इन्द्रेहि॒ मत्स्यन्ध॑सो॒ विश्वे॑भिः सोम॒पर्व॑भिः ।
म॒हाँ अ॑भि॒ष्टिरोज॑सा
indrehi matsyandhaso viśvebhiḥ somaparvabhiḥ |
mahām̐ abhiṣṭirojasā
Mandala 1
Sukta 9: Rejoice, Indra, in every Soma pressing
Rishi: मधुच्छन्दा वैश्वामित्रः · Devata: इन्द्रः · Metre: गायत्री
10 verses · 9 of 191
What happens in this chapter
Rejoice, Indra, in every Soma pressing
Come, Indra, and delight in the Soma juice through all its parts, great and overwhelming by your might. In this gayatri sukta Madhuchchhandas Vaishvamitra asks the pressers to pour the gladdening drink for the gladdened Indra, the doer of all deeds. The songs have gone out and embraced him, the bull and lord. The requests are plain and many: send us bright, choice wealth, rouse us to riches, give fame rich in cows and horses, broad and lasting all our life, and food carried on chariots. At every pressing the singer raises a strong song to Indra, lord of goods, who comes to help.
एमे॑नं सृजता सु॒ते म॒न्दिमिन्द्रा॑य म॒न्दिने॑ ।
चक्रिं॒ विश्वा॑नि॒ चक्र॑ये
emenaṃ sṛjatā sute mandimindrāya mandine |
cakriṃ viśvāni cakraye
मत्स्वा॑ सुशिप्र म॒न्दिभि॒ः स्तोमे॑भिर्विश्वचर्षणे ।
सचै॒षु सव॑ने॒ष्वा
matsvā suśipra mandibhiḥ stomebhirviśvacarṣaṇe |
sacaiṣu savaneṣvā
असृ॑ग्रमिन्द्र ते॒ गिर॒ः प्रति॒ त्वामुद॑हासत ।
अजो॑षा वृष॒भं पति॑म्
asṛgramindra te giraḥ prati tvāmudahāsata |
ajoṣā vṛṣabhaṃ patim
सं चो॑दय चि॒त्रम॒र्वाग्राध॑ इन्द्र॒ वरे॑ण्यम् ।
अस॒दित्ते॑ वि॒भु प्र॒भु
saṃ codaya citramarvāgrādha indra vareṇyam |
asaditte vibhu prabhu
अ॒स्मान्सु तत्र॑ चोद॒येन्द्र॑ रा॒ये रभ॑स्वतः ।
तुवि॑द्युम्न॒ यश॑स्वतः
asmānsu tatra codayendra rāye rabhasvataḥ |
tuvidyumna yaśasvataḥ
सं गोम॑दिन्द्र॒ वाज॑वद॒स्मे पृ॒थु श्रवो॑ बृ॒हत् ।
वि॒श्वायु॑र्धे॒ह्यक्षि॑तम्
saṃ gomadindra vājavadasme pṛthu śravo bṛhat |
viśvāyurdhehyakṣitam
अ॒स्मे धे॑हि॒ श्रवो॑ बृ॒हद्द्यु॒म्नं स॑हस्र॒सात॑मम् ।
इन्द्र॒ ता र॒थिनी॒रिष॑ः
asme dhehi śravo bṛhaddyumnaṃ sahasrasātamam |
indra tā rathinīriṣaḥ
वसो॒रिन्द्रं॒ वसु॑पतिं गी॒र्भिर्गृ॒णन्त॑ ऋ॒ग्मिय॑म् ।
होम॒ गन्ता॑रमू॒तये॑
vasorindraṃ vasupatiṃ gīrbhirgṛṇanta ṛgmiyam |
homa gantāramūtaye
सु॒तेसु॑ते॒ न्यो॑कसे बृ॒हद्बृ॑ह॒त एद॒रिः ।
इन्द्रा॑य शू॒षम॑र्चति
sutesute nyokase bṛhadbṛhata edariḥ |
indrāya śūṣamarcati
Text source: Wikisource · CC BY-SA 4.0 (Wikisource transcription of a public-domain text)