होंने सब कुछ जान लिया था।

यदु रोहितमिवाभूदिति तेजसस्तद्रूपमिति तद्विदाञ्चक्रुर्यदु शुक्लमिवाभूदित्यपाँरूपमिति तद्विदाञ्चक्रुर्यदु कृष्णमिवाभूदित्यन्नस्य रूपमिति तद्विदाञ्चक्रुः

yadu rohitamivābhūditi tejasastadrūpamiti tadvidāñcakruryadu śuklamivābhūdityapām̐rūpamiti tadvidāñcakruryadu kṛṣṇamivābhūdityannasya rūpamiti tadvidāñcakruḥ

जो कुछ लाल-सा दिखाई दिया, उसे उन्होंने तेज का रूप जाना। जो कुछ श्वेत-सा दिखाई दिया, उसे जल का रूप जाना। जो कुछ काला-सा दिखाई दिया, उसे अन्न का रूप जाना।

यद्वविज्ञातमिवाभूदित्येतासामेव देवतानाँसमास इति तद्विदाञ्चक्रुर्यथा नु खलु सोम्येमास्तिस्रो देवताः पुरुषं प्राप्य त्रिवृत्त्रिवृदेकैका भवति तन्मे विजानीहीति

yadvavijñātamivābhūdityetāsāmeva devatānām̐samāsa iti tadvidāñcakruryathā nu khalu somyemāstisro devatāḥ puruṣaṃ prāpya trivṛttrivṛdekaikā bhavati tanme vijānīhīti

जो कुछ अनजाना-सा लगा, उसे उन्होंने इन्हीं तीनों देवताओं का मेल जाना। सौम्य, अब मुझसे जानो कि ये तीनों देवता मनुष्य में पहुँचकर किस प्रकार एक-एक करके त्रिवृत् हो जाते हैं।

अन्नमशितं त्रेधा विधीयते तस्य यः स्थविष्ठो धातुस्तत्पुरीषं भवति यो मध्यमस्तन्माँसं योऽणिष्ठस्तन्मनः

annamaśitaṃ tredhā vidhīyate tasya yaḥ sthaviṣṭho dhātustatpurīṣaṃ bhavati yo madhyamastanmām̐saṃ yo'ṇiṣṭhastanmanaḥ

खाया हुआ अन्न तीन भागों में बँट जाता है। उसका सबसे स्थूल अंश मल बनता है, मध्यम अंश मांस बनता है, और सबसे सूक्ष्म अंश मन बनता है।

आपः पीतास्त्रेधा विधीयन्ते तासां यः स्थविष्ठो धातुस्तन्मूत्रं भवति यो मध्यमस्तल्लोहितं योऽणिष्ठः स प्राणः

āpaḥ pītāstredhā vidhīyante tāsāṃ yaḥ sthaviṣṭho dhātustanmūtraṃ bhavati yo madhyamastallohitaṃ yo'ṇiṣṭhaḥ sa prāṇaḥ

पिया हुआ जल तीन भागों में बँट जाता है। उसका सबसे स्थूल अंश मूत्र बनता है, मध्यम अंश रक्त बनता है, और सबसे सूक्ष्म अंश प्राण बनता है।

तेजोऽशितं त्रेधा विधीयते तस्य यः स्थविष्ठो धातुस्तदस्थि भवति यो मध्यमः स मज्जा योऽणिष्ठः सा वाक्

tejo'śitaṃ tredhā vidhīyate tasya yaḥ sthaviṣṭho dhātustadasthi bhavati yo madhyamaḥ sa majjā yo'ṇiṣṭhaḥ sā vāk

तेल, घी जैसे पदार्थों में खाया हुआ तेज तीन भागों में बँट जाता है। उसका सबसे स्थूल अंश हड्डी बनता है, मध्यम अंश मज्जा बनता है, और सबसे सूक्ष्म अंश वाणी बनता है।

अन्नमयँहि सोम्य मनः आपोमयः प्राणस्तेजोमयी वागिति भूय एव मा भगवान्विज्ञापयत्विति तथा सोम्येति होवाच

annamayam̐hi somya manaḥ āpomayaḥ prāṇastejomayī vāgiti bhūya eva mā bhagavānvijñāpayatviti tathā somyeti hovāca

सौम्य, मन अन्नमय है, प्राण जलमय है और वाणी तेजोमय है। पुत्र बोला, भगवन्, मुझे और समझाइए। पिता ने कहा, अच्छा सौम्य।

दध्नः सोम्य मथ्यमानस्य योऽणिमा स उर्ध्वः समुदीषति तत्सर्पिर्भवति

dadhnaḥ somya mathyamānasya yo'ṇimā sa urdhvaḥ samudīṣati tatsarpirbhavati

सौम्य, जब दही मथा जाता है, तब उसका सूक्ष्म अंश ऊपर उठ आता है और वही मक्खन बन जाता है।

एवमेव खलु सोम्यान्नस्याश्यमानस्य योऽणिमा स उर्ध्वः समुदीषति तन्मनो भवति

evameva khalu somyānnasyāśyamānasya yo'ṇimā sa urdhvaḥ samudīṣati tanmano bhavati

सौम्य, इसी प्रकार जब अन्न खाया जाता है, तब उसका सूक्ष्म अंश ऊपर उठता है और वही मन बनता है।

अपाँसोम्य पीयमानानां योऽणिमा स उर्ध्वः समुदीषति सा प्राणो भवति

apām̐somya pīyamānānāṃ yo'ṇimā sa urdhvaḥ samudīṣati sā prāṇo bhavati

सौम्य, जब जल पिया जाता है, तब उसका सूक्ष्म अंश ऊपर उठता है और वही प्राण बनता है।

तेजसः सोम्याश्यमानस्य योऽणिमा स उर्ध्वः समुदीषति सा वाग्भवति

tejasaḥ somyāśyamānasya yo'ṇimā sa urdhvaḥ samudīṣati sā vāgbhavati

सौम्य, जब तेज खाया जाता है, तब उसका सूक्ष्म अंश ऊपर उठता है और वही वाणी बनती है।

अन्नमयँ हि सोम्य मन आपोमयः प्राणस्तेजोमयी वागिति भूय एव मा भगवान्विज्ञापयत्विति तथा सोम्येति होवाच

annamayam̐ hi somya mana āpomayaḥ prāṇastejomayī vāgiti bhūya eva mā bhagavānvijñāpayatviti tathā somyeti hovāca

सौम्य, मन अन्नमय है, प्राण जलमय है और वाणी तेजोमय है। पुत्र बोला, भगवन्, मुझे और समझाइए। पिता ने कहा, अच्छा सौम्य।

षोडशकलः सोम्य पुरुषः पञ्चदशाहानि माशीः काममपः पिबापोमयः प्राणो नपिबतो विच्छेत्स्यत इति

ṣoḍaśakalaḥ somya puruṣaḥ pañcadaśāhāni māśīḥ kāmamapaḥ pibāpomayaḥ prāṇo napibato vicchetsyata iti

सौम्य, मनुष्य सोलह कलाओं वाला है। पंद्रह दिन तक भोजन मत करो, पर इच्छानुसार जल पीते रहो। प्राण जलमय है, इसलिए जल पीते रहने से वह टूटेगा नहीं।

स ह पञ्चदशाहानि नशाथ हैनमुपससाद किं ब्रवीमि भो इत्यृचः सोम्य यजूँषि सामानीति स होवाच न वै मा प्रतिभान्ति भो इति

sa ha pañcadaśāhāni naśātha hainamupasasāda kiṃ bravīmi bho ityṛcaḥ somya yajūm̐ṣi sāmānīti sa hovāca na vai mā pratibhānti bho iti

उन्होंने पंद्रह दिन भोजन नहीं किया। फिर वे पिता के पास आकर बोले, भगवन्, क्या सुनाऊँ? पिता ने कहा, सौम्य, ऋचाएँ, यजुष् और साम। वे बोले, भगवन्, वे मुझे याद ही नहीं आ रहे।

तँ होवाच यथा सोम्य महतोऽभ्याहितस्यैकोऽङ्गारः खद्योतमात्रः परिशिष्टः स्यात्तेन ततोऽपि न बहु दहेदेवँसोम्य ते षोडशानां कलानामेका कलातिशिष्टा स्यात्तयैतर्हि वेदान्नानुभवस्यशानाथ मे विज्ञास्यसीति

tam̐ hovāca yathā somya mahato'bhyāhitasyaiko'ṅgāraḥ khadyotamātraḥ pariśiṣṭaḥ syāttena tato'pi na bahu dahedevam̐somya te ṣoḍaśānāṃ kalānāmekā kalātiśiṣṭā syāttayaitarhi vedānnānubhavasyaśānātha me vijñāsyasīti

पिता ने उनसे कहा, सौम्य, जैसे बड़ी जलाई हुई आग में से जुगनू जितना एक ही अंगारा बचा रह जाए तो वह उससे अधिक कुछ नहीं जला सकता, वैसे ही तुम्हारी सोलह कलाओं में से एक ही कला बची है, और उससे तुम अभी वेदों का स्मरण नहीं कर पा रहे। भोजन करो, फिर मेरी बात समझोगे।

स हशाथ हैनमुपससाद तँ ह यत्किञ्च पप्रच्छ सर्वँह प्रतिपेदे

sa haśātha hainamupasasāda tam̐ ha yatkiñca papraccha sarvam̐ha pratipede

उन्होंने भोजन किया और फिर पिता के पास आए। पिता ने जो कुछ भी पूछा, उन्होंने सबका उत्तर दे दिया।

तँ होवाच यथा सोम्य महतोऽभ्याहितस्यैकमङ्गारं खद्योतमात्रं परिशिष्टं तं तृणैरुपसमाधाय प्राज्वलयेत्तेन ततोऽपि बहु दहेत्

tam̐ hovāca yathā somya mahato'bhyāhitasyaikamaṅgāraṃ khadyotamātraṃ pariśiṣṭaṃ taṃ tṛṇairupasamādhāya prājvalayettena tato'pi bahu dahet

पिता ने उनसे कहा, सौम्य, जैसे बड़ी जलाई हुई आग में से जुगनू जितना एक ही अंगारा बचा हो, और उस पर तिनके रखकर उसे धधका दिया जाए, तो वह उससे कहीं अधिक जला सकता है;

एवँ सोम्य ते षोडशानां कलानामेका कलातिशिष्टाभूत्सान्नेनोपसमाहिता प्राज्वालीतयैतर्हि वेदाननुभवस्यन्नमयँहि सोम्य मन आपोमयः प्राणस्तेजोमयी वागिति तद्धास्य विजज्ञाविति विजज्ञाविति

evam̐ somya te ṣoḍaśānāṃ kalānāmekā kalātiśiṣṭābhūtsānnenopasamāhitā prājvālītayaitarhi vedānanubhavasyannamayam̐hi somya mana āpomayaḥ prāṇastejomayī vāgiti taddhāsya vijajñāviti vijajñāviti

वैसे ही सौम्य, तुम्हारी सोलह कलाओं में से एक कला बची थी। अन्न से पोषित होकर वह फिर धधक उठी, और उसी से अब तुम वेदों का स्मरण कर रहे हो। सौम्य, मन अन्नमय है, प्राण जलमय है और वाणी तेजोमय है। तब श्वेतकेतु ने पिता की बात समझ ली, हाँ, भली भाँति समझ ली।

उद्दालको हारुणिः श्वेतकेतुं पुत्रमुवाच स्वप्नान्तं मे सोम्य विजानीहीति यत्रैतत्पुरुषः स्वपिति नाम सता सोम्य तदा सम्पन्नो भवति स्वमपीतो भवति तस्मादेनँ स्वपितीत्याचक्षते स्वँह्यपीतो भवति

uddālako hāruṇiḥ śvetaketuṃ putramuvāca svapnāntaṃ me somya vijānīhīti yatraitatpuruṣaḥ svapiti nāma satā somya tadā sampanno bhavati svamapīto bhavati tasmādenam̐ svapitītyācakṣate svam̐hyapīto bhavati

उद्दालक आरुणि ने अपने पुत्र श्वेतकेतु से कहा, सौम्य, मुझसे गहरी नींद का रहस्य जानो। जब मनुष्य सोता है, जिसे स्वपिति कहते हैं, तब सौम्य, वह सत् से एक हो जाता है, अपने स्व में लीन हो जाता है। इसीलिए उसे स्वपिति कहते हैं, क्योंकि वह अपने ही आत्मा में समा जाता है।

स यथा शकुनिः सूत्रेण प्रबद्धो दिशं दिशं पतित्वान्यत्रायतनमलब्ध्वा बन्धनमेवोपश्रयत एवमेव खलु सोम्य तन्मनो दिशं दिशं पतित्वान्यत्रायतनमलब्ध्वा प्राणमेवोपश्रयते प्राणबन्धनँ हि सोम्य मन इति

sa yathā śakuniḥ sūtreṇa prabaddho diśaṃ diśaṃ patitvānyatrāyatanamalabdhvā bandhanamevopaśrayata evameva khalu somya tanmano diśaṃ diśaṃ patitvānyatrāyatanamalabdhvā prāṇamevopaśrayate prāṇabandhanam̐ hi somya mana iti

जैसे डोरी से बँधा पक्षी हर दिशा में उड़कर, कहीं और ठिकाना न पाकर, अंत में अपने बंधन के स्थान पर ही आ टिकता है, वैसे ही सौम्य, यह मन हर दिशा में भटककर, कहीं और ठिकाना न पाकर, प्राण में ही आ टिकता है। सौम्य, मन प्राण से बँधा है।

अशनापिपासे मे सोम्य विजानीहीति यत्रैतत्पुरुषोऽशिशिषति नामाप एव तदशितं नयन्ते तद्यथा गोनायोऽश्वनायः पुरुषनाय इत्येवं तदप आचक्षतेऽशनायेति तत्रितच्छुङ्गमुत्पतितँ सोम्य विजानीहि नेदममूलं भविष्यतीति

aśanāpipāse me somya vijānīhīti yatraitatpuruṣo'śiśiṣati nāmāpa eva tadaśitaṃ nayante tadyathā gonāyo'śvanāyaḥ puruṣanāya ityevaṃ tadapa ācakṣate'śanāyeti tatritacchuṅgamutpatitam̐ somya vijānīhi nedamamūlaṃ bhaviṣyatīti

सौम्य, मुझसे भूख और प्यास को जानो। जब मनुष्य को भूख लगती है, तब जल ही खाए हुए अन्न को ले जाता है। जैसे गायों को ले जाने वाले को गोनाय, घोड़ों को ले जाने वाले को अश्वनाय और मनुष्यों को ले जाने वाले को पुरुषनाय कहते हैं, वैसे ही जल को अशनाय, अन्न को ले जाने वाला कहते हैं। सौम्य, इस शरीर को एक अंकुर जानो जो फूट निकला है; यह बिना मूल के नहीं हो सकता।

तस्य क्व मूलँ स्यादन्यत्रान्नादेवमेव खलु सोम्यान्नेन शुङ्गेनापो मूलमन्विच्छाद्भिः सोम्य शुङ्गेन तेजोमूलमन्विच्छ तेजसा सोम्य शुङ्गेन सन्मूलमन्विच्छ सन्मूलाः सोम्येमाः सर्वाः प्रजाः सदायतनाः सत्प्रतिष्ठाः

tasya kva mūlam̐ syādanyatrānnādevameva khalu somyānnena śuṅgenāpo mūlamanvicchādbhiḥ somya śuṅgena tejomūlamanviccha tejasā somya śuṅgena sanmūlamanviccha sanmūlāḥ somyemāḥ sarvāḥ prajāḥ sadāyatanāḥ satpratiṣṭhāḥ

इसका मूल अन्न के सिवा और कहाँ होगा? इसी प्रकार सौम्य, अन्न रूपी अंकुर से जल को मूल रूप में खोजो, जल रूपी अंकुर से तेज को मूल रूप में खोजो, और तेज रूपी अंकुर से सत् को मूल रूप में खोजो। सौम्य, ये सब प्रजाएँ सत् को ही मूल मानती हैं, सत् ही इनका आश्रय है और सत् ही इनकी प्रतिष्ठा है।

अथ यत्रैतत्पुरुषः पिपासति नाम तेज एव तत्पीतं नयते तद्यथा गोनायोऽश्वनायः पुरुषनाय इत्येवं तत्तेज आचष्ट उदन्येति तत्रैतदेव शुङ्गमुत्पतितँ सोम्य विजानीहि नेदममूलं भविष्यतीति

atha yatraitatpuruṣaḥ pipāsati nāma teja eva tatpītaṃ nayate tadyathā gonāyo'śvanāyaḥ puruṣanāya ityevaṃ tatteja ācaṣṭa udanyeti tatraitadeva śuṅgamutpatitam̐ somya vijānīhi nedamamūlaṃ bhaviṣyatīti

और जब मनुष्य को प्यास लगती है, तब तेज ही पिए हुए जल को ले जाता है। जैसे गोनाय, अश्वनाय और पुरुषनाय कहते हैं, वैसे ही तेज को उदन्य, जल को ले जाने वाला कहते हैं। सौम्य, इस शरीर को एक अंकुर जानो जो फूट निकला है; यह बिना मूल के नहीं हो सकता।

तस्य क्व मूलँ स्यादन्यत्राद्भ्य्ऽद्भिः सोम्य शुङ्गेन तेजो मूलमन्विच्छ तेजसा सोम्य शुङ्गेन सन्मूलमन्विच्छ सन्मूलाः सोम्येमाः सर्वाः प्रजाः सदायतनाः सत्प्रतिष्ठा यथा नु खलु सोम्येमास्तिस्रो देवताः पुरुषं प्राप्य त्रिवृत्त्रिवृदेकैका भवति तदुक्तं पुरस्तादेव भवत्यस्य सोम्य पुरुषस्य प्रयतो वाङ्मनसि सम्पद्यते मनः प्राणे प्राणस्तेजसि तेजः परस्यां देवतायाम्

tasya kva mūlam̐ syādanyatrādbhy'dbhiḥ somya śuṅgena tejo mūlamanviccha tejasā somya śuṅgena sanmūlamanviccha sanmūlāḥ somyemāḥ sarvāḥ prajāḥ sadāyatanāḥ satpratiṣṭhā yathā nu khalu somyemāstisro devatāḥ puruṣaṃ prāpya trivṛttrivṛdekaikā bhavati taduktaṃ purastādeva bhavatyasya somya puruṣasya prayato vāṅmanasi sampadyate manaḥ prāṇe prāṇastejasi tejaḥ parasyāṃ devatāyām

इसका मूल जल के सिवा और कहाँ होगा? सौम्य, जल रूपी अंकुर से तेज को मूल रूप में खोजो, और तेज रूपी अंकुर से सत् को मूल रूप में खोजो। ये सब प्रजाएँ सत् को ही मूल, आश्रय और प्रतिष्ठा मानती हैं। तीनों देवता मनुष्य में पहुँचकर कैसे त्रिवृत् होते हैं, यह पहले कहा जा चुका है। सौम्य, जब मनुष्य देह छोड़ता है, तब उसकी वाणी मन में, मन प्राण में, प्राण तेज में और तेज परम देवता में लीन हो जाता है।

स य एषोऽणिमैतदात्म्यमिदँ सर्वं तत्सत्यँ स आत्मा तत्त्वमसि श्वेतकेतो इति भूय एव मा भगवान्विज्ञापयत्विति तथा सोम्येति होवाच

sa ya eṣo'ṇimaitadātmyamidam̐ sarvaṃ tatsatyam̐ sa ātmā tattvamasi śvetaketo iti bhūya eva mā bhagavānvijñāpayatviti tathā somyeti hovāca

वह जो यह सूक्ष्मतम तत्त्व है, यह सारा जगत उसी को अपना आत्मा बनाए हुए है। वही सत्य है, वही आत्मा है। हे श्वेतकेतु, वह तू है। पुत्र बोला, भगवन्, मुझे और समझाइए। पिता ने कहा, अच्छा सौम्य, सुनो।

यथा सोम्य मधु मधुकृतो निस्तिष्ठन्ति नानात्ययानां वृक्षाणाँरसान्समवहारमेकताँरसं गमयन्ति

yathā somya madhu madhukṛto nistiṣṭhanti nānātyayānāṃ vṛkṣāṇām̐rasānsamavahāramekatām̐rasaṃ gamayanti

सौम्य, जैसे मधुमक्खियाँ अलग-अलग प्रकार के अनेक वृक्षों के रस इकट्ठे करके उन्हें एक ही रस बना देती हैं और इस प्रकार मधु बनाती हैं,

ते यथा तत्र न विवेकं लभन्तेऽमुष्याहं वृक्षस्य रसोऽस्म्यमुष्याहं वृक्षस्य रसोऽस्मीत्येवमेव खलु सोम्येमाः सर्वाः प्रजाः सति सम्पद्य न विदुः सति सम्पद्यामह इति

te yathā tatra na vivekaṃ labhante'muṣyāhaṃ vṛkṣasya raso'smyamuṣyāhaṃ vṛkṣasya raso'smītyevameva khalu somyemāḥ sarvāḥ prajāḥ sati sampadya na viduḥ sati sampadyāmaha iti

और जैसे वहाँ वे रस यह भेद नहीं जान पाते कि मैं इस वृक्ष का रस हूँ, मैं उस वृक्ष का रस हूँ, वैसे ही सौम्य, ये सब प्रजाएँ गहरी नींद में या मृत्यु के समय सत् में लीन होकर यह नहीं जानतीं कि हम सत् में लीन हो गई हैं।

त इह व्याघ्रो वा सिँहो वा वृको वा वराहो वा कीटो वा पतङ्गो वा दँशो वा मशको वा यद्यद्भवन्ति तदाभवन्ति

ta iha vyāghro vā sim̐ho vā vṛko vā varāho vā kīṭo vā pataṅgo vā dam̐śo vā maśako vā yadyadbhavanti tadābhavanti

यहाँ वे जो कुछ भी थे, बाघ हो या सिंह, भेड़िया हो या सूअर, कीड़ा हो या पतंगा, डाँस हो या मच्छर, वही वे फिर से हो जाते हैं।

स य एषोऽणिमैतदात्म्यमिदँ सर्वं तत्सत्यँ स आत्मा तत्त्वमसि श्वेतकेतो इति भूय एव मा भगवान्विज्ञापयत्विति तथा सोम्येति होवाच

sa ya eṣo'ṇimaitadātmyamidam̐ sarvaṃ tatsatyam̐ sa ātmā tattvamasi śvetaketo iti bhūya eva mā bhagavānvijñāpayatviti tathā somyeti hovāca

वह जो यह सूक्ष्मतम तत्त्व है, यह सारा जगत उसी को अपना आत्मा बनाए हुए है। वही सत्य है, वही आत्मा है। हे श्वेतकेतु, वह तू है। पुत्र बोला, भगवन्, मुझे और समझाइए। पिता ने कहा, अच्छा सौम्य, सुनो।

इमाः सोम्य नद्यः पुरस्तात्प्राच्यः स्यन्दन्ते पश्चात्प्रतीच्यस्ताः समुद्रात्समुद्रमेवापियन्ति स समुद्र एव भवति ता यथा तत्र न विदुरियमहमस्मीयमहमस्मीति

imāḥ somya nadyaḥ purastātprācyaḥ syandante paścātpratīcyastāḥ samudrātsamudramevāpiyanti sa samudra eva bhavati tā yathā tatra na viduriyamahamasmīyamahamasmīti

सौम्य, ये नदियाँ बहती हैं, पूर्व की नदियाँ पूर्व की ओर और पश्चिम की नदियाँ पश्चिम की ओर। वे समुद्र से उठकर समुद्र में ही जा मिलती हैं और समुद्र ही बन जाती हैं। वहाँ वे यह नहीं जानतीं कि मैं यह नदी हूँ, मैं वह नदी हूँ।

एवमेव खलु सोम्येमाः सर्वाः प्रजाः सत आगम्य न विदुः सत आगच्छामह इति त इह व्याघ्रो वा सिँहो वा वृको वा वराहो वा कीटो वा पतङ्गो वा दँशो वा मशको वा यद्यद्भवन्ति तदाभवन्ति

evameva khalu somyemāḥ sarvāḥ prajāḥ sata āgamya na viduḥ sata āgacchāmaha iti ta iha vyāghro vā sim̐ho vā vṛko vā varāho vā kīṭo vā pataṅgo vā dam̐śo vā maśako vā yadyadbhavanti tadābhavanti

सौम्य, इसी प्रकार ये सब प्रजाएँ सत् से निकलकर आई हैं, फिर भी यह नहीं जानतीं कि हम सत् से आई हैं। यहाँ वे जो कुछ भी थीं, बाघ या सिंह, भेड़िया या सूअर, कीड़ा या पतंगा, डाँस या मच्छर, वही वे फिर से हो जाती हैं।

स य एषोऽणिमैतदात्म्यमिदँ सर्वं तत्सत्यँ स आत्मा तत्त्वमसि श्वेतकेतो इति भूय एव मा भगवान्विज्ञापयत्विति तथा सोम्येति होवाच

sa ya eṣo'ṇimaitadātmyamidam̐ sarvaṃ tatsatyam̐ sa ātmā tattvamasi śvetaketo iti bhūya eva mā bhagavānvijñāpayatviti tathā somyeti hovāca

वह जो यह सूक्ष्मतम तत्त्व है, यह सारा जगत उसी को अपना आत्मा बनाए हुए है। वही सत्य है, वही आत्मा है। हे श्वेतकेतु, वह तू है। पुत्र बोला, भगवन्, मुझे और समझाइए। पिता ने कहा, अच्छा सौम्य, सुनो।

अस्य सोम्य महतो वृक्षस्य यो मूलेऽभ्याहन्याज्जीवन्स्रवेद्यो मध्येऽभ्याहन्याज्जीवन्स्रवेद्योऽग्रेऽभ्याहन्याज्जीवन्स्रवेत्स एष जीवेनात्मनानुप्रभूतः पेपीयमानो मोदमानस्तिष्ठति

asya somya mahato vṛkṣasya yo mūle'bhyāhanyājjīvansravedyo madhye'bhyāhanyājjīvansravedyo'gre'bhyāhanyājjīvansravetsa eṣa jīvenātmanānuprabhūtaḥ pepīyamāno modamānastiṣṭhati

सौम्य, यदि कोई इस विशाल वृक्ष की जड़ पर प्रहार करे तो उससे रस बहेगा, पर वह जीवित रहेगा। यदि बीच में प्रहार करे तो रस बहेगा, पर वह जीवित रहेगा। यदि ऊपर प्रहार करे तो भी रस बहेगा, पर वह जीवित रहेगा। जीवात्मा से व्याप्त होकर वह पोषण खींचता हुआ प्रसन्न खड़ा रहता है।

अस्य यदेकाँ शाखां जीवो जहात्यथ सा शुष्यति द्वितीयां जहात्यथ सा शुष्यति तृतीयां जहात्यथ सा शुष्यति सर्वं जहाति सर्वः शुष्यत्येवमेव खलु सोम्य विद्धीति होवाच

asya yadekām̐ śākhāṃ jīvo jahātyatha sā śuṣyati dvitīyāṃ jahātyatha sā śuṣyati tṛtīyāṃ jahātyatha sā śuṣyati sarvaṃ jahāti sarvaḥ śuṣyatyevameva khalu somya viddhīti hovāca

यदि जीव उसकी एक शाखा को छोड़ देता है तो वह सूख जाती है। दूसरी को छोड़ता है तो वह सूख जाती है। तीसरी को छोड़ता है तो वह सूख जाती है। सारे वृक्ष को छोड़ देता है तो सारा वृक्ष सूख जाता है। उन्होंने कहा, सौम्य, इसे ठीक ऐसा ही समझो।

जीवापेतं वाव किलेदं म्रियते न जीवो म्रियते इति स य एषोऽणिमैतदात्म्यमिदँ सर्वं तत्सत्यँ स आत्मा तत्त्वमसि श्वेतकेतो इति भूय एव मा भगवान्विज्ञापयत्विति तथा सोम्येति होवाच

jīvāpetaṃ vāva kiledaṃ mriyate na jīvo mriyate iti sa ya eṣo'ṇimaitadātmyamidam̐ sarvaṃ tatsatyam̐ sa ātmā tattvamasi śvetaketo iti bhūya eva mā bhagavānvijñāpayatviti tathā somyeti hovāca

जीव के निकल जाने पर यह शरीर ही मरता है, जीव नहीं मरता। वह जो यह सूक्ष्मतम तत्त्व है, यह सारा जगत उसी को अपना आत्मा बनाए हुए है। वही सत्य है, वही आत्मा है। हे श्वेतकेतु, वह तू है। पुत्र बोला, भगवन्, मुझे और समझाइए। पिता ने कहा, अच्छा सौम्य।

न्यग्रोधफलमत आहरेतीदं भगव इति भिन्द्धीति भिन्नं भगव इति किमत्र पश्यसीत्यण्व्य इवेमा धाना भगव इत्यासामङ्गैकां भिन्द्धीति भिन्ना भगव इति किमत्र पश्यसीति न किञ्चन भगव इति

nyagrodhaphalamata āharetīdaṃ bhagava iti bhinddhīti bhinnaṃ bhagava iti kimatra paśyasītyaṇvya ivemā dhānā bhagava ityāsāmaṅgaikāṃ bhinddhīti bhinnā bhagava iti kimatra paśyasīti na kiñcana bhagava iti

पिता बोले, वहाँ से बरगद का एक फल ले आओ। भगवन्, यह रहा। इसे तोड़ो। भगवन्, तोड़ दिया। इसमें क्या देखते हो? भगवन्, ये बहुत छोटे-छोटे बीज। वत्स, इनमें से एक को तोड़ो। भगवन्, तोड़ दिया। इसमें क्या देखते हो? भगवन्, कुछ भी नहीं।

तँ होवाच यं वै सोम्यैतमणिमानं न निभालयस एतस्य वै सोम्यैषोऽणिम्न एवं महान्यग्रोधस्तिष्ठति श्रद्धत्स्व सोम्येति

tam̐ hovāca yaṃ vai somyaitamaṇimānaṃ na nibhālayasa etasya vai somyaiṣo'ṇimna evaṃ mahānyagrodhastiṣṭhati śraddhatsva somyeti

पिता ने उनसे कहा, सौम्य, यह जो सूक्ष्म तत्त्व तुम्हें दिखाई नहीं देता, उसी सूक्ष्म तत्त्व से यह इतना बड़ा बरगद का वृक्ष खड़ा है। सौम्य, श्रद्धा रखो।

स य एषोऽणिमैतदात्म्यमिदद्ँ सर्वं तत्सत्यँ स आत्मा तत्त्वमसि श्वेतकेतो इति भूय एव मा भगवान्विज्ञापयत्विति तथा सोम्येति होवाच

sa ya eṣo'ṇimaitadātmyamidadm̐ sarvaṃ tatsatyam̐ sa ātmā tattvamasi śvetaketo iti bhūya eva mā bhagavānvijñāpayatviti tathā somyeti hovāca

वह जो यह सूक्ष्मतम तत्त्व है, यह सारा जगत उसी को अपना आत्मा बनाए हुए है। वही सत्य है, वही आत्मा है। हे श्वेतकेतु, वह तू है। पुत्र बोला, भगवन्, मुझे और समझाइए। पिता ने कहा, अच्छा सौम्य, सुनो।

लवणमेतदुदकेऽवधायाथ मा प्रातरुपसीदथा इति स ह तथा चकार तँ होवाच यद्दोषा लवणमुदकेऽवाधा अङ्ग तदाहरेति तद्धावमृश्य न विवेद

lavaṇametadudake'vadhāyātha mā prātarupasīdathā iti sa ha tathā cakāra tam̐ hovāca yaddoṣā lavaṇamudake'vādhā aṅga tadāhareti taddhāvamṛśya na viveda

पिता बोले, इस नमक को जल में डाल दो और सवेरे मेरे पास आना। उन्होंने वैसा ही किया। पिता ने उनसे कहा, रात को जो नमक तुमने जल में डाला था, उसे ले आओ। उन्होंने टटोलकर ढूँढा, पर वह नहीं मिला, क्योंकि वह पूरी तरह घुल चुका था।

यथा विलीनमेवाङ्गास्यान्तादाचामेति कथमिति लवणमिति मध्यादाचामेति कथमिति लवणमित्यन्तादाचामेति कथमिति लवणमित्यभिप्रास्यैतदथ मोपसीदथा इति तद्ध तथा चकार तच्छश्वत्संवर्तते तँ होवाचात्र वाव किल तत्सोम्य न निभालयसेऽत्रैव किलेति

yathā vilīnamevāṅgāsyāntādācāmeti kathamiti lavaṇamiti madhyādācāmeti kathamiti lavaṇamityantādācāmeti kathamiti lavaṇamityabhiprāsyaitadatha mopasīdathā iti taddha tathā cakāra tacchaśvatsaṃvartate tam̐ hovācātra vāva kila tatsomya na nibhālayase'traiva kileti

पिता बोले, ऊपर से आचमन करो। कैसा है? नमकीन। बीच से आचमन करो। कैसा है? नमकीन। नीचे से आचमन करो। कैसा है? नमकीन। इसे फेंककर मेरे पास आओ। उन्होंने वैसा किया और कहा, नमक तो उसमें सदा बना ही रहता है। तब पिता बोले, सौम्य, इसी प्रकार इस शरीर में तुम सत् को नहीं देख पाते, पर वह यहीं है।

स य एषोऽणिमैतदात्म्यमिदँ सर्वं तत्सत्यँ स आत्मा तत्त्वमसि श्वेतकेतो इति भूय एव मा भगवान्विज्ञापयत्विति तथा सोम्येति होवाच

sa ya eṣo'ṇimaitadātmyamidam̐ sarvaṃ tatsatyam̐ sa ātmā tattvamasi śvetaketo iti bhūya eva mā bhagavānvijñāpayatviti tathā somyeti hovāca

वह जो यह सूक्ष्मतम तत्त्व है, यह सारा जगत उसी को अपना आत्मा बनाए हुए है। वही सत्य है, वही आत्मा है। हे श्वेतकेतु, वह तू है। पुत्र बोला, भगवन्, मुझे और समझाइए। पिता ने कहा, अच्छा सौम्य, सुनो।

यथा सोम्य पुरुषं गन्धारेभ्योऽभिनद्धाक्षमानीय तं ततोऽतिजने विसृजेत्स यथा तत्र प्राङ्वोदङ्वाधराङ्वा प्रत्यङ्वा प्रध्मायीताभिनद्धाक्ष आनीतोऽभिनद्धाक्षो विसृष्टः

yathā somya puruṣaṃ gandhārebhyo'bhinaddhākṣamānīya taṃ tato'tijane visṛjetsa yathā tatra prāṅvodaṅvādharāṅvā pratyaṅvā pradhmāyītābhinaddhākṣa ānīto'bhinaddhākṣo visṛṣṭaḥ

सौम्य, मान लो किसी मनुष्य की आँखें बाँधकर उसे गांधार देश से लाया जाए और किसी निर्जन स्थान में छोड़ दिया जाए। वह वहाँ पूर्व, उत्तर, पश्चिम या दक्षिण की ओर भटकता हुआ पुकारे, मुझे आँखें बाँधकर लाया गया और आँखें बँधी हालत में ही छोड़ दिया गया।

तस्य यथाभिनहनं प्रमुच्य प्रब्रूयादेतां दिशं गन्धारा एतां दिशं व्रजेति स ग्रामाद्ग्रामं पृच्छन्पण्डितो मेधावी गन्धारानेवोपसम्पद्येतैवमेवेहाचार्यवान्पुरुषो वेद तस्य तावदेव चिरं यावन्न विमोक्ष्येऽथ सम्पत्स्य इति

tasya yathābhinahanaṃ pramucya prabrūyādetāṃ diśaṃ gandhārā etāṃ diśaṃ vrajeti sa grāmādgrāmaṃ pṛcchanpaṇḍito medhāvī gandhārānevopasampadyetaivamevehācāryavānpuruṣo veda tasya tāvadeva ciraṃ yāvanna vimokṣye'tha sampatsya iti

फिर कोई उसकी पट्टी खोलकर बताए कि गांधार इस दिशा में है, इसी दिशा में जाओ। तब वह समझदार और बुद्धिमान मनुष्य गाँव-गाँव पूछता हुआ गांधार पहुँच जाता है। इसी प्रकार इस संसार में जिसे आचार्य मिल जाता है, वह सत् को जान लेता है। उसके लिए उतनी ही देर है जब तक वह देह से मुक्त नहीं होता; फिर वह सत् में मिल जाता है।

स य एषोऽणिमैतदात्म्यमिदँ सर्वं तत्सत्यँ स आत्मा तत्त्वमसि श्वेतकेतो इति भूय एव मा भगवान्विज्ञापयत्विति तथा सोम्येति होवाच

sa ya eṣo'ṇimaitadātmyamidam̐ sarvaṃ tatsatyam̐ sa ātmā tattvamasi śvetaketo iti bhūya eva mā bhagavānvijñāpayatviti tathā somyeti hovāca

वह जो यह सूक्ष्मतम तत्त्व है, यह सारा जगत उसी को अपना आत्मा बनाए हुए है। वही सत्य है, वही आत्मा है। हे श्वेतकेतु, वह तू है। पुत्र बोला, भगवन्, मुझे और समझाइए। पिता ने कहा, अच्छा सौम्य, सुनो।

पुरुषँ सोम्योतोपतापिनं ज्ञातयः पर्युपासते जानासि मां जानासि मामिति । तस्य यावन्न वाङ्मनसि सम्पद्यते मनः प्राणे प्राणस्तेजसि तेजः परस्यां देवतायां तावज्जानाति

puruṣam̐ somyotopatāpinaṃ jñātayaḥ paryupāsate jānāsi māṃ jānāsi māmiti | tasya yāvanna vāṅmanasi sampadyate manaḥ prāṇe prāṇastejasi tejaḥ parasyāṃ devatāyāṃ tāvajjānāti

सौम्य, जब कोई मनुष्य गंभीर रूप से रोगी होता है, तब उसके संबंधी उसे घेरकर पूछते हैं, मुझे पहचानते हो? मुझे पहचानते हो? जब तक उसकी वाणी मन में, मन प्राण में, प्राण तेज में और तेज परम देवता में लीन नहीं होता, तब तक वह उन्हें पहचानता है।

अथ यदास्य वाङ्मनसि सम्पद्यते मनः प्राणे प्राणस्तेजसि तेजः परस्यां देवतायामथ न जानाति

atha yadāsya vāṅmanasi sampadyate manaḥ prāṇe prāṇastejasi tejaḥ parasyāṃ devatāyāmatha na jānāti

पर जब उसकी वाणी मन में, मन प्राण में, प्राण तेज में और तेज परम देवता में लीन हो जाता है, तब वह उन्हें नहीं पहचानता।

स य एषोऽणिमैतदात्म्यमिदँ सर्वं तत् सत्यँ स आत्मा तत्त्वमसि श्वेतकेतो इति भूय एव मा भगवान्विज्ञापयत्विति तथा सोम्येति होवाच

sa ya eṣo'ṇimaitadātmyamidam̐ sarvaṃ tat satyam̐ sa ātmā tattvamasi śvetaketo iti bhūya eva mā bhagavānvijñāpayatviti tathā somyeti hovāca

वह जो यह सूक्ष्मतम तत्त्व है, यह सारा जगत उसी को अपना आत्मा बनाए हुए है। वही सत्य है, वही आत्मा है। हे श्वेतकेतु, वह तू है। पुत्र बोला, भगवन्, मुझे और समझाइए। पिता ने कहा, अच्छा सौम्य, सुनो।

पुरुषँ सोम्योत हस्तगृहीतमानयन्त्यपहार्षीत्स्तेयमकार्षीत्परशुमस्मै तपतेति स यदि तस्य कर्ता भवति तत एवानृतमात्मानं कुरुते सोऽनृताभिसन्धोऽनृतेनात्मानमन्तर्धाय परशुं तप्तं प्रतिगृह्णाति स दह्यतेऽथ हन्यते

puruṣam̐ somyota hastagṛhītamānayantyapahārṣītsteyamakārṣītparaśumasmai tapateti sa yadi tasya kartā bhavati tata evānṛtamātmānaṃ kurute so'nṛtābhisandho'nṛtenātmānamantardhāya paraśuṃ taptaṃ pratigṛhṇāti sa dahyate'tha hanyate

सौम्य, लोग किसी मनुष्य को हाथ पकड़कर लाते हैं और कहते हैं, इसने कुछ उठा लिया है, इसने चोरी की है, इसके लिए फरसा तपाओ। यदि उसने वह काम किया है, तो वह अपने को असत्य बना लेता है। असत्य का आग्रह रखकर और अपने को असत्य से ढककर वह तपा हुआ फरसा पकड़ता है, जल जाता है, और फिर दंडित होता है।

अथ यदि तस्याकर्ता भवति ततेव सत्यमात्मानं कुरुते स सत्याभिसन्धः सत्येनात्मानमन्तर्धाय परशुं तप्तं प्रतिगृह्णाति सन दह्यतेऽथ मुच्यते

atha yadi tasyākartā bhavati tateva satyamātmānaṃ kurute sa satyābhisandhaḥ satyenātmānamantardhāya paraśuṃ taptaṃ pratigṛhṇāti sana dahyate'tha mucyate

पर यदि उसने वह काम नहीं किया, तो वह अपने को सत्य बनाता है। सत्य का आग्रह रखकर और अपने को सत्य से ढककर वह तपा हुआ फरसा पकड़ता है, नहीं जलता, और छोड़ दिया जाता है।

स यथा तत्र नादाह्येतैतदात्म्यमिदँ सर्वं तत्सत्यँ स आत्मा तत्त्वमसि श्वेतकेतो इति तद्धास्य विजज्ञाविति विजज्ञाविति

sa yathā tatra nādāhyetaitadātmyamidam̐ sarvaṃ tatsatyam̐ sa ātmā tattvamasi śvetaketo iti taddhāsya vijajñāviti vijajñāviti

जैसे वह मनुष्य सत्य के कारण नहीं जलता, वैसे ही यह सारा जगत उसी सत् को अपना आत्मा बनाए हुए है। वही सत्य है, वही आत्मा है। हे श्वेतकेतु, वह तू है। तब श्वेतकेतु ने पिता की बात समझ ली, हाँ, भली भाँति समझ ली।