यद॒द्य स्थः प॑रा॒वति॒ यद॑र्वा॒वत्य॑श्विना ।
यद्वा॑ पु॒रू पु॑रुभुजा॒ यद॒न्तरि॑क्ष॒ आ ग॑तम्
yadadya sthaḥ parāvati yadarvāvatyaśvinā |
yadvā purū purubhujā yadantarikṣa ā gatam
Mandala 5
Sukta 73: Ashvins, come from far or near
Rishi: पौर आत्रेयः · Devata: अश्विनौ · Metre: अनुष्टुप्
10 verses · 73 of 87
What happens in this chapter
Ashvins, come from far or near
Paura Atreya praises the Ashvins in Anushtubh. Whether you are far today or near, or in the mid-air, come. He calls the swift helpers, bearers of many wonders, for enjoyment. They fixed one wheel of their chariot for beauty and with the other they fly through the realms. Born apart, without fault, they came to us as kin. When Surya mounted their swift chariot, ruddy birds and glowing heat surrounded them. Atri knows them with a kindly heart and serves them the hot gharma. They carry across the ocean. Men call them the bringers of joy, and the rishi offers his hymns, shaped like chariots.
इ॒ह त्या पु॑रु॒भूत॑मा पु॒रू दंसां॑सि॒ बिभ्र॑ता ।
व॒र॒स्या या॒म्यध्रि॑गू हु॒वे तु॒विष्ट॑मा भु॒जे
iha tyā purubhūtamā purū daṃsāṃsi bibhratā |
varasyā yāmyadhrigū huve tuviṣṭamā bhuje
ई॒र्मान्यद्वपु॑षे॒ वपु॑श्च॒क्रं रथ॑स्य येमथुः ।
पर्य॒न्या नाहु॑षा यु॒गा म॒ह्ना रजां॑सि दीयथः
īrmānyadvapuṣe vapuścakraṃ rathasya yemathuḥ |
paryanyā nāhuṣā yugā mahnā rajāṃsi dīyathaḥ
तदू॒ षु वा॑मे॒ना कृ॒तं विश्वा॒ यद्वा॒मनु॒ ष्टवे॑ ।
नाना॑ जा॒ताव॑रे॒पसा॒ सम॒स्मे बन्धु॒मेय॑थुः
tadū ṣu vāmenā kṛtaṃ viśvā yadvāmanu ṣṭave |
nānā jātāvarepasā samasme bandhumeyathuḥ
आ यद्वां॑ सू॒र्या रथं॒ तिष्ठ॑द्रघु॒ष्यदं॒ सदा॑ ।
परि॑ वामरु॒षा वयो॑ घृ॒णा व॑रन्त आ॒तप॑ः
ā yadvāṃ sūryā rathaṃ tiṣṭhadraghuṣyadaṃ sadā |
pari vāmaruṣā vayo ghṛṇā varanta ātapaḥ
यु॒वोरत्रि॑श्चिकेतति॒ नरा॑ सु॒म्नेन॒ चेत॑सा ।
घ॒र्मं यद्वा॑मरे॒पसं॒ नास॑त्या॒स्ना भु॑र॒ण्यति॑
yuvoratriściketati narā sumnena cetasā |
gharmaṃ yadvāmarepasaṃ nāsatyāsnā bhuraṇyati
उ॒ग्रो वां॑ ककु॒हो य॒यिः शृ॒ण्वे यामे॑षु संत॒निः ।
यद्वां॒ दंसो॑भिरश्वि॒नात्रि॑र्नराव॒वर्त॑ति
ugro vāṃ kakuho yayiḥ śṛṇve yāmeṣu saṃtaniḥ |
yadvāṃ daṃsobhiraśvinātrirnarāvavartati
मध्व॑ ऊ॒ षु म॑धूयुवा॒ रुद्रा॒ सिष॑क्ति पि॒प्युषी॑ ।
यत्स॑मु॒द्राति॒ पर्ष॑थः प॒क्वाः पृक्षो॑ भरन्त वाम्
madhva ū ṣu madhūyuvā rudrā siṣakti pipyuṣī |
yatsamudrāti parṣathaḥ pakvāḥ pṛkṣo bharanta vām
स॒त्यमिद्वा उ॑ अश्विना यु॒वामा॑हुर्मयो॒भुवा॑ ।
ता याम॑न्याम॒हूत॑मा॒ याम॒न्ना मृ॑ळ॒यत्त॑मा
satyamidvā u aśvinā yuvāmāhurmayobhuvā |
tā yāmanyāmahūtamā yāmannā mṛḻayattamā
इ॒मा ब्रह्मा॑णि॒ वर्ध॑ना॒श्विभ्यां॑ सन्तु॒ शंत॑मा ।
या तक्षा॑म॒ रथाँ॑ इ॒वावो॑चाम बृ॒हन्नम॑ः
imā brahmāṇi vardhanāśvibhyāṃ santu śaṃtamā |
yā takṣāma rathām̐ ivāvocāma bṛhannamaḥ
Text source: Wikisource · CC BY-SA 4.0 (Wikisource transcription of a public-domain text)