प्र स्वा॒नासो॒ रथा॑ इ॒वार्व॑न्तो॒ न श्र॑व॒स्यव॑ः ।
सोमा॑सो रा॒ये अ॑क्रमुः
pra svānāso rathā ivārvanto na śravasyavaḥ |
somāso rāye akramuḥ
Mandala 9
Sukta 10: Like Chariots and Racing Steeds
Rishi: कश्यपोऽसितो देवलो वा · Devata: पवमानः सोमः · Metre: गायत्री
9 verses · 10 of 114
What happens in this chapter
Like Chariots and Racing Steeds
Kashyapa Asita or Devala sings of Pavamana Soma in gayatri, with a run of similes. The pressed Somas surge toward wealth like chariots and like coursers eager for fame. Driven on, they are held in the two hands like loads carried by workers. Like kings with praises they are anointed with milk, as a yajna is by its seven priests. Taken by Vivasvat, they bring forth the good fortune of Dawn, and the singers open the ancient doors of thought. The seven Hotars, kin to one another, sit together and fill the one place. Soma, the sun, sees with his eye the dear place of heaven hidden by the adhvaryus.
हि॒न्वा॒नासो॒ रथा॑ इव दधन्वि॒रे गभ॑स्त्योः ।
भरा॑सः का॒रिणा॑मिव
hinvānāso rathā iva dadhanvire gabhastyoḥ |
bharāsaḥ kāriṇāmiva
राजा॑नो॒ न प्रश॑स्तिभि॒ः सोमा॑सो॒ गोभि॑रञ्जते ।
य॒ज्ञो न स॒प्त धा॒तृभि॑ः
rājāno na praśastibhiḥ somāso gobhirañjate |
yajño na sapta dhātṛbhiḥ
परि॑ सुवा॒नास॒ इन्द॑वो॒ मदा॑य ब॒र्हणा॑ गि॒रा ।
सु॒ता अ॑र्षन्ति॒ धार॑या
pari suvānāsa indavo madāya barhaṇā girā |
sutā arṣanti dhārayā
आ॒पा॒नासो॑ वि॒वस्व॑तो॒ जन॑न्त उ॒षसो॒ भग॑म् ।
सूरा॒ अण्वं॒ वि त॑न्वते
āpānāso vivasvato jananta uṣaso bhagam |
sūrā aṇvaṃ vi tanvate
अप॒ द्वारा॑ मती॒नां प्र॒त्ना ऋ॑ण्वन्ति का॒रव॑ः ।
वृष्णो॒ हर॑स आ॒यव॑ः
apa dvārā matīnāṃ pratnā ṛṇvanti kāravaḥ |
vṛṣṇo harasa āyavaḥ
स॒मी॒ची॒नास॑ आसते॒ होता॑रः स॒प्तजा॑मयः ।
प॒दमेक॑स्य॒ पिप्र॑तः
samīcīnāsa āsate hotāraḥ saptajāmayaḥ |
padamekasya piprataḥ
नाभा॒ नाभिं॑ न॒ आ द॑दे॒ चक्षु॑श्चि॒त्सूर्ये॒ सचा॑ ।
क॒वेरप॑त्य॒मा दु॑हे
nābhā nābhiṃ na ā dade cakṣuścitsūrye sacā |
kaverapatyamā duhe
अ॒भि प्रि॒या दि॒वस्प॒दम॑ध्व॒र्युभि॒र्गुहा॑ हि॒तम् ।
सूर॑ः पश्यति॒ चक्ष॑सा
abhi priyā divaspadamadhvaryubhirguhā hitam |
sūraḥ paśyati cakṣasā
Text source: Wikisource · CC BY-SA 4.0 (Wikisource transcription of a public-domain text)