अधि॒ यद॑स्मिन्वा॒जिनी॑व॒ शुभ॒ः स्पर्ध॑न्ते॒ धिय॒ः सूर्ये॒ न विश॑ः ।
अ॒पो वृ॑णा॒नः प॑वते कवी॒यन्व्र॒जं न प॑शु॒वर्ध॑नाय॒ मन्म॑
adhi yadasminvājinīva śubhaḥ spardhante dhiyaḥ sūrye na viśaḥ |
apo vṛṇānaḥ pavate kavīyanvrajaṃ na paśuvardhanāya manma
Mandala 9
Sukta 94: Born for splendour, giving splendour
Rishi: कण्वो घौरः · Devata: पवमानः सोमः · Metre: त्रिष्टुप्
5 verses · 94 of 114
What happens in this chapter
Born for splendour, giving splendour
Kanva Ghaura speaks five trishtubh verses to Soma Pavamana. Thoughts compete to adorn him, as peoples strive towards the sun. Clothing himself in the waters he flows,. He opens wide the abode of amrita, and the worlds spread out; the hymns low towards Indu like cows in their stall. The fourth verse turns on one word, shri: born for splendour, he goes forth for splendour and gives splendour and vigour to the singers,, and those clothed in it reach immortality. The close asks for food, strength, horse and cow and wide light, and for the enemies to be pressed back.
द्वि॒ता व्यू॒र्ण्वन्न॒मृत॑स्य॒ धाम॑ स्व॒र्विदे॒ भुव॑नानि प्रथन्त ।
धिय॑ः पिन्वा॒नाः स्वस॑रे॒ न गाव॑ ऋता॒यन्ती॑र॒भि वा॑वश्र॒ इन्दु॑म्
dvitā vyūrṇvannamṛtasya dhāma svarvide bhuvanāni prathanta |
dhiyaḥ pinvānāḥ svasare na gāva ṛtāyantīrabhi vāvaśra indum
परि॒ यत्क॒विः काव्या॒ भर॑ते॒ शूरो॒ न रथो॒ भुव॑नानि॒ विश्वा॑ ।
दे॒वेषु॒ यशो॒ मर्ता॑य॒ भूष॒न्दक्षा॑य रा॒यः पु॑रु॒भूषु॒ नव्य॑ः
pari yatkaviḥ kāvyā bharate śūro na ratho bhuvanāni viśvā |
deveṣu yaśo martāya bhūṣandakṣāya rāyaḥ purubhūṣu navyaḥ
श्रि॒ये जा॒तः श्रि॒य आ निरि॑याय॒ श्रियं॒ वयो॑ जरि॒तृभ्यो॑ दधाति ।
श्रियं॒ वसा॑ना अमृत॒त्वमा॑य॒न्भव॑न्ति स॒त्या स॑मि॒था मि॒तद्रौ॑
śriye jātaḥ śriya ā niriyāya śriyaṃ vayo jaritṛbhyo dadhāti |
śriyaṃ vasānā amṛtatvamāyanbhavanti satyā samithā mitadrau
इष॒मूर्ज॑म॒भ्य१॒॑र्षाश्वं॒ गामु॒रु ज्योति॑ः कृणुहि॒ मत्सि॑ दे॒वान् ।
विश्वा॑नि॒ हि सु॒षहा॒ तानि॒ तुभ्यं॒ पव॑मान॒ बाध॑से सोम॒ शत्रू॑न्
iṣamūrjamabhyarṣāśvaṃ gāmuru jyotiḥ kṛṇuhi matsi devān |
viśvāni hi suṣahā tāni tubhyaṃ pavamāna bādhase soma śatrūn
Text source: Wikisource · CC BY-SA 4.0 (Wikisource transcription of a public-domain text)