उदु॑ श्रि॒य उ॒षसो॒ रोच॑माना॒ अस्थु॑र॒पां नोर्मयो॒ रुश॑न्तः ।
कृ॒णोति॒ विश्वा॑ सु॒पथा॑ सु॒गान्यभू॑दु॒ वस्वी॒ दक्षि॑णा म॒घोनी॑
udu śriya uṣaso rocamānā asthurapāṃ normayo ruśantaḥ |
kṛṇoti viśvā supathā sugānyabhūdu vasvī dakṣiṇā maghonī
Mandala 6
Sukta 64: Dawn rises shining like waves
Rishi: बार्हस्पत्यो भरद्वाजः · Devata: उषाः · Metre: त्रिष्टुप्
6 verses · 64 of 75
What happens in this chapter
Dawn rises shining like waves
Bharadvaja Barhaspatya greets Ushas in trishtubh. The shining dawns have risen for glory, gleaming like waves of water; Dawn makes every path easy to travel, bountiful and generous. She shines far and wide, her rays fly up to heaven, and she bares her breast as she adorns herself. Ruddy cows draw her. Like a hero with arrows she drives the foes away; like a swift charioteer she pushes back the dark. Her paths are easy even over mountains, and she crosses the waters. The birds fly up from their nests at her coming, and men who seek their food go out; to the worshipper she brings great good.
भ॒द्रा द॑दृक्ष उर्वि॒या वि भा॒स्युत्ते॑ शो॒चिर्भा॒नवो॒ द्याम॑पप्तन् ।
आ॒विर्वक्ष॑ः कृणुषे शु॒म्भमा॒नोषो॑ देवि॒ रोच॑माना॒ महो॑भिः
bhadrā dadṛkṣa urviyā vi bhāsyutte śocirbhānavo dyāmapaptan |
āvirvakṣaḥ kṛṇuṣe śumbhamānoṣo devi rocamānā mahobhiḥ
वह॑न्ति सीमरु॒णासो॒ रुश॑न्तो॒ गाव॑ः सु॒भगा॑मुर्वि॒या प्र॑था॒नाम् ।
अपे॑जते॒ शूरो॒ अस्ते॑व॒ शत्रू॒न्बाध॑ते॒ तमो॑ अजि॒रो न वोळ्हा॑
vahanti sīmaruṇāso ruśanto gāvaḥ subhagāmurviyā prathānām |
apejate śūro asteva śatrūnbādhate tamo ajiro na voḻhā
सु॒गोत ते॑ सु॒पथा॒ पर्व॑तेष्ववा॒ते अ॒पस्त॑रसि स्वभानो ।
सा न॒ आ व॑ह पृथुयामन्नृष्वे र॒यिं दि॑वो दुहितरिष॒यध्यै॑
sugota te supathā parvateṣvavāte apastarasi svabhāno |
sā na ā vaha pṛthuyāmannṛṣve rayiṃ divo duhitariṣayadhyai
सा व॑ह॒ योक्षभि॒रवा॒तोषो॒ वरं॒ वह॑सि॒ जोष॒मनु॑ ।
त्वं दि॑वो दुहित॒र्या ह॑ दे॒वी पू॒र्वहू॑तौ मं॒हना॑ दर्श॒ता भू॑ः
sā vaha yokṣabhiravātoṣo varaṃ vahasi joṣamanu |
tvaṃ divo duhitaryā ha devī pūrvahūtau maṃhanā darśatā bhūḥ
उत्ते॒ वय॑श्चिद्वस॒तेर॑पप्त॒न्नर॑श्च॒ ये पि॑तु॒भाजो॒ व्यु॑ष्टौ ।
अ॒मा स॒ते व॑हसि॒ भूरि॑ वा॒ममुषो॑ देवि दा॒शुषे॒ मर्त्या॑य
utte vayaścidvasaterapaptannaraśca ye pitubhājo vyuṣṭau |
amā sate vahasi bhūri vāmamuṣo devi dāśuṣe martyāya
Text source: Wikisource · CC BY-SA 4.0 (Wikisource transcription of a public-domain text)