Chapter 133: Ashoka Ashtami and the Mahanavami worship of Durga

अशोककलिका ह्यष्टौ ये पिबन्ति पुनर्वसौ ।
चैत्रे मासि सिताष्टम्यां न ते शोकमवाप्नुयुः

aśokakalikā hyaṣṭau ye pibanti punarvasau |
caitre māsi sitāṣṭamyāṃ na te śokamavāpnuyuḥ

त्वामशोक हराभीष्ट मधुमाससमुद्भव ।
पिबामि शोकसन्तप्तो मामशोकं सदा कुरु

tvāmaśoka harābhīṣṭa madhumāsasamudbhava |
pibāmi śokasantapto māmaśokaṃ sadā kuru

(ब्रह्मोवाच)
शुक्लाष्टम्यामाश्वयुजे उत्तराषाढया युता ।
सा महानवमीत्युक्ता स्नानदानादि चाक्षयम्

(brahmovāca)
śuklāṣṭamyāmāśvayuje uttarāṣāḍhayā yutā |
sā mahānavamītyuktā snānadānādi cākṣayam

नवमी केवला चापि दुर्गां चैव तु पूजयेत् ।
महाव्रतं महापुण्यं शङ्कराद्यैरनुष्ठितम्

navamī kevalā cāpi durgāṃ caiva tu pūjayet |
mahāvrataṃ mahāpuṇyaṃ śaṅkarādyairanuṣṭhitam

अयाचितादि षष्ठ्यादौ राजा शत्रुजयाया च ।
जपहोमसमायुक्तः कन्यां वा भोजयेत्सदा

ayācitādi ṣaṣṭhyādau rājā śatrujayāyā ca |
japahomasamāyuktaḥ kanyāṃ vā bhojayetsadā

दुर्गेदुर्गे रक्षिणि स्वाहा मन्त्रोऽयं पूजनादिषु ।
दीर्घाकारादिमात्राभिर्नव देव्यो नमोऽन्तिकाः

durgedurge rakṣiṇi svāhā mantro'yaṃ pūjanādiṣu |
dīrghākārādimātrābhirnava devyo namo'ntikāḥ

षड्भिः पदैर्नमः स्वाहा वषडादिहृदादिकम् ।
अङ्गुष्ठादिकनिष्ठान्तं न्यस्य वै पृजयेच्छिवाम्

ṣaḍbhiḥ padairnamaḥ svāhā vaṣaḍādihṛdādikam |
aṅguṣṭhādikaniṣṭhāntaṃ nyasya vai pṛjayecchivām

अष्टम्यां नव गेहानि दारुजान्येकमेव वा ।
तस्मिन्देवी प्रकर्तव्या हैमी वाराजतापि वा

aṣṭamyāṃ nava gehāni dārujānyekameva vā |
tasmindevī prakartavyā haimī vārājatāpi vā

शूले खङ्गे पुस्तके वा पटे वा मण्डले
यजेत् ।
कपालं खेटकं घण्टां दर्पणं तर्जनीं धनः

śūle khaṅge pustake vā paṭe vā maṇḍale
yajet |
kapālaṃ kheṭakaṃ ghaṇṭāṃ darpaṇaṃ tarjanīṃ dhanaḥ

ध्वजं डमरुकं पाशं वामहस्तेषु बिभ्रती ।
शक्तिं च मुद्गरं शूलं वज्रं खङ्गं तथाङ्कुशम्

dhvajaṃ ḍamarukaṃ pāśaṃ vāmahasteṣu bibhratī |
śaktiṃ ca mudgaraṃ śūlaṃ vajraṃ khaṅgaṃ tathāṅkuśam

शरं चक्रं शलाकां च दुर्गामायुधसंयुताम् ।
शेषाः षोडशहस्तां स्युरञ्जनं डमरुं विना

śaraṃ cakraṃ śalākāṃ ca durgāmāyudhasaṃyutām |
śeṣāḥ ṣoḍaśahastāṃ syurañjanaṃ ḍamaruṃ vinā

रुद्रचण्डा प्रचण्डा च चण्डोग्रा चण्डनायिका ।
चण्डा चण्डवती चैव चण्डरूपातिचण्डिका

rudracaṇḍā pracaṇḍā ca caṇḍogrā caṇḍanāyikā |
caṇḍā caṇḍavatī caiva caṇḍarūpāticaṇḍikā

नवमी चोग्रचण्डा च मध्यमाग्निप्रभाकृतिः ।
रोचना त्वरुणा कृष्णा नीलं धूम्रा च शुक्रका

navamī cogracaṇḍā ca madhyamāgniprabhākṛtiḥ |
rocanā tvaruṇā kṛṣṇā nīlaṃ dhūmrā ca śukrakā

पाता च पाण्डुरा प्रोक्ता आलीढं हरितं तथा ।
म
हिषोऽस्य स खड्गाग्रप्रकचग्रहमुष्टिकः

pātā ca pāṇḍurā proktā ālīḍhaṃ haritaṃ tathā |
ma
hiṣo'sya sa khaḍgāgraprakacagrahamuṣṭikaḥ

जप्त्वा दशाक्षरीं विद्यां नासौ केनापि बध्यते ।
पञ्च
दशाङ्गुलं खड्गं त्रिशूलं च ततो यजेत् ।
लिङ्गस्यां पूजयेद्वापि पादुकेऽथ जलेऽपि वा

japtvā daśākṣarīṃ vidyāṃ nāsau kenāpi badhyate |
pañca
daśāṅgulaṃ khaḍgaṃ triśūlaṃ ca tato yajet |
liṅgasyāṃ pūjayedvāpi pāduke'tha jale'pi vā

विचित्रां रक्षयेत्पूजामष्टम्यामुपवासयेत् ।
पञ्चाब्दं महिषं बस्तं रात्रिशेषे च घातयेत्

vicitrāṃ rakṣayetpūjāmaṣṭamyāmupavāsayet |
pañcābdaṃ mahiṣaṃ bastaṃ rātriśeṣe ca ghātayet

विधिवत्कालिकालीति तदुत्थरुधिरादिकम् ।
नेरृत्यां पूतनां चैव वायव्यां पापराक्षसीम्

vidhivatkālikālīti taduttharudhirādikam |
nerṛtyāṃ pūtanāṃ caiva vāyavyāṃ pāparākṣasīm

दद्याच्चरक्यै चैशान्यामाग्नेय्यां च विदारिकाम्

dadyāccarakyai caiśānyāmāgneyyāṃ ca vidārikām