Chapter 8: The Matrikas and the slaying of Raktabija

चण्डे च निहते दैत्ये मुण्डे च विनिपातिते ।
बहुलेषु च सैन्येषु क्षयितेष्वसुरेश्वरः

caṇḍe ca nihate daitye muṇḍe ca vinipātite |
bahuleṣu ca sainyeṣu kṣayiteṣvasureśvaraḥ

The Rishi said: When the daitya Chanda had been slain and Munda struck down, and many of his armies destroyed, the lord of the asuras...

ततः कोपपराधीनचेताः शुम्भः प्रतापवान् ।
उद्योगं सर्वसैन्यानां दैत्यानामादिदेश ह

tataḥ kopaparādhīnacetāḥ śumbhaḥ pratāpavān |
udyogaṃ sarvasainyānāṃ daityānāmādideśa ha

...the mighty Shumbha, his mind overpowered by anger, ordered all the armies of the daityas to make ready for war.

अद्य सर्वबलैर्दैत्याः षडशीतिरुदायुधाः ।
कम्बूनां चतुरशीतिर्निर्यान्तु स्वबलैर्वृताः

adya sarvabalairdaityāḥ ṣaḍaśītirudāyudhāḥ |
kambūnāṃ caturaśītirniryāntu svabalairvṛtāḥ

Today let the eighty-six daitya chiefs go forth with weapons raised and all their forces, and let the eighty-four Kambu clans march out, each surrounded by its own troops.

कोटिवीर्याणि पञ्चाशदसुराणां कुलानि वै ।
शतं कुलानि धौम्राणां निर्गच्छन्तु ममाज्ञया

koṭivīryāṇi pañcāśadasurāṇāṃ kulāni vai |
śataṃ kulāni dhaumrāṇāṃ nirgacchantu mamājñayā

Let the fifty clans of asuras called Kotivirya, and the hundred clans of the Dhaumras, go forth at my command.

कालका दौर्हृदा मौर्याः कालकेयास्तथासुराः ।
युद्धाय सज्जा निर्यान्तु आज्ञया त्वरिता मम

kālakā daurhṛdā mauryāḥ kālakeyāstathāsurāḥ |
yuddhāya sajjā niryāntu ājñayā tvaritā mama

Let the asuras called Kalakas, Daurhridas, Mauryas and Kalakeyas, armed for battle, march out quickly at my command.

इत्याज्ञाप्यासुरपतिः शुम्भो भैरवशासनः ।
निर्जगाम महासैन्यसहस्रैर्बहुभिर्वृतः

ityājñāpyāsurapatiḥ śumbho bhairavaśāsanaḥ |
nirjagāma mahāsainyasahasrairbahubhirvṛtaḥ

Having given these orders, Shumbha, lord of the asuras, whose rule was terrible, went out surrounded by many thousands of great armies.

आयान्तं चण्डिका दृष्ट्वा तत्सैन्यमतिभीषणम् ।
ज्यास्वनैः पूरयामास धरणीगगनान्तरम्

āyāntaṃ caṇḍikā dṛṣṭvā tatsainyamatibhīṣaṇam |
jyāsvanaiḥ pūrayāmāsa dharaṇīgaganāntaram

Seeing that most fearsome army approaching, Chandika filled the space between earth and sky with the twang of her bowstring.

स च सिंहो महानादमतीव कृतवान् नृप ।
घण्टास्वनेन तन्नादमम्बिका चाप्यबृंहयत्

sa ca siṃho mahānādamatīva kṛtavān nṛpa |
ghaṇṭāsvanena tannādamambikā cāpyabṛṃhayat

Her lion too gave an immense roar, O king, and Ambika swelled that roar further with the clang of her bell.

धनुर्ज्यासिंहघण्टानां नादापूरितदिङ्मुखा ।
निनादैर्भीषणैः काली जिग्ये विस्तारितानना

dhanurjyāsiṃhaghaṇṭānāṃ nādāpūritadiṅmukhā |
ninādairbhīṣaṇaiḥ kālī jigye vistāritānanā

Kali, her mouth stretched wide, filled the quarters with the sounds of bowstring, lion and bell, and drowned them all with her own terrible cries.

तं निनादमुपश्रुत्य दैत्यसैन्यैश्चतुर्दिशम् ।
देवी सिंहस्तथा काली सरोषैः परिवारिताः

taṃ ninādamupaśrutya daityasainyaiścaturdiśam |
devī siṃhastathā kālī saroṣaiḥ parivāritāḥ

Hearing that roar, the enraged daitya armies surrounded the Devi, the lion and Kali on all four sides.

एतस्मिन्नन्तरे भूप विनाशाय सुरद्विषाम् ।
भवायामरसिंहानामतिवीर्यबलान्विताः

etasminnantare bhūpa vināśāya suradviṣām |
bhavāyāmarasiṃhānāmativīryabalānvitāḥ

At that moment, O king, for the destruction of the devas' enemies and the welfare of the lion-like immortals, there came forth, full of great strength and valour...

ब्रह्मेशगुहविष्णूनां तथेन्द्रस्य च शक्तयः ।
शरीरेभ्यो विनिष्क्रम्य तद्रूपैश्चण्डिकां ययुः

brahmeśaguhaviṣṇūnāṃ tathendrasya ca śaktayaḥ |
śarīrebhyo viniṣkramya tadrūpaiścaṇḍikāṃ yayuḥ

...the Shaktis, the divine powers, of Brahma, Shiva, Guha (Kartikeya), Vishnu and Indra. They issued from their bodies and went to Chandika in the forms of those devas.

यस्य देवस्य यद्रूपं यथाभूषणवाहनम् ।
तद्वदेव हि तच्छक्तिरसुरान् योद्धुमाययौ

yasya devasya yadrūpaṃ yathābhūṣaṇavāhanam |
tadvadeva hi tacchaktirasurān yoddhumāyayau

Whatever form each deva had, with the same ornaments and mount, in exactly that form his Shakti came to fight the asuras.

हंसयुक्तविमानाग्रे साक्षसूत्रकमण्डलुः ।
आयाता ब्रह्मणः शक्तिर्ब्रह्माणी साभिधीयते

haṃsayuktavimānāgre sākṣasūtrakamaṇḍaluḥ |
āyātā brahmaṇaḥ śaktirbrahmāṇī sābhidhīyate

In front, in a celestial car drawn by swans, came Brahma's Shakti with rosary and water-pot. She is called Brahmani.

माहेश्वरी वृषारूढा त्रिशूलवरधारिणी ।
महाहिवलया प्राप्ता चन्द्रलेखाविभूषणा

māheśvarī vṛṣārūḍhā triśūlavaradhāriṇī |
mahāhivalayā prāptā candralekhāvibhūṣaṇā

Maheshvari came riding the bull, holding a fine trident, with great serpents for bracelets and the crescent moon as her ornament.

कौमारी शक्तिहस्ता च मयूरवरवाहना ।
योद्धुमभ्याययौ दैत्यानम्बिका गुहरूपिणी

kaumārī śaktihastā ca mayūravaravāhanā |
yoddhumabhyāyayau daityānambikā guharūpiṇī

Kaumari, in the form of Guha, came to fight the daityas with a spear in her hand, riding a splendid peacock.

तथैव वैष्णावी शक्तिर्गरुडोपरि संस्थिता ।
शङ्खचक्रगदाशार्ङ्गखड्गहस्ताभ्युपाययौ

tathaiva vaiṣṇāvī śaktirgaruḍopari saṃsthitā |
śaṅkhacakragadāśārṅgakhaḍgahastābhyupāyayau

So too Vaishnavi Shakti came, seated on Garuda, holding conch, discus, mace, the Sharnga bow and a sword.

जज्ञे वाराहमतुलं रूपं या बिभ्रती हरेः ।
शक्तिः साप्यायौ तत्र वाराहीं बिभ्रती तनुम्

jajñe vārāhamatulaṃ rūpaṃ yā bibhratī hareḥ |
śaktiḥ sāpyāyau tatra vārāhīṃ bibhratī tanum

The Shakti of Hari who bears his matchless boar form also came there, taking the body of Varahi.

नारसिंही नृसिंहस्य बिभ्रती सदृशं वपुः ।
प्राप्ता तत्र सटाक्षेपक्षिप्तनक्षत्रसंहतिः

nārasiṃhī nṛsiṃhasya bibhratī sadṛśaṃ vapuḥ |
prāptā tatra saṭākṣepakṣiptanakṣatrasaṃhatiḥ

Narasimhi came there in a body like that of Narasimha, scattering the clusters of stars with each toss of her mane.

वज्रहस्ता तथैवैन्द्री गजराजोपरि स्थिता ।
प्राप्ता सहस्रनयना यथा शक्रस्तथैव सा

vajrahastā tathaivaindrī gajarājopari sthitā |
prāptā sahasranayanā yathā śakrastathaiva sā

Aindri came likewise, thunderbolt in hand, seated on the king of elephants, thousand-eyed, just as Indra himself is.

ततः परिवृतस्ताभिरीशानो देवशक्तिभिः ।
हन्यन्तामसुराः शीघ्रं मम प्रीत्याऽह चण्डिकाम्

tataḥ parivṛtastābhirīśāno devaśaktibhiḥ |
hanyantāmasurāḥ śīghraṃ mama prītyā'ha caṇḍikām

Then Ishana, Shiva, surrounded by these Shaktis of the devas, said to Chandika: Let the asuras be slain at once, for my pleasure.

ततो देवोशरीरात्तु विनिष्क्रान्तातिभीषणा ।
चण्डिकाशक्तिरत्युग्रा शिवाशतनिनादिनी

tato devośarīrāttu viniṣkrāntātibhīṣaṇā |
caṇḍikāśaktiratyugrā śivāśataninādinī

Then from the Devi's body came forth the Shakti of Chandika herself, most terrible and fierce, howling like a hundred jackals.

सा चाह धूम्रजटिलमीशानमपराजिता ।
दूत त्वं गच्छ भगवन् पार्श्वं शुम्भनिशुम्भयोः

sā cāha dhūmrajaṭilamīśānamaparājitā |
dūta tvaṃ gaccha bhagavan pārśvaṃ śumbhaniśumbhayoḥ

That unconquered one said to Ishana of the smoke-grey matted hair: Lord, go as my messenger to Shumbha and Nishumbha.

ब्रूहि शुम्भं निशुम्भं च दानवावतिगर्वितौ ।
ये चान्ये दानवास्तत्र युद्धाय समुपस्थिताः

brūhi śumbhaṃ niśumbhaṃ ca dānavāvatigarvitau |
ye cānye dānavāstatra yuddhāya samupasthitāḥ

Speak to Shumbha and Nishumbha, those two arrogant danavas, and to the other danavas gathered there for battle.

त्रैलोक्यमिन्द्रो लभतां देवाः सन्तु हविर्भुजः ।
यूयं प्रयात पातालं यदि जीवितुमिच्छथ

trailokyamindro labhatāṃ devāḥ santu havirbhujaḥ |
yūyaṃ prayāta pātālaṃ yadi jīvitumicchatha

Let Indra have the three worlds back, and let the devas receive their share of the oblations. Go down to Patala if you wish to live.

बलावलेपादथ चेद्भवन्तो युद्धकाङ्क्षिणः ।
तदागच्छत तृप्यन्तु मच्छिवाः पिशितेन वः

balāvalepādatha cedbhavanto yuddhakāṅkṣiṇaḥ |
tadāgacchata tṛpyantu macchivāḥ piśitena vaḥ

But if, proud of your strength, you long for battle, then come, and let my jackals be sated with your flesh.

यतो नियुक्तो दौत्येन तया देव्या शिवः स्वयम् ।
शिवदूतीति लोकेऽस्मिंस्ततः सा ख्यातिमागता

yato niyukto dautyena tayā devyā śivaḥ svayam |
śivadūtīti loke'smiṃstataḥ sā khyātimāgatā

Because that Devi appointed Shiva himself as her messenger, she became famous in this world as Shivaduti.

तेऽपि श्रुत्वा वचो देव्याः शर्वाख्यातं महासुराः ।
अमर्षापूरिता जग्मुर्यत्र कात्यायनी स्थिता

te'pi śrutvā vaco devyāḥ śarvākhyātaṃ mahāsurāḥ |
amarṣāpūritā jagmuryatra kātyāyanī sthitā

Hearing the Devi's words as Sharva, Shiva, reported them, the great asuras, full of fury, went to where Katyayani stood.

ततः प्रथममेवाग्रे शरशक्त्यृष्टिवृष्टिभिः ।
ववर्षुरुद्धतामर्षास्तां देवीममरारयः

tataḥ prathamamevāgre śaraśaktyṛṣṭivṛṣṭibhiḥ |
vavarṣuruddhatāmarṣāstāṃ devīmamarārayaḥ

Then at the very outset the enemies of the devas, swelling with rage, rained arrows, spears and swords upon the Devi.

सा च तान् प्रहितान् बाणाञ्छूलशक्तिपरश्वधान् ।
चिच्छेद लीलयाऽध्मातधनुर्मुक्तैर्महेषुभिः

sā ca tān prahitān bāṇāñchūlaśaktiparaśvadhān |
ciccheda līlayā'dhmātadhanurmuktairmaheṣubhiḥ

With great arrows loosed from her drawn bow she cut down, as if at play, the arrows, tridents, spears and axes they hurled.

तस्याग्रतस्तथा काली शूलपातविदारितान् ।
खट्वाङ्गपोथितांश्चारीन् कुर्वती व्यचरत्तदा

tasyāgratastathā kālī śūlapātavidāritān |
khaṭvāṅgapothitāṃścārīn kurvatī vyacarattadā

Before her, Kali moved about the field, tearing the foes apart with blows of her trident and crushing them with her khatvanga.

कमण्डलुजलाक्षेपहतवीर्यान् हतौजसः ।
ब्रह्माणी चाकरोच्छत्रून् येन येन स्म धावति

kamaṇḍalujalākṣepahatavīryān hataujasaḥ |
brahmāṇī cākarocchatrūn yena yena sma dhāvati

Wherever Brahmani ran, she robbed the enemies of their valour and strength by sprinkling water from her water-pot.

माहेश्वरी त्रिशूलेन तथा चक्रेण वैष्णवी ।
दैत्याञ्जघान कौमारी तथा शक्त्यातिकोपना

māheśvarī triśūlena tathā cakreṇa vaiṣṇavī |
daityāñjaghāna kaumārī tathā śaktyātikopanā

Maheshvari slew the daityas with her trident, Vaishnavi with her discus, and Kaumari, burning with anger, with her spear.

ऐन्द्रीकुलिशपातेन शतशो दैत्यदानवाः ।
पेतुर्विदारिताः पृथ्व्यां रुधिरौघप्रवर्षिणः

aindrīkuliśapātena śataśo daityadānavāḥ |
peturvidāritāḥ pṛthvyāṃ rudhiraughapravarṣiṇaḥ

Torn apart by the blows of Aindri's thunderbolt, daityas and danavas fell to earth by the hundred, pouring streams of blood.

तुण्डप्रहारविध्वस्ता दंष्ट्राग्रक्षतवक्षसः ।
वाराहमूर्त्या न्यपतंश्चक्रेण च विदारिताः

tuṇḍaprahāravidhvastā daṃṣṭrāgrakṣatavakṣasaḥ |
vārāhamūrtyā nyapataṃścakreṇa ca vidāritāḥ

Shattered by the blows of her snout, their chests ripped by the tips of her tusks, and torn by her discus, they fell before Varahi.

नखैर्विदारितांश्चान्यान् भक्षयन्ती महासुरान् ।
नारसिंही चचाराजौ नादापूर्णदिगन्तरा

nakhairvidāritāṃścānyān bhakṣayantī mahāsurān |
nārasiṃhī cacārājau nādāpūrṇadigantarā

Narasimhi roamed the battlefield devouring other great asuras torn by her claws, filling the space between the quarters with her roars.

चण्डाट्टहासैरसुराः शिवदूत्यभिदूषिताः ।
पेतुः पृथिव्यां पतितांस्तांश्चखादाथ सा तदा

caṇḍāṭṭahāsairasurāḥ śivadūtyabhidūṣitāḥ |
petuḥ pṛthivyāṃ patitāṃstāṃścakhādātha sā tadā

Stricken by the fierce laughter of Shivaduti, the asuras fell to the ground, and she then devoured those who had fallen.

इति मातृगणं क्रुद्धं मर्दयन्तं महासुरान् ।
दृष्ट्वाभ्युपायैर्विविधैर्नेशुर्देवारिसैनिकाः

iti mātṛgaṇaṃ kruddhaṃ mardayantaṃ mahāsurān |
dṛṣṭvābhyupāyairvividhairneśurdevārisainikāḥ

Seeing the enraged host of Matrikas, the Mother-powers, crushing the great asuras by many means, the soldiers of the devas' foes fled.

पलायनपरान् दृष्ट्वा दैत्यान् मातृगणार्दितान् ।
योद्धुमभ्याययौ क्रुद्धो रक्तबीजो महासुरः

palāyanaparān dṛṣṭvā daityān mātṛgaṇārditān |
yoddhumabhyāyayau kruddho raktabījo mahāsuraḥ

Seeing the daityas harried by the Matrikas and bent on flight, the great asura Raktabija came forward in wrath to fight.

रक्तबिन्दुर्यदा भूमौ पतत्यस्य शरीरतः ।
समुत्पतति मेदिन्यां तत्प्रमाणो महासुरः

raktabinduryadā bhūmau patatyasya śarīrataḥ |
samutpatati medinyāṃ tatpramāṇo mahāsuraḥ

Whenever a drop of blood fell from his body to the ground, a great asura of his own size sprang up from the earth.

युयुधे स गदापाणिपरिन्द्रशक्त्या महासुरः ।
ततश्चैन्द्री स्ववज्रेण रक्तबीजमताडयत्

yuyudhe sa gadāpāṇiparindraśaktyā mahāsuraḥ |
tataścaindrī svavajreṇa raktabījamatāḍayat

That great asura, mace in hand, fought with Indra's Shakti. Then Aindri struck Raktabija with her thunderbolt.

कुलिशेनाहतस्याशु बहु सुस्राव शोणितम् ।
समुत्तस्थुस्ततो योधास्तद्रूपास्तत्पराक्रमाः

kuliśenāhatasyāśu bahu susrāva śoṇitam |
samuttasthustato yodhāstadrūpāstatparākramāḥ

Struck by the thunderbolt, he bled heavily at once, and from that blood rose warriors of his own form and valour.

यावन्तः पतितास्तस्य शरीराद्रक्तबिन्दवः ।
तावन्तः पुरुषा जातास्तद्वीर्यबलविक्रमाः

yāvantaḥ patitāstasya śarīrādraktabindavaḥ |
tāvantaḥ puruṣā jātāstadvīryabalavikramāḥ

As many drops of blood fell from his body, so many beings were born, equal to him in vigour, strength and valour.

ते चापि युयुधुस्तत्र पुरुषा रक्तसम्भवाः ।
समं मातृभिरत्युग्रशस्त्रपातातिभीषणम्

te cāpi yuyudhustatra puruṣā raktasambhavāḥ |
samaṃ mātṛbhiratyugraśastrapātātibhīṣaṇam

Those blood-born beings also fought there with the Matrikas, a battle made most terrible by the fall of fierce weapons.

पुनश्च वज्रपातेन क्षतमस्य शिरो यदा ।
ववाह रक्तं पुरुषास्ततो जाताः सहस्रशः

punaśca vajrapātena kṣatamasya śiro yadā |
vavāha raktaṃ puruṣāstato jātāḥ sahasraśaḥ

When his head was again wounded by the blow of the thunderbolt, his blood flowed, and from it beings were born by the thousand.

वैष्णवी समरे चैनं चक्रेणाभिजघान ह ।
गदया ताडयामास ऐन्द्री तमसुरेश्वरम्

vaiṣṇavī samare cainaṃ cakreṇābhijaghāna ha |
gadayā tāḍayāmāsa aindrī tamasureśvaram

Vaishnavi struck him in battle with her discus, and Aindri beat that lord of asuras with a mace.

वैष्णावीचक्रभिन्नस्य रुधिरस्रावसम्भवैः ।
सहस्रशौ जगद्व्याप्तं तत्प्रमाणैर्महासुरैः

vaiṣṇāvīcakrabhinnasya rudhirasrāvasambhavaiḥ |
sahasraśau jagadvyāptaṃ tatpramāṇairmahāsuraiḥ

From the blood flowing out of him, cut by Vaishnavi's discus, great asuras of his own size were born by the thousand and filled the world.

शक्त्या जघान कौमारी वाराही च तथासिना ।
माहेश्वरी त्रिशूलेन रक्तबीजं महासुरम्

śaktyā jaghāna kaumārī vārāhī ca tathāsinā |
māheśvarī triśūlena raktabījaṃ mahāsuram

Kaumari struck the great asura Raktabija with her spear, Varahi with her sword, and Maheshvari with her trident.

स चापि गदया दैत्यः सर्वा एवाहनत् पृथक् ।
मातः कोपसमाविष्टो रक्तबीजो महासुरः

sa cāpi gadayā daityaḥ sarvā evāhanat pṛthak |
mātaḥ kopasamāviṣṭo raktabījo mahāsuraḥ

And Raktabija, the great daitya, filled with fury, struck each of the Mothers in turn with his mace.

तस्याहतस्य बहुधा शक्तिशूलादिभिर्भुवि ।
पपात यो वै रक्तौघस्तेनासञ्छतशोऽसुराः

tasyāhatasya bahudhā śaktiśūlādibhirbhuvi |
papāta yo vai raktaughastenāsañchataśo'surāḥ

Wounded again and again by spears, tridents and other weapons, he shed streams of blood on the ground, and from them asuras arose by the hundred.

तैश्चासुरासृक्सम्भूतैरसुरैः सकलं जगत् ।
व्याप्तमासीत्ततो देवा भयमाजग्मुरुत्तमम्

taiścāsurāsṛksambhūtairasuraiḥ sakalaṃ jagat |
vyāptamāsīttato devā bhayamājagmuruttamam

The whole world was filled with those asuras born of his blood, and the devas fell into the greatest fear.

तान् विषण्णान् सुरान् दृष्ट्वा चण्डिका प्राह सत्वरा ।
उवाच कालीं चामुण्डे विस्तीर्णं वदनं कुरु

tān viṣaṇṇān surān dṛṣṭvā caṇḍikā prāha satvarā |
uvāca kālīṃ cāmuṇḍe vistīrṇaṃ vadanaṃ kuru

Seeing the devas dejected, Chandika spoke quickly to Kali: Chamunda, open your mouth wide.

मच्छस्त्रपातसम्भूतान् रक्तबिन्दून् महासुरान् ।
रक्तबिन्दोः प्रतीच्छ त्वं वक्त्रेणानेन वेगिना

macchastrapātasambhūtān raktabindūn mahāsurān |
raktabindoḥ pratīccha tvaṃ vaktreṇānena veginā

With this swift mouth of yours, catch the drops of blood that fall when my weapons strike, and the great asuras born from Raktabija's blood.

भक्षयन्ती चर रणे तदुत्पन्नान् महासुरान् ।
एवमेष क्षयं दैत्यः क्षीणरक्तो गमिष्यति ।
भक्ष्यमाणास्त्वया चोग्रा न चोत्पत्स्यन्ति चापरे

bhakṣayantī cara raṇe tadutpannān mahāsurān |
evameṣa kṣayaṃ daityaḥ kṣīṇarakto gamiṣyati |
bhakṣyamāṇāstvayā cogrā na cotpatsyanti cāpare

Roam the battlefield devouring the great asuras born of him. So this daitya, drained of blood, will perish. Devoured by you, no more fierce ones will be born.

इत्युक्त्वा तां ततो देवी शूलेनाभिजघान तम् ।
मुखेन काली जगृहे रक्तबीजस्य शोणितम्

ityuktvā tāṃ tato devī śūlenābhijaghāna tam |
mukhena kālī jagṛhe raktabījasya śoṇitam

The Rishi said: Having said this to her, the Devi struck him with her trident, and Kali caught Raktabija's blood in her mouth.

ततोऽसावाजघानाथ गदया तत्र चण्डिकाम् ।
न चास्या वेदनां चक्रे गदापातोऽल्पिकामपि

tato'sāvājaghānātha gadayā tatra caṇḍikām |
na cāsyā vedanāṃ cakre gadāpāto'lpikāmapi

Then he struck Chandika with his mace, but the blow of the mace caused her not the slightest pain.

तस्याहतस्य देहात्तु बहु सुस्राव शोणितम् ।
यतस्ततः स्ववक्त्रेण चामुण्डा सम्प्रतीच्छति

tasyāhatasya dehāttu bahu susrāva śoṇitam |
yatastataḥ svavaktreṇa cāmuṇḍā sampratīcchati

Much blood flowed from his wounded body, and wherever it flowed, Chamunda caught it in her mouth.

मुखे समुद्गता येऽस्या रक्तपातान्महासुराः ।
तांश्चखादाथ चामुण्डा पपौ तस्य च शोणितम्

mukhe samudgatā ye'syā raktapātānmahāsurāḥ |
tāṃścakhādātha cāmuṇḍā papau tasya ca śoṇitam

The great asuras who sprang up in her mouth from that flow of blood Chamunda devoured, and she drank his blood.

देवी शूलेन चक्रेण बाणैरसिभिरृष्टिभिः ।
जघान रक्तबीजं तं चामुण्डापीतशोणितम्

devī śūlena cakreṇa bāṇairasibhirṛṣṭibhiḥ |
jaghāna raktabījaṃ taṃ cāmuṇḍāpītaśoṇitam

With trident, discus, arrows, swords and spears the Devi slew that Raktabija, whose blood Chamunda had drunk.

स पपात महीपृष्ठे शस्त्रसंहतितो हतः ।
नीरक्तश्च महीपाल रक्तबीजो महासुरः

sa papāta mahīpṛṣṭhe śastrasaṃhatito hataḥ |
nīraktaśca mahīpāla raktabījo mahāsuraḥ

Struck by that mass of weapons and drained of blood, O king, the great asura Raktabija fell to the surface of the earth.

ततस्ते हर्षमतुलमवापुस्त्रिदशा नृप ।
तेषां मातृगणो जातो ननर्तासृङ्मदोद्धतः

tataste harṣamatulamavāpustridaśā nṛpa |
teṣāṃ mātṛgaṇo jāto nanartāsṛṅmadoddhataḥ

Then, O king, the devas felt joy beyond compare, and the host of Mothers born from them danced, exultant and drunk with blood.