मरु॑तो॒ यस्य॒ हि क्षये॑ पा॒था दि॒वो वि॑महसः ।
स सु॑गो॒पात॑मो॒ जन॑ः
maruto yasya hi kṣaye pāthā divo vimahasaḥ |
sa sugopātamo janaḥ
Mandala 1
Sukta 86: Blessed the house the Maruts guard
Rishi: गोतमो राहूगणः · Devata: मरुतः · Metre: गायत्री
10 verses · 86 of 191
What happens in this chapter
Blessed the house the Maruts guard
That man is best protected in whose house the Maruts come to drink. Gotama Rahugana addresses them in gayatri. They hear the call of the sacrificer and the poet's thoughts; the singer they help goes to a stall full of cows. The rishi reminds them of the many autumns his people have offered to them, and asks them now to show their true strength: pierce the rakshasa with lightning, hide away the hidden darkness, drive out every devourer, and make the light we long for.
य॒ज्ञैर्वा॑ यज्ञवाहसो॒ विप्र॑स्य वा मती॒नाम् ।
मरु॑तः शृणु॒ता हव॑म्
yajñairvā yajñavāhaso viprasya vā matīnām |
marutaḥ śṛṇutā havam
उ॒त वा॒ यस्य॑ वा॒जिनोऽनु॒ विप्र॒मत॑क्षत ।
स गन्ता॒ गोम॑ति व्र॒जे
uta vā yasya vājino'nu vipramatakṣata |
sa gantā gomati vraje
अ॒स्य वी॒रस्य॑ ब॒र्हिषि॑ सु॒तः सोमो॒ दिवि॑ष्टिषु ।
उ॒क्थं मद॑श्च शस्यते
asya vīrasya barhiṣi sutaḥ somo diviṣṭiṣu |
ukthaṃ madaśca śasyate
अ॒स्य श्रो॑ष॒न्त्वा भुवो॒ विश्वा॒ यश्च॑र्ष॒णीर॒भि ।
सूरं॑ चित्स॒स्रुषी॒रिष॑ः
asya śroṣantvā bhuvo viśvā yaścarṣaṇīrabhi |
sūraṃ citsasruṣīriṣaḥ
पू॒र्वीभि॒र्हि द॑दाशि॒म श॒रद्भि॑र्मरुतो व॒यम् ।
अवो॑भिश्चर्षणी॒नाम्
pūrvībhirhi dadāśima śaradbhirmaruto vayam |
avobhiścarṣaṇīnām
सु॒भग॒ः स प्र॑यज्यवो॒ मरु॑तो अस्तु॒ मर्त्य॑ः ।
यस्य॒ प्रयां॑सि॒ पर्ष॑थ
subhagaḥ sa prayajyavo maruto astu martyaḥ |
yasya prayāṃsi parṣatha
श॒श॒मा॒नस्य॑ वा नर॒ः स्वेद॑स्य सत्यशवसः ।
वि॒दा काम॑स्य॒ वेन॑तः
śaśamānasya vā naraḥ svedasya satyaśavasaḥ |
vidā kāmasya venataḥ
यू॒यं तत्स॑त्यशवस आ॒विष्क॑र्त महित्व॒ना ।
विध्य॑ता वि॒द्युता॒ रक्ष॑ः
yūyaṃ tatsatyaśavasa āviṣkarta mahitvanā |
vidhyatā vidyutā rakṣaḥ
गूह॑ता॒ गुह्यं॒ तमो॒ वि या॑त॒ विश्व॑म॒त्रिण॑म् ।
ज्योति॑ष्कर्ता॒ यदु॒श्मसि॑
gūhatā guhyaṃ tamo vi yāta viśvamatriṇam |
jyotiṣkartā yaduśmasi
Text source: Wikisource · CC BY-SA 4.0 (Wikisource transcription of a public-domain text)