Rishi: गृत्समद (आङ्गिरसः शौनहोत्रः पश्चाद्) भार्गवः शौनकः · Devata: इन्द्रः · Metre: १ अष्टिः, २-३ अतिशक्वरी, ४ अष्टिः अतिशक्वरी वा
4 verses · 22 of 43
Four long verses in the rare ashti and atishakvari metres, by Gritsamada. At the Trikadruka rites mighty Indra drank as he pleased the barley-mixed Soma pressed with Vishnu, and it roused him to great deeds. Each verse ends with the refrain that the true drop reached the true god Indra. Blazing with strength he overcame Krivi in battle and filled heaven and earth with his greatness. Born together with wisdom and might, he grows with his valour and gives the singer desired wealth. The last verse praises his first heroic deed in heaven, when he set the waters flowing and found food and strength.
त्रिक॑द्रुकेषु महि॒षो यवा॑शिरं तुवि॒शुष्म॑स्तृ॒पत्सोम॑मपिब॒द्विष्णु॑ना सु॒तं यथाव॑शत् ।
स ईं॑ ममाद॒ महि॒ कर्म॒ कर्त॑वे म॒हामु॒रुं सैनं॑ सश्चद्दे॒वो दे॒वं स॒त्यमिन्द्रं॑ स॒त्य इन्दु॑ः
trikadrukeṣu mahiṣo yavāśiraṃ tuviśuṣmastṛpatsomamapibadviṣṇunā sutaṃ yathāvaśat |
sa īṃ mamāda mahi karma kartave mahāmuruṃ sainaṃ saścaddevo devaṃ satyamindraṃ satya induḥ
अध॒ त्विषी॑माँ अ॒भ्योज॑सा॒ क्रिविं॑ यु॒धाभ॑व॒दा रोद॑सी अपृणदस्य म॒ज्मना॒ प्र वा॑वृधे ।
अध॑त्ता॒न्यं ज॒ठरे॒ प्रेम॑रिच्यत॒ सैनं॑ सश्चद्दे॒वो दे॒वं स॒त्यमिन्द्रं॑ स॒त्य इन्दु॑ः
adha tviṣīmām̐ abhyojasā kriviṃ yudhābhavadā rodasī apṛṇadasya majmanā pra vāvṛdhe |
adhattānyaṃ jaṭhare premaricyata sainaṃ saścaddevo devaṃ satyamindraṃ satya induḥ
सा॒कं जा॒तः क्रतु॑ना सा॒कमोज॑सा ववक्षिथ सा॒कं वृ॒द्धो वी॒र्यै॑ः सास॒हिर्मृधो॒ विच॑र्षणिः ।
दाता॒ राध॑ः स्तुव॒ते काम्यं॒ वसु॒ सैनं॑ सश्चद्दे॒वो दे॒वं स॒त्यमिन्द्रं॑ स॒त्य इन्दु॑ः
sākaṃ jātaḥ kratunā sākamojasā vavakṣitha sākaṃ vṛddho vīryaiḥ sāsahirmṛdho vicarṣaṇiḥ |
dātā rādhaḥ stuvate kāmyaṃ vasu sainaṃ saścaddevo devaṃ satyamindraṃ satya induḥ
तव॒ त्यन्नर्यं॑ नृ॒तोऽप॑ इन्द्र प्रथ॒मं पू॒र्व्यं दि॒वि प्र॒वाच्यं॑ कृ॒तम् ।
यद्दे॒वस्य॒ शव॑सा॒ प्रारि॑णा॒ असुं॑ रि॒णन्न॒पः ।
भुव॒द्विश्व॑म॒भ्यादे॑व॒मोज॑सा वि॒दादूर्जं॑ श॒तक्र॑तुर्वि॒दादिष॑म्
tava tyannaryaṃ nṛto'pa indra prathamaṃ pūrvyaṃ divi pravācyaṃ kṛtam |
yaddevasya śavasā prāriṇā asuṃ riṇannapaḥ |
bhuvadviśvamabhyādevamojasā vidādūrjaṃ śatakraturvidādiṣam
Text source: Wikisource · CC BY-SA 4.0 (Wikisource transcription of a public-domain text)
