Rishi: श्यावाश्व आत्रेयः · Devata: सविता · Metre: जगती
5 verses · 81 of 87
Shyavashva Atreya praises Savitar in Jagati. Its first line is recited to this day and appears again in the Shvetashvatara Upanishad: the seers yoke their minds and yoke their thoughts to the great, wise seer. Great is the praise of Savitar, who alone knows the order of the rites. The poet puts on every form and brings forth blessing for two-footed and four-footed beings. Desirable Savitar lights up the vault of heaven and shines after the dawn. He measured out the earthly realms, goes to the three bright worlds, joins the sun's rays, circles the night, and by his laws becomes Mitra and Pushan.
यु॒ञ्जते॒ मन॑ उ॒त यु॑ञ्जते॒ धियो॒ विप्रा॒ विप्र॑स्य बृह॒तो वि॑प॒श्चित॑ः ।
वि होत्रा॑ दधे वयुना॒विदेक॒ इन्म॒ही दे॒वस्य॑ सवि॒तुः परि॑ष्टुतिः
yuñjate mana uta yuñjate dhiyo viprā viprasya bṛhato vipaścitaḥ |
vi hotrā dadhe vayunāvideka inmahī devasya savituḥ pariṣṭutiḥ
विश्वा॑ रू॒पाणि॒ प्रति॑ मुञ्चते क॒विः प्रासा॑वीद्भ॒द्रं द्वि॒पदे॒ चतु॑ष्पदे ।
वि नाक॑मख्यत्सवि॒ता वरे॒ण्योऽनु॑ प्र॒याण॑मु॒षसो॒ वि रा॑जति
viśvā rūpāṇi prati muñcate kaviḥ prāsāvīdbhadraṃ dvipade catuṣpade |
vi nākamakhyatsavitā vareṇyo'nu prayāṇamuṣaso vi rājati
यस्य॑ प्र॒याण॒मन्व॒न्य इद्य॒युर्दे॒वा दे॒वस्य॑ महि॒मान॒मोज॑सा ।
यः पार्थि॑वानि विम॒मे स एत॑शो॒ रजां॑सि दे॒वः स॑वि॒ता म॑हित्व॒ना
yasya prayāṇamanvanya idyayurdevā devasya mahimānamojasā |
yaḥ pārthivāni vimame sa etaśo rajāṃsi devaḥ savitā mahitvanā
उ॒त या॑सि सवित॒स्त्रीणि॑ रोच॒नोत सूर्य॑स्य र॒श्मिभि॒ः समु॑च्यसि ।
उ॒त रात्री॑मुभ॒यत॒ः परी॑यस उ॒त मि॒त्रो भ॑वसि देव॒ धर्म॑भिः
uta yāsi savitastrīṇi rocanota sūryasya raśmibhiḥ samucyasi |
uta rātrīmubhayataḥ parīyasa uta mitro bhavasi deva dharmabhiḥ
उ॒तेशि॑षे प्रस॒वस्य॒ त्वमेक॒ इदु॒त पू॒षा भ॑वसि देव॒ याम॑भिः ।
उ॒तेदं विश्वं॒ भुव॑नं॒ वि रा॑जसि श्या॒वाश्व॑स्ते सवित॒ः स्तोम॑मानशे
uteśiṣe prasavasya tvameka iduta pūṣā bhavasi deva yāmabhiḥ |
utedaṃ viśvaṃ bhuvanaṃ vi rājasi śyāvāśvaste savitaḥ stomamānaśe
Text source: Wikisource · CC BY-SA 4.0 (Wikisource transcription of a public-domain text)
