सुदर्शनस्य पूजां मे वद शङ्खगदाधर ।
ग्रहरोगादिकं सर्वं यत्कृत्वा नाशमेति वै
sudarśanasya pūjāṃ me vada śaṅkhagadādhara |
graharogādikaṃ sarvaṃ yatkṛtvā nāśameti vai
Purva Khanda: Achara Kanda
Chapter 33: Worship and hymn of the Sudarshana discus
इति श्रीगारुडे महापुराणे पूर्वखण्डे प्रथमांशाख्ये आचारकाण्डे सुदर्शनपूजाविधिर्नाम त्रयस्त्रिंशोऽध्यायः ॥
16 verses · 33 of 241
What happens in this chapter
Worship and hymn of the Sudarshana discus
Rudra asks for the worship of Sudarshana, by which troubling planets and diseases are destroyed. Hari gives it. After bath and worship of Hari, nyasa is done with the root mantra Om sahasrāra hum phat namah, which destroys every evil being and breaks hostile mantras. Sudarshana is meditated on in the pure lotus of the heart, worshipped with sandal, flowers and the other offerings, and the mantra is repeated a hundred and eight times. One who does this is freed of all disease and reaches Vishnuloka. A hymn follows, praising the discus as the protector of the worlds, slayer of wicked asuras, guardian of devotees, Vishnu's own form and weapon. Whoever reads it with devotion burns his sins to ash and becomes fit for Vishnuloka.
रुद्र उवाच
हरिरुवाच
सुदर्शनस्य चक्रस्य श्रृणु पूजां वृषध्वज ।
स्नानमादौ प्रकुर्वीत पूजयेच्च हरिं तत
sudarśanasya cakrasya śrṛṇu pūjāṃ vṛṣadhvaja |
snānamādau prakurvīta pūjayecca hariṃ tata
मूलमन्त्रेण वै न्यासं मूलमन्त्रं श्रृणुष्व च ।
सहस्रारं हुं फट् नमो मन्त्रः प्रणवपूर्वकः
mūlamantreṇa vai nyāsaṃ mūlamantraṃ śrṛṇuṣva ca |
sahasrāraṃ huṃ phaṭ namo mantraḥ praṇavapūrvakaḥ
कथितः सर्वदुष्टानां नाशको मन्त्रभेदकः ।
ध्यायेत्सुदर्शनं देवं हृदि पद्मेऽमले शुभे
kathitaḥ sarvaduṣṭānāṃ nāśako mantrabhedakaḥ |
dhyāyetsudarśanaṃ devaṃ hṛdi padme'male śubhe
शङ्कचक्रगदापद्मधरं सौम्यं किरीटिनम् ।
आवाह्य मण्डले देवं पूर्वोक्तविधिना हर
śaṅkacakragadāpadmadharaṃ saumyaṃ kirīṭinam |
āvāhya maṇḍale devaṃ pūrvoktavidhinā hara
पूजयेद्गन्धपुष्पाद्यैरुपचारैर्महेश्वर ।
पूजयित्वा जपेन्मन्त्रं शतमष्टोत्तरं नरः
pūjayedgandhapuṣpādyairupacārairmaheśvara |
pūjayitvā japenmantraṃ śatamaṣṭottaraṃ naraḥ
एवं यः कुरुते रुद्र चक्रस्यार्चनमुत्तमम् ।
सर्वरोगविनिर्मुक्तो विष्णुलोकं समाप्नुयात्
evaṃ yaḥ kurute rudra cakrasyārcanamuttamam |
sarvarogavinirmukto viṣṇulokaṃ samāpnuyāt
एतत्स्तोत्रं जपेत्पश्चात्सर्वव्याधिविनाशनम् ।
नमः सुदर्शनायैव सहस्रादित्यवर्चसे
etatstotraṃ japetpaścātsarvavyādhivināśanam |
namaḥ sudarśanāyaiva sahasrādityavarcase
ज्वालामालाप्रदीप्ताय सहस्राराय चक्षुषे ।
सर्वदुष्टविनाशाय सर्वपातकमर्दिने
jvālāmālāpradīptāya sahasrārāya cakṣuṣe |
sarvaduṣṭavināśāya sarvapātakamardine
सुचक्राय विचक्राय सर्वमन्त्रविभेदिने ।
प्रसवित्रे जगद्धात्रे जगद्विध्वंसिने नमः
sucakrāya vicakrāya sarvamantravibhedine |
prasavitre jagaddhātre jagadvidhvaṃsine namaḥ
पालनार्थाय लोकानां दुष्टासुरविनाशिने ।
उग्राय चैव सौम्याय चण्डाय च नमोनमः
pālanārthāya lokānāṃ duṣṭāsuravināśine |
ugrāya caiva saumyāya caṇḍāya ca namonamaḥ
नमश्चक्षुः स्वरूपाय संसारभयभेदिने ।
मायापञ्जरभेत्रे च शिवाय च नमोनमः
namaścakṣuḥ svarūpāya saṃsārabhayabhedine |
māyāpañjarabhetre ca śivāya ca namonamaḥ
ग्रहातिग्रहरूपाय ग्रहाणां पतये नमः ।
कालाय मृत्यवे चैव भीमाय च नमोनमः
grahātigraharūpāya grahāṇāṃ pataye namaḥ |
kālāya mṛtyave caiva bhīmāya ca namonamaḥ
भक्तानुग्रहदात्रे च भक्तगोप्त्रे नमोनमः ।
विष्णुरूपाय शान्ताय चायुधानां धराय च
bhaktānugrahadātre ca bhaktagoptre namonamaḥ |
viṣṇurūpāya śāntāya cāyudhānāṃ dharāya ca
विष्णुशस्त्राय चक्राय नमो भूयो नमोनमः ।
इति स्तोत्रं महापुण्यं चक्रस्य तव कीर्त्तितम्
viṣṇuśastrāya cakrāya namo bhūyo namonamaḥ |
iti stotraṃ mahāpuṇyaṃ cakrasya tava kīrttitam
यः पठेत्परया भक्त्या विष्णुलोकं स गच्छति ।
चक्रपूजाविधिं यश्च पठेद्रुद्र जितेन्द्रियः ।
स पापं भस्मसात्कृत्वा विष्णुलोकाय कल्पते
yaḥ paṭhetparayā bhaktyā viṣṇulokaṃ sa gacchati |
cakrapūjāvidhiṃ yaśca paṭhedrudra jitendriyaḥ |
sa pāpaṃ bhasmasātkṛtvā viṣṇulokāya kalpate
Text source: Wikisource · CC BY-SA 4.0 (Wikisource transcription of a public-domain text)