इति श्रीमन्महाभारते अनुशासनपर्वणि दानधर्मपर्वणि सप्तदशोऽध्यायः ॥
5 verses · 17 of 274
Five verses in which Vyasa continues. One who takes up faith, renunciation, contentment, truth and dharma, gives up desire and hatred and is even-minded toward all, is purified by faith and fit for every sacrifice. Those who sacrifice with lawful wealth, every act by the shastra, worship the one dharma. Restrained brahmanas who constantly repeat the name of one or two syllables walk the sure path of the good. Even sinners gripped by anger and passion become pure when, as devotees of Shri Krishna, they chant his name. Vyasa adds that the Veda was once one, four-footed with Brahman as its head, and in the Treta age it came to be spoken quarter by quarter.
द्वैपायन उवाच
श्रद्दात्यागं निर्वृतिं चापि पूजां
सत्यं धर्मं यः कृतं चाभ्युपैति ।
कामद्वेषौ त्यज्य सर्वेषु तुल्यः
श्रद्धापूतः सर्वयज्ञेषु योग्यः
śraddātyāgaṃ nirvṛtiṃ cāpi pūjāṃ
satyaṃ dharmaṃ yaḥ kṛtaṃ cābhyupaiti |
kāmadveṣau tyajya sarveṣu tulyaḥ
śraddhāpūtaḥ sarvayajñeṣu yogyaḥ
यस्मिन्यज्ञे सर्वभूताः प्रहृष्टाः
सर्वे चारम्भाः शास्त्रदृष्टाः प्रवृत्ताः ।
धर्म्यैरर्थ्यैर्ये यजन्ते ध्रुवं ते
पूतात्मानो धर्ममेकं भजन्ते
yasminyajñe sarvabhūtāḥ prahṛṣṭāḥ
sarve cārambhāḥ śāstradṛṣṭāḥ pravṛttāḥ |
dharmyairarthyairye yajante dhruvaṃ te
pūtātmāno dharmamekaṃ bhajante
एकाक्षरं द्व्यक्षरमेकमेव
सदा यजन्ते नियताः प्रतीताः ।
दृष्ट्वा मनागर्चयित्वा स्म विप्राः
सतां मार्गं तं ध्रुवं सम्भजन्ते
ekākṣaraṃ dvyakṣaramekameva
sadā yajante niyatāḥ pratītāḥ |
dṛṣṭvā manāgarcayitvā sma viprāḥ
satāṃ mārgaṃ taṃ dhruvaṃ sambhajante
पापात्मानः क्रोधरगाभिभूताः
कृष्णे भक्ता नाम सङ्कीर्तयन्तः ।
पूतात्मानो यज्ञशीलाः सुमेधा
यज्ञस्यान्ते कीर्तिलोकान्भजन्ते
pāpātmānaḥ krodharagābhibhūtāḥ
kṛṣṇe bhaktā nāma saṅkīrtayantaḥ |
pūtātmāno yajñaśīlāḥ sumedhā
yajñasyānte kīrtilokānbhajante
एको वेदो ब्राह्मणानां बभूव
चतुष्पादस्त्रिगुणो ब्रह्मशीर्षः ।
पादंपादं ब्राह्मणा वेदमाहु-
स्त्रेताकाले तं च तं विद्धि शीर्षम्
eko vedo brāhmaṇānāṃ babhūva
catuṣpādastriguṇo brahmaśīrṣaḥ |
pādaṃpādaṃ brāhmaṇā vedamāhu-
stretākāle taṃ ca taṃ viddhi śīrṣam
Text source: Wikisource · CC BY-SA 4.0 (Wikisource transcription of a public-domain text)
