क्रा॒णा शिशु॑र्म॒हीनां॑ हि॒न्वन्नृ॒तस्य॒ दीधि॑तिम् ।
विश्वा॒ परि॑ प्रि॒या भु॑व॒दध॑ द्वि॒ता
krāṇā śiśurmahīnāṃ hinvannṛtasya dīdhitim |
viśvā pari priyā bhuvadadha dvitā
Mandala 9
Sukta 102: Trita and the seven seats of yajna
Rishi: त्रित आप्त्यः · Devata: पवमानः सोमः · Metre: उष्णिक्
8 verses · 102 of 114
What happens in this chapter
Trita and the seven seats of yajna
Trita Aptya offers eight ushnik verses to Soma Pavamana. The child of the great waters, working, urges on the light of Rita. He has taken his hidden place beside the two press-stones of Trita, and through the seven seats of the yajna it became dear to him. With Trita's three streams he brings wealth to the heights. Seven mothers taught the newborn ordainer for splendour. In his vrata all the devas are of one mind and without guile. The two great mothers of Rita, heaven and earth, come together for him. With bright eyes he has opened the pen of heaven.
उप॑ त्रि॒तस्य॑ पा॒ष्यो॒३॒॑रभ॑क्त॒ यद्गुहा॑ प॒दम् ।
य॒ज्ञस्य॑ स॒प्त धाम॑भि॒रध॑ प्रि॒यम्
upa tritasya pāṣyorabhakta yadguhā padam |
yajñasya sapta dhāmabhiradha priyam
त्रीणि॑ त्रि॒तस्य॒ धार॑या पृ॒ष्ठेष्वेर॑या र॒यिम् ।
मिमी॑ते अस्य॒ योज॑ना॒ वि सु॒क्रतु॑ः
trīṇi tritasya dhārayā pṛṣṭheṣverayā rayim |
mimīte asya yojanā vi sukratuḥ
ज॒ज्ञा॒नं स॒प्त मा॒तरो॑ वे॒धाम॑शासत श्रि॒ये ।
अ॒यं ध्रु॒वो र॑यी॒णां चिके॑त॒ यत्
jajñānaṃ sapta mātaro vedhāmaśāsata śriye |
ayaṃ dhruvo rayīṇāṃ ciketa yat
अ॒स्य व्र॒ते स॒जोष॑सो॒ विश्वे॑ दे॒वासो॑ अ॒द्रुह॑ः ।
स्पा॒र्हा भ॑वन्ति॒ रन्त॑यो जु॒षन्त॒ यत्
asya vrate sajoṣaso viśve devāso adruhaḥ |
spārhā bhavanti rantayo juṣanta yat
यमी॒ गर्भ॑मृता॒वृधो॑ दृ॒शे चारु॒मजी॑जनन् ।
क॒विं मंहि॑ष्ठमध्व॒रे पु॑रु॒स्पृह॑म्
yamī garbhamṛtāvṛdho dṛśe cārumajījanan |
kaviṃ maṃhiṣṭhamadhvare puruspṛham
स॒मी॒ची॒ने अ॒भि त्मना॑ य॒ह्वी ऋ॒तस्य॑ मा॒तरा॑ ।
त॒न्वा॒ना य॒ज्ञमा॑नु॒षग्यद॑ञ्ज॒ते
samīcīne abhi tmanā yahvī ṛtasya mātarā |
tanvānā yajñamānuṣagyadañjate
क्रत्वा॑ शु॒क्रेभि॑र॒क्षभि॑रृ॒णोरप॑ व्र॒जं दि॒वः ।
हि॒न्वन्नृ॒तस्य॒ दीधि॑तिं॒ प्राध्व॒रे
kratvā śukrebhirakṣabhirṛṇorapa vrajaṃ divaḥ |
hinvannṛtasya dīdhitiṃ prādhvare
Text source: Wikisource · CC BY-SA 4.0 (Wikisource transcription of a public-domain text)