अध्याय 4: रैक्व, सत्यकाम जाबाल और उपकोसल

जानश्रुतिर्ह पौत्रायणः श्रद्धादेयो बहुदायी बहुपाक्य आस स ह सर्वत आवसथान्मापयाञ्चक्रे सर्वत एव मेऽन्नमत्स्यन्तीति

jānaśrutirha pautrāyaṇaḥ śraddhādeyo bahudāyī bahupākya āsa sa ha sarvata āvasathānmāpayāñcakre sarvata eva me'nnamatsyantīti

प्राचीन काल में जनश्रुत के प्रपौत्र जानश्रुति पौत्रायण थे, जो श्रद्धा से दान देते, बहुत दान देते और अतिथियों के लिए बहुत अन्न पकवाते थे। उन्होंने सब ओर धर्मशालाएँ बनवाईं, यह सोचकर कि सब जगह लोग मेरा अन्न खाएँगे।

अथ हꣳसा निशायामतिपेतुस्तद्धैवꣳ हꣳसोहꣳ समभ्युवाद हो होऽयि भल्लाक्ष भल्लाक्ष जानश्रुतेः पौत्रायणस्य समं दिवा ज्योतिराततं तन्मा प्रसाङ्क्षीस्तत्त्वा मा प्रधाक्षीरिति

atha ham̐sā niśāyāmatipetustaddhaivam̐ ham̐soham̐ samabhyuvāda ho ho'yi bhallākṣa bhallākṣa jānaśruteḥ pautrāyaṇasya samaṃ divā jyotirātataṃ tanmā prasāṅkṣīstattvā mā pradhākṣīriti

एक रात कुछ हंस उड़ते हुए ऊपर से निकले। एक हंस ने दूसरे से कहा: अरे भल्लाक्ष, अरे मंददृष्टि! जानश्रुति पौत्रायण का तेज दिन के प्रकाश की तरह फैला हुआ है। उसे मत छूना, कहीं वह तुम्हें जला न दे।

तमु ह परः प्रत्युवाच कम्वर एनमेतत्सन्तꣳसयुग्वानमिव रैक्वमात्थेति यो नु कथꣳ सयुग्वा रैक्व इति

tamu ha paraḥ pratyuvāca kamvara enametatsantam̐sayugvānamiva raikvamāttheti yo nu katham̐ sayugvā raikva iti

दूसरे हंस ने उत्तर दिया: यह कौन है, जिसके बारे में तुम ऐसे बोल रहे हो मानो यह गाड़ी वाला रैक्व हो? पहले ने पूछा: यह गाड़ी वाला रैक्व कैसा है?

यथा कृतायविजितायाधरेयाः संयन्त्येवमेनꣳसर्वं तदभिसमैति यत्किञ्च प्रजाः साधु कुर्वन्ति यस्तद्वेद यत्स वेद स मयैतदुक्त इति

yathā kṛtāyavijitāyādhareyāḥ saṃyantyevamenam̐sarvaṃ tadabhisamaiti yatkiñca prajāḥ sādhu kurvanti yastadveda yatsa veda sa mayaitadukta iti

जैसे पासों के खेल में नीचे के सब दाँव जीतने वाले कृत नामक दाँव में आ मिलते हैं, वैसे ही प्रजा जो भी पुण्य करती है, वह सब रैक्व को प्राप्त होता है। और जो उसे जानता है जिसे रैक्व जानता है, उसके विषय में भी मैं यही कहता हूँ।

तदु ह जानश्रुतिः पौत्रायण उपशुश्राव स ह सञ्जिहान एव क्षत्तारमुवाचाङ्गारे ह सयुग्वानमिव रैक्वमात्थेति यो नु कथꣳसयुग्वा रैक्व इति

tadu ha jānaśrutiḥ pautrāyaṇa upaśuśrāva sa ha sañjihāna eva kṣattāramuvācāṅgāre ha sayugvānamiva raikvamāttheti yo nu katham̐sayugvā raikva iti

जानश्रुति पौत्रायण ने यह बात सुन ली। प्रातः उठते ही उन्होंने अपने सेवक से कहा: अरे, क्या तुम मेरे बारे में ऐसे कहते हो मानो मैं गाड़ी वाला रैक्व हूँ? सेवक ने पूछा: यह गाड़ी वाला रैक्व कैसा है?

यथा कृतायविजितायाधरेयाः संयन्त्येवमेनꣳसर्वं तदभिसमैति यत्किञ्च प्रजाः साधु कुर्वन्ति यस्तद्वेद यत्स वेद स मयैतदुक्त इति

yathā kṛtāyavijitāyādhareyāḥ saṃyantyevamenam̐sarvaṃ tadabhisamaiti yatkiñca prajāḥ sādhu kurvanti yastadveda yatsa veda sa mayaitadukta iti

राजा ने हंस की बात दोहराई: जैसे पासों के खेल में नीचे के सब दाँव जीतने वाले कृत दाँव में आ मिलते हैं, वैसे ही प्रजा जो भी पुण्य करती है, वह सब उसे प्राप्त होता है। और जो उसे जानता है जिसे वह जानता है, उसके विषय में भी यही कहा गया है।

स ह क्षत्तान्विष्य नाविदमिति प्रत्येयाय तꣳ होवाच यत्रारे ब्राह्मणस्यान्वेषणा तदेनमर्च्छेति

sa ha kṣattānviṣya nāvidamiti pratyeyāya tam̐ hovāca yatrāre brāhmaṇasyānveṣaṇā tadenamarccheti

सेवक ढूँढकर लौटा और बोला: मैं उन्हें नहीं पा सका। राजा ने उससे कहा: अरे, जहाँ ब्रह्मज्ञानी की खोज की जाती है, वहाँ जाकर उन्हें खोजो, अर्थात् एकांत और निर्जन स्थानों में।

सोऽधस्ताच्छकटस्य पामानं कषमाणमुपोपविवेश तꣳ हाभ्युवाद त्वं नु भगवः सयुग्वा रैक्व इत्यहꣳ ह्यरा३ इति ह प्रतिजज्ञे स ह क्षत्ताविदमिति प्रत्येयाय

so'dhastācchakaṭasya pāmānaṃ kaṣamāṇamupopaviveśa tam̐ hābhyuvāda tvaṃ nu bhagavaḥ sayugvā raikva ityaham̐ hyarā3 iti ha pratijajñe sa ha kṣattāvidamiti pratyeyāya

सेवक ने एक व्यक्ति को गाड़ी के नीचे बैठे अपनी खुजली खुजाते देखा। वह आदर से उनके पास बैठ गया और पूछा: भगवन्, क्या आप ही गाड़ी वाले रैक्व हैं? उन्होंने उत्तर दिया: हाँ, मैं ही हूँ। सेवक लौटा और बोला: मैंने उन्हें पा लिया।

तदु ह जानश्रुतिः पौत्रायणः षट्शतानि गवां निष्कमश्वतरीरथं तदादाय प्रतिचक्रमे तꣳ हाभ्युवाद

tadu ha jānaśrutiḥ pautrāyaṇaḥ ṣaṭśatāni gavāṃ niṣkamaśvatarīrathaṃ tadādāya praticakrame tam̐ hābhyuvāda

तब जानश्रुति पौत्रायण छह सौ गायें, एक स्वर्ण हार और खच्चरियों से जुता रथ लेकर रैक्व के पास गए और उनसे बोले:

रैक्वेमानि षट्शतानि गवामयं निष्कोऽयमश्वतरीरथोऽनु म एतां भगवो देवताꣳशाधि यां देवतामुपास्स इति

raikvemāni ṣaṭśatāni gavāmayaṃ niṣko'yamaśvatarīratho'nu ma etāṃ bhagavo devatām̐śādhi yāṃ devatāmupāssa iti

हे रैक्व, ये छह सौ गायें हैं, यह स्वर्ण हार है, यह खच्चरियों से जुता रथ है। भगवन्, आप जिस देवता की उपासना करते हैं, उस देवता का मुझे उपदेश दीजिए।

तमु ह परः प्रत्युवाचाह हारेत्वा शूद्र तवैव सह गोभिरस्त्विति तदु ह पुनरेव जानश्रुतिः पौत्रायणः सहस्रं गवां निष्कमश्वतरीरथं दुहितरं तदादाय प्रतिचक्रमे

tamu ha paraḥ pratyuvācāha hāretvā śūdra tavaiva saha gobhirastviti tadu ha punareva jānaśrutiḥ pautrāyaṇaḥ sahasraṃ gavāṃ niṣkamaśvatarīrathaṃ duhitaraṃ tadādāya praticakrame

रैक्व ने उत्तर दिया: अरे शूद्र, यह हार और रथ गायों सहित तेरे ही पास रहें। शंकराचार्य के अनुसार यहाँ शूद्र का अर्थ है शोक से व्याकुल होकर दौड़ा आया हुआ। तब जानश्रुति पौत्रायण लौटे और एक सहस्र गायें, स्वर्ण हार, खच्चरियों का रथ और अपनी पुत्री लेकर फिर आए।

तꣳ हाभ्युवाद रैक्वेदꣳ सहस्रं गवामयं निष्कोऽयमश्वतरीरथ इयं जायायं ग्रामो यस्मिन्नास्सेऽन्वेव मा भगवः शाधीति

tam̐ hābhyuvāda raikvedam̐ sahasraṃ gavāmayaṃ niṣko'yamaśvatarīratha iyaṃ jāyāyaṃ grāmo yasminnāsse'nveva mā bhagavaḥ śādhīti

उन्होंने उनसे कहा: हे रैक्व, ये सहस्र गायें हैं, यह स्वर्ण हार है, यह खच्चरियों का रथ है, यह आपके लिए पत्नी है, और यह वह गाँव है जिसमें आप रहते हैं। भगवन्, अब मुझे उपदेश दीजिए।

तस्या ह मुखमुपोद्गृह्णन्नुवाचाजहारेमाः शूद्रानेनैव मुखेनालापयिष्यथा इति ते हैते रैक्वपर्णा नाम महावृषेषु यत्रास्मा उवास स तस्मै होवाच

tasyā ha mukhamupodgṛhṇannuvācājahāremāḥ śūdrānenaiva mukhenālāpayiṣyathā iti te haite raikvaparṇā nāma mahāvṛṣeṣu yatrāsmā uvāsa sa tasmai hovāca

कन्या के मुख की ओर देखते हुए रैक्व ने कहा: हे शूद्र, तुम यह सब ले आए; केवल इसी मुख के द्वारा तुम मुझसे बुलवा लेते। महावृष देश के वे गाँव, जहाँ रैक्व रहे, रैक्वपर्ण नाम से प्रसिद्ध हैं। तब उन्होंने राजा को उपदेश दिया।

वायुर्वाव संवर्गो यदा वा अग्निरुद्वायति वायुमेवाप्येति यदा सूर्योऽस्तमेति वायुमेवाप्येति यदा चन्द्रोऽस्तमेति वायुमेवाप्येति

vāyurvāva saṃvargo yadā vā agnirudvāyati vāyumevāpyeti yadā sūryo'stameti vāyumevāpyeti yadā candro'stameti vāyumevāpyeti

वायु ही संवर्ग है, अर्थात् सबको अपने में समेट लेने वाला। जब अग्नि बुझती है, तो वायु में ही लीन होती है। जब सूर्य अस्त होता है, तो वायु में ही लीन होता है। जब चन्द्रमा अस्त होता है, तो वायु में ही लीन होता है।

यदाप उच्छुष्यन्ति वायुमेवापियन्ति वायुर्ह्येवैतान्सर्वान्संवृङ्क्त इत्यधिदैवतम्

yadāpa ucchuṣyanti vāyumevāpiyanti vāyurhyevaitānsarvānsaṃvṛṅkta ityadhidaivatam

जब जल सूखता है, तो वायु में ही लीन होता है, क्योंकि वायु ही इन सबको अपने में समेट लेता है। यह अधिदैवत, अर्थात् देवताओं के विषय में उपासना है।

अथाध्यात्मं प्राणो वाव संवर्गः स यदा स्वपिति प्राणमेव वागप्येति प्राणं चक्षुः प्राणꣳ श्रोत्रं प्राणं मनः प्राणो ह्येवैतान्सर्वान्संवृङ्क्त इति

athādhyātmaṃ prāṇo vāva saṃvargaḥ sa yadā svapiti prāṇameva vāgapyeti prāṇaṃ cakṣuḥ prāṇam̐ śrotraṃ prāṇaṃ manaḥ prāṇo hyevaitānsarvānsaṃvṛṅkta iti

अब अध्यात्म, अर्थात् शरीर के भीतर के विषय में। प्राण ही संवर्ग है। जब मनुष्य सोता है, तो वाणी प्राण में लीन होती है, नेत्र प्राण में, श्रोत्र प्राण में और मन प्राण में, क्योंकि प्राण ही इन सबको अपने में समेट लेता है।

तौ वा एतौ द्वौ संवर्गौ वायुरेव देवेषु प्राणः प्राणेषु

tau vā etau dvau saṃvargau vāyureva deveṣu prāṇaḥ prāṇeṣu

ये ही दो संवर्ग हैं: देवताओं में वायु और इन्द्रियों में प्राण।

अथ ह शौनकं च कापेयमभिप्रतारिणं च काक्षसेनिं परिविष्यमाणौ ब्रह्मचारी बिभिक्षे तस्मा उ ह न ददतुः

atha ha śaunakaṃ ca kāpeyamabhipratāriṇaṃ ca kākṣaseniṃ pariviṣyamāṇau brahmacārī bibhikṣe tasmā u ha na dadatuḥ

एक बार जब शौनक कापेय और अभिप्रतारी काक्षसेनि को भोजन परोसा जा रहा था, तब एक ब्रह्मचारी ने उनसे भिक्षा माँगी। उन्होंने उसे कुछ नहीं दिया।

स होवाच महात्मनश्चतुरो देव एकः कः स जगार भुवनस्य गोपास्तं कापेय नाभिपश्यन्ति मर्त्या अभिप्रतारिन्बहुधा वसन्तं यस्मै वा एतदन्नं दत्तमिति

sa hovāca mahātmanaścaturo deva ekaḥ kaḥ sa jagāra bhuvanasya gopāstaṃ kāpeya nābhipaśyanti martyā abhipratārinbahudhā vasantaṃ yasmai vā etadannaṃ dattamiti

ब्रह्मचारी ने कहा: एक देव, प्रजापति, ने चार महान् सत्ताओं को निगल लिया। वह भुवन का रक्षक कौन है? हे कापेय, हे अभिप्रतारी, अनेक रूपों में रहते हुए भी मनुष्य उसे नहीं देख पाते। जिसका यह अन्न है, उसे यह नहीं दिया गया।

तदु ह शौनकः कापेयः प्रतिमन्वानः प्रत्येयायात्मा देवानां जनिता प्रजानाꣳ हिरण्यदꣳष्ट्रो बभसोऽनसूरिर्महान्तमस्य महिमानमाहुरनद्यमानो यदनन्नमत्तीति वै वयं ब्रह्मचारिन्नेदमुपास्महे दत्तास्मै भिक्षामिति

tadu ha śaunakaḥ kāpeyaḥ pratimanvānaḥ pratyeyāyātmā devānāṃ janitā prajānām̐ hiraṇyadam̐ṣṭro babhaso'nasūrirmahāntamasya mahimānamāhuranadyamāno yadanannamattīti vai vayaṃ brahmacārinnedamupāsmahe dattāsmai bhikṣāmiti

शौनक कापेय ने इस पर विचार किया और आगे आकर उत्तर दिया: वह देवताओं का आत्मा है, प्रजाओं का जनक है, स्वर्णिम दाँतों वाला, भक्षण करने वाला और सच्चा ज्ञानी है। उसकी महिमा महान् कही गई है, क्योंकि वह अन्न न होने वाले को भी खा जाता है और स्वयं किसी से खाया नहीं जाता। हे ब्रह्मचारी, हम उसी की उपासना करते हैं। इसे भिक्षा दो।

तस्म उ ह ददुस्ते वा एते पञ्चान्ये पञ्चान्ये दश सन्तस्तत्कृतं तस्मात्सर्वासु दिक्ष्वन्नमेव दश कृतꣳ सैषा विराडन्नादी तयेदꣳ सर्वं दृष्टꣳ सर्वमस्येदं दृष्टं भवत्यन्नादो भवति य एवं वेद य एवं वेद

tasma u ha daduste vā ete pañcānye pañcānye daśa santastatkṛtaṃ tasmātsarvāsu dikṣvannameva daśa kṛtam̐ saiṣā virāḍannādī tayedam̐ sarvaṃ dṛṣṭam̐ sarvamasyedaṃ dṛṣṭaṃ bhavatyannādo bhavati ya evaṃ veda ya evaṃ veda

तब उन्होंने उसे भिक्षा दी। ये पाँच, अर्थात् वायु के साथ अग्नि, सूर्य, चन्द्रमा और जल, और दूसरे पाँच, अर्थात् प्राण के साथ वाणी, नेत्र, श्रोत्र और मन, मिलकर दस होते हैं, और यही दस का कृत दाँव है। इसलिए सब दिशाओं में ये दस अन्न ही हैं। यही विराट् है, अन्न खाने वाला, जिसके द्वारा यह सब देखा जाता है। जो ऐसा जानता है, वह यह सब देखता है और अन्न का भोक्ता होता है।

सत्यकामो ह जाबालो जबालां मातरमामन्त्रयाञ्चक्रे ब्रह्मचर्यं भवति विवत्स्यामि किङ्गोत्रोन्वहमस्मीति

satyakāmo ha jābālo jabālāṃ mātaramāmantrayāñcakre brahmacaryaṃ bhavati vivatsyāmi kiṅgotronvahamasmīti

सत्यकाम जाबाल ने अपनी माता जबाला से कहा: माँ, मैं गुरु के पास ब्रह्मचारी बनकर रहना चाहता हूँ। मेरा गोत्र क्या है?

सा हैनमुवाच नाहमेतद्वेद तात यद्गोत्रस्त्वमसि बह्वहं चरन्ती परिचारिणी यौवने त्वामलभे साहमेतन्न वेद यद्गोत्रस्त्वमसि जबाला तु नामाहमस्मि सत्यकामो नाम त्वमसि स सत्यकाम एव जाबालो ब्रवीथा इति

sā hainamuvāca nāhametadveda tāta yadgotrastvamasi bahvahaṃ carantī paricāriṇī yauvane tvāmalabhe sāhametanna veda yadgotrastvamasi jabālā tu nāmāhamasmi satyakāmo nāma tvamasi sa satyakāma eva jābālo bravīthā iti

माता ने उससे कहा: पुत्र, मैं नहीं जानती कि तेरा गोत्र क्या है। युवावस्था में मैं दासी बनकर बहुत घरों में सेवा करती घूमती रही, तभी तू मुझे प्राप्त हुआ। इसलिए मैं तेरा गोत्र नहीं जानती। मेरा नाम जबाला है और तेरा नाम सत्यकाम है। तू स्वयं को सत्यकाम जाबाल ही बताना।

स ह हारिद्रुमतं गौतममेत्योवाच ब्रह्मचर्यं भगवति वत्स्याम्युपेयां भगवन्तमिति

sa ha hāridrumataṃ gautamametyovāca brahmacaryaṃ bhagavati vatsyāmyupeyāṃ bhagavantamiti

वह हारिद्रुमत गौतम के पास गया और बोला: भगवन्, मैं आपके पास ब्रह्मचारी बनकर रहना चाहता हूँ। क्या मैं आपकी शरण में आ सकता हूँ?

तꣳ होवाच किङ्गोत्रो नु सोम्यासीति स होवाच नाहमेतद्वेद भो यद्गोत्रोऽहमस्म्यपृच्छं मातरꣳ सा मा प्रत्यब्रवीद्बह्वहं चरन्ती परिचरिणी यौवने त्वामलभे साहमेतन्न वेद यद्गोत्रस्त्वमसि जबाला तु नामाहमस्मि सत्यकामो नाम त्वमसीति सोऽहꣳ सत्यकामो जाबालोऽस्मि भो इति

tam̐ hovāca kiṅgotro nu somyāsīti sa hovāca nāhametadveda bho yadgotro'hamasmyapṛcchaṃ mātaram̐ sā mā pratyabravīdbahvahaṃ carantī paricariṇī yauvane tvāmalabhe sāhametanna veda yadgotrastvamasi jabālā tu nāmāhamasmi satyakāmo nāma tvamasīti so'ham̐ satyakāmo jābālo'smi bho iti

गौतम ने पूछा: सौम्य, तुम्हारा गोत्र क्या है? उसने कहा: भगवन्, मैं अपना गोत्र नहीं जानता। मैंने माँ से पूछा तो उन्होंने बताया कि युवावस्था में वे दासी बनकर बहुत घरों में सेवा करती घूमती रहीं, तभी मैं उन्हें प्राप्त हुआ, इसलिए वे मेरा गोत्र नहीं जानतीं। उनका नाम जबाला है और मेरा नाम सत्यकाम। अतः भगवन्, मैं सत्यकाम जाबाल हूँ।

तꣳ होवाच नैतदब्राह्मणो विवक्तुमर्हति समिधꣳ सोम्याहरोप त्वा नेष्ये न सत्यादगा इति तमुपनीय कृशानामबलानां चतुःशता गा निराकृत्योवाचेमाः सोम्यानुसंव्रजेति ता अभिप्रस्थापयन्नुवाच नासहस्रेणावर्तेयेति स ह वर्षगणं प्रोवास ता यदा सहस्रꣳ संपेदुः

tam̐ hovāca naitadabrāhmaṇo vivaktumarhati samidham̐ somyāharopa tvā neṣye na satyādagā iti tamupanīya kṛśānāmabalānāṃ catuḥśatā gā nirākṛtyovācemāḥ somyānusaṃvrajeti tā abhiprasthāpayannuvāca nāsahasreṇāvarteyeti sa ha varṣagaṇaṃ provāsa tā yadā sahasram̐ saṃpeduḥ

गौतम ने कहा: जो ब्राह्मण न हो, वह ऐसी स्पष्ट बात नहीं कह सकता। सौम्य, समिधा ले आओ, मैं तुम्हारा उपनयन करूँगा, क्योंकि तुम सत्य से नहीं डिगे। उपनयन करके उन्होंने चार सौ दुबली और निर्बल गायें अलग कीं और कहा: सौम्य, इनके पीछे जाओ। उन्हें हाँकते हुए सत्यकाम ने कहा: जब तक ये सहस्र न हो जाएँ, मैं नहीं लौटूँगा। वह बहुत वर्षों तक बाहर रहा, जब तक वे सहस्र नहीं हो गईं।

अथ हैनमृषभोऽभ्युवाद सत्यकाम३ इति भगव इति ह प्रतिशुश्राव प्राप्ताः सोम्य सहस्रꣳ स्मः प्रापय न आचार्यकुलम्

atha hainamṛṣabho'bhyuvāda satyakāma3 iti bhagava iti ha pratiśuśrāva prāptāḥ somya sahasram̐ smaḥ prāpaya na ācāryakulam

तब झुंड के साँड ने उससे कहा: सत्यकाम! उसने उत्तर दिया: भगवन्। साँड बोला: सौम्य, हम सहस्र हो गए हैं। हमें आचार्य के घर ले चलो।

ब्रह्मणश्च ते पादं ब्रवाणीति ब्रवीतु मे भगवानिति तस्मै होवाच प्राची दिक्कला प्रतीची दिक्कला दक्षिणा दिक्कलोदीची दिक्कलैष वै सोम्य चतुष्कलः पादो ब्रह्मणः प्रकाशवान्नाम

brahmaṇaśca te pādaṃ bravāṇīti bravītu me bhagavāniti tasmai hovāca prācī dikkalā pratīcī dikkalā dakṣiṇā dikkalodīcī dikkalaiṣa vai somya catuṣkalaḥ pādo brahmaṇaḥ prakāśavānnāma

और मैं तुम्हें ब्रह्म का एक पाद बताता हूँ। सत्यकाम ने कहा: भगवन्, बताइए। साँड ने कहा: पूर्व दिशा एक कला है, पश्चिम दिशा एक कला है, दक्षिण दिशा एक कला है, उत्तर दिशा एक कला है। सौम्य, यही ब्रह्म का चार कलाओं वाला पाद है, जिसका नाम प्रकाशवान् है।

स य एतमेवं विद्वाꣳश्चतुष्कलं पादं ब्रह्मणः प्रकाशवानित्युपास्ते प्रकाशवानस्मिꣳल्लोके भवति प्रकाशवतो ह लोकाञ्जयति य एतमेवं विद्वाꣳश्चतुष्कलं पादं ब्रह्मणः प्रकाशवानित्युपास्ते

sa ya etamevaṃ vidvām̐ścatuṣkalaṃ pādaṃ brahmaṇaḥ prakāśavānityupāste prakāśavānasmim̐lloke bhavati prakāśavato ha lokāñjayati ya etamevaṃ vidvām̐ścatuṣkalaṃ pādaṃ brahmaṇaḥ prakāśavānityupāste

जो इसे इस प्रकार जानकर ब्रह्म के इस चार कलाओं वाले पाद की प्रकाशवान् रूप में उपासना करता है, वह इस लोक में प्रकाशवान् होता है। जो ऐसा जानकर इसकी उपासना करता है, वह प्रकाशमय लोकों को जीत लेता है।

अग्निष्टे पादं वक्तेति स ह श्वोभूते गा आभिप्रस्थापयाञ्चकार ता यत्राभिसायं बभूवुस्तत्राग्निमुपसमाधाय गा उपरुध्य समिधमाधाय पश्चादग्नेः प्राङुपोपविवेश

agniṣṭe pādaṃ vakteti sa ha śvobhūte gā ābhiprasthāpayāñcakāra tā yatrābhisāyaṃ babhūvustatrāgnimupasamādhāya gā uparudhya samidhamādhāya paścādagneḥ prāṅupopaviveśa

अग्नि तुम्हें दूसरा पाद बताएँगे। अगले दिन सवेरे वह गायों को हाँकता हुआ आगे चला। जहाँ संध्या को वे इकट्ठी हुईं, वहाँ उसने अग्नि जलाई, गायों को घेरकर रोका, अग्नि में समिधा डाली और अग्नि के पश्चिम में पूर्व की ओर मुख करके बैठ गया।

तमग्निरभ्युवाद सत्यकाम३ इति भगव इति ह प्रतिशुश्राव

tamagnirabhyuvāda satyakāma3 iti bhagava iti ha pratiśuśrāva

अग्नि ने उससे कहा: सत्यकाम! उसने उत्तर दिया: भगवन्।

ब्रह्मणः सोम्य ते पादं ब्रवाणीति ब्रवीतु मे भगवानिति तस्मै होवाच पृथिवी कलान्तरिक्षं कला द्यौः कला समुद्रः कलैष वै सोम्य चतुष्कलः पादो ब्रह्मणोऽनन्तवान्नाम

brahmaṇaḥ somya te pādaṃ bravāṇīti bravītu me bhagavāniti tasmai hovāca pṛthivī kalāntarikṣaṃ kalā dyauḥ kalā samudraḥ kalaiṣa vai somya catuṣkalaḥ pādo brahmaṇo'nantavānnāma

सौम्य, मैं तुम्हें ब्रह्म का एक पाद बताता हूँ। उसने कहा: भगवन्, बताइए। अग्नि ने कहा: पृथ्वी एक कला है, अन्तरिक्ष एक कला है, द्युलोक एक कला है, समुद्र एक कला है। सौम्य, यही ब्रह्म का चार कलाओं वाला पाद है, जिसका नाम अनन्तवान् है।

स य एतमेवं विद्वाꣳश्चतुष्कलं पादं ब्रह्मणोऽनन्तवानित्युपास्तेऽनन्तवानस्मिꣳल्लोके भवत्यनन्तवतो ह लोकाञ्जयति य एतमेवं विद्वाꣳश्चतुष्कलं पादं ब्रह्मणोऽनन्तवानित्युपास्ते

sa ya etamevaṃ vidvām̐ścatuṣkalaṃ pādaṃ brahmaṇo'nantavānityupāste'nantavānasmim̐lloke bhavatyanantavato ha lokāñjayati ya etamevaṃ vidvām̐ścatuṣkalaṃ pādaṃ brahmaṇo'nantavānityupāste

जो इसे इस प्रकार जानकर ब्रह्म के इस चार कलाओं वाले पाद की अनन्तवान् रूप में उपासना करता है, वह इस लोक में अनन्त होता है। जो ऐसा जानकर इसकी उपासना करता है, वह अनन्त लोकों को जीत लेता है।

हꣳसस्ते पादं वक्तेति स ह श्वोभूते गा अभिप्रस्थापयाञ्चकार ता यत्राभिसायं बभूवुस्तत्राग्निमुपसमाधाय गा उपरुध्य समिधमाधाय पश्चादग्नेः प्राङुपोपविवेश

ham̐saste pādaṃ vakteti sa ha śvobhūte gā abhiprasthāpayāñcakāra tā yatrābhisāyaṃ babhūvustatrāgnimupasamādhāya gā uparudhya samidhamādhāya paścādagneḥ prāṅupopaviveśa

हंस तुम्हें दूसरा पाद बताएगा। अगले दिन सवेरे वह गायों को हाँकता हुआ आगे चला। जहाँ संध्या को वे इकट्ठी हुईं, वहाँ उसने अग्नि जलाई, गायों को घेरकर रोका, अग्नि में समिधा डाली और अग्नि के पश्चिम में पूर्व की ओर मुख करके बैठ गया।

तꣳ हꣳस उपनिपत्याभ्युवाद सत्यकाम३ इति भगव इति ह प्रतिशुश्राव

tam̐ ham̐sa upanipatyābhyuvāda satyakāma3 iti bhagava iti ha pratiśuśrāva

एक हंस उड़कर उसके पास आया और बोला: सत्यकाम! उसने उत्तर दिया: भगवन्।

ब्रह्मणः सोम्य ते पादं ब्रवाणीति ब्रवीतु मे भगवानिति तस्मै होवाचाग्निः कला सूर्यः कला चन्द्रः कला विद्युत्कलैष वै सोम्य चतुष्कलः पादो ब्रह्मणो ज्योतिष्मान्नाम

brahmaṇaḥ somya te pādaṃ bravāṇīti bravītu me bhagavāniti tasmai hovācāgniḥ kalā sūryaḥ kalā candraḥ kalā vidyutkalaiṣa vai somya catuṣkalaḥ pādo brahmaṇo jyotiṣmānnāma

सौम्य, मैं तुम्हें ब्रह्म का एक पाद बताता हूँ। उसने कहा: भगवन्, बताइए। हंस ने कहा: अग्नि एक कला है, सूर्य एक कला है, चन्द्रमा एक कला है, विद्युत् एक कला है। सौम्य, यही ब्रह्म का चार कलाओं वाला पाद है, जिसका नाम ज्योतिष्मान् है।

स य एतमेवं विद्वाꣳश्चतुष्कलं पादं ब्रह्मणो ज्योतिष्मानित्युपास्ते ज्योतिष्मानस्मिꣳल्लोके भवति ज्योतिष्मतो ह लोकाञ्जयति य एतमेवं विद्वाꣳश्चतुष्कलं पादं ब्रह्मणो ज्योतिष्मानित्युपास्ते

sa ya etamevaṃ vidvām̐ścatuṣkalaṃ pādaṃ brahmaṇo jyotiṣmānityupāste jyotiṣmānasmim̐lloke bhavati jyotiṣmato ha lokāñjayati ya etamevaṃ vidvām̐ścatuṣkalaṃ pādaṃ brahmaṇo jyotiṣmānityupāste

जो इसे इस प्रकार जानकर ब्रह्म के इस चार कलाओं वाले पाद की ज्योतिष्मान् रूप में उपासना करता है, वह इस लोक में तेजस्वी होता है। जो ऐसा जानकर इसकी उपासना करता है, वह ज्योतिर्मय लोकों को जीत लेता है।

मद्गुष्टे पादं वक्तेति स ह श्वोभूते गा अभिप्रस्थापयाञ्चकार ता यत्राभिसायं बभूवुस्तत्राग्निमुपसमाधाय गा उपरुध्य समिधमाधाय पश्चादग्नेः प्राङुपोपविवेश

madguṣṭe pādaṃ vakteti sa ha śvobhūte gā abhiprasthāpayāñcakāra tā yatrābhisāyaṃ babhūvustatrāgnimupasamādhāya gā uparudhya samidhamādhāya paścādagneḥ prāṅupopaviveśa

मद्गु नामक जलपक्षी तुम्हें दूसरा पाद बताएगा। अगले दिन सवेरे वह गायों को हाँकता हुआ आगे चला। जहाँ संध्या को वे इकट्ठी हुईं, वहाँ उसने अग्नि जलाई, गायों को घेरकर रोका, अग्नि में समिधा डाली और अग्नि के पश्चिम में पूर्व की ओर मुख करके बैठ गया।

तं मद्गुरुपनिपत्याभ्युवाद सत्यकाम३ इति भगव इति ह प्रतिशुश्राव

taṃ madgurupanipatyābhyuvāda satyakāma3 iti bhagava iti ha pratiśuśrāva

एक मद्गु, अर्थात् जल में डुबकी लगाने वाला पक्षी, उड़कर उसके पास आया और बोला: सत्यकाम! उसने उत्तर दिया: भगवन्।

ब्रह्मणः सोम्य ते पादं ब्रवाणीति ब्रवीतु मे भगवानिति तस्मै होवाच प्राणः कला चक्षुः कला श्रोत्रं कला मनः कलैष वै सोम्य चतुष्कलः पादो ब्रह्मण आयतनवान्नाम

brahmaṇaḥ somya te pādaṃ bravāṇīti bravītu me bhagavāniti tasmai hovāca prāṇaḥ kalā cakṣuḥ kalā śrotraṃ kalā manaḥ kalaiṣa vai somya catuṣkalaḥ pādo brahmaṇa āyatanavānnāma

सौम्य, मैं तुम्हें ब्रह्म का एक पाद बताता हूँ। उसने कहा: भगवन्, बताइए। पक्षी ने कहा: प्राण एक कला है, नेत्र एक कला है, श्रोत्र एक कला है, मन एक कला है। सौम्य, यही ब्रह्म का चार कलाओं वाला पाद है, जिसका नाम आयतनवान्, अर्थात् आश्रय वाला, है।

स यै एतमेवं विद्वाꣳश्चतुष्कलं पादं ब्रह्मण आयतनवानित्युपास्त आयतनवानस्मिꣳल्लोके भवत्यायतनवतो ह लोकाञ्जयति य एतमेवं विद्वाꣳश्चतुष्कलं पादं ब्रह्मण आयतनवानित्युपास्ते

sa yai etamevaṃ vidvām̐ścatuṣkalaṃ pādaṃ brahmaṇa āyatanavānityupāsta āyatanavānasmim̐lloke bhavatyāyatanavato ha lokāñjayati ya etamevaṃ vidvām̐ścatuṣkalaṃ pādaṃ brahmaṇa āyatanavānityupāste

जो इसे इस प्रकार जानकर ब्रह्म के इस चार कलाओं वाले पाद की आयतनवान् रूप में उपासना करता है, वह इस लोक में आश्रय वाला होता है। जो ऐसा जानकर इसकी उपासना करता है, वह आश्रय देने वाले लोकों को जीत लेता है।

प्राप हाचार्यकुलं तमाचार्योऽभ्युवाद सत्यकाम३ इति भगव इति ह प्रतिशुश्राव

prāpa hācāryakulaṃ tamācāryo'bhyuvāda satyakāma3 iti bhagava iti ha pratiśuśrāva

वह आचार्य के घर पहुँचा। आचार्य ने उसे पुकारा: सत्यकाम! उसने उत्तर दिया: भगवन्।

ब्रह्मविदिव वै सोम्य भासि को नु त्वानुशशासेत्यन्ये मनुष्येभ्य इति ह प्रतिजज्ञे भगवाꣳस्त्वेव मे कामे ब्रूयात्

brahmavidiva vai somya bhāsi ko nu tvānuśaśāsetyanye manuṣyebhya iti ha pratijajñe bhagavām̐stveva me kāme brūyāt

सौम्य, तुम ब्रह्मज्ञानी की तरह दीप्त दिख रहे हो। तुम्हें किसने उपदेश दिया? उसने उत्तर दिया: मनुष्यों से भिन्न प्राणियों ने। पर मेरी इच्छा है कि आप स्वयं, भगवन्, मुझे उपदेश दें।

श्रुतꣳ ह्येव मे भगवद्दृशेभ्य आचार्याद्धैव विद्या विदिता साधिष्ठं प्रापतीति तस्मै हैतदेवोवाचात्र ह न किञ्चन वीयायेति वीयायेति

śrutam̐ hyeva me bhagavaddṛśebhya ācāryāddhaiva vidyā viditā sādhiṣṭhaṃ prāpatīti tasmai haitadevovācātra ha na kiñcana vīyāyeti vīyāyeti

क्योंकि मैंने आप जैसे महानुभावों से सुना है कि आचार्य से जानी हुई विद्या ही सबसे उत्तम रूप से लक्ष्य तक पहुँचाती है। तब आचार्य ने उसे वही विद्या सिखाई, और उसमें कुछ भी छूटा नहीं, कुछ भी छूटा नहीं।

उपकोसलो ह वै कामलायनः सत्यकामे जाबाले ब्रह्मचार्यमुवास तस्य ह द्वादशवार्षाण्यग्नीन्परिचचार स ह स्मान्यानन्तेवासिनः समावर्तयꣳस्तं ह स्मैव न समावर्तयति

upakosalo ha vai kāmalāyanaḥ satyakāme jābāle brahmacāryamuvāsa tasya ha dvādaśavārṣāṇyagnīnparicacāra sa ha smānyānantevāsinaḥ samāvartayam̐staṃ ha smaiva na samāvartayati

उपकोसल कामलायन सत्यकाम जाबाल के पास ब्रह्मचारी बनकर रहता था। उसने बारह वर्ष तक आचार्य की अग्नियों की सेवा की। आचार्य ने दूसरे शिष्यों का समावर्तन करके उन्हें घर भेज दिया, पर उपकोसल का समावर्तन नहीं किया।

तं जायोवाच तप्तो ब्रह्मचारी कुशलमग्नीन्परिचचारीन्मा त्वाग्नयः परिप्रवोचन्प्रब्रूह्यस्मा इति तस्मै हाप्रोच्यैव प्रवासाञ्चक्रे

taṃ jāyovāca tapto brahmacārī kuśalamagnīnparicacārīnmā tvāgnayaḥ paripravocanprabrūhyasmā iti tasmai hāprocyaiva pravāsāñcakre

आचार्य की पत्नी ने उनसे कहा: इस ब्रह्मचारी ने तप किया है और अग्नियों की भली-भाँति सेवा की है। इसे उपदेश दीजिए, कहीं अग्नियाँ आपको दोष न दें। पर आचार्य उसे उपदेश दिए बिना ही प्रवास पर चले गए।

स ह व्याधिनानशितुं दध्रे तमाचार्यजायोवाच ब्रह्मचारिन्नशान किं नु नाश्नासीति स होवाच बहव इमेऽस्मिन्पुरुषे कामा नानात्यया व्याधिभिः प्रतिपूर्णोऽस्मि नाशिष्यामीति

sa ha vyādhinānaśituṃ dadhre tamācāryajāyovāca brahmacārinnaśāna kiṃ nu nāśnāsīti sa hovāca bahava ime'sminpuruṣe kāmā nānātyayā vyādhibhiḥ pratipūrṇo'smi nāśiṣyāmīti

शोक से व्याकुल होकर शिष्य ने उपवास का निश्चय किया। आचार्य की पत्नी ने उससे कहा: ब्रह्मचारी, भोजन करो, तुम क्यों नहीं खाते? उसने कहा: मनुष्य में अनेक प्रकार की कामनाएँ इधर-उधर भटकती हैं। मैं शोक से भरा हुआ हूँ, मैं नहीं खाऊँगा।

अथ हाग्नयः समूदिरे तप्तो ब्रह्मचारी कुशलं नः पर्यचारीद्धन्तास्मै प्रब्रवामेति तस्मै होचुः

atha hāgnayaḥ samūdire tapto brahmacārī kuśalaṃ naḥ paryacārīddhantāsmai prabravāmeti tasmai hocuḥ

तब अग्नियों ने आपस में कहा: इस ब्रह्मचारी ने तप किया है और हमारी भली-भाँति सेवा की है। आओ, हम इसे उपदेश दें। और उन्होंने उससे कहा:

प्राणो ब्रह्म कं ब्रह्म खं ब्रह्मेति स होवाच विजानाम्यहं यत्प्राणो ब्रह्म कं च तु खं च न विजानामीति ते होचुर्यद्वाव कं तदेव खं यदेव खं तदेव कमिति प्राणं च हास्मै तदाकाशं चोचुः

prāṇo brahma kaṃ brahma khaṃ brahmeti sa hovāca vijānāmyahaṃ yatprāṇo brahma kaṃ ca tu khaṃ ca na vijānāmīti te hocuryadvāva kaṃ tadeva khaṃ yadeva khaṃ tadeva kamiti prāṇaṃ ca hāsmai tadākāśaṃ cocuḥ

प्राण ब्रह्म है, क अर्थात् सुख ब्रह्म है, ख अर्थात् आकाश ब्रह्म है। उसने कहा: मैं समझता हूँ कि प्राण ब्रह्म है, पर क और ख को नहीं समझता। अग्नियों ने कहा: जो क है वही ख है, और जो ख है वही क है। इस प्रकार उन्होंने उसे प्राण और हृदय के आकाश का उपदेश दिया।

अथ हैनं गार्हपत्योऽनुशशास पृथिव्यग्निरन्नमादित्य इति य एष आदित्ये पुरुषो दृश्यते सोऽहमस्मि स एवाहमस्मीति

atha hainaṃ gārhapatyo'nuśaśāsa pṛthivyagnirannamāditya iti ya eṣa āditye puruṣo dṛśyate so'hamasmi sa evāhamasmīti

तब गार्हपत्य अग्नि ने उसे उपदेश दिया: पृथ्वी, अग्नि, अन्न और आदित्य मेरे रूप हैं। आदित्य में जो पुरुष दिखाई देता है, वह मैं हूँ, वही मैं हूँ।

स य एतमेवं विद्वानुपास्तेऽपहते पापकृत्यां लोकी भवति सर्वमायुरेति ज्योग्जीवति नास्यावरपुरुषाः क्षीयन्त उप वयं तं भुञ्जामोऽस्मिꣳश्च लोकेऽमुष्मिꣳश्च य एतमेवं विद्वानुपास्ते

sa ya etamevaṃ vidvānupāste'pahate pāpakṛtyāṃ lokī bhavati sarvamāyureti jyogjīvati nāsyāvarapuruṣāḥ kṣīyanta upa vayaṃ taṃ bhuñjāmo'smim̐śca loke'muṣmim̐śca ya etamevaṃ vidvānupāste

जो इसे इस प्रकार जानकर उपासना करता है, वह पापकर्मों का नाश करता है, लोक को प्राप्त करता है, पूरी आयु पाता है और उज्ज्वल जीवन जीता है। उसके वंशज नष्ट नहीं होते। जो ऐसा जानकर उपासना करता है, उसकी हम इस लोक में और परलोक में सेवा करते हैं।

अथ हैनमन्वाहार्यपचनोऽनुशशासापो दिशो नक्षत्राणि चन्द्रमा इति य एष चन्द्रमसि पुरुषो दृश्यते सोऽहमस्मि स एवाहमस्मीति

atha hainamanvāhāryapacano'nuśaśāsāpo diśo nakṣatrāṇi candramā iti ya eṣa candramasi puruṣo dṛśyate so'hamasmi sa evāhamasmīti

तब अन्वाहार्यपचन अर्थात् दक्षिणाग्नि ने उसे उपदेश दिया: जल, दिशाएँ, नक्षत्र और चन्द्रमा मेरे रूप हैं। चन्द्रमा में जो पुरुष दिखाई देता है, वह मैं हूँ, वही मैं हूँ।

स य एतमेवं विद्वानुपास्तेऽपहते पापकृत्यां लोकीभवति सर्वमायुरेति ज्योग्जीवति नास्यावरपुरुषाः क्षीयन्त उप वयं तं भुञ्जामोऽस्मिꣳश्च लोकेऽमुष्मिꣳश्च य एतमेवं विद्वानुपास्ते

sa ya etamevaṃ vidvānupāste'pahate pāpakṛtyāṃ lokībhavati sarvamāyureti jyogjīvati nāsyāvarapuruṣāḥ kṣīyanta upa vayaṃ taṃ bhuñjāmo'smim̐śca loke'muṣmim̐śca ya etamevaṃ vidvānupāste

जो इसे इस प्रकार जानकर उपासना करता है, वह पापकर्मों का नाश करता है, लोक को प्राप्त करता है, पूरी आयु पाता है और उज्ज्वल जीवन जीता है। उसके वंशज नष्ट नहीं होते। जो ऐसा जानकर उपासना करता है, उसकी हम इस लोक में और परलोक में सेवा करते हैं।

अथ हैनमाहवनीयोऽनुशशास प्राण आकाशो द्यौर्विद्युदिति य एष विद्युति पुरुषो दृश्यते सोऽहमस्मि स एवाहमस्मीति

atha hainamāhavanīyo'nuśaśāsa prāṇa ākāśo dyaurvidyuditi ya eṣa vidyuti puruṣo dṛśyate so'hamasmi sa evāhamasmīti

तब आहवनीय अग्नि ने उसे उपदेश दिया: प्राण, आकाश, द्युलोक और विद्युत् मेरे रूप हैं। विद्युत् में जो पुरुष दिखाई देता है, वह मैं हूँ, वही मैं हूँ।

स य एतमेवं विद्वानुपास्तेऽपहते पापकृत्यां लोकीभवति सर्वमयुरेति ज्योग्जीवति नास्यावरपुरुषाः क्षीयन्त उप वयं तं भुञ्जामोऽस्मिꣳश्च लोकेऽमुष्मिꣳश्च य एतमेवं विद्वानुपास्ते

sa ya etamevaṃ vidvānupāste'pahate pāpakṛtyāṃ lokībhavati sarvamayureti jyogjīvati nāsyāvarapuruṣāḥ kṣīyanta upa vayaṃ taṃ bhuñjāmo'smim̐śca loke'muṣmim̐śca ya etamevaṃ vidvānupāste

जो इसे इस प्रकार जानकर उपासना करता है, वह पापकर्मों का नाश करता है, लोक को प्राप्त करता है, पूरी आयु पाता है और उज्ज्वल जीवन जीता है। उसके वंशज नष्ट नहीं होते। जो ऐसा जानकर उपासना करता है, उसकी हम इस लोक में और परलोक में सेवा करते हैं।

ते होचुरुपकोसलैषा सोम्य तेऽस्मद्विद्यात्मविद्या चाचार्यस्तु ते गतिं वक्तेत्याजगाम हास्याचार्यस्तमाचार्योऽभ्युवादोपकोसल३ इति

te hocurupakosalaiṣā somya te'smadvidyātmavidyā cācāryastu te gatiṃ vaktetyājagāma hāsyācāryastamācāryo'bhyuvādopakosala3 iti

अग्नियों ने कहा: सौम्य उपकोसल, अब तुम्हारे पास हमारी विद्या भी है और आत्मविद्या भी। पर मार्ग तो तुम्हें आचार्य ही बताएँगे। तब उसके आचार्य लौट आए, और आचार्य ने उसे पुकारा: उपकोसल!

भगव इति ह प्रतिशुश्राव ब्रह्मविद इव सोम्य ते मुखं भाति को नु त्वानुशशासेति को नु मानुशिष्याद्भो इतीहापेव निह्नुत इमे नूनमीदृशा अन्यादृशा इतीहाग्नीनभ्यूदे किं नु सोम्य किल तेऽवोचन्निति

bhagava iti ha pratiśuśrāva brahmavida iva somya te mukhaṃ bhāti ko nu tvānuśaśāseti ko nu mānuśiṣyādbho itīhāpeva nihnuta ime nūnamīdṛśā anyādṛśā itīhāgnīnabhyūde kiṃ nu somya kila te'vocanniti

उसने उत्तर दिया: भगवन्। आचार्य ने कहा: सौम्य, तुम्हारा मुख ब्रह्मज्ञानी के समान दीप्त है। तुम्हें किसने उपदेश दिया? उसने बात को कुछ छिपाते हुए कहा: भगवन्, मुझे कौन उपदेश देगा? फिर अग्नियों की ओर संकेत करके बोला: ये, जो अब ऐसी दिखती हैं, पहले कुछ और ही दिखती थीं। आचार्य ने पूछा: सौम्य, इन्होंने तुमसे क्या कहा?

इदमिति ह प्रतिजज्ञे लोकान्वाव किल सोम्य तेऽवोचन्नहं तु ते तद्वक्ष्यामि यथा पुष्करपलाश आपो न श्लिष्यन्त एवमेवंविदि पापं कर्म न श्लिष्यत इति ब्रवीतु मे भगवानिति तस्मै होवाच

idamiti ha pratijajñe lokānvāva kila somya te'vocannahaṃ tu te tadvakṣyāmi yathā puṣkarapalāśa āpo na śliṣyanta evamevaṃvidi pāpaṃ karma na śliṣyata iti bravītu me bhagavāniti tasmai hovāca

उसने बताया: यह। आचार्य ने कहा: सौम्य, इन्होंने तो तुम्हें केवल लोकों के विषय में बताया है। मैं तुम्हें वह बताऊँगा जिसे जानने वाले से पापकर्म वैसे ही नहीं चिपकते जैसे कमल के पत्ते से जल नहीं चिपकता। उसने कहा: भगवन्, बताइए। तब आचार्य ने उसे उपदेश दिया।

य एषोऽक्षिणि पुरुषो दृश्यत एष आत्मेति होवाचैतदमृतमभयमेतद्ब्रह्मेति तद्यद्यप्यस्मिन्सर्पिर्वोदकं वा सिञ्चति वर्त्मनी एव गच्छति

ya eṣo'kṣiṇi puruṣo dṛśyata eṣa ātmeti hovācaitadamṛtamabhayametadbrahmeti tadyadyapyasminsarpirvodakaṃ vā siñcati vartmanī eva gacchati

आचार्य ने कहा: नेत्र में जो पुरुष दिखाई देता है, वही आत्मा है। वह अमृत है, अभय है, वही ब्रह्म है। इसीलिए यदि कोई नेत्र में घी या जल डाले, तो वह पलकों के किनारों की ओर ही बह जाता है, नेत्र को मलिन नहीं करता।

एतꣳ संयद्वाम इत्याचक्षत एतꣳ हि सर्वाणि वामान्यभिसंयन्ति सर्वाण्येनं वामान्यभिसंयन्ति य एवं वेद

etam̐ saṃyadvāma ityācakṣata etam̐ hi sarvāṇi vāmānyabhisaṃyanti sarvāṇyenaṃ vāmānyabhisaṃyanti ya evaṃ veda

उसे संयद्वाम कहते हैं, क्योंकि सब सुंदर और प्रिय वस्तुएँ उसी की ओर आती हैं। जो ऐसा जानता है, उसकी ओर सब प्रिय वस्तुएँ आती हैं।

एष उ एव वामनीरेष हि सर्वाणि वामानि नयति सर्वाणि वामानि नयति य एवं वेद

eṣa u eva vāmanīreṣa hi sarvāṇi vāmāni nayati sarvāṇi vāmāni nayati ya evaṃ veda

वही वामनी है, अर्थात् प्रिय वस्तुओं को ले जाने वाला, क्योंकि वह सब शुभ फलों को पहुँचाता है। जो ऐसा जानता है, वह सब शुभ फलों को पहुँचाता है।

एष उ एव भामनीरेष हि सर्वेषु लोकेषु भाति सर्वेषु लोकेषु भाति य एवं वेद

eṣa u eva bhāmanīreṣa hi sarveṣu lokeṣu bhāti sarveṣu lokeṣu bhāti ya evaṃ veda

वही भामनी है, अर्थात् प्रकाश देने वाला, क्योंकि वह सब लोकों में प्रकाशित होता है। जो ऐसा जानता है, वह सब लोकों में प्रकाशित होता है।

अथ यदु चैवास्मिञ्छव्यं कुर्वन्ति यदि च नार्चिषमेवाभिसम्भवन्त्यर्चिषोऽहरह्न आपूर्यमाणपक्षमापूर्यमाणपक्षाद्यान्षडुदङ्ङेति मासाꣳस्तान्मासेभ्यः संवत्सरꣳ संवत्सरादादित्यमादित्याच्चन्द्रमसं चन्द्रमसो विद्युतं तत् पुरुषोऽमानवः

atha yadu caivāsmiñchavyaṃ kurvanti yadi ca nārciṣamevābhisambhavantyarciṣo'harahna āpūryamāṇapakṣamāpūryamāṇapakṣādyānṣaḍudaṅṅeti māsām̐stānmāsebhyaḥ saṃvatsaram̐ saṃvatsarādādityamādityāccandramasaṃ candramaso vidyutaṃ tat puruṣo'mānavaḥ

ऐसे ज्ञानियों के लिए अंत्येष्टि की जाए या न की जाए, वे अर्चि अर्थात् ज्योति को प्राप्त होते हैं; ज्योति से दिन को; दिन से शुक्ल पक्ष को; शुक्ल पक्ष से उन छह मासों को जिनमें सूर्य उत्तर की ओर चलता है; उन मासों से संवत्सर को; संवत्सर से आदित्य को; आदित्य से चन्द्रमा को; चन्द्रमा से विद्युत् को। वहाँ एक अमानव पुरुष है

स एनान्ब्रह्म गमयत्येष देवपथो ब्रह्मपथ एतेन प्रतिपद्यमाना इमं मानवमावर्तं नावर्तन्ते नावर्तन्ते

sa enānbrahma gamayatyeṣa devapatho brahmapatha etena pratipadyamānā imaṃ mānavamāvartaṃ nāvartante nāvartante

जो उन्हें ब्रह्म तक ले जाता है। यही देवयान है, ब्रह्म तक पहुँचाने वाला मार्ग। जो इस मार्ग से जाते हैं, वे इस मानव जन्म-मरण के चक्र में फिर नहीं लौटते, फिर नहीं लौटते।

एष ह वै यज्ञो योऽयं पवते एष ह यन्निदꣳ सर्वं पुनाति । यदेष यन्निदꣳ सर्वं पुनाति तस्मादेष एव यज्ञस्तस्य मनश्च वाक्च वर्तनी

eṣa ha vai yajño yo'yaṃ pavate eṣa ha yannidam̐ sarvaṃ punāti | yadeṣa yannidam̐ sarvaṃ punāti tasmādeṣa eva yajñastasya manaśca vākca vartanī

यह जो बहता है, अर्थात् वायु, वही यज्ञ है, क्योंकि चलते हुए यह सबको पवित्र करता है। चूँकि चलते हुए यह सबको पवित्र करता है, इसलिए यही यज्ञ है। मन और वाणी उसके दो मार्ग हैं।

तयोरन्यतरां मनसा सꣳस्करोति ब्रह्मा वाचा होताध्वर्युरुद्गातान्यतराꣳस यत्रौपाकृते प्रातरनुवाके पुरा परिधानीयाया ब्रह्मा व्यवदति

tayoranyatarāṃ manasā sam̐skaroti brahmā vācā hotādhvaryurudgātānyatarām̐sa yatraupākṛte prātaranuvāke purā paridhānīyāyā brahmā vyavadati

इनमें से एक मार्ग को ब्रह्मा नामक ऋत्विज् मन से संस्कारित करता है, और दूसरे को होता, अध्वर्यु और उद्गाता वाणी से। यदि प्रातरनुवाक आरंभ होने के बाद और परिधानीया ऋचा से पहले ब्रह्मा मौन तोड़कर बोल पड़े,

अन्यतरामेव वर्तनीꣳ सꣳस्करोति हीयतेऽन्यतरा स यथैकपाद्व्रजन्रथो वैकेन चक्रेण वर्तमानो रिष्यत्येवमस्य यज्ञोरिष्यति यज्ञꣳ रिष्यन्तं यजमानोऽनुरिष्यति स इष्ट्वा पापीयान्भवति

anyatarāmeva vartanīm̐ sam̐skaroti hīyate'nyatarā sa yathaikapādvrajanratho vaikena cakreṇa vartamāno riṣyatyevamasya yajñoriṣyati yajñam̐ riṣyantaṃ yajamāno'nuriṣyati sa iṣṭvā pāpīyānbhavati

तो वह केवल एक ही मार्ग को संस्कारित करता है और दूसरा नष्ट हो जाता है। जैसे एक पैर से चलने वाला मनुष्य या एक पहिये पर चलने वाला रथ हानि पाता है, वैसे ही उसका यज्ञ हानि पाता है। यज्ञ की हानि होने पर यजमान की भी हानि होती है, और वह यज्ञ करके भी पहले से हीन हो जाता है।

अथ यत्रोपाकृते प्रातरनुवाके न पुरा परिधानीयाया ब्रह्मा व्यवदत्युभे एव वर्तनी सꣳस्कुर्वन्ति न हीयतेऽन्यतरा

atha yatropākṛte prātaranuvāke na purā paridhānīyāyā brahmā vyavadatyubhe eva vartanī sam̐skurvanti na hīyate'nyatarā

पर जब प्रातरनुवाक आरंभ होने के बाद परिधानीया ऋचा से पहले ब्रह्मा नहीं बोलता, तब दोनों मार्ग संस्कारित होते हैं और कोई भी नष्ट नहीं होता।

स यथोभयपाद्व्रजन्रथो वोभाभ्यां चक्राभ्यां वर्तमानः प्रतितिष्ठत्येवमस्य यज्ञः प्रतितिष्ठति यज्ञं प्रतितिष्ठन्तं यजमानोऽनुप्रतितिष्ठति स इष्ट्वा श्रेयान्भवति

sa yathobhayapādvrajanratho vobhābhyāṃ cakrābhyāṃ vartamānaḥ pratitiṣṭhatyevamasya yajñaḥ pratitiṣṭhati yajñaṃ pratitiṣṭhantaṃ yajamāno'nupratitiṣṭhati sa iṣṭvā śreyānbhavati

जैसे दोनों पैरों से चलने वाला मनुष्य या दोनों पहियों पर चलने वाला रथ स्थिर रहता है, वैसे ही उसका यज्ञ स्थिर रहता है। यज्ञ के स्थिर होने पर यजमान भी स्थिर होता है, और वह यज्ञ करके पहले से श्रेष्ठ हो जाता है।

प्रजापतिर्लोकानभ्यतपत्तेषां तप्यमानानाꣳरसान्प्रावृहदग्निं पृथिव्या वायुमन्तरिक्षातादित्यं दिवः

prajāpatirlokānabhyatapatteṣāṃ tapyamānānām̐rasānprāvṛhadagniṃ pṛthivyā vāyumantarikṣātādityaṃ divaḥ

प्रजापति ने लोकों पर तप किया। तप से तपे हुए उन लोकों से उन्होंने उनके रस निकाले: पृथ्वी से अग्नि, अन्तरिक्ष से वायु और द्युलोक से आदित्य।

स एतास्तिस्रो देवता अभ्यतपत्तासां तप्यमानानाꣳरसान्प्रावृहदग्नेर्ऋचो वायोर्यजूꣳषि सामान्यादित्यात्

sa etāstisro devatā abhyatapattāsāṃ tapyamānānām̐rasānprāvṛhadagnerṛco vāyoryajūm̐ṣi sāmānyādityāt

फिर उन्होंने इन तीन देवताओं पर तप किया। तपे हुए उन देवताओं से उन्होंने उनके रस निकाले: अग्नि से ऋचाएँ, वायु से यजुष् और आदित्य से साम।

स एतां त्रयीं विद्यामभ्यतपत्तस्यास्तप्यमानाया रसान्प्रावृहद्भूरित्यृग्भ्यो भुवरिति यजुर्भ्यः स्वरिति सामभ्यः

sa etāṃ trayīṃ vidyāmabhyatapattasyāstapyamānāyā rasānprāvṛhadbhūrityṛgbhyo bhuvariti yajurbhyaḥ svariti sāmabhyaḥ

फिर उन्होंने इस त्रयी विद्या पर तप किया। तपी हुई उस विद्या से उन्होंने उसके रस निकाले: ऋचाओं से भूः, यजुषों से भुवः और सामों से स्वः।

तद्यदृक्तो रिष्येद्भूः स्वाहेति गार्हपत्ये जुहुयादृचामेव तद्रसेनर्चां वीर्येणर्चां यज्ञस्य विरिष्टꣳ सन्दधाति

tadyadṛkto riṣyedbhūḥ svāheti gārhapatye juhuyādṛcāmeva tadrasenarcāṃ vīryeṇarcāṃ yajñasya viriṣṭam̐ sandadhāti

इसलिए यदि यज्ञ में ऋक् की ओर से कोई त्रुटि हो, तो ब्रह्मा भूः स्वाहा कहकर गार्हपत्य अग्नि में आहुति दे। इस प्रकार ऋचाओं के रस और ऋचाओं के वीर्य से वह यज्ञ के ऋक् भाग की त्रुटि को जोड़ देता है।

स यदि यजुष्टो रिष्येद्भुवः स्वाहेति दक्षिणाग्नौ जुहुयाद्यजुषामेव तद्रसेन यजुषां वीर्येण यजुषां यज्ञस्य विरिष्टꣳ सन्दधाति

sa yadi yajuṣṭo riṣyedbhuvaḥ svāheti dakṣiṇāgnau juhuyādyajuṣāmeva tadrasena yajuṣāṃ vīryeṇa yajuṣāṃ yajñasya viriṣṭam̐ sandadhāti

यदि यजुष् की ओर से त्रुटि हो, तो वह भुवः स्वाहा कहकर दक्षिणाग्नि में आहुति दे। इस प्रकार यजुषों के रस और यजुषों के वीर्य से वह यज्ञ के यजुष् भाग की त्रुटि को जोड़ देता है।

अथ यदि सामतो रिष्येत्स्वः स्वाहेत्याहवनीये जुहुयात्साम्नामेव तद्रसेन साम्नां वीर्येण साम्नां यज्ञस्य विरिष्टं सन्दधाति

atha yadi sāmato riṣyetsvaḥ svāhetyāhavanīye juhuyātsāmnāmeva tadrasena sāmnāṃ vīryeṇa sāmnāṃ yajñasya viriṣṭaṃ sandadhāti

और यदि साम की ओर से त्रुटि हो, तो वह स्वः स्वाहा कहकर आहवनीय अग्नि में आहुति दे। इस प्रकार सामों के रस और सामों के वीर्य से वह यज्ञ के साम भाग की त्रुटि को जोड़ देता है।

तद्यथा लवणेन सुवर्णꣳ सन्दध्यात्सुवर्णेन रजतꣳ रजतेन त्रपु त्रपुणा सीसꣳ सीसेन लोहं लोहेन दारु दारु चर्मणा

tadyathā lavaṇena suvarṇam̐ sandadhyātsuvarṇena rajatam̐ rajatena trapu trapuṇā sīsam̐ sīsena lohaṃ lohena dāru dāru carmaṇā

जैसे सुहागे से सोने को जोड़ा जाता है, सोने से चाँदी को, चाँदी से रांगे को, रांगे से सीसे को, सीसे से लोहे को, लोहे से लकड़ी को, और चमड़े से लकड़ी को,

एवमेषां लोकानामासां देवतानामस्यास्त्रय्या विद्याया वीर्येण यज्ञस्य विरिष्टꣳ सन्दधाति भेषजकृतो ह वा एष यज्ञो यत्रैवंविद्ब्रह्मा भवति

evameṣāṃ lokānāmāsāṃ devatānāmasyāstrayyā vidyāyā vīryeṇa yajñasya viriṣṭam̐ sandadhāti bheṣajakṛto ha vā eṣa yajño yatraivaṃvidbrahmā bhavati

वैसे ही इन लोकों, इन देवताओं और इस त्रयी विद्या के वीर्य से वह यज्ञ की हर त्रुटि को जोड़ देता है। जिस यज्ञ में ब्रह्मा ऐसा जानने वाला होता है, वह यज्ञ मानो औषधि से भली-भाँति उपचारित हो जाता है।

एष ह वा उदक्प्रवणो यज्ञो यत्रैवंविद्ब्रह्मा भवत्येवंविदꣳ ह वा एषा ब्रह्माणमनुगाथा यतो यत आवर्तते तत्तद्गच्छति

eṣa ha vā udakpravaṇo yajño yatraivaṃvidbrahmā bhavatyevaṃvidam̐ ha vā eṣā brahmāṇamanugāthā yato yata āvartate tattadgacchati

जिस यज्ञ में ब्रह्मा ऐसा जानने वाला होता है, वह यज्ञ उत्तर की ओर ढलता है, अर्थात् शुभ फल की ओर जाता है। ऐसे ज्ञानी ब्रह्मा के विषय में यह गाथा है: यज्ञ जहाँ-जहाँ से भटकता है, वह वहीं-वहीं जाकर उसे सँभाल लेता है।

मानवो ब्रह्मैवैक ऋत्विक्कुरूनश्वाभिरक्षत्येवंविद्ध वै ब्रह्मा यज्ञं यजमानꣳ सर्वाꣳश्चर्त्विजोऽभिरक्षति तस्मादेवंविदमेव ब्रह्माणं कुर्वीत नानेवंविदं नानेवंविदम्

mānavo brahmaivaika ṛtvikkurūnaśvābhirakṣatyevaṃviddha vai brahmā yajñaṃ yajamānam̐ sarvām̐ścartvijo'bhirakṣati tasmādevaṃvidameva brahmāṇaṃ kurvīta nānevaṃvidaṃ nānevaṃvidam

मौन रहने वाला ब्रह्मा ही अकेला ऋत्विज् है जो यज्ञ की वैसे रक्षा करता है जैसे घोड़ी योद्धाओं की रक्षा करती है। ऐसा जानने वाला ब्रह्मा यज्ञ, यजमान और सब ऋत्विजों की रक्षा करता है। इसलिए ऐसा जानने वाले को ही ब्रह्मा बनाना चाहिए, न जानने वाले को नहीं, न जानने वाले को नहीं।