Chapter 61: Good and bad positions of Moon and planets

सप्तमोपचयाद्यस्थश्चन्द्रः सर्वत्र शोभनः ।
शुक्लपक्षे द्वितीयस्तु पंचमो नवमस्तथा

saptamopacayādyasthaścandraḥ sarvatra śobhanaḥ |
śuklapakṣe dvitīyastu paṃcamo navamastathā

संपूज्यमानो लोकैस्तु गुरुवदॄश्यते शशी ।
चन्द्रस्य द्वादशावस्था भवन्ति श्रृणु ता अपि

saṃpūjyamāno lokaistu guruvadṝśyate śaśī |
candrasya dvādaśāvasthā bhavanti śrṛṇu tā api

त्रिषु त्रिषु च ऋक्षेषु अश्विन्यादि वदाम्यहम् ।
प्रवासस्थं पुनर्दृष्टं मृतावस्थं जयावहम्

triṣu triṣu ca ṛkṣeṣu aśvinyādi vadāmyaham |
pravāsasthaṃ punardṛṣṭaṃ mṛtāvasthaṃ jayāvaham

हास्यावस्थं नता
वस्थं प्रमोदावस्थमेव च ।
विषादावस्थभोगस्थे ज्वरावस्थं व्यवस्थितम्

hāsyāvasthaṃ natā
vasthaṃ pramodāvasthameva ca |
viṣādāvasthabhogasthe jvarāvasthaṃ vyavasthitam

कम्पा
वस्थं सुखावस्थं द्वादशावस्थगं भवेत् ।
प्रवासो हानिर्मृत्यु च जयो हासेरतिः सुखम्

kampā
vasthaṃ sukhāvasthaṃ dvādaśāvasthagaṃ bhavet |
pravāso hānirmṛtyu ca jayo hāseratiḥ sukham

शोको भोगो ज्वरः कम्पः सुखं चेति क्रमात्फलम् ।
जन्मस्थः कुरुते तुष्टिं द्वितीये नास्ति निर्वृतिः

śoko bhogo jvaraḥ kampaḥ sukhaṃ ceti kramātphalam |
janmasthaḥ kurute tuṣṭiṃ dvitīye nāsti nirvṛtiḥ

तृतीये राजसन्मानं चतुर्थे कलहागमः ।
पञ्चमेन मृगाङ्केन स्त्रीलाभो वै तथा भवेत्

tṛtīye rājasanmānaṃ caturthe kalahāgamaḥ |
pañcamena mṛgāṅkena strīlābho vai tathā bhavet

धनधान्यागमः षष्ठे रतिः पूजा च सप्तमे ।
अष्टमे प्राणसन्देहो नवमे कोशसञ्चयः

dhanadhānyāgamaḥ ṣaṣṭhe ratiḥ pūjā ca saptame |
aṣṭame prāṇasandeho navame kośasañcayaḥ

दशमे कार्य्यनिष्पत्तिध्रुवमेकादशे जयः ।
द्वादशेन शशाङ्केन मृत्युरेव न संशयः

daśame kāryyaniṣpattidhruvamekādaśe jayaḥ |
dvādaśena śaśāṅkena mṛtyureva na saṃśayaḥ

कृत्तिकादौ च पूर्वेण सप्तर्क्षाणि च वै व्रजेत् ।
मघादौ दक्षिणे गच्छेदनुराधादि पश्चिमे

kṛttikādau ca pūrveṇa saptarkṣāṇi ca vai vrajet |
maghādau dakṣiṇe gacchedanurādhādi paścime

प्रशस्ता चोत्तर यात्रा धनिष्ठादिषु सप्तसु ।
अश्विनी रेवती चित्रा धनिष्ठा समलङ्कृतौ

praśastā cottara yātrā dhaniṣṭhādiṣu saptasu |
aśvinī revatī citrā dhaniṣṭhā samalaṅkṛtau

मृगाश्विचित्रापुष्याश्च मूला हस्ता शुभाः सदा ।
कन्याप्रदाने यात्रायां प्रतिष्ठादिषु कर्मसु

mṛgāśvicitrāpuṣyāśca mūlā hastā śubhāḥ sadā |
kanyāpradāne yātrāyāṃ pratiṣṭhādiṣu karmasu

शुक्रचन्द्रौ हि जन्मस्थौ शुभदौ च द्वितीयके ।
शशिज्ञशुक्रजीवाश्च राशौ चाथ तृतीयके

śukracandrau hi janmasthau śubhadau ca dvitīyake |
śaśijñaśukrajīvāśca rāśau cātha tṛtīyake

भौममन्दशशाङ्कार्का बुधः श्रेष्ठस्चतुर्थके ।
शुक्रजीवौ पञ्चमे च चन्द्रकेतुसमाहितौ

bhaumamandaśaśāṅkārkā budhaḥ śreṣṭhascaturthake |
śukrajīvau pañcame ca candraketusamāhitau

मन्दार्कौ च कुजः षष्ठे गुरुचन्द्रौ च सप्तमे ।
ज्ञशुक्रावष्टमे श्रेष्ठौ नवमस्थो गुरुः शुभः

mandārkau ca kujaḥ ṣaṣṭhe gurucandrau ca saptame |
jñaśukrāvaṣṭame śreṣṭhau navamastho guruḥ śubhaḥ

अर्कार्किचन्द्रा दशमे ग्रहा एकादशेखिलाः ।
बुधोऽथ द्वादशे चैव भार्गवः सुखदो भवेत्

arkārkicandrā daśame grahā ekādaśekhilāḥ |
budho'tha dvādaśe caiva bhārgavaḥ sukhado bhavet

सिंहेन मकरः श्रेष्ठः कन्यया मेष उत्तमः ।
तुलया सह मीनस्तु कुम्भेन सहकर्कटः

siṃhena makaraḥ śreṣṭhaḥ kanyayā meṣa uttamaḥ |
tulayā saha mīnastu kumbhena sahakarkaṭaḥ

धनुषा वृषभः श्रेष्ठो मिथुनेन च वृश्चिकः ।
एतत्षडष्टकं प्रीत्यै भवत्येव न संशयः

dhanuṣā vṛṣabhaḥ śreṣṭho mithunena ca vṛścikaḥ |
etatṣaḍaṣṭakaṃ prītyai bhavatyeva na saṃśayaḥ