भरत बचन सुनि देखि सनेहू । सभा सहित मुनि भयउ बिदेहू ॥
भरत महा महिमा जलरासी । मुनि मति ठाढि तीर अबला सी ॥
bharata bacana suni dekhi sanehū | sabhā sahita muni bhayau bidehū ||
bharata mahā mahimā jalarāsī | muni mati ṭhāḍhi tīra abalā sī ||
Ayodhya Kanda
Chapter 257: Vasishtha takes the matter to Rama
5 verses · 257 of 326
What happens in this chapter
Vasishtha takes the matter to Rama
Hearing Bharata and seeing his love, the sage and the whole assembly forget their bodies. Bharata's glory is an ocean, and the sage's mind stands on its shore like a helpless woman, finding no boat to cross. Who else could praise Bharata? Can a pond's shell hold the sea? Bharata pleases the sage in his inmost heart, and with the company he goes to Rama. The great sage speaks with thought, fitting place, time and occasion. Hear, Rama, all-knowing and wise, treasure of dharma, policy, virtue and knowledge. You dwell in every heart and know good and bad intent. Say the way that is best for the townsfolk, the mothers and Bharata.
गा चह पार जतन हियँ हेरा । पावति नाव न बोहित बेरा ॥
और करिहि को भरत बड़ाई । सरसी सीपि कि सिन्धु समाई ॥
gā caha pāra jatana hiyam̐ herā | pāvati nāva na bohita berā ||
aura karihi ko bharata bar̤āī | sarasī sīpi ki sindhu samāī ||
भरत मुनिहिँ मन भीतर भाये । सहित समाज राम पहिँ आये ॥
प्रभु प्रनाम करि दीन्ह सुआसन । बैठे सब सुनि सुनि अनुसासन ॥
bharata munihim̐ mana bhītara bhāye | sahita samāja rāma pahim̐ āye ||
prabhu pranāma kari dīnha suāsana | baiṭhe saba suni suni anusāsana ||
बोले मुनिवर बचन बिचारी । देस काल अवसर अनुहारी ॥
सुनहु राम, सरबज्ञ सुजाना । धरम नीति-गुन-ज्ञान निधाना ॥
bole munivara bacana bicārī | desa kāla avasara anuhārī ||
sunahu rāma, sarabajña sujānā | dharama nīti-guna-jñāna nidhānā ||
सब के उर अन्तर बसहु, जानहु भाउ कुभाउ ।
पुरजन-जननी-भरत-हित, होइ सो कहिय उपाउ ॥
saba ke ura antara basahu, jānahu bhāu kubhāu |
purajana-jananī-bharata-hita, hoi so kahiya upāu ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0