Chapter 9: Nakula slays the three sons of Karna

तत्प्रभग्नं बलं दृष्ट्वा मद्रराजः प्रतापवान् ।
उवाच सारथिं तूर्णं चोदयाश्वान्महाजवान्

tatprabhagnaṃ balaṃ dṛṣṭvā madrarājaḥ pratāpavān |
uvāca sārathiṃ tūrṇaṃ codayāśvānmahājavān

एष तिष्ठति वै राजा पाण्डुपुत्रो युधिष्ठिरः ।
छत्रेण ध्रियमाणेन पाण्डुरेण विराजता

eṣa tiṣṭhati vai rājā pāṇḍuputro yudhiṣṭhiraḥ |
chatreṇa dhriyamāṇena pāṇḍureṇa virājatā

अत्र मां प्रापय क्षिप्रं पश्य मे सारथे बलम् ।
न समर्था हि मे पार्थाः स्थातुमद्य पुरो युधि

atra māṃ prāpaya kṣipraṃ paśya me sārathe balam |
na samarthā hi me pārthāḥ sthātumadya puro yudhi

एवमुक्तस्ततः प्रायान्मद्रराजस्य सारथिः ।
यत्रा राजा सत्यसन्धो धर्मपुत्रो युधिष्ठिरः

evamuktastataḥ prāyānmadrarājasya sārathiḥ |
yatrā rājā satyasandho dharmaputro yudhiṣṭhiraḥ

आपतन्तं च सहसा पाण्डवानां महद्बलम् ।
दधारैको रणे शल्यो वेलोद्वृत्तमिवार्णवम्

āpatantaṃ ca sahasā pāṇḍavānāṃ mahadbalam |
dadhāraiko raṇe śalyo velodvṛttamivārṇavam

पाण्डवानां बलौघस्तु शल्यमासाद्य मारिष ।
व्यतिष्ठत तदा युद्वे सिन्धोर्वेग इवाचलम्

pāṇḍavānāṃ balaughastu śalyamāsādya māriṣa |
vyatiṣṭhata tadā yudve sindhorvega ivācalam

मद्रराजं तु समरे दृष्ट्वा युद्धाय धिष्ठितम् ।
कुरवः सन्न्यवर्तन्त मृत्युं कृत्वा निवर्तनम्

madrarājaṃ tu samare dṛṣṭvā yuddhāya dhiṣṭhitam |
kuravaḥ sannyavartanta mṛtyuṃ kṛtvā nivartanam

तेषु राजन्निवृत्तेषु व्यूढानीकेषु सर्वशः ।
प्रावर्तत महारौद्रः सङ्ग्रामः शोणितोदकः

teṣu rājannivṛtteṣu vyūḍhānīkeṣu sarvaśaḥ |
prāvartata mahāraudraḥ saṅgrāmaḥ śoṇitodakaḥ

समार्च्छच्चित्रसेनं तु नकुलो युद्धदुर्मदः ।
तौ परस्परमासाद्य चित्रकार्मुकधारिणौ

samārcchaccitrasenaṃ tu nakulo yuddhadurmadaḥ |
tau parasparamāsādya citrakārmukadhāriṇau

मेघाविव यथोद्वृत्तौ दक्षिणोत्तरवर्षिणौ ।
शरतोयैः सिषिचतुस्तौ परस्परमाहवे

meghāviva yathodvṛttau dakṣiṇottaravarṣiṇau |
śaratoyaiḥ siṣicatustau parasparamāhave

नान्तरं तत्र पश्यामः पाण्डवस्येतरस्य च ।
उभौ कृतास्त्रौ बलिनौ रथचर्याविशारदौ ।
परस्परवधे यत्तौ छिद्रान्वेषणतत्परौ

nāntaraṃ tatra paśyāmaḥ pāṇḍavasyetarasya ca |
ubhau kṛtāstrau balinau rathacaryāviśāradau |
parasparavadhe yattau chidrānveṣaṇatatparau

चित्रसेनस्तु भल्लेन पीतेन निशितेन च ।
नकुलस्य महाराज मुष्टिदेशेऽच्छिनद्धनुः

citrasenastu bhallena pītena niśitena ca |
nakulasya mahārāja muṣṭideśe'cchinaddhanuḥ

अथैनं छिन्नधन्वानं रुक्मपुङ्खैः शिलाशितैः ।
त्रिभिः शरैरसम्भ्रान्तो ललाटे वै समार्पयत्

athainaṃ chinnadhanvānaṃ rukmapuṅkhaiḥ śilāśitaiḥ |
tribhiḥ śarairasambhrānto lalāṭe vai samārpayat

हयांश्चास्य शरैस्तीक्ष्णैः प्रेषयामास मृत्यवे ।
तथा ध्वजं सारथिं च त्रिभिस्त्रिभिरपातयत्

hayāṃścāsya śaraistīkṣṇaiḥ preṣayāmāsa mṛtyave |
tathā dhvajaṃ sārathiṃ ca tribhistribhirapātayat

स शत्रुभुजनिर्मुक्तैर्ललाटस्थैस्त्रिभिः शरैः ।
नकुलः शुशुभे राजंस्त्रिशृङ्ग इव पर्वतः

sa śatrubhujanirmuktairlalāṭasthaistribhiḥ śaraiḥ |
nakulaḥ śuśubhe rājaṃstriśṛṅga iva parvataḥ

स च्छिन्नधन्वा विरथः खङ्गमादाय चर्म च ।
रथादवातरद्वीरः शैलाग्रादिव केसरी

sa cchinnadhanvā virathaḥ khaṅgamādāya carma ca |
rathādavātaradvīraḥ śailāgrādiva kesarī

पद्मामापततस्तस्य शस्वृष्टिं समासृजत् ।
नकुलोऽप्यग्रसत्तां वै चर्मणा लघुविक्रमः

padmāmāpatatastasya śasvṛṣṭiṃ samāsṛjat |
nakulo'pyagrasattāṃ vai carmaṇā laghuvikramaḥ

चित्रसेनरथं प्राप्य चित्रयोधी जितश्रमः ।
आरुरोह महाबाहुः सर्वसैन्यस्य पश्यतः

citrasenarathaṃ prāpya citrayodhī jitaśramaḥ |
āruroha mahābāhuḥ sarvasainyasya paśyataḥ

सकुण्डलं समुकुटं सुनसं स्वायतेक्षणम् ।
चित्रसेनशिरः कायादपाहरत पाण्डवः

sakuṇḍalaṃ samukuṭaṃ sunasaṃ svāyatekṣaṇam |
citrasenaśiraḥ kāyādapāharata pāṇḍavaḥ

स पपात रथात्तस्माद्दिवाकरसमद्युतिः

sa papāta rathāttasmāddivākarasamadyutiḥ

चित्रसेनशिरस्तत्तु दृष्ट्वा तत्र महारथाः ।
साधुवादस्वनांश्चक्रुः सिंहनादांश्च पुष्कलान्

citrasenaśirastattu dṛṣṭvā tatra mahārathāḥ |
sādhuvādasvanāṃścakruḥ siṃhanādāṃśca puṣkalān

विशस्तं भ्रातरं दृष्ट्वा कर्णपुत्रौ महारथौ ।
सुशर्मा सत्यसेनश्च मुञ्चन्तौ विविधाञ्शरान्

viśastaṃ bhrātaraṃ dṛṣṭvā karṇaputrau mahārathau |
suśarmā satyasenaśca muñcantau vividhāñśarān

ततोऽभ्यधावतां तूर्णं पाण्डवं रथिनां वरम् ।
जिघांसन्तौ यथा नागं व्याघ्रौ राजन्महावने

tato'bhyadhāvatāṃ tūrṇaṃ pāṇḍavaṃ rathināṃ varam |
jighāṃsantau yathā nāgaṃ vyāghrau rājanmahāvane

तावभ्येत्य महाबाहू द्वावप्यतिमहारथौ ।
शरौषान्सम्यगस्यन्तौ जीमूतौ सलिलं यथा

tāvabhyetya mahābāhū dvāvapyatimahārathau |
śarauṣānsamyagasyantau jīmūtau salilaṃ yathā

स शरैः सर्वतो विद्धः प्रहृष्ट इव पाण्डवः ।
अन्यत्कार्मुकमादाय रथमारुह्य वेगवान् ।
अतिष्ठत रणे वीरः क्रुद्धरूप इवान्तकः

sa śaraiḥ sarvato viddhaḥ prahṛṣṭa iva pāṇḍavaḥ |
anyatkārmukamādāya rathamāruhya vegavān |
atiṣṭhata raṇe vīraḥ kruddharūpa ivāntakaḥ

तस्य तौ भ्रातरौ राजञ्शरैः सन्नतपर्वभिः ।
रथं विशकलीकर्तुं समारब्धौ विशाम्पते

tasya tau bhrātarau rājañśaraiḥ sannataparvabhiḥ |
rathaṃ viśakalīkartuṃ samārabdhau viśāmpate

ततः प्रहस्य नकुलश्चतुर्भिश्चतुरो रणे ।
जघान निशितैर्बाणैः सत्यसेनस्य वाजिनः

tataḥ prahasya nakulaścaturbhiścaturo raṇe |
jaghāna niśitairbāṇaiḥ satyasenasya vājinaḥ

ततः सन्धाय नारचं रुक्मपुङ्खं शिलाशितम् ।
धनुश्चिच्छेद राजेन्द्र सत्यसेनस्य पाण्डवः

tataḥ sandhāya nāracaṃ rukmapuṅkhaṃ śilāśitam |
dhanuściccheda rājendra satyasenasya pāṇḍavaḥ

अथान्यं रथमास्थाय धनुरादाय चापरम् ।
सत्यसेनः सुशर्मा च पाण्डवं पर्यधावताम्

athānyaṃ rathamāsthāya dhanurādāya cāparam |
satyasenaḥ suśarmā ca pāṇḍavaṃ paryadhāvatām

अविध्यत्तावसम्भ्रान्तौ माद्रीपुत्रः प्रतापवान् ।
द्वाभ्यां द्वाभ्यां महाराज शराभ्यां रणमूर्धनि

avidhyattāvasambhrāntau mādrīputraḥ pratāpavān |
dvābhyāṃ dvābhyāṃ mahārāja śarābhyāṃ raṇamūrdhani

सुशर्मा तु ततः क्रुद्धः पाण्डवस्य महद्धनुः ।
चिच्छेद प्रहसन्युद्धे क्षुरप्रेण महारथः

suśarmā tu tataḥ kruddhaḥ pāṇḍavasya mahaddhanuḥ |
ciccheda prahasanyuddhe kṣurapreṇa mahārathaḥ

अथान्यद्धनुरादाय नकुलः क्रोधमूच्छितः ।
सुशर्माणं पञ्चभिर्विद्ध्वा ध्वजमेकेन चिच्छिदे

athānyaddhanurādāya nakulaḥ krodhamūcchitaḥ |
suśarmāṇaṃ pañcabhirviddhvā dhvajamekena cicchide

सत्यसेनस्य स धनुर्हस्तावपं च मारिष ।
चिच्छेद तरसा युद्धे तत उच्चुक्रुशुर्जनाः

satyasenasya sa dhanurhastāvapaṃ ca māriṣa |
ciccheda tarasā yuddhe tata uccukruśurjanāḥ

अथान्यद्धनुरादाय वेगघ्नं भारसाधनम् ।
शरैः सञ्छादयामास समन्तात्पाण्डुनन्दनम्

athānyaddhanurādāya vegaghnaṃ bhārasādhanam |
śaraiḥ sañchādayāmāsa samantātpāṇḍunandanam

सन्निवार्य तु तान्बाणान्नकुलः परवीरहा ।
सत्यसेनसुशर्माणौ द्वाभ्यां द्वाभ्यामविध्यत

sannivārya tu tānbāṇānnakulaḥ paravīrahā |
satyasenasuśarmāṇau dvābhyāṃ dvābhyāmavidhyata

तावेनं प्रत्यविध्येतां पृथक्पृथगजिह्मगैः ।
सारथिं चास्य राजेन्द्र शितैर्विव्यधतुः शरैः

tāvenaṃ pratyavidhyetāṃ pṛthakpṛthagajihmagaiḥ |
sārathiṃ cāsya rājendra śitairvivyadhatuḥ śaraiḥ

सत्यसेनो रथेषां तु नकुलस्य धनुस्तथा ।
पृथक् शराभ्यां चिच्छेद कृतहस्तः प्रतापवान्

satyaseno ratheṣāṃ tu nakulasya dhanustathā |
pṛthak śarābhyāṃ ciccheda kṛtahastaḥ pratāpavān

स रथेऽतिरथस्तिष्ठन्रथशक्तिं परामृशत् ॥
स्वर्णदण्डामकुण्ठाग्रां तैलधौतां सुनिर्मलाम् ।

sa rathe'tirathastiṣṭhanrathaśaktiṃ parāmṛśat ||
svarṇadaṇḍāmakuṇṭhāgrāṃ tailadhautāṃ sunirmalām |

लेलिहानामिव विमो नागकन्यां महाविषाम्

lelihānāmiva vimo nāgakanyāṃ mahāviṣām

समुद्यम्य च चिक्षेप सत्यसेनस्य संयुगे

samudyamya ca cikṣepa satyasenasya saṃyuge

सा तस्य हृदयं गत्या विभेद शतधा नृप ।
स पवात रथाद्भूमिं यतसत्वोऽल्पत्तेतनः

sā tasya hṛdayaṃ gatyā vibheda śatadhā nṛpa |
sa pavāta rathādbhūmiṃ yatasatvo'lpattetanaḥ

भ्रातरं निहतं दृष्ट्वा सुशर्मा क्रोधमूर्च्छितः ।
अभ्यवर्षच्छरैस्तूर्णं पादातं पाण्डुनन्दनम्

bhrātaraṃ nihataṃ dṛṣṭvā suśarmā krodhamūrcchitaḥ |
abhyavarṣaccharaistūrṇaṃ pādātaṃ pāṇḍunandanam

चतुर्भिश्चतुरो वाहान्ध्वजं छित्त्वा च पञ्चभिः ।
त्रिभिर्वै सारथिं हत्वा कर्णपुत्रो ननाद ह

caturbhiścaturo vāhāndhvajaṃ chittvā ca pañcabhiḥ |
tribhirvai sārathiṃ hatvā karṇaputro nanāda ha

नकुलं विरथं दृष्ट्वा द्रौपदेयो महारथम् ।
सुतसोमोऽभिदुद्राव परीप्सन्पितरं रणे

nakulaṃ virathaṃ dṛṣṭvā draupadeyo mahāratham |
sutasomo'bhidudrāva parīpsanpitaraṃ raṇe

ततोऽधिरुह्य नकुलः सुतसोमस्य तं रथम् ।
शुशुभे भरतश्रेष्ठो गिरिस्य इव केसरी

tato'dhiruhya nakulaḥ sutasomasya taṃ ratham |
śuśubhe bharataśreṣṭho girisya iva kesarī

अन्यत्कार्मुकमादाय सुशर्माणमयोधयत्

anyatkārmukamādāya suśarmāṇamayodhayat

तत्र तौ शरवर्षाभ्यां समासाद्य परस्परम् ।
परस्परवधे यत्नं चक्रतुः सुमहारथौ

tatra tau śaravarṣābhyāṃ samāsādya parasparam |
parasparavadhe yatnaṃ cakratuḥ sumahārathau

सुशर्मा तु तः क्रुद्धः पाण्डवं विशिखैस्त्रिभिः ।
सुतसोमं तु विंशत्या वाह्वोरुरसि चार्पयत्

suśarmā tu taḥ kruddhaḥ pāṇḍavaṃ viśikhaistribhiḥ |
sutasomaṃ tu viṃśatyā vāhvorurasi cārpayat

ततः क्रुद्धो महाराज नकुलः परवीरहा ।
शरैस्तस्य दिशः सर्वाश्छादयामास वीर्यवान्

tataḥ kruddho mahārāja nakulaḥ paravīrahā |
śaraistasya diśaḥ sarvāśchādayāmāsa vīryavān

ततो गृहीत्वा तीक्ष्णाग्रमर्धचन्द्रं सुतेजनम् ।
आकर्णपूर्णं चिक्षेप कर्णपुत्राय संयुगे

tato gṛhītvā tīkṣṇāgramardhacandraṃ sutejanam |
ākarṇapūrṇaṃ cikṣepa karṇaputrāya saṃyuge

तस्य तेन शिरः कायाज्जहार नृपसत्तम ।
पश्यतां सर्वसैन्यानां तदद्भुतमिवाभवत्

tasya tena śiraḥ kāyājjahāra nṛpasattama |
paśyatāṃ sarvasainyānāṃ tadadbhutamivābhavat

स हतः प्रापतद्राजन्नकुलेन महात्मना ।
नदीपेxxxxxxxणस्तीरजः पादपो महान्

sa hataḥ prāpatadrājannakulena mahātmanā |
nadīpexxxxxxxṇastīrajaḥ pādapo mahān

कर्णपुत्रवचं दृष्ट्वा नकुलस्य च विक्रमम् ।
प्रदुद्राव भवात्सेना तावकी भरतर्वभ

karṇaputravacaṃ dṛṣṭvā nakulasya ca vikramam |
pradudrāva bhavātsenā tāvakī bharatarvabha

तां तु सेनां महाराज्ञ मद्रराजः प्रतापवान् ।
xxxxxx शूरः सेनापतिररिन्दमः

tāṃ tu senāṃ mahārājña madrarājaḥ pratāpavān |
xxxxxx śūraḥ senāpatirarindamaḥ

xxxxxx व्यवस्याप्य च वाहिनीम् ।
xxxxxxx भूशं कृत्वा धनुःशब्दं च दारुणम्

xxxxxx vyavasyāpya ca vāhinīm |
xxxxxxx bhūśaṃ kṛtvā dhanuḥśabdaṃ ca dāruṇam

xxxxxx सगरे राजन्रांक्षेता दृढधन्वना ।
प्रत्युद्ययुश्च तांस्ते तु समन्ताद्विगतव्यथाः

xxxxxx sagare rājanrāṃkṣetā dṛḍhadhanvanā |
pratyudyayuśca tāṃste tu samantādvigatavyathāḥ

मद्रराजं महेष्वासं परिवार्य समन्ततः ।
स्थिता राजन्महासेना योद्वुकामा समन्ततः

madrarājaṃ maheṣvāsaṃ parivārya samantataḥ |
sthitā rājanmahāsenā yodvukāmā samantataḥ

सात्यकिर्भीमसेनश्च माद्रीपुत्रौ च पाण्डवौ ।
युधिष्ठिरं पुरस्कृत्य हीनिषेवमरिन्दमम्

sātyakirbhīmasenaśca mādrīputrau ca pāṇḍavau |
yudhiṣṭhiraṃ puraskṛtya hīniṣevamarindamam

परिवार्य रणे वीराः सिंहनादं प्रचक्रिरे ।
बाणशङ्खरवांस्तीव्रान्क्ष्वेलाश्च विविधा दधुः

parivārya raṇe vīrāḥ siṃhanādaṃ pracakrire |
bāṇaśaṅkharavāṃstīvrānkṣvelāśca vividhā dadhuḥ

तथैव तावकाः सर्वे मद्राधिपतिमञ्जसा ।
परिवार्य सुसंरब्धाः पुनर्युद्धमरोचयन्

tathaiva tāvakāḥ sarve madrādhipatimañjasā |
parivārya susaṃrabdhāḥ punaryuddhamarocayan

ततः प्रववृते युद्धं भीरूणां भयवर्धनम् ।
तावकानां परेषां च मृत्युं कृत्वा निबर्तनम्

tataḥ pravavṛte yuddhaṃ bhīrūṇāṃ bhayavardhanam |
tāvakānāṃ pareṣāṃ ca mṛtyuṃ kṛtvā nibartanam

यथा देवासुरं युद्धं पूर्वमासीद्विशाम्पते ।
अभीतानां तथाऽऽसीत्तद्यमराष्ट्रविवर्धनम्

yathā devāsuraṃ yuddhaṃ pūrvamāsīdviśāmpate |
abhītānāṃ tathā''sīttadyamarāṣṭravivardhanam

ततः कपिध्वजो राजन्हत्वा संशप्तकान्रणे ।
अभ्यद्रवत तां सेनां कौरवीं पाण्डुनन्दनः

tataḥ kapidhvajo rājanhatvā saṃśaptakānraṇe |
abhyadravata tāṃ senāṃ kauravīṃ pāṇḍunandanaḥ

तथैव पाण्डवाः सर्वे धृष्टद्युम्नपुरोगमाः ।
अभ्यधावन्ततां सेनां विसृजन्तः शिताञ्शरान्

tathaiva pāṇḍavāḥ sarve dhṛṣṭadyumnapurogamāḥ |
abhyadhāvantatāṃ senāṃ visṛjantaḥ śitāñśarān

पाण्डवैरवकीर्णानां सम्मोहः समजायत ।
न च जज्ञुस्त्वनीकानि दिशो वा विदिशस्तथा

pāṇḍavairavakīrṇānāṃ sammohaḥ samajāyata |
na ca jajñustvanīkāni diśo vā vidiśastathā

आपूर्यमाणा निशितैः शरैः पाण्डवचोदितैः ।
हतप्रवीरा विध्वस्ता वार्यमाणा समन्ततः ।
कौरव्यवध्यत चमूः पाण्डुपुत्रैर्महारथैः

āpūryamāṇā niśitaiḥ śaraiḥ pāṇḍavacoditaiḥ |
hatapravīrā vidhvastā vāryamāṇā samantataḥ |
kauravyavadhyata camūḥ pāṇḍuputrairmahārathaiḥ

तथैव पाण्डवं सैन्यं शरै राजन्समन्ततः ।
रणेऽहन्यत पुत्रैस्ते शतशोऽथ सहस्रशः

tathaiva pāṇḍavaṃ sainyaṃ śarai rājansamantataḥ |
raṇe'hanyata putraiste śataśo'tha sahasraśaḥ

ते सेने भृशसन्तप्ते वध्यमाने परस्परम् ।
व्याकुले समपद्येतां वर्षासु सरिताविव

te sene bhṛśasantapte vadhyamāne parasparam |
vyākule samapadyetāṃ varṣāsu saritāviva

आविवेश ततस्तीव्रं तावकानां महद्भयम् ।
पाण्डवानां च राजेन्द्र तथाभूते महाहवे

āviveśa tatastīvraṃ tāvakānāṃ mahadbhayam |
pāṇḍavānāṃ ca rājendra tathābhūte mahāhave