क॒था दा॑शेमा॒ग्नये॒ कास्मै॑ दे॒वजु॑ष्टोच्यते भा॒मिने॒ गीः ।
यो मर्त्ये॑ष्व॒मृत॑ ऋ॒तावा॒ होता॒ यजि॑ष्ठ॒ इत्कृ॒णोति॑ दे॒वान्
kathā dāśemāgnaye kāsmai devajuṣṭocyate bhāmine gīḥ |
yo martyeṣvamṛta ṛtāvā hotā yajiṣṭha itkṛṇoti devān
Mandala 1
Sukta 77: How shall we serve Agni?
Rishi: गोतमो राहूगणः · Devata: अग्निः · Metre: त्रिष्टुप्
5 verses · 77 of 191
What happens in this chapter
How shall we serve Agni?
How shall we give to Agni, what praise pleasing to the gods is spoken to the radiant one? Gotama Rahugana answers his own question in trishtubh. Agni is the immortal among mortals, keeper of rita, the best worshipper, who makes the gods present. Bring him near with homage. He is wisdom, a hero, a friend, charioteer of the wonderful. Let him, best of men, destroyer of foes, accept our songs and help our patrons. So has Agni Jatavedas been praised by the Gotamas; may he swell their glory and strength.
यो अ॑ध्व॒रेषु॒ शंत॑म ऋ॒तावा॒ होता॒ तमू॒ नमो॑भि॒रा कृ॑णुध्वम् ।
अ॒ग्निर्यद्वेर्मर्ता॑य दे॒वान्स चा॒ बोधा॑ति॒ मन॑सा यजाति
yo adhvareṣu śaṃtama ṛtāvā hotā tamū namobhirā kṛṇudhvam |
agniryadvermartāya devānsa cā bodhāti manasā yajāti
स हि क्रतु॒ः स मर्य॒ः स सा॒धुर्मि॒त्रो न भू॒दद्भु॑तस्य र॒थीः ।
तं मेधे॑षु प्रथ॒मं दे॑व॒यन्ती॒र्विश॒ उप॑ ब्रुवते द॒स्ममारी॑ः
sa hi kratuḥ sa maryaḥ sa sādhurmitro na bhūdadbhutasya rathīḥ |
taṃ medheṣu prathamaṃ devayantīrviśa upa bruvate dasmamārīḥ
स नो॑ नृ॒णां नृत॑मो रि॒शादा॑ अ॒ग्निर्गिरोऽव॑सा वेतु धी॒तिम् ।
तना॑ च॒ ये म॒घवा॑न॒ः शवि॑ष्ठा॒ वाज॑प्रसूता इ॒षय॑न्त॒ मन्म॑
sa no nṛṇāṃ nṛtamo riśādā agnirgiro'vasā vetu dhītim |
tanā ca ye maghavānaḥ śaviṣṭhā vājaprasūtā iṣayanta manma
ए॒वाग्निर्गोत॑मेभिरृ॒तावा॒ विप्रे॑भिरस्तोष्ट जा॒तवे॑दाः ।
स ए॑षु द्यु॒म्नं पी॑पय॒त्स वाजं॒ स पु॒ष्टिं या॑ति॒ जोष॒मा चि॑कि॒त्वान्
evāgnirgotamebhirṛtāvā viprebhirastoṣṭa jātavedāḥ |
sa eṣu dyumnaṃ pīpayatsa vājaṃ sa puṣṭiṃ yāti joṣamā cikitvān
Text source: Wikisource · CC BY-SA 4.0 (Wikisource transcription of a public-domain text)