इ॒यं वा॑म॒स्य मन्म॑न॒ इन्द्रा॑ग्नी पू॒र्व्यस्तु॑तिः ।
अ॒भ्राद्वृ॒ष्टिरि॑वाजनि
iyaṃ vāmasya manmana indrāgnī pūrvyastutiḥ |
abhrādvṛṣṭirivājani
Mandala 7
Sukta 94: Gayatri praise of Indra and Agni
Rishi: मैत्रावरुणिर्वसिष्ठः · Devata: इन्द्राग्नी · Metre: गायत्री, १२ अनुष्टुप्
12 verses · 94 of 104
What happens in this chapter
Gayatri praise of Indra and Agni
This praise of Indra and Agni is born like rain from a cloud, says Maharshi Vasishtha in eleven gayatri verses. He asks them to hear the singer, not to hand us over to sin, slander or the reviler, and to give shelter so that no evil-speaking mortal rules over us. Many call on them for help and for the prize of wealth in cows, gold and horses. The closing anushtup is stern: strike down with your blow the evil-tongued mortal, the ill-knowing one who keeps company with rakshasas; strike the swelling flood as with a club.
शृ॒णु॒तं ज॑रि॒तुर्हव॒मिन्द्रा॑ग्नी॒ वन॑तं॒ गिर॑ः ।
ई॒शा॒ना पि॑प्यतं॒ धिय॑ः
śṛṇutaṃ jariturhavamindrāgnī vanataṃ giraḥ |
īśānā pipyataṃ dhiyaḥ
मा पा॑प॒त्वाय॑ नो न॒रेन्द्रा॑ग्नी॒ माभिश॑स्तये ।
मा नो॑ रीरधतं नि॒दे
mā pāpatvāya no narendrāgnī mābhiśastaye |
mā no rīradhataṃ nide
इन्द्रे॑ अ॒ग्ना नमो॑ बृ॒हत्सु॑वृ॒क्तिमेर॑यामहे ।
धि॒या धेना॑ अव॒स्यव॑ः
indre agnā namo bṛhatsuvṛktimerayāmahe |
dhiyā dhenā avasyavaḥ
ता हि शश्व॑न्त॒ ईळ॑त इ॒त्था विप्रा॑स ऊ॒तये॑ ।
स॒बाधो॒ वाज॑सातये
tā hi śaśvanta īḻata itthā viprāsa ūtaye |
sabādho vājasātaye
ता वां॑ गी॒र्भिर्वि॑प॒न्यव॒ः प्रय॑स्वन्तो हवामहे ।
मे॒धसा॑ता सनि॒ष्यव॑ः
tā vāṃ gīrbhirvipanyavaḥ prayasvanto havāmahe |
medhasātā saniṣyavaḥ
इन्द्रा॑ग्नी॒ अव॒सा ग॑तम॒स्मभ्यं॑ चर्षणीसहा ।
मा नो॑ दु॒ःशंस॑ ईशत
indrāgnī avasā gatamasmabhyaṃ carṣaṇīsahā |
mā no duḥśaṃsa īśata
मा कस्य॑ नो॒ अर॑रुषो धू॒र्तिः प्रण॒ङ्मर्त्य॑स्य ।
इन्द्रा॑ग्नी॒ शर्म॑ यच्छतम्
mā kasya no araruṣo dhūrtiḥ praṇaṅmartyasya |
indrāgnī śarma yacchatam
गोम॒द्धिर॑ण्यव॒द्वसु॒ यद्वा॒मश्वा॑व॒दीम॑हे ।
इन्द्रा॑ग्नी॒ तद्व॑नेमहि
gomaddhiraṇyavadvasu yadvāmaśvāvadīmahe |
indrāgnī tadvanemahi
यत्सोम॒ आ सु॒ते नर॑ इन्द्रा॒ग्नी अजो॑हवुः ।
सप्ती॑वन्ता सप॒र्यव॑ः
yatsoma ā sute nara indrāgnī ajohavuḥ |
saptīvantā saparyavaḥ
उ॒क्थेभि॑र्वृत्र॒हन्त॑मा॒ या म॑न्दा॒ना चि॒दा गि॒रा ।
आ॒ङ्गू॒षैरा॒विवा॑सतः
ukthebhirvṛtrahantamā yā mandānā cidā girā |
āṅgūṣairāvivāsataḥ
ताविद्दु॒ःशंसं॒ मर्त्यं॒ दुर्वि॑द्वांसं रक्ष॒स्विन॑म् ।
आ॒भो॒गं हन्म॑ना हतमुद॒धिं हन्म॑ना हतम्
tāvidduḥśaṃsaṃ martyaṃ durvidvāṃsaṃ rakṣasvinam |
ābhogaṃ hanmanā hatamudadhiṃ hanmanā hatam
Text source: Wikisource · CC BY-SA 4.0 (Wikisource transcription of a public-domain text)