सुनु खगेस रघुपति प्रभुताई । कहउँ जथामति कथा सुहाई ॥
जेहि बिधि मोह भयउ प्रभु मोही । सोउ सब कथा सुनावउँ तोही ॥
sunu khagesa raghupati prabhutāī | kahaum̐ jathāmati kathā suhāī ||
jehi bidhi moha bhayau prabhu mohī | sou saba kathā sunāvaum̐ tohī ||
Uttara Kanda
Chapter 74: Rama removes his servant's pride, like a mother
6 verses · 74 of 130
What happens in this chapter
Rama removes his servant's pride, like a mother
Listen, lord of birds, Bhushundi says; I will tell Raghupati's might as far as my mind allows, and how delusion once came over me as well. You are dear to Rama, so I will hide nothing. Hear Rama's natural way: he never lets pride remain in his servant. Pride is the root of samsara and every sorrow, so the treasury of mercy removes it, for his love for his servant is great. When a child has a boil, the mother has it lanced as if she were hard-hearted. The child cries in pain at first, but she does not count that pain, wanting the sickness gone. So Raghupati takes away his servant's pride for his good. Tulsidas asks: why not worship such a Lord and drop all error?
राम-कृपा-भाजन तुम्ह ताता । हरि गुन प्रीति माहि सुख दाता ॥
ताल नहिँ कछु तुम्हहिँ दुरावउँ । परम रहस्य मनोहर गावउँ ॥
rāma-kṛpā-bhājana tumha tātā | hari guna prīti māhi sukha dātā ||
tāla nahim̐ kachu tumhahim̐ durāvaum̐ | parama rahasya manohara gāvaum̐ ||
सुनहु राम कर सहज सुभाऊ । जन अभिमान न राखहिँ काऊ ॥
संसृत मूल, सूलप्रद नाना । सकल सोक दायक अभिमाना ॥
sunahu rāma kara sahaja subhāū | jana abhimāna na rākhahim̐ kāū ||
saṃsṛta mūla, sūlaprada nānā | sakala soka dāyaka abhimānā ||
तातें करहिं कृपानिधि दूरी । सेवक पर ममता अति भूरी ॥
जिमि सिसु तन ब्रन होइ गोसाई । मातु चिराव कठिन की नाँई ॥
tāteṃ karahiṃ kṛpānidhi dūrī | sevaka para mamatā ati bhūrī ||
jimi sisu tana brana hoi gosāī | mātu cirāva kaṭhina kī nām̐ī ||
जदपि प्रथम दुख पावइ, रोवइ बाल अधीर ।
ब्याधि नास हित जननी, गनति न से सिसु पीर ॥
jadapi prathama dukha pāvai, rovai bāla adhīra |
byādhi nāsa hita jananī, ganati na se sisu pīra ||
तिमि रघुपति निज दासकर, हरहिँ मान हित लागि ।
तुलसिदास ऐसे प्रभुहि, कस न भजहु भ्रम त्यागि ॥
timi raghupati nija dāsakara, harahim̐ māna hita lāgi |
tulasidāsa aise prabhuhi, kasa na bhajahu bhrama tyāgi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0