मत्सि॑ नो॒ वस्य॑इष्टय॒ इन्द्र॑मिन्दो॒ वृषा वि॑श ।
ऋ॒घा॒यमा॑ण इन्वसि॒ शत्रु॒मन्ति॒ न वि॑न्दसि
matsi no vasyaiṣṭaya indramindo vṛṣā viśa |
ṛghāyamāṇa invasi śatrumanti na vindasi
Mandala 1
Sukta 176: Soma, enter Indra for our good
Rishi: अगस्त्यो मैत्रावरुणिः · Devata: इन्द्रः · Metre: अनुष्टुप्, ६ त्रिष्टुप्
6 verses · 176 of 191
What happens in this chapter
Soma, enter Indra for our good
Agastya Maitravaruni speaks to Soma in anushtubh, closing in trishtubh, asking it to enter Indra and gladden him for our welfare. Let the songs settle in Indra, lord of the five peoples, who holds all wealth in his hands. The rishi asks Indra to strike like heaven's thunderbolt whoever plots against us, and to slay the one who presses no Soma and gives no joy, handing his goods to us. Soma once helped Indra in battle; now the singer calls on him as water is called by the thirsty.
तस्मि॒न्ना वे॑शया॒ गिरो॒ य एक॑श्चर्षणी॒नाम् ।
अनु॑ स्व॒धा यमु॒प्यते॒ यवं॒ न चर्कृ॑ष॒द्वृषा॑
tasminnā veśayā giro ya ekaścarṣaṇīnām |
anu svadhā yamupyate yavaṃ na carkṛṣadvṛṣā
यस्य॒ विश्वा॑नि॒ हस्त॑यो॒ः पञ्च॑ क्षिती॒नां वसु॑ ।
स्पा॒शय॑स्व॒ यो अ॑स्म॒ध्रुग्दि॒व्येवा॒शनि॑र्जहि
yasya viśvāni hastayoḥ pañca kṣitīnāṃ vasu |
spāśayasva yo asmadhrugdivyevāśanirjahi
असु॑न्वन्तं समं जहि दू॒णाशं॒ यो न ते॒ मय॑ः ।
अ॒स्मभ्य॑मस्य॒ वेद॑नं द॒द्धि सू॒रिश्चि॑दोहते
asunvantaṃ samaṃ jahi dūṇāśaṃ yo na te mayaḥ |
asmabhyamasya vedanaṃ daddhi sūriścidohate
आवो॒ यस्य॑ द्वि॒बर्ह॑सो॒ऽर्केषु॑ सानु॒षगस॑त् ।
आ॒जाविन्द्र॑स्येन्दो॒ प्रावो॒ वाजे॑षु वा॒जिन॑म्
āvo yasya dvibarhaso'rkeṣu sānuṣagasat |
ājāvindrasyendo prāvo vājeṣu vājinam
यथा॒ पूर्वे॑भ्यो जरि॒तृभ्य॑ इन्द्र॒ मय॑ इ॒वापो॒ न तृष्य॑ते ब॒भूथ॑ ।
तामनु॑ त्वा नि॒विदं॑ जोहवीमि वि॒द्यामे॒षं वृ॒जनं॑ जी॒रदा॑नुम्
yathā pūrvebhyo jaritṛbhya indra maya ivāpo na tṛṣyate babhūtha |
tāmanu tvā nividaṃ johavīmi vidyāmeṣaṃ vṛjanaṃ jīradānum
Text source: Wikisource · CC BY-SA 4.0 (Wikisource transcription of a public-domain text)