जसि रघुबीर ब्याह बिधि बरनी । सकल कुअँर ब्याहे तेहिं करनी ॥
कहि न जाइ कछु दाइज भूरी । रहा कनक-मनि मंडप पूरी ॥
jasi raghubīra byāha bidhi baranī | sakala kuam̐ra byāhe tehiṃ karanī ||
kahi na jāi kachu dāija bhūrī | rahā kanaka-mani maṃḍapa pūrī ||
Bala Kanda
Chapter 326: Dowry, Janaka's humility, the kohabar
9 verses · 326 of 361
What happens in this chapter
Dowry, Janaka's humility, the kohabar
All four princes are wed by the same rite as Rama. The dowry fills the pavilion: gold and gems, silks, elephants, chariots, horses, servants and cows adorned like Kamadhenu. Dasharatha accepts it gladly, gives seekers whatever they want, and sends the rest to the guest lodge. Janaka honours the whole party, worships the munis and, with folded hands, tells Dasharatha that this bond has made him great in every way: take this kingdom and us as servants bought without price, keep these girls as handmaids with fresh kindness, and forgive our boldness. Dasharatha honours him in return. The king goes to the lodge, and the women lead the couples to the kohabar, the inner wedding chamber. Sita keeps glancing at Rama, shy yet unable to stop.
कम्बल बसन बिचित्र पटोरे । भाँति भाँति बहु मोल न थोरे ॥
गज रथ तुरग दास अरु दासी । धेनु अलंकृत कामदुहा सी ॥
kambala basana bicitra paṭore | bhām̐ti bhām̐ti bahu mola na thore ||
gaja ratha turaga dāsa aru dāsī | dhenu alaṃkṛta kāmaduhā sī ||
बस्तु अनेक करिय किमि लेखा । कहि न जाइ जाहिँ जिन्ह देखा ॥
लोकपाल अवलोकि सिहाने । लीन्ह अवधपति सब सुख माने ॥
bastu aneka kariya kimi lekhā | kahi na jāi jāhim̐ jinha dekhā ||
lokapāla avaloki sihāne | līnha avadhapati saba sukha māne ||
दीन्ह जाचकन्हि जो जेहि भावा । उबरा सो जनवासेहिं आवा ॥
तब कर जोरि जनक मृदु बानी । बोले सब बरात सनमानी ॥
dīnha jācakanhi jo jehi bhāvā | ubarā so janavāsehiṃ āvā ||
taba kara jori janaka mṛdu bānī | bole saba barāta sanamānī ||
सनमानि सकल बरात आदर, दान बिनय बड़ाइ कै ।
प्रमुदित महा मुनि वृन्द बन्दे, पूजि प्रेम लड़ाइ कै ॥
सिर नाइ देव मनाइ सब सन, कहत कर सम्पुट किये ।
सुर साधु चाहत भाव सिन्धु कि, तोष जल अञ्जलि दिये ॥
sanamāni sakala barāta ādara, dāna binaya bar̤āi kai |
pramudita mahā muni vṛnda bande, pūji prema lar̤āi kai ||
sira nāi deva manāi saba sana, kahata kara sampuṭa kiye |
sura sādhu cāhata bhāva sindhu ki, toṣa jala añjali diye ||
कर जोरि जनक बहोरि बन्धु-समेत कोसलराय सोँ ।
बोले मनोहर बयन सानि सनेह सील सुभाय सोँ ॥
सम्बन्ध राजन रावरें हम, बड़े अब सब विधि भये ।
एहि राज साज समेत सेवक, जानिबे बिनु गथ लये ॥
kara jori janaka bahori bandhu-sameta kosalarāya som̐ |
bole manohara bayana sāni saneha sīla subhāya som̐ ||
sambandha rājana rāvareṃ hama, bar̤e aba saba vidhi bhaye |
ehi rāja sāja sameta sevaka, jānibe binu gatha laye ||
ये दारिका परिचारिका करि, पालिबीं करुना नई ।
अपराध छमिबो बोलि पठये, बहुत हौँ ढीट्यो कई ॥
पुनि भानुकुल-भूषन सकल सनमान निधि समधी किया ।
कहि जाति नहिं बिनती परसपर, प्रेम परिपूरन हिए ॥
ye dārikā paricārikā kari, pālibīṃ karunā naī |
aparādha chamibo boli paṭhaye, bahuta haum̐ ḍhīṭyo kaī ||
puni bhānukula-bhūṣana sakala sanamāna nidhi samadhī kiyā |
kahi jāti nahiṃ binatī parasapara, prema paripūrana hie ||
वृन्दारका-गन सुमन बरिसहिँ, राउ जनवासेहि चले ।
दुन्दुभी-जय धुनि बेद-धुनि नभ, नगर कौतूहल भले ॥
तब सखीं मङ्गल-गान करत, मुनीस आयसु पाइ के ।
दूलह दुलहिनिन्ह सहित सुन्दरि, चलीँ कोहबर ल्याइ कै ॥
vṛndārakā-gana sumana barisahim̐, rāu janavāsehi cale |
dundubhī-jaya dhuni beda-dhuni nabha, nagara kautūhala bhale ||
taba sakhīṃ maṅgala-gāna karata, munīsa āyasu pāi ke |
dūlaha dulahininha sahita sundari, calīm̐ kohabara lyāi kai ||
पुनि पुनि रामहिँ चितव सिय, सकुचति मन सकुचै न ।
हरत मनोहर मीन छबि, प्रेम पिआसे नैन ॥
puni puni rāmahim̐ citava siya, sakucati mana sakucai na |
harata manohara mīna chabi, prema piāse naina ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0