त्यं चि॒दत्रि॑मृत॒जुर॒मर्थ॒मश्वं॒ न यात॑वे ।
क॒क्षीव॑न्तं॒ यदी॒ पुना॒ रथं॒ न कृ॑णु॒थो नव॑म्
tyaṃ cidatrimṛtajuramarthamaśvaṃ na yātave |
kakṣīvantaṃ yadī punā rathaṃ na kṛṇutho navam
Mandala 10
Sukta 143: The Ashvins renew Atri
Rishi: अत्रिः सांख्यः · Devata: अश्विनौ · Metre: अनुष्टुप्
6 verses · 143 of 191
What happens in this chapter
The Ashvins renew Atri
Atri Sankhya praises the Ashvins in anushtubh. As one makes a chariot new, you made Atri, worn by age, fit to run like a horse, and Kakshivant too. Untie Atri like a firm knot and bring him, youngest again, to the open space. Wonder-working heroes, bright ones, be ready to win the hymns for Atri, for the praise comes to you again from heaven. Your gift and your goodwill are known, rich ones. You went with winged steeds to Bhujyu, tossed in the sea beyond the region, and brought him across. Come with your favours, most generous and all-knowing, and swell our food like a spring that overflows.
त्यं चि॒दश्वं॒ न वा॒जिन॑मरे॒णवो॒ यमत्न॑त ।
दृ॒ळ्हं ग्र॒न्थिं न वि ष्य॑त॒मत्रिं॒ यवि॑ष्ठ॒मा रज॑ः
tyaṃ cidaśvaṃ na vājinamareṇavo yamatnata |
dṛḻhaṃ granthiṃ na vi ṣyatamatriṃ yaviṣṭhamā rajaḥ
नरा॒ दंसि॑ष्ठा॒वत्र॑ये॒ शुभ्रा॒ सिषा॑सतं॒ धिय॑ः ।
अथा॒ हि वां॑ दि॒वो न॑रा॒ पुन॒ः स्तोमो॒ न वि॒शसे॑
narā daṃsiṣṭhāvatraye śubhrā siṣāsataṃ dhiyaḥ |
athā hi vāṃ divo narā punaḥ stomo na viśase
चि॒ते तद्वां॑ सुराधसा रा॒तिः सु॑म॒तिर॑श्विना ।
आ यन्न॒ः सद॑ने पृ॒थौ सम॑ने॒ पर्ष॑थो नरा
cite tadvāṃ surādhasā rātiḥ sumatiraśvinā |
ā yannaḥ sadane pṛthau samane parṣatho narā
यु॒वं भु॒ज्युं स॑मु॒द्र आ रज॑सः पा॒र ई॑ङ्खि॒तम् ।
या॒तमच्छा॑ पत॒त्रिभि॒र्नास॑त्या सा॒तये॑ कृतम्
yuvaṃ bhujyuṃ samudra ā rajasaḥ pāra īṅkhitam |
yātamacchā patatribhirnāsatyā sātaye kṛtam
आ वां॑ सु॒म्नैः शं॒यू इ॑व॒ मंहि॑ष्ठा॒ विश्व॑वेदसा ।
सम॒स्मे भू॑षतं न॒रोत्सं॒ न पि॒प्युषी॒रिष॑ः
ā vāṃ sumnaiḥ śaṃyū iva maṃhiṣṭhā viśvavedasā |
samasme bhūṣataṃ narotsaṃ na pipyuṣīriṣaḥ
Text source: Wikisource · CC BY-SA 4.0 (Wikisource transcription of a public-domain text)