Rishi: परुच्छेपो दैवोदासिः · Devata: मित्रावरुणौ · Metre: अतिशक्वरी
3 verses · 137 of 191
We have pressed with the stones; come, kings who touch the sky. Three long atishakvari verses by Paruchchhepa invite Mitra and Varuna to the gladdening soma, mixed with milk and with curds. The drops wait for them at the waking of the dawn, together with the Sun's rays. Men milk the stalk with the stones as one milks a cow at morning. Come near, facing us, to drink: this soma is pressed by men for Mitra and Varuna and for rita.
सु॒षु॒मा या॑त॒मद्रि॑भि॒र्गोश्री॑ता मत्स॒रा इ॒मे सोमा॑सो मत्स॒रा इ॒मे ।
आ रा॑जाना दिविस्पृशास्म॒त्रा ग॑न्त॒मुप॑ नः ।
इ॒मे वां॑ मित्रावरुणा॒ गवा॑शिर॒ः सोमा॑ः शु॒क्रा गवा॑शिरः
suṣumā yātamadribhirgośrītā matsarā ime somāso matsarā ime |
ā rājānā divispṛśāsmatrā gantamupa naḥ |
ime vāṃ mitrāvaruṇā gavāśiraḥ somāḥ śukrā gavāśiraḥ
इ॒म आ या॑त॒मिन्द॑व॒ः सोमा॑सो॒ दध्या॑शिरः सु॒तासो॒ दध्या॑शिरः ।
उ॒त वा॑मु॒षसो॑ बु॒धि सा॒कं सूर्य॑स्य र॒श्मिभि॑ः ।
सु॒तो मि॒त्राय॒ वरु॑णाय पी॒तये॒ चारु॑रृ॒ताय॑ पी॒तये॑
ima ā yātamindavaḥ somāso dadhyāśiraḥ sutāso dadhyāśiraḥ |
uta vāmuṣaso budhi sākaṃ sūryasya raśmibhiḥ |
suto mitrāya varuṇāya pītaye cārurṛtāya pītaye
तां वां॑ धे॒नुं न वा॑स॒रीमं॒शुं दु॑ह॒न्त्यद्रि॑भि॒ः सोमं॑ दुह॒न्त्यद्रि॑भिः ।
अ॒स्म॒त्रा ग॑न्त॒मुप॑ नो॒ऽर्वाञ्चा॒ सोम॑पीतये ।
अ॒यं वां॑ मित्रावरुणा॒ नृभि॑ः सु॒तः सोम॒ आ पी॒तये॑ सु॒तः
tāṃ vāṃ dhenuṃ na vāsarīmaṃśuṃ duhantyadribhiḥ somaṃ duhantyadribhiḥ |
asmatrā gantamupa no'rvāñcā somapītaye |
ayaṃ vāṃ mitrāvaruṇā nṛbhiḥ sutaḥ soma ā pītaye sutaḥ
Text source: Wikisource · CC BY-SA 4.0 (Wikisource transcription of a public-domain text)
