कुअँरु कुँअरि कल भावँरि देहीं । नयन लाभ सब सादर लेहीं ॥
जाइ न बरनि मनोहर जोरी । जो उपमा कछु कहउँ सो थोरी ॥
kuam̐ru kum̐ari kala bhāvam̐ri dehīṃ | nayana lābha saba sādara lehīṃ ||
jāi na barani manohara jorī | jo upamā kachu kahaum̐ so thorī ||
बालकाण्ड
अध्याय 325: भाँवरें, सिंदूरदान और चारों भाइयों का विवाह
10 श्लोक · 325 में से 361
इस अध्याय में क्या होता है
भाँवरें, सिंदूरदान और चारों भाइयों का विवाह
श्रीराम और सीता भाँवरें देते हैं और सब नेत्रों का लाभ लेते हैं। मणि के खंभों में उनकी परछाईं ऐसी जगमगाती है मानो कामदेव और रति अनेक रूप धरकर यह विवाह देख रहे हों, कभी प्रकट होते और लाज से फिर छिप जाते। भाँवरें पूरी होने पर श्रीराम सीता की माँग में सिंदूर भरते हैं। वसिष्ठ की आज्ञा से वर वधू एक आसन पर बैठते हैं, और दशरथ इसे अपने पुण्य रूपी कल्पवृक्ष का नया फल मानते हैं। फिर जनक माण्डवी, उर्मिला और श्रुतिकीर्ति को बुलाते हैं। कुशध्वज की बड़ी कन्या माण्डवी भरत को, सीता की छोटी बहन उर्मिला लक्ष्मण को और श्रुतिकीर्ति शत्रुघ्न को ब्याही जाती हैं। बहुओं सहित पुत्रों को देखकर दशरथ ऐसे हर्षित हैं मानो क्रियाओं सहित चारों फल पा लिए हों।
राम सीय सुन्दर प्रतिछाहीं । जगमगात मनि-खम्भन माहीँ ॥
मनहुँ मदन-रति धरि बहु रूपा । देखत राम-बिआहु अनूपा ॥
rāma sīya sundara pratichāhīṃ | jagamagāta mani-khambhana māhīm̐ ||
manahum̐ madana-rati dhari bahu rūpā | dekhata rāma-biāhu anūpā ||
दरस लालसा सकुच न थोरी । प्रगटत दुरत बहोरि बहोरी ॥
भए मगन सब देखनिहारे । जनक समान अपान बिसारे ॥
darasa lālasā sakuca na thorī | pragaṭata durata bahori bahorī ||
bhae magana saba dekhanihāre | janaka samāna apāna bisāre ||
प्रमुदित मुनिन्ह भावँरी फेरी । नेग सहित सब रीति निबेरीं ॥
राम सीय सिर सेंदुर देहीं । सोभा कहि न जाति विधि केहीं ॥
pramudita muninha bhāvam̐rī pherī | nega sahita saba rīti niberīṃ ||
rāma sīya sira seṃdura dehīṃ | sobhā kahi na jāti vidhi kehīṃ ||
अरुन-पराग जलज भरि नीकें । ससिहि भूष अहि लोभ अमी कें ॥
बहुरि बसिष्ठ दीन्ह अनुसासन । बर दुलहिनि बैठे एक आसन ॥
aruna-parāga jalaja bhari nīkeṃ | sasihi bhūṣa ahi lobha amī keṃ ||
bahuri basiṣṭha dīnha anusāsana | bara dulahini baiṭhe eka āsana ||
बैठे बरासन राम जानकि, मुदित मन दसरथ भये ।
तन पुलक पुनि पुनि देखि अपनें, सुकृत-सुरतरु-फल नये ॥
भरि भुवन रहा उछाह राम बिबाह भा सबहीं कहा ।
केहि भाँति बरनि सिरात रसना,-एक यह मङ्गल महा ॥
baiṭhe barāsana rāma jānaki, mudita mana dasaratha bhaye |
tana pulaka puni puni dekhi apaneṃ, sukṛta-surataru-phala naye ||
bhari bhuvana rahā uchāha rāma bibāha bhā sabahīṃ kahā |
kehi bhām̐ti barani sirāta rasanā,-eka yaha maṅgala mahā ||
तब जनक पाइ बसिष्ठ आयसु, ब्याह साज सँवारि कै ।
मांडवी श्रुतिकीरति उरमिला, कुँअरि लईं हँकारि के ॥
कुसकेतु-कन्या प्रथम जो गुन, सील-सुख-सोभामई ।
सब रीति प्रीति समेत करि सो, ब्याहि नृप भरतहि दई ॥
taba janaka pāi basiṣṭha āyasu, byāha sāja sam̐vāri kai |
māṃḍavī śrutikīrati uramilā, kum̐ari laīṃ ham̐kāri ke ||
kusaketu-kanyā prathama jo guna, sīla-sukha-sobhāmaī |
saba rīti prīti sameta kari so, byāhi nṛpa bharatahi daī ||
जानकी लघु भगिनी सकल-सुन्दरि-सिरोमनि जानि के ।
सो जनक दीन्ही ब्याहि लखनहि, सकल बिधि सनमानि कै ॥
जेहि नाम श्रुतकीरति सुलोचनि, सुमुखि सब गुन आगरी ।
सो दई रिपुसूदनहि भूपति, रूप-सील-उजागरी ॥
jānakī laghu bhaginī sakala-sundari-siromani jāni ke |
so janaka dīnhī byāhi lakhanahi, sakala bidhi sanamāni kai ||
jehi nāma śrutakīrati sulocani, sumukhi saba guna āgarī |
so daī ripusūdanahi bhūpati, rūpa-sīla-ujāgarī ||
अनुरूप बर दुलहिनि परसपर, लखि सकुचि हियँ हरषहीं ।
सब मुदित सुन्दरता सराहहिँ, सुमन सुर-गन बरषहीं ॥
सुन्दरी सुन्दर बरन्ह सह सब, एक मंडप राजहीं ।
जनु जीव उर चारिउ अवस्था, बिमुन सहित बिराजहीं ॥
anurūpa bara dulahini parasapara, lakhi sakuci hiyam̐ haraṣahīṃ |
saba mudita sundaratā sarāhahim̐, sumana sura-gana baraṣahīṃ ||
sundarī sundara baranha saha saba, eka maṃḍapa rājahīṃ |
janu jīva ura cāriu avasthā, bimuna sahita birājahīṃ ||
मुदित अवधपति सकल-सुत, बधुन्ह समेत निहारि ।
जनु पार महिपाल-मनि, क्रियन्ह सहित फल चारि ॥
mudita avadhapati sakala-suta, badhunha sameta nihāri |
janu pāra mahipāla-mani, kriyanha sahita phala cāri ||
पाठ का स्रोत: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0