एहि कर होइ परम कल्याना । सोइ करहु अब कृपानिधाना ॥
बिप्रगिरा सुनि परहित सानी । एवमस्तु इति भइ नभवानी ॥
ehi kara hoi parama kalyānā | soi karahu aba kṛpānidhānā ||
bipragirā suni parahita sānī | evamastu iti bhai nabhavānī ||
Uttara Kanda
Chapter 109: Shiva softens the curse into grace
12 verses · 109 of 130
What happens in this chapter
Shiva softens the curse into grace
Kakbhushundi tells Garuda how Shiva answered. The voice said: so be it. Though this one sinned and I cursed him in anger, your goodness wins him special grace; brahmins who forgive and do good are dear to me as Rama. The curse cannot fail, so he will take a thousand births, but birth and death will not pain him and his knowledge will survive every body. Born in Raghupati's city and devoted to my service, he will find Rama-bhakti. Shiva warns him never again to insult a brahmin, and grants him free movement everywhere. The guru rejoiced and went home. Bhushundi became a snake, and afterwards changed bodies as easily as a man changes clothes, never losing his memory.
जदपि कीन्ह एहिं दारुन पापा । मैं पुनि दीन्ह कोप करि सापा ॥
तदपि तुम्हारि साधुता देखी । करिहउँ एहि पर कृपा बिसेखी ॥
jadapi kīnha ehiṃ dāruna pāpā | maiṃ puni dīnha kopa kari sāpā ||
tadapi tumhāri sādhutā dekhī | karihaum̐ ehi para kṛpā bisekhī ||
छमासील जे पर उपकारी । ते द्विज मोहि प्रिय जथा खरारी ॥
मोर साप द्विज व्यर्थ न जाइहि । जनम सहस अवस्य यह पाइहि ॥
chamāsīla je para upakārī | te dvija mohi priya jathā kharārī ||
mora sāpa dvija vyartha na jāihi | janama sahasa avasya yaha pāihi ||
जनमत भरत दुसह दुख होई । अहि स्वल्पउ नहिँ ब्यापिहि सोई ॥
कवनेउँ जनम मिटिहि नहिं ज्ञाना । सुनहि सूद्र मम बचन प्रवाना ॥
janamata bharata dusaha dukha hoī | ahi svalpau nahim̐ byāpihi soī ||
kavaneum̐ janama miṭihi nahiṃ jñānā | sunahi sūdra mama bacana pravānā ||
रघुपति-पुरीं जनम तव भयऊ । पुनि तैं मम सेवाँ मन दयऊ ॥
पुरी प्रभाव अनुग्रह मोरें । राम भगति उपजिहि उर तोरें ॥
raghupati-purīṃ janama tava bhayaū | puni taiṃ mama sevām̐ mana dayaū ||
purī prabhāva anugraha moreṃ | rāma bhagati upajihi ura toreṃ ||
सुनु मम बचन सत्य अब भाई । हरि तोषन-ब्रत द्विज सेवकाई ॥
अब जनि करहि विप्र अपमाना । जानेहु सन्त अनन्त समाना ॥
sunu mama bacana satya aba bhāī | hari toṣana-brata dvija sevakāī ||
aba jani karahi vipra apamānā | jānehu santa ananta samānā ||
इंद्र कुलिस मम सूल बिसाला । कालदंड हरि चक्र कराला ॥
जो इन्ह कर मारा नहिँ मरई । बिप्रद्रोह-पावक सो जरई ॥
iṃdra kulisa mama sūla bisālā | kāladaṃḍa hari cakra karālā ||
jo inha kara mārā nahim̐ maraī | bipradroha-pāvaka so jaraī ||
अस विवेक राखेहु मन माहीं । तुम्ह कहँ जग दुर्लभ कछु नाहीं ॥
औरउ एक आसिषा मोरी । अप्रतिहत-गत होइहि तोरी ॥
asa viveka rākhehu mana māhīṃ | tumha kaham̐ jaga durlabha kachu nāhīṃ ||
aurau eka āsiṣā morī | apratihata-gata hoihi torī ||
सुनि सिव बचन हरषि गुरु, एवमस्तु इति भाखि ।
मोहि प्रबोधि गयउ गृह, सम्भु-चरन उर राखि ॥
suni siva bacana haraṣi guru, evamastu iti bhākhi |
mohi prabodhi gayau gṛha, sambhu-carana ura rākhi ||
प्रेरित काल बिधि गिरि, जाइ भयउँ मैं ब्याल ।
पुनि प्रयास बिनु सो तनु, जजेउँ गये कछु काल ॥
prerita kāla bidhi giri, jāi bhayaum̐ maiṃ byāla |
puni prayāsa binu so tanu, jajeum̐ gaye kachu kāla ||
जोइ तनु धरउँ तजउँ पुनि, अनायास हरिजान ।
जिमि नूतन पट पहिरइ, नर परिहरइ पुरान ॥
joi tanu dharaum̐ tajaum̐ puni, anāyāsa harijāna |
jimi nūtana paṭa pahirai, nara pariharai purāna ||
सिवँ राखी पति नीति अरु, मैं नहिं पावा क्लेस ।
एहि बिधि धरेउँ बिबिध तनु, ज्ञान न गयउ खगेस ॥
sivam̐ rākhī pati nīti aru, maiṃ nahiṃ pāvā klesa |
ehi bidhi dhareum̐ bibidha tanu, jñāna na gayau khagesa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0