अध्याय 1: देवर्षि नारद परम प्रेमरूपा भक्ति बताते हैं

अथातो भक्तिं व्याख्यास्यामः

athāto bhaktiṃ vyākhyāsyāmaḥ

अब, इसलिए, हम भक्ति की व्याख्या करेंगे, अर्थात् भगवान के प्रति प्रेम की।

सा त्वस्मिन् परमप्रेमरूपा

sā tvasmin paramapremarūpā

वह भक्ति भगवान के प्रति परम प्रेम रूप है, ऐसा प्रेम जिसका विषय केवल भगवान हैं।

अमृतस्वरूपा च

amṛtasvarūpā ca

और वह अमृत स्वरूप है, अमरत्व देने वाली।

यल्लब्ध्वा पुमान्सिद्धो भवत्यमृतो भवति तृप्तो भवति

yallabdhvā pumānsiddho bhavatyamṛto bhavati tṛpto bhavati

जिसे पाकर मनुष्य सिद्ध हो जाता है, अमर हो जाता है और पूर्ण रूप से तृप्त हो जाता है।

यत्प्राप्य ना किञ्चिद्वाञ्छति न शोचति न द्वेष्टि न रमते नोत्साही भवति

yatprāpya nā kiñcidvāñchati na śocati na dveṣṭi na ramate notsāhī bhavati

जिसे पाकर वह न कुछ चाहता है, न शोक करता है, न द्वेष करता है, न किसी अन्य वस्तु में रमता है और न सांसारिक लाभ के लिए उत्साह करता है।

यज्ज्ञात्वा मत्तो भवति स्तब्धो भवत्यात्मारामो भवति

yajjñātvā matto bhavati stabdho bhavatyātmārāmo bhavati

जिसे जानकर वह प्रेम में मतवाला हो जाता है, स्तब्ध और शान्त हो जाता है, और आत्मा में ही रमण करता है।

सा न कामयमाना निरोधरूपत्वात्

sā na kāmayamānā nirodharūpatvāt

भक्ति कामना पूरी करने का साधन नहीं है, क्योंकि उसका स्वरूप निरोध है, अर्थात् अन्य सब का त्याग।

निरोधस्तु लोकवेदव्यापारन्यासः

nirodhastu lokavedavyāpāranyāsaḥ

निरोध का अर्थ है लौकिक और वैदिक सभी कर्मों को भगवान को समर्पित कर देना, अपने लिए कुछ न करना।

तस्मिन्ननन्यता तद्विरोधिषूदासीनता च

tasminnananyatā tadvirodhiṣūdāsīnatā ca

उसका अर्थ यह भी है कि भगवान में अनन्यता हो और जो उनके विरोधी हों, उनके प्रति उदासीनता हो।

अन्याश्रयाणां त्यागोऽनन्यता

anyāśrayāṇāṃ tyāgo'nanyatā

अन्य सब आश्रयों को त्यागकर केवल भगवान का आश्रय लेना अनन्यता है।

लोकवेदेषु तदनुकूलाचरणं तद्विरोधिषूदासीनता च

lokavedeṣu tadanukūlācaraṇaṃ tadvirodhiṣūdāsīnatā ca

विरोधियों के प्रति उदासीनता का अर्थ है लौकिक और वैदिक जीवन में वही आचरण करना जो भक्ति के अनुकूल हो।

भवतु निश्चयदाढ्यादूर्ध्वं शास्त्ररक्षणम्

bhavatu niścayadāḍhyādūrdhvaṃ śāstrarakṣaṇam

निश्चय दृढ़ हो जाने के बाद भी शास्त्र की मर्यादा का पालन करते रहना चाहिए।

अन्यथा पातित्यशङ्कया

anyathā pātityaśaṅkayā

अन्यथा पतन की आशंका रहती है।

लोकोऽपि तावदेव भोजनादिव्यापारस्त्वाशरीरधारणावधि

loko'pi tāvadeva bhojanādivyāpārastvāśarīradhāraṇāvadhi

लौकिक कर्म भी उसी सीमा तक करने चाहिए, और भोजन आदि तो शरीर रहने तक चलते ही रहेंगे।

तल्लक्षणानि वाच्यन्ते नानामतभेदात्

tallakṣaṇāni vācyante nānāmatabhedāt

अब भक्ति के लक्षण बताए जाते हैं, क्योंकि इस विषय में अनेक मत हैं।

पूजादिष्वनुराग इति पाराशर्यः

pūjādiṣvanurāga iti pārāśaryaḥ

पराशर के पुत्र व्यास कहते हैं कि पूजा आदि में अनुराग भक्ति है।

कथादिष्विति गर्गः

kathādiṣviti gargaḥ

गर्ग मुनि कहते हैं कि भगवान की कथा आदि में अनुराग भक्ति है।

आत्मरत्यविरोधेनेति शाण्डिल्यः

ātmaratyavirodheneti śāṇḍilyaḥ

शाण्डिल्य कहते हैं कि आत्मा में रति से जिसका विरोध न हो, वह अनुराग भक्ति है।

नारदस्तु तदर्पिताखिलाचारता तद्विस्मरणे परमव्याकुलतेति

nāradastu tadarpitākhilācāratā tadvismaraṇe paramavyākulateti

परन्तु नारद कहते हैं कि अपने सब आचरण भगवान को अर्पित कर देना और उन्हें क्षण भर भी भूलने पर परम व्याकुल हो उठना भक्ति है।

अस्त्येवमेवम्

astyevamevam

ऐसी भक्ति सचमुच होती है, ठीक इसी प्रकार; यह केवल कल्पना नहीं है।

यथा व्रजगोपिकानाम्

yathā vrajagopikānām

जैसी व्रज की गोपियों की थी, जिनका श्रीकृष्ण के प्रति प्रेम इसका उदाहरण है।

तत्रापि न माहात्म्यज्ञानविस्मृत्यपवादः

tatrāpi na māhātmyajñānavismṛtyapavādaḥ

वहाँ भी यह नहीं कहा जा सकता कि वे उनकी महिमा भूल गई थीं; वे उन्हें भगवान जानती थीं।

तद्विहीनं जाराणामिव

tadvihīnaṃ jārāṇāmiva

भगवान की महिमा के ज्ञान के बिना प्रेम जार के प्रेम जैसा होता।

नास्त्येव तस्मिंस्तत्सुखसुखित्वम्

nāstyeva tasmiṃstatsukhasukhitvam

उसमें प्रियतम के सुख में सुखी होने का भाव नहीं होता, वह केवल अपना सुख चाहता है।

सा तु कर्मज्ञानयोगेभ्योऽप्यधिकतरा

sā tu karmajñānayogebhyo'pyadhikatarā

भक्ति कर्म, ज्ञान और योग से भी श्रेष्ठ है।

फलरूपत्वात्

phalarūpatvāt

क्योंकि वह स्वयं फल रूप है, इन सबका लक्ष्य।

ईश्वरस्याप्यभिमानद्वेषित्वाद्दैन्यप्रियत्वाच्च

īśvarasyāpyabhimānadveṣitvāddainyapriyatvācca

और इसलिए भी कि ईश्वर को अभिमान से द्वेष है और दीनता प्रिय है।

तस्या ज्ञानमेव साधनमित्येके

tasyā jñānameva sādhanamityeke

कुछ आचार्य कहते हैं कि भक्ति का साधन केवल ज्ञान है।

अन्योऽन्याश्रयत्वमित्यन्ये

anyo'nyāśrayatvamityanye

अन्य आचार्य कहते हैं कि ज्ञान और भक्ति एक-दूसरे पर आश्रित हैं।

स्वयं फलरूपतेति ब्रह्मकुमारः

svayaṃ phalarūpateti brahmakumāraḥ

ब्रह्मा के पुत्र सनत्कुमार कहते हैं कि भक्ति स्वयं फल रूप है।

राजगृहभोजनादिषु तथैव दृष्टत्वात्

rājagṛhabhojanādiṣu tathaiva dṛṣṭatvāt

जैसा राजभवन, भोजन आदि में देखा जाता है: उनके विषय में जान लेना उन्हें पा लेना नहीं है।

न तेन राजपरितोषः क्षुधाशान्तिर्वा

na tena rājaparitoṣaḥ kṣudhāśāntirvā

राजा को जान लेने से राजा प्रसन्न नहीं होता, और भोजन को जान लेने से भूख शान्त नहीं होती।

तस्मात्सैव ग्राह्या मुमुक्षुभिः

tasmātsaiva grāhyā mumukṣubhiḥ

इसलिए मोक्ष चाहने वालों को भक्ति को ही अपनाना चाहिए।

तस्याः साधनानि गायन्त्याचार्याः

tasyāḥ sādhanāni gāyantyācāryāḥ

आचार्यगण उस भक्ति के साधनों का गान करते हैं।

तत्तु विषयत्यागात्सङ्गत्यागाच्च

tattu viṣayatyāgātsaṅgatyāgācca

वह विषयों के त्याग और आसक्ति के त्याग से प्राप्त होती है।

अव्यावृत्तभजनात्

avyāvṛttabhajanāt

और अखण्ड भजन से, जो दिन-रात बिना रुके चलता रहे।

लोकेऽपि भगवद्गुणश्रवणकीर्तनात्

loke'pi bhagavadguṇaśravaṇakīrtanāt

संसार में रहते हुए भी भगवान के गुणों के श्रवण और कीर्तन से।

मुख्यतस्तु महत्कृपयैव भगवत्कृपालेशाद्वा

mukhyatastu mahatkṛpayaiva bhagavatkṛpāleśādvā

किन्तु मुख्य रूप से यह महापुरुषों की कृपा से, अथवा भगवान की कृपा के लेश मात्र से प्राप्त होती है।

महत्सङ्गस्तु दुर्लभोऽगम्योऽमोघश्च

mahatsaṅgastu durlabho'gamyo'moghaśca

महापुरुषों का संग दुर्लभ है, अगम्य है और अमोघ है, उसका फल कभी व्यर्थ नहीं जाता।

लभ्यतेऽपि तत्कृपयैव

labhyate'pi tatkṛpayaiva

फिर भी वह भगवान की कृपा से ही प्राप्त होता है।

तस्मिंस्तज्जने भेदाभावात्

tasmiṃstajjane bhedābhāvāt

क्योंकि भगवान और उनके भक्तों में कोई भेद नहीं है।

तदेव साध्यतां तदेव साध्यताम्

tadeva sādhyatāṃ tadeva sādhyatām

उसी की साधना करो, उसी की साधना करो, अर्थात् महापुरुषों के संग की।

दुःसङ्गः सर्वथैव त्याज्यः

duḥsaṅgaḥ sarvathaiva tyājyaḥ

दुःसंग का सब प्रकार से त्याग करना चाहिए।

कामक्रोधमोहस्मृतिभ्रंशबुद्धिनाशसर्वनाशकारणत्वात्

kāmakrodhamohasmṛtibhraṃśabuddhināśasarvanāśakāraṇatvāt

क्योंकि वह काम, क्रोध, मोह, स्मृतिभ्रंश, बुद्धिनाश और सर्वनाश का कारण है।

तरङ्गायिता अपीमे सङ्गात्समुद्रायन्ति

taraṅgāyitā apīme saṅgātsamudrāyanti

ये दोष पहले छोटी लहरों जैसे उठते हैं, पर कुसंग से समुद्र जैसे बन जाते हैं।

कस्तरति कस्तरति मायां यः सङ्गं त्यजति यो महानुभावं सेवते निर्ममो भवति

kastarati kastarati māyāṃ yaḥ saṅgaṃ tyajati yo mahānubhāvaṃ sevate nirmamo bhavati

कौन तरता है, कौन माया को तरता है? जो आसक्ति छोड़ता है, जो महानुभावों की सेवा करता है और जो ममता से रहित होता है।

यो विविक्तस्थानं सेवते यो लोकबन्धमुन्मूलयति निस्त्रैगुण्यो भवति यो योगक्षेमं त्यजति

yo viviktasthānaṃ sevate yo lokabandhamunmūlayati nistraiguṇyo bhavati yo yogakṣemaṃ tyajati

जो एकान्त स्थान का सेवन करता है, संसार के बन्धन को जड़ से उखाड़ता है, तीनों गुणों से परे होता है और योगक्षेम की चिन्ता छोड़ देता है।

यः कर्मफलं त्यजति कर्माणि संन्यस्यति ततो निर्द्वन्द्वो भवति

yaḥ karmaphalaṃ tyajati karmāṇi saṃnyasyati tato nirdvandvo bhavati

जो कर्मफल छोड़ता है, कर्मों का भी संन्यास करता है, और इस प्रकार द्वन्द्वों से मुक्त हो जाता है।

यो वेदानपि सन्न्यस्यति केवलमविच्छिन्नानुरागं लभते

yo vedānapi sannyasyati kevalamavicchinnānurāgaṃ labhate

जो वेदों के सकाम कर्मों का भी संन्यास कर देता है और केवल भगवान के प्रति अखण्ड अनुराग पाता है।

स तरति स तरति लोकांस्तारयति

sa tarati sa tarati lokāṃstārayati

वह तरता है, वह तरता है, और लोकों को भी तार देता है।

अनिर्वचनीयं प्रेमस्वरूपम्

anirvacanīyaṃ premasvarūpam

प्रेम का स्वरूप अनिर्वचनीय है, शब्दों में नहीं कहा जा सकता।

मूकास्वादनवत्

mūkāsvādanavat

जैसे गूँगा स्वाद लेता है पर उसे कह नहीं सकता।

प्रकाशयते क्वापि पात्रे

prakāśayate kvāpi pātre

फिर भी वह कहीं किसी योग्य पात्र में, अर्थात् योग्य हृदय में, प्रकट होता है।

गुणरहितं कामनारहितं प्रतिक्षणवर्धमानमविच्छिन्नं सूक्ष्मतरमनुभवरूपम्

guṇarahitaṃ kāmanārahitaṃ pratikṣaṇavardhamānamavicchinnaṃ sūkṣmataramanubhavarūpam

वह गुणों से रहित, कामना से रहित, प्रतिक्षण बढ़ने वाला, अखण्ड, सूक्ष्म से भी सूक्ष्म और केवल अनुभव से जानने योग्य है।

तत्प्राप्य तदेवावलोकयति तदेव शृणोति तदेव भाषयति तदेव चिन्तयति

tatprāpya tadevāvalokayati tadeva śṛṇoti tadeva bhāṣayati tadeva cintayati

उसे पाकर भक्त उसी को देखता है, उसी को सुनता है, उसी की बात करता है और उसी का चिन्तन करता है।

गौणी त्रिधा गुणभेदादार्तादिभेदाद्वा

gauṇī tridhā guṇabhedādārtādibhedādvā

गौणी भक्ति तीन प्रकार की है, गुणों के भेद से, अथवा आर्त, जिज्ञासु और अर्थार्थी, इन भक्तों के भेद से।

उत्तरस्मादुत्तरस्मात्पूर्वपूर्वा श्रेयाय भवति

uttarasmāduttarasmātpūrvapūrvā śreyāya bhavati

इनमें प्रत्येक पहली, अपने बाद वाली से श्रेष्ठ है।

अन्यस्मात्सौलभ्यं भक्तौ

anyasmātsaulabhyaṃ bhaktau

अन्य सब मार्गों की अपेक्षा भक्ति सुलभ है।

प्रमाणान्तरस्यानपेक्षत्वात्स्वयं प्रमाणत्वात्

pramāṇāntarasyānapekṣatvātsvayaṃ pramāṇatvāt

क्योंकि उसे किसी दूसरे प्रमाण की आवश्यकता नहीं, वह स्वयं प्रमाण है।

शान्तिरूपात्परमानन्दरूपाच्च

śāntirūpātparamānandarūpācca

और इसलिए कि वह शान्ति रूप और परमानन्द रूप है।

लोकहानौ चिन्ता न कार्या निवेदितात्मलोकवेदत्वात्

lokahānau cintā na kāryā niveditātmalokavedatvāt

लौकिक हानि की चिन्ता नहीं करनी चाहिए, क्योंकि भक्त ने अपने आप को, लोक को और वेद को भगवान को अर्पित कर दिया है।

न तत्सिद्धौ लोकव्यवहारो हेयः किन्तु फलत्यागस्तत्साधनं च कार्यमेव

na tatsiddhau lokavyavahāro heyaḥ kintu phalatyāgastatsādhanaṃ ca kāryameva

भक्ति सिद्ध होने तक लोक व्यवहार छोड़ना नहीं चाहिए, किन्तु कर्मफल का त्याग और भक्ति के साधन अवश्य करने चाहिए।

स्त्रीधननास्तिकवैरिचरित्रं न श्रवणीयम्

strīdhananāstikavairicaritraṃ na śravaṇīyam

स्त्री, धन, नास्तिक और शत्रु के चरित्र की चर्चा नहीं सुननी चाहिए, क्योंकि वह मन को भटकाती है।

अभिमानदम्भादिकं त्याज्यम्

abhimānadambhādikaṃ tyājyam

अभिमान, दम्भ आदि का त्याग करना चाहिए।

तदर्पिताखिलाचारः सन्कामक्रोधाभिमानादि तस्मिन्नेव करणीयम्

tadarpitākhilācāraḥ sankāmakrodhābhimānādi tasminneva karaṇīyam

सब आचरण भगवान को अर्पित करके भी यदि काम, क्रोध, अभिमान आदि बचे रहें, तो उन्हें भगवान की ओर ही मोड़ देना चाहिए।

त्रिरूपभङ्गपूर्वकं नित्यदास्यनित्यकान्ताभजनात्मकं प्रेम कार्यं प्रेमैव कार्यम्

trirūpabhaṅgapūrvakaṃ nityadāsyanityakāntābhajanātmakaṃ prema kāryaṃ premaiva kāryam

त्रिरूप के भेद को तोड़कर नित्य दास भाव या नित्य कान्ता भाव से भजन रूपी प्रेम करना चाहिए; प्रेम ही करना चाहिए।

भक्ता एकान्तिनो मुख्याः

bhaktā ekāntino mukhyāḥ

एकान्त भाव वाले भक्त, जो केवल भगवान से प्रेम करते हैं, सबमें मुख्य हैं।

कण्ठावरोधरोमाञ्चाश्रुभिः परस्परं लपमानाः पावयन्ति कुलानि पृथिवीं च

kaṇṭhāvarodharomāñcāśrubhiḥ parasparaṃ lapamānāḥ pāvayanti kulāni pṛthivīṃ ca

रुँधे कण्ठ, रोमांच और आँसुओं के साथ आपस में भगवान की चर्चा करते हुए वे अपने कुलों और पृथ्वी को पवित्र करते हैं।

तीर्थीकुर्वन्ति तीर्थानि सुकर्मीकुर्वन्ति कर्माणि सच्छास्त्रीकुर्वन्ति शास्त्राणि

tīrthīkurvanti tīrthāni sukarmīkurvanti karmāṇi sacchāstrīkurvanti śāstrāṇi

वे तीर्थों को तीर्थ बनाते हैं, कर्मों को सुकर्म बनाते हैं और शास्त्रों को सत्शास्त्र बनाते हैं।

तन्मयाः

tanmayāḥ

क्योंकि वे तन्मय होते हैं, पूरी तरह भगवान में डूबे हुए।

मोदन्ते पितरो नृत्यन्ति देवताः सनाथाश्चेयं भूर्भवति

modante pitaro nṛtyanti devatāḥ sanāthāśceyaṃ bhūrbhavati

उनके पितर आनन्दित होते हैं, देवता नाचते हैं और यह पृथ्वी सनाथ हो जाती है।

नास्ति तेषु जातिविद्यारूपकुलधनक्रियादिभेदः

nāsti teṣu jātividyārūpakuladhanakriyādibhedaḥ

उनमें जाति, विद्या, रूप, कुल, धन, क्रिया आदि का कोई भेद नहीं होता।

यतस्तदीयाः

yatastadīyāḥ

क्योंकि वे भगवान के अपने हैं, उन्हीं के हो चुके हैं।

वादो नावलम्ब्यः

vādo nāvalambyaḥ

भगवान के विषय में वाद-विवाद का सहारा नहीं लेना चाहिए।

बाहुल्यावकाशत्वादनियतत्वाच्च

bāhulyāvakāśatvādaniyatatvācca

क्योंकि उसमें अनन्त अवकाश है और उससे कोई निश्चय नहीं होता।

भक्तिशास्त्राणि मननीयानि तद्बोधककर्माणि करणीयानि

bhaktiśāstrāṇi mananīyāni tadbodhakakarmāṇi karaṇīyāni

भक्ति शास्त्रों का मनन करना चाहिए और भक्ति जगाने वाले कर्म करने चाहिए।

सुखदुःखेच्छालाभादित्यक्ते काले प्रतीक्षमाणे क्षणार्धमपि व्यर्थं न नेयम्

sukhaduḥkhecchālābhādityakte kāle pratīkṣamāṇe kṣaṇārdhamapi vyarthaṃ na neyam

सुख, दुःख, इच्छा, लाभ आदि से छूटे समय की प्रतीक्षा में आधा क्षण भी व्यर्थ नहीं गँवाना चाहिए।

अहिंसासत्यशौचदयास्तिक्यादि चारित्र्याणि परिपालनीयानि

ahiṃsāsatyaśaucadayāstikyādi cāritryāṇi paripālanīyāni

अहिंसा, सत्य, शौच, दया, आस्तिकता आदि सदाचार का पालन करना चाहिए।

सर्वदा सर्वभावेन निश्चिन्तैर्भगवानेव भजनीयः

sarvadā sarvabhāvena niścintairbhagavāneva bhajanīyaḥ

सदा, सम्पूर्ण भाव से और निश्चिन्त होकर केवल भगवान का ही भजन करना चाहिए।

स कीर्त्यमानः शीघ्रमेवाविर्भवत्यनुभावयति भक्तान्

sa kīrtyamānaḥ śīghramevāvirbhavatyanubhāvayati bhaktān

कीर्तन किए जाने पर वे शीघ्र ही प्रकट होते हैं और भक्तों को अपना अनुभव कराते हैं।

त्रिसत्यस्य भक्तिरेव गरीयसी भक्तिरेव गरीयसी

trisatyasya bhaktireva garīyasī bhaktireva garīyasī

तीनों कालों में सत्य भगवान की भक्ति ही श्रेष्ठ है, भक्ति ही श्रेष्ठ है।

गुणमाहात्म्यासक्तिरूपासक्तिपूजासक्तिस्मरणासक्तिदास्यासक्तिसख्यासक्तिवात्सल्यासक्तिकान्तासक्त्यात्मनिवेदनासक्तितन्मयासक्तिपरमविरहासक्तिरूपैकधाप्येकादशधा भवति

guṇamāhātmyāsaktirūpāsaktipūjāsaktismaraṇāsaktidāsyāsaktisakhyāsaktivātsalyāsaktikāntāsaktyātmanivedanāsaktitanmayāsaktiparamavirahāsaktirūpaikadhāpyekādaśadhā bhavati

भक्ति एक होकर भी ग्यारह प्रकार की होती है: गुण माहात्म्य, रूप, पूजा, स्मरण, दास्य, सख्य, वात्सल्य, कान्ता भाव, आत्मनिवेदन, तन्मयता और परम विरह की आसक्ति।

इत्येवं वदन्ति जनजल्पनिर्भया एकमताः कुमारव्यासशुकशाण्डिल्यगर्गविष्णुकौण्डिन्यशेषोद्धवारुणिबलिहनूमद्विभीषणादयो भक्ताचार्याः

ityevaṃ vadanti janajalpanirbhayā ekamatāḥ kumāravyāsaśukaśāṇḍilyagargaviṣṇukauṇḍinyaśeṣoddhavāruṇibalihanūmadvibhīṣaṇādayo bhaktācāryāḥ

लोगों की बातों से निर्भय, एक मत वाले भक्ति के आचार्य ऐसा ही कहते हैं: कुमार, व्यास, शुक, शाण्डिल्य, गर्ग, विष्णु, कौण्डिन्य, शेष, उद्धव, आरुणि, बलि, हनुमान, विभीषण आदि।

य इदं नारदप्रोक्तं शिवानुशासनं विश्वसिति श्रद्धत्ते स भक्तिमान्भवति स प्रेष्ठं लभते स प्रेष्ठं लभते इति

ya idaṃ nāradaproktaṃ śivānuśāsanaṃ viśvasiti śraddhatte sa bhaktimānbhavati sa preṣṭhaṃ labhate sa preṣṭhaṃ labhate iti

जो नारद के कहे इस मंगलमय उपदेश पर विश्वास और श्रद्धा करता है, वह भक्तिमान होता है और प्रियतम भगवान को पाता है, प्रियतम को पाता है।