यद्ध॒ स्या त॑ इन्द्र श्रु॒ष्टिरस्ति॒ यया॑ ब॒भूथ॑ जरि॒तृभ्य॑ ऊ॒ती ।
मा न॒ः कामं॑ म॒हय॑न्त॒मा ध॒ग्विश्वा॑ ते अश्यां॒ पर्याप॑ आ॒योः
yaddha syā ta indra śruṣṭirasti yayā babhūtha jaritṛbhya ūtī |
mā naḥ kāmaṃ mahayantamā dhagviśvā te aśyāṃ paryāpa āyoḥ
Mandala 1
Sukta 178: Indra, hearer of the poet's cry
Rishi: अगस्त्यो मैत्रावरुणिः · Devata: इन्द्रः · Metre: त्रिष्टुप्
5 verses · 178 of 191
What happens in this chapter
Indra, hearer of the poet's cry
In trishtubh Agastya Maitravaruni reminds Indra of the willing ear by which he helped singers before, and asks him not to crush his longing. No one can harm Indra the king. With his men he is the winner in battle and the hearer of the poet in need; he brings his chariot near the giver and lifts up the songs. With you, Maghavan, may we overcome enemies who think themselves great; be our protector and our growth.
न घा॒ राजेन्द्र॒ आ द॑भन्नो॒ या नु स्वसा॑रा कृ॒णव॑न्त॒ योनौ॑ ।
आप॑श्चिदस्मै सु॒तुका॑ अवेष॒न्गम॑न्न॒ इन्द्र॑ः स॒ख्या वय॑श्च
na ghā rājendra ā dabhanno yā nu svasārā kṛṇavanta yonau |
āpaścidasmai sutukā aveṣangamanna indraḥ sakhyā vayaśca
जेता॒ नृभि॒रिन्द्र॑ः पृ॒त्सु शूर॒ः श्रोता॒ हवं॒ नाध॑मानस्य का॒रोः ।
प्रभ॑र्ता॒ रथं॑ दा॒शुष॑ उपा॒क उद्य॑न्ता॒ गिरो॒ यदि॑ च॒ त्मना॒ भूत्
jetā nṛbhirindraḥ pṛtsu śūraḥ śrotā havaṃ nādhamānasya kāroḥ |
prabhartā rathaṃ dāśuṣa upāka udyantā giro yadi ca tmanā bhūt
ए॒वा नृभि॒रिन्द्र॑ः सुश्रव॒स्या प्र॑खा॒दः पृ॒क्षो अ॒भि मि॒त्रिणो॑ भूत् ।
स॒म॒र्य इ॒षः स्त॑वते॒ विवा॑चि सत्राक॒रो यज॑मानस्य॒ शंस॑ः
evā nṛbhirindraḥ suśravasyā prakhādaḥ pṛkṣo abhi mitriṇo bhūt |
samarya iṣaḥ stavate vivāci satrākaro yajamānasya śaṃsaḥ
त्वया॑ व॒यं म॑घवन्निन्द्र॒ शत्रू॑न॒भि ष्या॑म मह॒तो मन्य॑मानान् ।
त्वं त्रा॒ता त्वमु॑ नो वृ॒धे भू॑र्वि॒द्यामे॒षं वृ॒जनं॑ जी॒रदा॑नुम्
tvayā vayaṃ maghavannindra śatrūnabhi ṣyāma mahato manyamānān |
tvaṃ trātā tvamu no vṛdhe bhūrvidyāmeṣaṃ vṛjanaṃ jīradānum
Text source: Wikisource · CC BY-SA 4.0 (Wikisource transcription of a public-domain text)