Mandala 4

Sukta 39: Dadhikra makes our mouths fragrant

Rishi: वामदेवो गौतमः · Devata: दधिक्राः · Metre: त्रिष्टुप्, ६ अनुष्टुप्

6 verses · 39 of 58

What happens in this chapter

Dadhikra makes our mouths fragrant

A short hymn of Vamadeva Gautama to Dadhikra in trishtubh, ending in anushtubh. Let us praise swift Dadhikra and honour heaven and earth; may the shining dawns carry us past all troubles. Mitra and Varuna gave the Purus this mighty, much-desired horse, blazing like fire. Whoever honours the horse Dadhikra when the fire is kindled at dawn, may Aditi make him sinless. We call Varuna, Mitra, Agni and Indra for welfare. The closing verse, still recited in the Vedic rite, says: I have praised Dadhikra, the victorious horse; may he make our mouths fragrant and lengthen our lives.

39.1

आ॒शुं द॑धि॒क्रां तमु॒ नु ष्ट॑वाम दि॒वस्पृ॑थि॒व्या उ॒त च॑र्किराम ।
उ॒च्छन्ती॒र्मामु॒षस॑ः सूदय॒न्त्वति॒ विश्वा॑नि दुरि॒तानि॑ पर्षन्

āśuṃ dadhikrāṃ tamu nu ṣṭavāma divaspṛthivyā uta carkirāma |
ucchantīrmāmuṣasaḥ sūdayantvati viśvāni duritāni parṣan

39.2

म॒हश्च॑र्क॒र्म्यर्व॑तः क्रतु॒प्रा द॑धि॒क्राव्ण॑ः पुरु॒वार॑स्य॒ वृष्ण॑ः ।
यं पू॒रुभ्यो॑ दीदि॒वांसं॒ नाग्निं द॒दथु॑र्मित्रावरुणा॒ ततु॑रिम्

mahaścarkarmyarvataḥ kratuprā dadhikrāvṇaḥ puruvārasya vṛṣṇaḥ |
yaṃ pūrubhyo dīdivāṃsaṃ nāgniṃ dadathurmitrāvaruṇā taturim

39.3

यो अश्व॑स्य दधि॒क्राव्णो॒ अका॑री॒त्समि॑द्धे अ॒ग्ना उ॒षसो॒ व्यु॑ष्टौ ।
अना॑गसं॒ तमदि॑तिः कृणोतु॒ स मि॒त्रेण॒ वरु॑णेना स॒जोषा॑ः

yo aśvasya dadhikrāvṇo akārītsamiddhe agnā uṣaso vyuṣṭau |
anāgasaṃ tamaditiḥ kṛṇotu sa mitreṇa varuṇenā sajoṣāḥ

39.4

द॒धि॒क्राव्ण॑ इ॒ष ऊ॒र्जो म॒हो यदम॑न्महि म॒रुतां॒ नाम॑ भ॒द्रम् ।
स्व॒स्तये॒ वरु॑णं मि॒त्रम॒ग्निं हवा॑मह॒ इन्द्रं॒ वज्र॑बाहुम्

dadhikrāvṇa iṣa ūrjo maho yadamanmahi marutāṃ nāma bhadram |
svastaye varuṇaṃ mitramagniṃ havāmaha indraṃ vajrabāhum

39.5

इन्द्र॑मि॒वेदु॒भये॒ वि ह्व॑यन्त उ॒दीरा॑णा य॒ज्ञमु॑पप्र॒यन्त॑ः ।
द॒धि॒क्रामु॒ सूद॑नं॒ मर्त्या॑य द॒दथु॑र्मित्रावरुणा नो॒ अश्व॑म्

indramivedubhaye vi hvayanta udīrāṇā yajñamupaprayantaḥ |
dadhikrāmu sūdanaṃ martyāya dadathurmitrāvaruṇā no aśvam

39.6

द॒धि॒क्राव्णो॑ अकारिषं जि॒ष्णोरश्व॑स्य वा॒जिन॑ः ।
सु॒र॒भि नो॒ मुखा॑ कर॒त्प्र ण॒ आयूं॑षि तारिषत्

dadhikrāvṇo akāriṣaṃ jiṣṇoraśvasya vājinaḥ |
surabhi no mukhā karatpra ṇa āyūṃṣi tāriṣat

Text source: Wikisource · CC BY-SA 4.0 (Wikisource transcription of a public-domain text)