अध्याय 239: जनक शतानंद को भाइयों को बुलाने भेजते हैं

नृप सब नखत करहिँ उजिआरी । टारि न सकहिँ चाप तम भारी ॥
कमल-कोक-मधुकर-खग नाना । हरषे सकल निसा अवसाना ॥

nṛpa saba nakhata karahim̐ ujiārī | ṭāri na sakahim̐ cāpa tama bhārī ||
kamala-koka-madhukara-khaga nānā | haraṣe sakala nisā avasānā ||

ऐसेहिं प्रभु सब भगत तुम्हारे । होइहहिँ टूटें धनुष सुखारे ॥
उयउ भानु बिनु स्त्रम तम नासा । दुरे नखत जग तेज प्रकासा ॥

aisehiṃ prabhu saba bhagata tumhāre | hoihahim̐ ṭūṭeṃ dhanuṣa sukhāre ||
uyau bhānu binu strama tama nāsā | dure nakhata jaga teja prakāsā ||

रबि निज उदय ब्याज रघुराया । प्रभु प्रताप सब नृपन्ह दिखाया ॥
तव-भुज-बल-महिमा उदघाटी । प्रगटी धनु विघटन परिपाटी ॥

rabi nija udaya byāja raghurāyā | prabhu pratāpa saba nṛpanha dikhāyā ||
tava-bhuja-bala-mahimā udaghāṭī | pragaṭī dhanu vighaṭana paripāṭī ||

बन्धु बचन सुनि प्रभु मुसुकाने । होइ सुचि सहज पुनीत नहाने ॥
नित्यक्रिया करि गुरु पहिँ आये । चरन-सरोज सुभग सिर नाये ॥

bandhu bacana suni prabhu musukāne | hoi suci sahaja punīta nahāne ||
nityakriyā kari guru pahim̐ āye | carana-saroja subhaga sira nāye ||

सतानन्द तब जनक बोलाये । कौसिक मुनि पहिँ तुरत पठाये ॥
जनक बिनय तिन्ह आइ सुनाई । हरषे बोलि लिये दोउ भाई ॥

satānanda taba janaka bolāye | kausika muni pahim̐ turata paṭhāye ||
janaka binaya tinha āi sunāī | haraṣe boli liye dou bhāī ||