अध्याय 25: पूँछ में आग, आकाश तक बढ़े हनुमान

पूँछ हीनबानर तहँ जाइहि । तब सठ निज नाथहि लइ आइहि ॥
जिन्ह के कीन्हसि बहुत बड़ाई । देखउँ मैं तिन्ह के प्रभुताई ॥

pūm̐cha hīnabānara taham̐ jāihi | taba saṭha nija nāthahi lai āihi ||
jinha ke kīnhasi bahuta bar̤āī | dekhaum̐ maiṃ tinha ke prabhutāī ||

बचन सुनत कपि मन मुसुकाना । भइ सहाय सारद मैं जाना ॥
जातुधान सुनि रावन बचना । लागे रचइ मूढ़ सोइ रचना ॥

bacana sunata kapi mana musukānā | bhai sahāya sārada maiṃ jānā ||
jātudhāna suni rāvana bacanā | lāge racai mūr̤ha soi racanā ||

रहा न नगर बसन घृत तेला । बाढ़ी पूँछि कीन्ह कपि खेला ॥
कौतुक कहँ आये पुर-बासी । मारहिँ चरन करहिँ बहु हाँसी ॥

rahā na nagara basana ghṛta telā | bār̤hī pūm̐chi kīnha kapi khelā ||
kautuka kaham̐ āye pura-bāsī | mārahim̐ carana karahim̐ bahu hām̐sī ||

बाजहिँ ढोल देहिँ सब तारी । नगर, फेरि पुनि पूँछि प्रजारी ॥
पावक जरत देखि हनुमन्ता । भयउ परम लघुरूप तुरन्ता ॥

bājahim̐ ḍhola dehim̐ saba tārī | nagara, pheri puni pūm̐chi prajārī ||
pāvaka jarata dekhi hanumantā | bhayau parama laghurūpa turantā ||

निबुकि चढ़ेउ कपि कनक अटारीं । भई सभीत निसाचर-नारीं ॥

nibuki car̤heu kapi kanaka aṭārīṃ | bhaī sabhīta nisācara-nārīṃ ||