Rishi: कुत्स आङ्गिरसः · Devata: सूर्यः · Metre: त्रिष्टुप्
6 verses · 115 of 191
Citraṃ devānām ud agād anīkam: the bright face of the gods has risen, the eye of Mitra, Varuna and Agni. Kutsa Angirasa's trishtubh sukta to Surya holds the line sūrya ātmā jagatas tasthuṣaś ca, the sun is the self of all that moves and all that stands, recited in sandhya worship. Surya follows shining Ushas as a young man follows a maiden. His bay mares climb the back of heaven and circle sky and earth in a day. When he unyokes them, night spreads her garment over all. The rishi asks the gods, at sunrise, to free us from distress and blame.
चि॒त्रं दे॒वाना॒मुद॑गा॒दनी॑कं॒ चक्षु॑र्मि॒त्रस्य॒ वरु॑णस्या॒ग्नेः ।
आप्रा॒ द्यावा॑पृथि॒वी अ॒न्तरि॑क्षं॒ सूर्य॑ आ॒त्मा जग॑तस्त॒स्थुष॑श्च
citraṃ devānāmudagādanīkaṃ cakṣurmitrasya varuṇasyāgneḥ |
āprā dyāvāpṛthivī antarikṣaṃ sūrya ātmā jagatastasthuṣaśca
सूर्यो॑ दे॒वीमु॒षसं॒ रोच॑मानां॒ मर्यो॒ न योषा॑म॒भ्ये॑ति प॒श्चात् ।
यत्रा॒ नरो॑ देव॒यन्तो॑ यु॒गानि॑ वितन्व॒ते प्रति॑ भ॒द्राय॑ भ॒द्रम्
sūryo devīmuṣasaṃ rocamānāṃ maryo na yoṣāmabhyeti paścāt |
yatrā naro devayanto yugāni vitanvate prati bhadrāya bhadram
भ॒द्रा अश्वा॑ ह॒रित॒ः सूर्य॑स्य चि॒त्रा एत॑ग्वा अनु॒माद्या॑सः ।
न॒म॒स्यन्तो॑ दि॒व आ पृ॒ष्ठम॑स्थु॒ः परि॒ द्यावा॑पृथि॒वी य॑न्ति स॒द्यः
bhadrā aśvā haritaḥ sūryasya citrā etagvā anumādyāsaḥ |
namasyanto diva ā pṛṣṭhamasthuḥ pari dyāvāpṛthivī yanti sadyaḥ
तत्सूर्य॑स्य देव॒त्वं तन्म॑हि॒त्वं म॒ध्या कर्तो॒र्वित॑तं॒ सं ज॑भार ।
य॒देदयु॑क्त ह॒रित॑ः स॒धस्था॒दाद्रात्री॒ वास॑स्तनुते सि॒मस्मै॑
tatsūryasya devatvaṃ tanmahitvaṃ madhyā kartorvitataṃ saṃ jabhāra |
yadedayukta haritaḥ sadhasthādādrātrī vāsastanute simasmai
तन्मि॒त्रस्य॒ वरु॑णस्याभि॒चक्षे॒ सूर्यो॑ रू॒पं कृ॑णुते॒ द्योरु॒पस्थे॑ ।
अ॒न॒न्तम॒न्यद्रुश॑दस्य॒ पाज॑ः कृ॒ष्णम॒न्यद्ध॒रित॒ः सं भ॑रन्ति
tanmitrasya varuṇasyābhicakṣe sūryo rūpaṃ kṛṇute dyorupasthe |
anantamanyadruśadasya pājaḥ kṛṣṇamanyaddharitaḥ saṃ bharanti
अ॒द्या दे॑वा॒ उदि॑ता॒ सूर्य॑स्य॒ निरंह॑सः पिपृ॒ता निर॑व॒द्यात् ।
तन्नो॑ मि॒त्रो वरु॑णो मामहन्ता॒मदि॑ति॒ः सिन्धु॑ः पृथि॒वी उ॒त द्यौः
adyā devā uditā sūryasya niraṃhasaḥ pipṛtā niravadyāt |
tanno mitro varuṇo māmahantāmaditiḥ sindhuḥ pṛthivī uta dyauḥ
Text source: Wikisource · CC BY-SA 4.0 (Wikisource transcription of a public-domain text)
