अग्ने॒ तम॒द्याश्वं॒ न स्तोमै॒ः क्रतुं॒ न भ॒द्रं हृ॑दि॒स्पृश॑म् ।
ऋ॒ध्यामा॑ त॒ ओहै॑ः
agne tamadyāśvaṃ na stomaiḥ kratuṃ na bhadraṃ hṛdispṛśam |
ṛdhyāmā ta ohaiḥ
Mandala 4
Sukta 10: Agni's bright face, like gold
Rishi: वामदेवो गौतमः · Devata: अग्निः · Metre: पदपङ्क्तिः, ४,६,७ उष्णिग्वा, ५ महापङ्क्तिः, ८ उष्णिक्
8 verses · 10 of 58
What happens in this chapter
Agni's bright face, like gold
Vamadeva Gautama offers Agni a short hymn in padapankti and ushnih metres. We would make Agni grow with praises as one grooms a horse, with a hymn that touches the heart. Agni has become charioteer of great rita. Come near with all your faces, bright as the sun. His roar goes out like thunder from heaven. His look is sweetest by day and by night; his body, free of stain, gleams like purified ghee and pure gold. He drives away even old hatred from the sacrificer. The close asks that his friendship and brotherhood among the devas be kindly to us.
अधा॒ ह्य॑ग्ने॒ क्रतो॑र्भ॒द्रस्य॒ दक्ष॑स्य सा॒धोः ।
र॒थीरृ॒तस्य॑ बृह॒तो ब॒भूथ॑
adhā hyagne kratorbhadrasya dakṣasya sādhoḥ |
rathīrṛtasya bṛhato babhūtha
ए॒भिर्नो॑ अ॒र्कैर्भवा॑ नो अ॒र्वाङ्स्व१॒॑र्ण ज्योति॑ः ।
अग्ने॒ विश्वे॑भिः सु॒मना॒ अनी॑कैः
ebhirno arkairbhavā no arvāṅsvarṇa jyotiḥ |
agne viśvebhiḥ sumanā anīkaiḥ
आ॒भिष्टे॑ अ॒द्य गी॒र्भिर्गृ॒णन्तोऽग्ने॒ दाशे॑म ।
प्र ते॑ दि॒वो न स्त॑नयन्ति॒ शुष्मा॑ः
ābhiṣṭe adya gīrbhirgṛṇanto'gne dāśema |
pra te divo na stanayanti śuṣmāḥ
तव॒ स्वादि॒ष्ठाग्ने॒ संदृ॑ष्टिरि॒दा चि॒दह्न॑ इ॒दा चि॑द॒क्तोः ।
श्रि॒ये रु॒क्मो न रो॑चत उपा॒के
tava svādiṣṭhāgne saṃdṛṣṭiridā cidahna idā cidaktoḥ |
śriye rukmo na rocata upāke
घृ॒तं न पू॒तं त॒नूर॑रे॒पाः शुचि॒ हिर॑ण्यम् ।
तत्ते॑ रु॒क्मो न रो॑चत स्वधावः
ghṛtaṃ na pūtaṃ tanūrarepāḥ śuci hiraṇyam |
tatte rukmo na rocata svadhāvaḥ
कृ॒तं चि॒द्धि ष्मा॒ सने॑मि॒ द्वेषोऽग्न॑ इ॒नोषि॒ मर्ता॑त् ।
इ॒त्था यज॑मानादृतावः
kṛtaṃ ciddhi ṣmā sanemi dveṣo'gna inoṣi martāt |
itthā yajamānādṛtāvaḥ
शि॒वा न॑ः स॒ख्या सन्तु॑ भ्रा॒त्राग्ने॑ दे॒वेषु॑ यु॒ष्मे ।
सा नो॒ नाभि॒ः सद॑ने॒ सस्मि॒न्नूध॑न्
śivā naḥ sakhyā santu bhrātrāgne deveṣu yuṣme |
sā no nābhiḥ sadane sasminnūdhan
Text source: Wikisource · CC BY-SA 4.0 (Wikisource transcription of a public-domain text)