आदित्कृतबलं कर्णं दृष्ट्वा राजा स मागधः ।
आह्वयद्द्वैरथेनाजौ जरासन्धो महीपतिः
āditkṛtabalaṃ karṇaṃ dṛṣṭvā rājā sa māgadhaḥ |
āhvayaddvairathenājau jarāsandho mahīpatiḥ
Shanti Parva
Chapter 5: Jarasandha's gift and the causes of Karna's fall
इति श्रीमन्महाभारते शान्तिपर्वणि राजधर्मपर्वणि पञ्चमोऽध्यायः ॥
15 verses · 5 of 372
What happens in this chapter
Jarasandha's gift and the causes of Karna's fall
Hearing of Karna's might, Jarasandha of Magadha challenges him to single combat. When weapons are spent they wrestle, and Karna begins to split the joint where Jarasandha's body was once joined by Jara. The king, pleased, gives up enmity and grants him the city of Malini. For the Pandavas' good, Indra begs his inborn earrings and armour, and Karna gives them. Narada then counts the causes of his death: the brahmana's curse, Parashurama's curse, the boon he gave Kunti, Indra's wile, Bhishma's slight in ranking him half a ratha, Shalya's sapping of his spirit and Shri Krishna's policy. Arjuna killed him with weapons from Rudra, Indra, Yama, Varuna, Kubera, Drona and Kripa. He died in battle; do not grieve.
नारद उवाच
तयोः समभवद्युद्धं दिव्यास्त्रविदुषोर्द्वयोः ।
युधि नानाप्रहरणैरन्योन्यमभिवर्षतोः
tayoḥ samabhavadyuddhaṃ divyāstraviduṣordvayoḥ |
yudhi nānāpraharaṇairanyonyamabhivarṣatoḥ
क्षीणबाणौ विधनुषौ भग्नखङ्गौ महीं गतौ ।
बाहुभिः समसज्जेतामुभावतिबलान्वितौ
kṣīṇabāṇau vidhanuṣau bhagnakhaṅgau mahīṃ gatau |
bāhubhiḥ samasajjetāmubhāvatibalānvitau
[बाहुकण्टकयुद्धेन तस्य कर्णोऽथ युध्यतः ।]
विभेदं संधिं देहस्य जरया श्लेषितस्य हि
[bāhukaṇṭakayuddhena tasya karṇo'tha yudhyataḥ |]
vibhedaṃ saṃdhiṃ dehasya jarayā śleṣitasya hi
स विकारं शरीरस्य दृष्ट्वा नृपतिरात्मनः ।
प्रीतोऽस्मीत्यब्रवीत्कर्णं वैरमुत्सृज्य दूरतः
sa vikāraṃ śarīrasya dṛṣṭvā nṛpatirātmanaḥ |
prīto'smītyabravītkarṇaṃ vairamutsṛjya dūrataḥ
प्रीत्या ददौ स कर्णाय मालिनीं नगरीमनु ।
अङ्गेषु नरशार्दूल स राजाऽऽसीत्सपत्नजित्
prītyā dadau sa karṇāya mālinīṃ nagarīmanu |
aṅgeṣu naraśārdūla sa rājā''sītsapatnajit
पालयामास वर्णांस्तु कर्णः परबलार्दनः ।
दुर्योधनस्यानुमते तवापि विदितं तथा
pālayāmāsa varṇāṃstu karṇaḥ parabalārdanaḥ |
duryodhanasyānumate tavāpi viditaṃ tathā
एवं शस्त्रप्रतापेन प्रथितः सोऽभवत्क्षितौ ।
त्वद्धितार्थं सुरेन्द्रेण भिक्षितो वर्मकुण्डले
evaṃ śastrapratāpena prathitaḥ so'bhavatkṣitau |
tvaddhitārthaṃ surendreṇa bhikṣito varmakuṇḍale
स दिव्ये सहजे प्रादात्कुण्डले परमार्चिते ।
सहजं कवचं चापि मोहितो देवमायया
sa divye sahaje prādātkuṇḍale paramārcite |
sahajaṃ kavacaṃ cāpi mohito devamāyayā
विमुक्तः कुण्डलाभ्यां च सहजेन च वर्मणा ।
निहतो विजयेनाजौ वासुदेवस्य पश्यतः
vimuktaḥ kuṇḍalābhyāṃ ca sahajena ca varmaṇā |
nihato vijayenājau vāsudevasya paśyataḥ
ब्राह्मणस्यापि शापेन रामस्य च महात्मनः ।
कुन्त्याश्च वरदानेन मायया च शतक्रतोः
brāhmaṇasyāpi śāpena rāmasya ca mahātmanaḥ |
kuntyāśca varadānena māyayā ca śatakratoḥ
भीष्मावमानात्सङ्ख्यायां रथानामर्धकीर्तनात् ।
शल्यतेजोवधाच्चापि वासुदेवनयेन च ।
bhīṣmāvamānātsaṅkhyāyāṃ rathānāmardhakīrtanāt |
śalyatejovadhāccāpi vāsudevanayena ca |
रुद्रस्य देवराजस्य यमस्य वरुणस्य च ।
कुबेरद्रोणयोश्चैव कृपस्य च महात्मनः
rudrasya devarājasya yamasya varuṇasya ca |
kuberadroṇayoścaiva kṛpasya ca mahātmanaḥ
अस्त्राणि दिव्यान्यादाय युधि गाण्डीवधन्वना ।
हतो वैकर्तनः कर्णो दिवाकरसमद्युतिः
astrāṇi divyānyādāya yudhi gāṇḍīvadhanvanā |
hato vaikartanaḥ karṇo divākarasamadyutiḥ
एवं शप्तस्तव भ्राता बहुभिश्चापि वञ्चितः ।
न शोच्यः पुरुषव्याघ्र युद्धे हि निधनं गतः
evaṃ śaptastava bhrātā bahubhiścāpi vañcitaḥ |
na śocyaḥ puruṣavyāghra yuddhe hi nidhanaṃ gataḥ
Text source: Wikisource · CC BY-SA 4.0 (Wikisource transcription of a public-domain text)