विश्वो॑ दे॒वस्य॑ ने॒तुर्मर्तो॑ वुरीत स॒ख्यम् ।
विश्वो॑ रा॒य इ॑षुध्यति द्यु॒म्नं वृ॑णीत पु॒ष्यसे॑
viśvo devasya neturmarto vurīta sakhyam |
viśvo rāya iṣudhyati dyumnaṃ vṛṇīta puṣyase
Mandala 5
Sukta 50: Every mortal seeks the leader's friendship
Rishi: स्वस्त्यात्रेयः · Devata: विश्वे देवाः · Metre: अनुष्टुप्, ५ पङ्क्तिः
5 verses · 50 of 87
What happens in this chapter
Every mortal seeks the leader's friendship
Svasti Atreya addresses the Vishvedevas in Anushtubh, closing with a Pankti. Every mortal should choose the friendship of the Deva who leads, and every man strives for wealth and glory to grow. Those who follow you, O leading Deva, may we be joined with them in riches. The rishi asks for guests, men and wives, and that every enemy waiting on the road be driven far off. The last verse calls this leader the lord of the chariot and prays for welfare, wealth and well-being, praised by men and praised by the Devas.
ते ते॑ देव नेत॒र्ये चे॒माँ अ॑नु॒शसे॑ ।
ते रा॒या ते ह्या॒३॒॑पृचे॒ सचे॑महि सच॒थ्यै॑ः
te te deva netarye cemām̐ anuśase |
te rāyā te hyāpṛce sacemahi sacathyaiḥ
अतो॑ न॒ आ नॄनति॑थी॒नत॒ः पत्नी॑र्दशस्यत ।
आ॒रे विश्वं॑ पथे॒ष्ठां द्वि॒षो यु॑योतु॒ यूयु॑विः
ato na ā nṝnatithīnataḥ patnīrdaśasyata |
āre viśvaṃ patheṣṭhāṃ dviṣo yuyotu yūyuviḥ
यत्र॒ वह्नि॑र॒भिहि॑तो दु॒द्रव॒द्द्रोण्य॑ः प॒शुः ।
नृ॒मणा॑ वी॒रप॒स्त्योऽर्णा॒ धीरे॑व॒ सनि॑ता
yatra vahnirabhihito dudravaddroṇyaḥ paśuḥ |
nṛmaṇā vīrapastyo'rṇā dhīreva sanitā
ए॒ष ते॑ देव नेता॒ रथ॒स्पति॒ः शं र॒यिः ।
शं रा॒ये शं स्व॒स्तय॑ इष॒ःस्तुतो॑ मनामहे देव॒स्तुतो॑ मनामहे
eṣa te deva netā rathaspatiḥ śaṃ rayiḥ |
śaṃ rāye śaṃ svastaya iṣaḥstuto manāmahe devastuto manāmahe
Text source: Wikisource · CC BY-SA 4.0 (Wikisource transcription of a public-domain text)