अध्याय 80: धर्ममय रथ, जिससे हर विजय मिलती है

रावनु रथी बिरथ रघुबीरा । देखि बिभीषन भयउ अधीरा ॥
अधिक प्रीति मन भा सन्देहा । बन्दि चरन कह सहित सनेहा ॥

rāvanu rathī biratha raghubīrā | dekhi bibhīṣana bhayau adhīrā ||
adhika prīti mana bhā sandehā | bandi carana kaha sahita sanehā ||

नाथ न रथ नहिँ तनु पद त्राना । केहि बिधि जितब बीर बलवाना ॥
सुनहु सखा कह कृपानिधाना । जेहिं जय होइ सो स्यन्दन आना ॥

nātha na ratha nahim̐ tanu pada trānā | kehi bidhi jitaba bīra balavānā ||
sunahu sakhā kaha kṛpānidhānā | jehiṃ jaya hoi so syandana ānā ||

सौरज धीरज तेहि रथ चाका । सत्य सील दृढ़ ध्वजा पताका ॥
बल-बिबेक-दम-परहित घोरे । छमा-कृपा-समता रजु जोरे ॥

sauraja dhīraja tehi ratha cākā | satya sīla dṛr̤ha dhvajā patākā ||
bala-bibeka-dama-parahita ghore | chamā-kṛpā-samatā raju jore ||

ईस भजन सारथी-सुजाना । बिरति धर्म सन्तोष-कृपाना ॥
दान-परसु बुधि-सक्ति प्रचंडा । पर-बिग्यान-कठिन-कोदंडा ॥

īsa bhajana sārathī-sujānā | birati dharma santoṣa-kṛpānā ||
dāna-parasu budhi-sakti pracaṃḍā | para-bigyāna-kaṭhina-kodaṃḍā ||

अमल अचल मन त्रोन-समाना । सम-जम-नियम सिलीमुख नाना ॥
कवच अभेद बिप्र-गुरु-पूजा । एहि सम विजय उपाय न दूजा ॥

amala acala mana trona-samānā | sama-jama-niyama silīmukha nānā ||
kavaca abheda bipra-guru-pūjā | ehi sama vijaya upāya na dūjā ||

सखा धरम-मय अस रथ जाकें । जीतन कहँ न कतहुँ रिपु ताकें ॥

sakhā dharama-maya asa ratha jākeṃ | jītana kaham̐ na katahum̐ ripu tākeṃ ||