आ ते॑ म॒ह इ॑न्द्रो॒त्यु॑ग्र॒ सम॑न्यवो॒ यत्स॒मर॑न्त॒ सेना॑ः ।
पता॑ति दि॒द्युन्नर्य॑स्य बा॒ह्वोर्मा ते॒ मनो॑ विष्व॒द्र्य१॒॑ग्वि चा॑रीत्
ā te maha indrotyugra samanyavo yatsamaranta senāḥ |
patāti didyunnaryasya bāhvormā te mano viṣvadryagvi cārīt
Mandala 7
Sukta 25: Indra's help when armies clash
Rishi: मैत्रावरुणिर्वसिष्ठः · Devata: इन्द्रः · Metre: त्रिष्टुप्
6 verses · 25 of 104
What happens in this chapter
Indra's help when armies clash
When armies of equal fury clash, Vasishtha prays, let Indra's great help come and the shaft fly from his heroic arms, and let his mind not wander. He asks Indra to cast down in rough places the foes who threaten us, to put far off the curse of the reviler and to gather wealth for us. 'A hundred helps to Sudas, a thousand blessings and gifts'; strike down the weapon of the hostile man. 'I am of the skill and the giving of one like you.' The Kutsas too send their praise to the god of bay horses. Make the obstacles easy to slay, and let us win the prize.
नि दु॒र्ग इ॑न्द्र श्नथिह्य॒मित्राँ॑ अ॒भि ये नो॒ मर्ता॑सो अ॒मन्ति॑ ।
आ॒रे तं शंसं॑ कृणुहि निनि॒त्सोरा नो॑ भर स॒म्भर॑णं॒ वसू॑नाम्
ni durga indra śnathihyamitrām̐ abhi ye no martāso amanti |
āre taṃ śaṃsaṃ kṛṇuhi ninitsorā no bhara sambharaṇaṃ vasūnām
श॒तं ते॑ शिप्रिन्नू॒तय॑ः सु॒दासे॑ स॒हस्रं॒ शंसा॑ उ॒त रा॒तिर॑स्तु ।
ज॒हि वध॑र्व॒नुषो॒ मर्त्य॑स्या॒स्मे द्यु॒म्नमधि॒ रत्नं॑ च धेहि
śataṃ te śiprinnūtayaḥ sudāse sahasraṃ śaṃsā uta rātirastu |
jahi vadharvanuṣo martyasyāsme dyumnamadhi ratnaṃ ca dhehi
त्वाव॑तो॒ ही॑न्द्र॒ क्रत्वे॒ अस्मि॒ त्वाव॑तोऽवि॒तुः शू॑र रा॒तौ ।
विश्वेदहा॑नि तविषीव उग्रँ॒ ओक॑ः कृणुष्व हरिवो॒ न म॑र्धीः
tvāvato hīndra kratve asmi tvāvato'vituḥ śūra rātau |
viśvedahāni taviṣīva ugram̐ okaḥ kṛṇuṣva harivo na mardhīḥ
कुत्सा॑ ए॒ते हर्य॑श्वाय शू॒षमिन्द्रे॒ सहो॑ दे॒वजू॑तमिया॒नाः ।
स॒त्रा कृ॑धि सु॒हना॑ शूर वृ॒त्रा व॒यं तरु॑त्राः सनुयाम॒ वाज॑म्
kutsā ete haryaśvāya śūṣamindre saho devajūtamiyānāḥ |
satrā kṛdhi suhanā śūra vṛtrā vayaṃ tarutrāḥ sanuyāma vājam
ए॒वा न॑ इन्द्र॒ वार्य॑स्य पूर्धि॒ प्र ते॑ म॒हीं सु॑म॒तिं वे॑विदाम ।
इषं॑ पिन्व म॒घव॑द्भ्यः सु॒वीरां॑ यू॒यं पा॑त स्व॒स्तिभि॒ः सदा॑ नः
evā na indra vāryasya pūrdhi pra te mahīṃ sumatiṃ vevidāma |
iṣaṃ pinva maghavadbhyaḥ suvīrāṃ yūyaṃ pāta svastibhiḥ sadā naḥ
Text source: Wikisource · CC BY-SA 4.0 (Wikisource transcription of a public-domain text)