का त॒ उपे॑ति॒र्मन॑सो॒ वरा॑य॒ भुव॑दग्ने॒ शंत॑मा॒ का म॑नी॒षा ।
को वा॑ य॒ज्ञैः परि॒ दक्षं॑ त आप॒ केन॑ वा ते॒ मन॑सा दाशेम
kā ta upetirmanaso varāya bhuvadagne śaṃtamā kā manīṣā |
ko vā yajñaiḥ pari dakṣaṃ ta āpa kena vā te manasā dāśema
Mandala 1
Sukta 76: Agni, burn the rakshasas, bring Indra
Rishi: गोतमो राहूगणः · Devata: अग्निः · Metre: त्रिष्टुप्
5 verses · 76 of 191
What happens in this chapter
Agni, burn the rakshasas, bring Indra
What approach of the mind pleases you, Agni, what thought is most blessed? Gotama Rahugana opens with questions in five trishtubh verses. Come, sit here as hotar, undeceived, and go before us. Burn away all the rakshasas and guard the yajnas from curses, then bring the lord of Soma with his bay horses, for we have made him a guest's welcome. As you worshipped the gods with the offerings of the sage Manu, poet with poets, so worship today with the joyful ladle.
एह्य॑ग्न इ॒ह होता॒ नि षी॒दाद॑ब्ध॒ः सु पु॑रए॒ता भ॑वा नः ।
अव॑तां त्वा॒ रोद॑सी विश्वमि॒न्वे यजा॑ म॒हे सौ॑मन॒साय॑ दे॒वान्
ehyagna iha hotā ni ṣīdādabdhaḥ su puraetā bhavā naḥ |
avatāṃ tvā rodasī viśvaminve yajā mahe saumanasāya devān
प्र सु विश्वा॑न्र॒क्षसो॒ धक्ष्य॑ग्ने॒ भवा॑ य॒ज्ञाना॑मभिशस्ति॒पावा॑ ।
अथा व॑ह॒ सोम॑पतिं॒ हरि॑भ्यामाति॒थ्यम॑स्मै चकृमा सु॒दाव्ने॑
pra su viśvānrakṣaso dhakṣyagne bhavā yajñānāmabhiśastipāvā |
athā vaha somapatiṃ haribhyāmātithyamasmai cakṛmā sudāvne
प्र॒जाव॑ता॒ वच॑सा॒ वह्नि॑रा॒सा च॑ हु॒वे नि च॑ सत्सी॒ह दे॒वैः ।
वेषि॑ हो॒त्रमु॒त पो॒त्रं य॑जत्र बो॒धि प्र॑यन्तर्जनित॒र्वसू॑नाम्
prajāvatā vacasā vahnirāsā ca huve ni ca satsīha devaiḥ |
veṣi hotramuta potraṃ yajatra bodhi prayantarjanitarvasūnām
यथा॒ विप्र॑स्य॒ मनु॑षो ह॒विर्भि॑र्दे॒वाँ अय॑जः क॒विभि॑ः क॒विः सन् ।
ए॒वा हो॑तः सत्यतर॒ त्वम॒द्याग्ने॑ म॒न्द्रया॑ जु॒ह्वा॑ यजस्व
yathā viprasya manuṣo havirbhirdevām̐ ayajaḥ kavibhiḥ kaviḥ san |
evā hotaḥ satyatara tvamadyāgne mandrayā juhvā yajasva
Text source: Wikisource · CC BY-SA 4.0 (Wikisource transcription of a public-domain text)