अग्ने॒ अच्छा॑ वदे॒ह न॑ः प्र॒त्यङ्न॑ः सु॒मना॑ भव ।
प्र नो॑ यच्छ विशस्पते धन॒दा अ॑सि न॒स्त्वम्
agne acchā vadeha naḥ pratyaṅnaḥ sumanā bhava |
pra no yaccha viśaspate dhanadā asi nastvam
Mandala 10
Sukta 141: Call to all devas for gifts
Rishi: अग्निस्तापसः · Devata: विश्वे देवाः · Metre: अनुष्टुप्
6 verses · 141 of 191
What happens in this chapter
Call to all devas for gifts
Agni Tapasa calls the Vishvedevas in anushtubh. Agni, speak to us here with a kind mind; lord of the people, you are our giver of wealth. May Aryaman, Bhaga and Brihaspati give, and the devas,, and the goddess Sunrita. The rishi calls King Soma and Agni for help, the Adityas, Vishnu, Surya, the Brahman priest and Brihaspati; he calls Indra and Vayu so that all the people may be of one kind mind in their gathering. Agni is asked to urge Aryaman, Brihaspati, Indra, Vata, Vishnu, Sarasvati and Savitar to give. The close asks Agni, with all the fires, to make our prayer and our yajna grow.
प्र नो॑ यच्छत्वर्य॒मा प्र भग॒ः प्र बृह॒स्पति॑ः ।
प्र दे॒वाः प्रोत सू॒नृता॑ रा॒यो दे॒वी द॑दातु नः
pra no yacchatvaryamā pra bhagaḥ pra bṛhaspatiḥ |
pra devāḥ prota sūnṛtā rāyo devī dadātu naḥ
सोमं॒ राजा॑न॒मव॑से॒ऽग्निं गी॒र्भिर्ह॑वामहे ।
आ॒दि॒त्यान्विष्णुं॒ सूर्यं॑ ब्र॒ह्माणं॑ च॒ बृह॒स्पति॑म्
somaṃ rājānamavase'gniṃ gīrbhirhavāmahe |
ādityānviṣṇuṃ sūryaṃ brahmāṇaṃ ca bṛhaspatim
इ॒न्द्र॒वा॒यू बृह॒स्पतिं॑ सु॒हवे॒ह ह॑वामहे ।
यथा॑ न॒ः सर्व॒ इज्जन॒ः संग॑त्यां सु॒मना॒ अस॑त्
indravāyū bṛhaspatiṃ suhaveha havāmahe |
yathā naḥ sarva ijjanaḥ saṃgatyāṃ sumanā asat
अ॒र्य॒मणं॒ बृह॒स्पति॒मिन्द्रं॒ दाना॑य चोदय ।
वातं॒ विष्णुं॒ सर॑स्वतीं सवि॒तारं॑ च वा॒जिन॑म्
aryamaṇaṃ bṛhaspatimindraṃ dānāya codaya |
vātaṃ viṣṇuṃ sarasvatīṃ savitāraṃ ca vājinam
त्वं नो॑ अग्ने अ॒ग्निभि॒र्ब्रह्म॑ य॒ज्ञं च॑ वर्धय ।
त्वं नो॑ दे॒वता॑तये रा॒यो दाना॑य चोदय
tvaṃ no agne agnibhirbrahma yajñaṃ ca vardhaya |
tvaṃ no devatātaye rāyo dānāya codaya
Text source: Wikisource · CC BY-SA 4.0 (Wikisource transcription of a public-domain text)