Chapter 64: Samudrika: marks of women

यस्यास्तु कुञ्चिताः केशा मुखं च परिमण्डलम् ।
नाभिश्च दक्षिणावर्त्ता सा कन्या कुलवर्धिनी

yasyāstu kuñcitāḥ keśā mukhaṃ ca parimaṇḍalam |
nābhiśca dakṣiṇāvarttā sā kanyā kulavardhinī

या च काञ्चनवर्णाभा रक्तहस्तसरोरुहा ।
सहस्त्राणां तु नारीणां भवेत्सापि पतिव्रता

yā ca kāñcanavarṇābhā raktahastasaroruhā |
sahastrāṇāṃ tu nārīṇāṃ bhavetsāpi pativratā

वक्रकेशा च या कन्या मण्डलाक्षी च या भवेत् ।
भर्त्ता च म्रियते तस्या नियतं दुः खभागिनी

vakrakeśā ca yā kanyā maṇḍalākṣī ca yā bhavet |
bharttā ca mriyate tasyā niyataṃ duḥ khabhāginī

पूर्णचन्द्रमुखी कन्या बालसूर्य्यसमप्रभा ।
विशालनेत्रा बिम्बोष्ठी सा कन्या लभते सुखम्

pūrṇacandramukhī kanyā bālasūryyasamaprabhā |
viśālanetrā bimboṣṭhī sā kanyā labhate sukham

रेखाभिर्बहुभिः क्लेशं स्वल्पाभिर्धनहीनता ।
रक्ताभिः सुखमाप्नोति कृष्णाभिः प्रेष्यतांव्रजेत्

rekhābhirbahubhiḥ kleśaṃ svalpābhirdhanahīnatā |
raktābhiḥ sukhamāpnoti kṛṣṇābhiḥ preṣyatāṃvrajet

कार्य्ये च मन्त्री सत्स्त्री स्यात्सती
स्यात्करणेषु च ।
स्नेहेषु भार्य्या माता स्याद्वेश्या च शयने शुभा

kāryye ca mantrī satstrī syātsatī
syātkaraṇeṣu ca |
sneheṣu bhāryyā mātā syādveśyā ca śayane śubhā

अङ्कुशं कुण्डलं चक्रं यस्याः पाणितले भवेत् ।
पुत्रं प्रसूयते नारी नरेन्द्रं लभते पतिम्

aṅkuśaṃ kuṇḍalaṃ cakraṃ yasyāḥ pāṇitale bhavet |
putraṃ prasūyate nārī narendraṃ labhate patim

यस्यास्तु रोमशौ पार्श्वौ रोमशौ च पयोधरौ ।
अन्नतौ चाधरोष्ठौ च क्षिप्रं मारयते पतिम्

yasyāstu romaśau pārśvau romaśau ca payodharau |
annatau cādharoṣṭhau ca kṣipraṃ mārayate patim

यस्याः पाणितले रेखा प्राकारस्तोरणं भवेत् ।
अपि दासकुले जाता राज्ञीत्वमुपगच्छति

yasyāḥ pāṇitale rekhā prākārastoraṇaṃ bhavet |
api dāsakule jātā rājñītvamupagacchati

उद्वृत्ता कपिला यस्य रोमराजी निरन्तरम् ।
अपि राजकुले जाता दासीत्वमुपगच्छति

udvṛttā kapilā yasya romarājī nirantaram |
api rājakule jātā dāsītvamupagacchati

यस्या अनामिकाङ्गुष्ठौ पृथिव्यां नैव तिष्ठतः ।
पतिं मारयते क्षिप्रं स्वेच्छाचारेण वर्त्तते

yasyā anāmikāṅguṣṭhau pṛthivyāṃ naiva tiṣṭhataḥ |
patiṃ mārayate kṣipraṃ svecchācāreṇa varttate

यस्या गमनमात्रेण भूमिकम्पः प्रजायते ।
पतिं मारयते क्षिप्रं स्वेच्छाचारेण वर्त्तते

yasyā gamanamātreṇa bhūmikampaḥ prajāyate |
patiṃ mārayate kṣipraṃ svecchācāreṇa varttate

चक्षुः स्नेहेन सौभाग्यं दन्तस्नेहेन भोजनम् ।
त्वचः स्नेहेन शाय्यां च पादस्नेहेन वाहनम्

cakṣuḥ snehena saubhāgyaṃ dantasnehena bhojanam |
tvacaḥ snehena śāyyāṃ ca pādasnehena vāhanam

स्निग्धोन्नतौ ताम्रनखौ नार्याश्च चरणौ शुभौ ।
मत्स्याङ्कुशाब्जचिह्नौ च चक्रलाङ्गललक्षितौ

snigdhonnatau tāmranakhau nāryāśca caraṇau śubhau |
matsyāṅkuśābjacihnau ca cakralāṅgalalakṣitau

अस्वेदिनौ मूदुतलौ प्रशस्तौ चरणौ स्त्रियाः ।
शुभे जङ्घे विरोमे च ऊरू हस्तिकरोपमौ

asvedinau mūdutalau praśastau caraṇau striyāḥ |
śubhe jaṅghe virome ca ūrū hastikaropamau

अश्वत्थपत्रसदृशं विपुलं गुह्यमुत्तमम् ।
नाभिः प्रशस्ता गम्भीरा दक्षिणावर्त्तिका शुभा ।
अरोमा त्रिवली नार्य्या हृत्स्तनौ रोमवर्जितौ

aśvatthapatrasadṛśaṃ vipulaṃ guhyamuttamam |
nābhiḥ praśastā gambhīrā dakṣiṇāvarttikā śubhā |
aromā trivalī nāryyā hṛtstanau romavarjitau