अध्याय 46: भीम कर्ण से भिड़ते हैं, कौरव भाई मरते हैं

सुदुष्करमिदं कर्म कृतं भीमेन सञ्जय ।
येन कर्णो महाबाहू रथोपस्थे निपातितः

suduṣkaramidaṃ karma kṛtaṃ bhīmena sañjaya |
yena karṇo mahābāhū rathopasthe nipātitaḥ

कर्णो ह्येको रणे हन्ता पाण्डवान्सृञ्जयैः सह ।
इति दुर्योधनः सूत प्राब्रवीन्मां मुहुर्मुहुः

karṇo hyeko raṇe hantā pāṇḍavānsṛñjayaiḥ saha |
iti duryodhanaḥ sūta prābravīnmāṃ muhurmuhuḥ

पराजितं तु राधेयं दृष्ट्वा भीमेन संयुगे ।
ततः परं किमकरोत्पुत्रो दुर्योधनो मम

parājitaṃ tu rādheyaṃ dṛṣṭvā bhīmena saṃyuge |
tataḥ paraṃ kimakarotputro duryodhano mama

विमुखं प्रेक्ष्य राधेयं सूतपुत्रं महाहवे ।
पुत्रस्तव महाराज सोदर्यानिदमब्रवीत्

vimukhaṃ prekṣya rādheyaṃ sūtaputraṃ mahāhave |
putrastava mahārāja sodaryānidamabravīt

शीघ्रं गच्छत भद्रं वो राधेयं परिरक्षत ।
भीमसेनभयेऽगाधे म़ज्जन्तं व्यसनार्णवे

śīghraṃ gacchata bhadraṃ vo rādheyaṃ parirakṣata |
bhīmasenabhaye'gādhe ma़jjantaṃ vyasanārṇave

ते तु राज्ञा समादिष्टा भीमसेनं जिघांसवः ।
अभ्यवर्तन्त सङ्क्रुद्धाः पतङ्गाः पावकं यथा

te tu rājñā samādiṣṭā bhīmasenaṃ jighāṃsavaḥ |
abhyavartanta saṅkruddhāḥ pataṅgāḥ pāvakaṃ yathā

श्रुतायुर्दुर्धरः क्राथो विवित्सुर्विकटः समः ।
निषङ्गी कवची पाशी तथा नन्दोपनन्दकौ

śrutāyurdurdharaḥ krātho vivitsurvikaṭaḥ samaḥ |
niṣaṅgī kavacī pāśī tathā nandopanandakau

दुष्प्रधर्षः सुबाहुश्च वातवेगसुवर्चसौ ।
धनुर्ग्राहो दुर्मदश्च जलसन्धः शलः सहः

duṣpradharṣaḥ subāhuśca vātavegasuvarcasau |
dhanurgrāho durmadaśca jalasandhaḥ śalaḥ sahaḥ

एते रथैः परिवृता वीर्यवन्तो महाबलाः ।
भीमसेनं समासाद्य समन्तात्पर्यवारयन्

ete rathaiḥ parivṛtā vīryavanto mahābalāḥ |
bhīmasenaṃ samāsādya samantātparyavārayan

ते व्यमुञ्चञ्छरव्रातान्नानालिङ्गान्समन्ततः ।
स तैरभ्यर्द्यमानस्तु भीमसेनो महाबलः

te vyamuñcañcharavrātānnānāliṅgānsamantataḥ |
sa tairabhyardyamānastu bhīmaseno mahābalaḥ

तेषामापततां क्षिप्रं सुतानां ते जनाधिप ।
रथैः पञ्चशतैः सार्धं पञ्चाशदहनद्रथान्

teṣāmāpatatāṃ kṣipraṃ sutānāṃ te janādhipa |
rathaiḥ pañcaśataiḥ sārdhaṃ pañcāśadahanadrathān

विवित्सोस्तु ततः क्रुद्धो भल्लेनापाहरच्छिरः ।
भीमसेनो महाराज तत्पपात हतं भुवि

vivitsostu tataḥ kruddho bhallenāpāharacchiraḥ |
bhīmaseno mahārāja tatpapāta hataṃ bhuvi

सकुण्डलशिरस्त्राणं पूर्णचन्द्रोपमं तथा ।
अशोभत महाराज पूर्णचन्द्र इवाम्बरे

sakuṇḍalaśirastrāṇaṃ pūrṇacandropamaṃ tathā |
aśobhata mahārāja pūrṇacandra ivāmbare

तं दृष्ट्वा निहतं शूरं भ्रातरः सर्वतस्तदा ।
अभ्यद्रवन्त समरे भीमं भीमपराक्रमम्

taṃ dṛṣṭvā nihataṃ śūraṃ bhrātaraḥ sarvatastadā |
abhyadravanta samare bhīmaṃ bhīmaparākramam

ततोऽपराभ्यां भल्लाभ्यां पुत्रयोस्ते महाहवे ।
जहार समरे प्राणान्भीमो भीमपराक्रमः

tato'parābhyāṃ bhallābhyāṃ putrayoste mahāhave |
jahāra samare prāṇānbhīmo bhīmaparākramaḥ

तौ धरामन्वपद्येतां वातरुग्णाविव द्रुमौ ।
विकटश्च सहश्चोमौ देवपुत्रोपमौ नृप

tau dharāmanvapadyetāṃ vātarugṇāviva drumau |
vikaṭaśca sahaścomau devaputropamau nṛpa

ततस्तु त्वरितो भीमः क्राथं निन्ये यमक्षयम् ।
नाराचेन सुतीक्ष्णेन स हतो न्यपतद्भुवि

tatastu tvarito bhīmaḥ krāthaṃ ninye yamakṣayam |
nārācena sutīkṣṇena sa hato nyapatadbhuvi

हाहाकारस्ततस्तीव्रः सम्बभूव जनेश्वर ।
वध्यमानेषु वीरेषु तव पुत्रेषु धन्विषु

hāhākārastatastīvraḥ sambabhūva janeśvara |
vadhyamāneṣu vīreṣu tava putreṣu dhanviṣu

तेषां सुलुलिते सैन्ये पुनर्भीमो महाबलः ।
नन्दोपनन्दौ समरे प्रैषयद्यमसादनम्

teṣāṃ sululite sainye punarbhīmo mahābalaḥ |
nandopanandau samare praiṣayadyamasādanam

ततस्ते प्राद्रवन्भीताः पुत्रास्ते विह्वलीकृताः ।
भीमसेनं रणे दृष्ट्वा कालान्तकयमोपमम्

tataste prādravanbhītāḥ putrāste vihvalīkṛtāḥ |
bhīmasenaṃ raṇe dṛṣṭvā kālāntakayamopamam

पुत्रांस्ते निहतान्दृष्ट्वा सूतपुत्रः सुदुर्मनाः ।
हंसवर्णान्हयान्भूयः प्रैषयद्यत्र पाण्डवः

putrāṃste nihatāndṛṣṭvā sūtaputraḥ sudurmanāḥ |
haṃsavarṇānhayānbhūyaḥ praiṣayadyatra pāṇḍavaḥ

ते प्रेषिता महाराज मद्रराजेन वाजिनः ।
भीमसेनरथं प्राप्य समसज्जन्त वेगिताः

te preṣitā mahārāja madrarājena vājinaḥ |
bhīmasenarathaṃ prāpya samasajjanta vegitāḥ

स सन्निपातस्तुमुलो घोररूपो विशाम्पते ।
आसीद्रौद्रो महाराज कर्णपाण्डवयोर्मृधे

sa sannipātastumulo ghorarūpo viśāmpate |
āsīdraudro mahārāja karṇapāṇḍavayormṛdhe

दृष्ट्वा मम महाराज तौ समेतौ महारथौ ।
आसीद्बुद्विः कथं युद्वमेतदद्य भविष्यति

dṛṣṭvā mama mahārāja tau sametau mahārathau |
āsīdbudviḥ kathaṃ yudvametadadya bhaviṣyati

ततो भीमो रणश्लाघी छादयामास पत्रिभिः ।
कर्णं रणे महाराज पुत्राणां तव पश्यताम्

tato bhīmo raṇaślāghī chādayāmāsa patribhiḥ |
karṇaṃ raṇe mahārāja putrāṇāṃ tava paśyatām

ततः कर्णो भृशं क्रुद्धो भीमं नवभिरायसैः ।
विव्याध परमास्त्रज्ञो भल्लैः सन्नतपर्वभिः

tataḥ karṇo bhṛśaṃ kruddho bhīmaṃ navabhirāyasaiḥ |
vivyādha paramāstrajño bhallaiḥ sannataparvabhiḥ

तान्निहत्य महाबाहुर्भीमो भीमपराक्रमः ।
आकर्णपूर्णैर्विशिखैः कर्णं विव्याध सप्तभिः

tānnihatya mahābāhurbhīmo bhīmaparākramaḥ |
ākarṇapūrṇairviśikhaiḥ karṇaṃ vivyādha saptabhiḥ

ततः कर्णो महाराज आशीविष इव श्वसन् ।
शरवर्षेण महता छादयामास पाण्डवम्

tataḥ karṇo mahārāja āśīviṣa iva śvasan |
śaravarṣeṇa mahatā chādayāmāsa pāṇḍavam

भीमोऽपि ततं शरव्रातैश्छादयित्वा महारथम् ।
पश्यतां कौरवेयाणां विननर्द महाबलः

bhīmo'pi tataṃ śaravrātaiśchādayitvā mahāratham |
paśyatāṃ kauraveyāṇāṃ vinanarda mahābalaḥ

ततः कर्णो भृशं क्रुद्धो दृढमादाय कार्मुकम् ।
भीमं विव्याध दशभिः कङ्कपत्रैः शिलाशितैः ।
कार्मुकं चास्य चिच्छेद भल्लेन निशितेन च

tataḥ karṇo bhṛśaṃ kruddho dṛḍhamādāya kārmukam |
bhīmaṃ vivyādha daśabhiḥ kaṅkapatraiḥ śilāśitaiḥ |
kārmukaṃ cāsya ciccheda bhallena niśitena ca

ततो भीमो महाबाहुर्हेमपट्टविभूषितम् ।
परिघं घोरमादाय मृतत्युदण्डमिवापरम् ।
कर्णस्य निधनाकाङ्क्षी चिक्षेपातिबलो नदन्

tato bhīmo mahābāhurhemapaṭṭavibhūṣitam |
parighaṃ ghoramādāya mṛtatyudaṇḍamivāparam |
karṇasya nidhanākāṅkṣī cikṣepātibalo nadan

तमापतन्तं परिघं वज्राशनिसमस्वनम् ।
चिच्छेद बहुधा कर्णः शरैराशीविषोपमैः

tamāpatantaṃ parighaṃ vajrāśanisamasvanam |
ciccheda bahudhā karṇaḥ śarairāśīviṣopamaiḥ

ततः कार्मुकमादाय भीमो दृढतरं तदा ।
छादयामास विशिखैः कर्णं परबलार्दनम्

tataḥ kārmukamādāya bhīmo dṛḍhataraṃ tadā |
chādayāmāsa viśikhaiḥ karṇaṃ parabalārdanam

ततो युद्धमभूद्धोरं कर्णपाण्डवयोर्मृधे ।
बलीन्द्रयोरिव मुहुः परस्परवधैषिणोः

tato yuddhamabhūddhoraṃ karṇapāṇḍavayormṛdhe |
balīndrayoriva muhuḥ parasparavadhaiṣiṇoḥ

ततः कर्णो महाराज भीमसेनं त्रिभिः शरैः ।
आकर्णपूर्णैर्विव्याध दृढमानम्य कार्मुकम्

tataḥ karṇo mahārāja bhīmasenaṃ tribhiḥ śaraiḥ |
ākarṇapūrṇairvivyādha dṛḍhamānamya kārmukam

सोऽतिविद्धो महेष्वासः कर्णेन बलिनां वरः ।
घोरमादत्त विशिखं कर्णकायावदारणम्

so'tividdho maheṣvāsaḥ karṇena balināṃ varaḥ |
ghoramādatta viśikhaṃ karṇakāyāvadāraṇam

तस्य भित्त्वा तनुत्राणं भित्त्वा कायं च सायकः ।
प्राविशद्वरणीं राजन्वल्मीकमिव पन्नगः

tasya bhittvā tanutrāṇaṃ bhittvā kāyaṃ ca sāyakaḥ |
prāviśadvaraṇīṃ rājanvalmīkamiva pannagaḥ

स तेनातिप्रहारेण व्यथितो विह्वलन्निव ॥
सञ्चचाल रथे कर्णः क्षितिकम्पे यथाऽचलः

sa tenātiprahāreṇa vyathito vihvalanniva ||
sañcacāla rathe karṇaḥ kṣitikampe yathā'calaḥ

ततः कर्णो महाराज रोषामर्षसमन्वितः ।
भीमं तं पञ्चविंशत्या नाराचानां समार्पयत्

tataḥ karṇo mahārāja roṣāmarṣasamanvitaḥ |
bhīmaṃ taṃ pañcaviṃśatyā nārācānāṃ samārpayat

चिच्छेद कार्मुकं तूर्णं पाण्डवस्याशु पत्रिणा

ciccheda kārmukaṃ tūrṇaṃ pāṇḍavasyāśu patriṇā

तततो मुहूर्ताद्राजेन्द्र नातिकृच्छ्राद्वसन्निव ।
विरथं भीमकर्माणं भीमं कर्णश्चकार ह

tatato muhūrtādrājendra nātikṛcchrādvasanniva |
virathaṃ bhīmakarmāṇaṃ bhīmaṃ karṇaścakāra ha

विरथो भरतश्रेष्ठ प्रहसन्ननिलोपमः ।
गदां गृह्य महाबाहुरपतत्स्यन्दनोत्तमात्

viratho bharataśreṣṭha prahasannanilopamaḥ |
gadāṃ gṛhya mahābāhurapatatsyandanottamāt

गदया च महाराज कर्णस्य रथकूबरम् ।
पोथयामास सङ्क्रुद्धः समरे शत्रुतापनः

gadayā ca mahārāja karṇasya rathakūbaram |
pothayāmāsa saṅkruddhaḥ samare śatrutāpanaḥ

स क्रोधवशमापन्नः पाण्डुपुत्रः प्रतापवान् ।
विद्राव्य गदया वीरस्तव पुत्रान्महाहवे

sa krodhavaśamāpannaḥ pāṇḍuputraḥ pratāpavān |
vidrāvya gadayā vīrastava putrānmahāhave

नागान्सप्तशतान्राजन्नीषादन्तान्प्रहारिणः ।
व्यधमत्सहसा भीमः क्रुद्धरूपः परन्तपः

nāgānsaptaśatānrājannīṣādantānprahāriṇaḥ |
vyadhamatsahasā bhīmaḥ kruddharūpaḥ parantapaḥ

दन्तवेष्टेषु नेत्रेषु कुम्भेषु च कटेषु च ।
मर्मस्वपि च मर्मज्ञस्तान्नागानवधीद्बली

dantaveṣṭeṣu netreṣu kumbheṣu ca kaṭeṣu ca |
marmasvapi ca marmajñastānnāgānavadhīdbalī

अर्दिता भीमसेनेन विनदन्तो भृशातुराः ।
ततस्ते प्राद्रवन्भीताः प्रहताश्च पुनःपुनः ।
महामात्रास्तमावव्रुर्मेघा इव दिवाकरम्

arditā bhīmasenena vinadanto bhṛśāturāḥ |
tataste prādravanbhītāḥ prahatāśca punaḥpunaḥ |
mahāmātrāstamāvavrurmeghā iva divākaram

तान्स सप्तशतान्नागान्सारोहायुधकेतनान् ।
भूमिष्ठो गदया जघ्ने वज्रेणेन्द्र इवाचलान्

tānsa saptaśatānnāgānsārohāyudhaketanān |
bhūmiṣṭho gadayā jaghne vajreṇendra ivācalān

ततः सुबलपुत्रस्य नागानतिबलान्पुनः ।
पोथयामास कौन्तेयो द्विपञ्चाशदरिन्दमः

tataḥ subalaputrasya nāgānatibalānpunaḥ |
pothayāmāsa kaunteyo dvipañcāśadarindamaḥ

तथा रथशततं साग्रं पत्तींश्च शतशोऽपरान् ।
न्यहनत्पाण्डवो युद्धे तापयंस्तव वाहिनीम्

tathā rathaśatataṃ sāgraṃ pattīṃśca śataśo'parān |
nyahanatpāṇḍavo yuddhe tāpayaṃstava vāhinīm

प्रताप्यमानं सूर्येण भीमेन च महात्मना ।
तव सैन्यं सञ्चुकोच चर्माग्नावाहितं यथा

pratāpyamānaṃ sūryeṇa bhīmena ca mahātmanā |
tava sainyaṃ sañcukoca carmāgnāvāhitaṃ yathā

ते भीमभयसन्त्रस्तास्तावका भरतर्षभ ।
विहाय समरे कर्णं दुद्रुवुर्वै दिशो दश

te bhīmabhayasantrastāstāvakā bharatarṣabha |
vihāya samare karṇaṃ dudruvurvai diśo daśa

रथाः पञ्चशताश्चान्ये हादिनः शरवर्षिणः ।
भीममभ्यद्रवन्घ्नन्तः शरपूगैः समन्ततः

rathāḥ pañcaśatāścānye hādinaḥ śaravarṣiṇaḥ |
bhīmamabhyadravanghnantaḥ śarapūgaiḥ samantataḥ

तान्स पञ्चशतान्वीरान्सपताकध्वजायुधान् ।
पोथयामास गदया भीमो विष्णुरिवासुरान्

tānsa pañcaśatānvīrānsapatākadhvajāyudhān |
pothayāmāsa gadayā bhīmo viṣṇurivāsurān

ततः शकुनिनिर्दिष्टाः सादिनः शूरसम्मताः ।
त्रिसाहस्राण्यभिययुः शरशक्त्यृष्टिपाणयः

tataḥ śakuninirdiṣṭāḥ sādinaḥ śūrasammatāḥ |
trisāhasrāṇyabhiyayuḥ śaraśaktyṛṣṭipāṇayaḥ

तान्प्रत्युद्गम्य यवनान्साश्वारोहांस्तदाऽरिहा ।
विविधान्विचरन्मार्गान्गदया समपोथयत्

tānpratyudgamya yavanānsāśvārohāṃstadā'rihā |
vividhānvicaranmārgāngadayā samapothayat

तेषामासीन्महाञ्छब्दस्ताडितानां च सर्वशः ।
अग्निभिर्दह्यमानानां नलानामिव भारत

teṣāmāsīnmahāñchabdastāḍitānāṃ ca sarvaśaḥ |
agnibhirdahyamānānāṃ nalānāmiva bhārata

एवं सुबलपुत्रस्य त्रिसाहस्रान्हयोत्तमान् ।
हत्वाऽन्यं रथमास्थाय क्रुद्धो राधेयमभ्ययात्

evaṃ subalaputrasya trisāhasrānhayottamān |
hatvā'nyaṃ rathamāsthāya kruddho rādheyamabhyayāt

कर्णोऽपि समरे राजन्धर्मपुत्रमरिन्दमम् ।
स शरैश्छादयामास सारथिं चाप्यपातयत्

karṇo'pi samare rājandharmaputramarindamam |
sa śaraiśchādayāmāsa sārathiṃ cāpyapātayat

ततः स प्रद्रुतं सैन्यं दृष्ट्वा कर्णो महारथः ।

tataḥ sa pradrutaṃ sainyaṃ dṛṣṭvā karṇo mahārathaḥ |

राजानमभिधावन्तं शरैरावृत्य रोदसी ।
क्रुद्धः प्रच्छादयामास शरजालेन मारुतिः

rājānamabhidhāvantaṃ śarairāvṛtya rodasī |
kruddhaḥ pracchādayāmāsa śarajālena mārutiḥ

सन्निवृत्तस्ततस्तूर्णं राधेयः शत्रुकर्शनः ।
भीमं प्रच्छादयामास समन्तान्निशितैः शरैः

sannivṛttastatastūrṇaṃ rādheyaḥ śatrukarśanaḥ |
bhīmaṃ pracchādayāmāsa samantānniśitaiḥ śaraiḥ

भीमसेनरथप्रेप्सुं कर्णं भारत सात्यकिः ।
अभ्यर्दयदमेयात्मा पार्ष्णिग्रहणकारणात्

bhīmasenarathaprepsuṃ karṇaṃ bhārata sātyakiḥ |
abhyardayadameyātmā pārṣṇigrahaṇakāraṇāt

भीमसेनरथप्रेप्सुं कर्णो भारत सात्यकिम् ।
अभ्यवर्तत शैनेयमर्दयञ्छरवृष्टिभिः

bhīmasenarathaprepsuṃ karṇo bhārata sātyakim |
abhyavartata śaineyamardayañcharavṛṣṭibhiḥ

तावन्योन्यं समासाद्य वृषभौ सर्वधन्विनाम् ।
विसृजन्तौ शरान्दीप्तान्विभ्राजेतां मनस्विनौ

tāvanyonyaṃ samāsādya vṛṣabhau sarvadhanvinām |
visṛjantau śarāndīptānvibhrājetāṃ manasvinau

ताभ्यां वियति राजेन्द्र विततततं भीमदर्शनम् ।
कौञ्चपृष्ठारुणं रौद्रं बाणजालं व्यदृश्यत

tābhyāṃ viyati rājendra vitatatataṃ bhīmadarśanam |
kauñcapṛṣṭhāruṇaṃ raudraṃ bāṇajālaṃ vyadṛśyata

नैव सूर्यप्रभा राजन्न दिशः प्रदिशस्तथा ।
प्राज्ञासिष्म वयं ते वा शरैर्मुक्तैः सहस्रशः

naiva sūryaprabhā rājanna diśaḥ pradiśastathā |
prājñāsiṣma vayaṃ te vā śarairmuktaiḥ sahasraśaḥ

मध्याह्ने तपतो राजन्भास्करस्य महाप्रभाः ।
हृताः सर्वाः शरौघैस्तैः कर्णमाधवयोस्तदा

madhyāhne tapato rājanbhāskarasya mahāprabhāḥ |
hṛtāḥ sarvāḥ śaraughaistaiḥ karṇamādhavayostadā

सौबलं कृतवर्माणं द्रौणिमाधिरथिं कृपम् ।
संसक्तान्पाण्डवैर्दृष्ट्वा निवृत्ताः कुरवः पुनः

saubalaṃ kṛtavarmāṇaṃ drauṇimādhirathiṃ kṛpam |
saṃsaktānpāṇḍavairdṛṣṭvā nivṛttāḥ kuravaḥ punaḥ

तेषामापततां शब्दस्तीत्र आसीद्विशाम्पते ।
उद्वृत्तानां यथा वृष्ट्या सागराणां भयावहः

teṣāmāpatatāṃ śabdastītra āsīdviśāmpate |
udvṛttānāṃ yathā vṛṣṭyā sāgarāṇāṃ bhayāvahaḥ

ते सेने भृशसंसक्ते दृष्ट्वाऽन्योन्यं महाहवे ।
हर्षेण महता युक्ते परिगृह्य परस्परम्

te sene bhṛśasaṃsakte dṛṣṭvā'nyonyaṃ mahāhave |
harṣeṇa mahatā yukte parigṛhya parasparam

ततः प्रववृते युद्धं मध्यं प्राप्ते दिवाकरे ।
यादृशं नैवमस्माभिर्दृष्टपूर्वं न च श्रुतम्

tataḥ pravavṛte yuddhaṃ madhyaṃ prāpte divākare |
yādṛśaṃ naivamasmābhirdṛṣṭapūrvaṃ na ca śrutam

बलौघस्तु समासाद्य बलौघं सहसा रणे ।
उपसर्पत वेगेन वार्योघ इव सागरम्

balaughastu samāsādya balaughaṃ sahasā raṇe |
upasarpata vegena vāryogha iva sāgaram

आसीन्निनादः सुमहान्बाणौघानां परस्परम् ।
गर्जतां सागरौघाणां यथा स्यान्निःस्वनो महान्

āsīnninādaḥ sumahānbāṇaughānāṃ parasparam |
garjatāṃ sāgaraughāṇāṃ yathā syānniḥsvano mahān

ते तु सेने समासाद्य वेगवत्यौ परस्परम् ।
एकीभावमनुप्राप्ते नद्याविव समागमे

te tu sene samāsādya vegavatyau parasparam |
ekībhāvamanuprāpte nadyāviva samāgame

ततः प्रववृते युद्धं घोररूपं विशाम्पते ।
कुरूणां पाण्डवानां च लिप्सतां सुमहद्यशः

tataḥ pravavṛte yuddhaṃ ghorarūpaṃ viśāmpate |
kurūṇāṃ pāṇḍavānāṃ ca lipsatāṃ sumahadyaśaḥ

शूराणां गर्जतां तत्र ह्यविच्छेदकृता गिरः ।
श्रुयन्ते विविधा राजन्नामान्युद्दिश्य भारत

śūrāṇāṃ garjatāṃ tatra hyavicchedakṛtā giraḥ |
śruyante vividhā rājannāmānyuddiśya bhārata

यस्य यद्धि रणे व्यङ्गं पितृतो मातृतोऽपि वा ।
कर्मतः शीलतो वाऽपि स तच्छ्रावयते युधि

yasya yaddhi raṇe vyaṅgaṃ pitṛto mātṛto'pi vā |
karmataḥ śīlato vā'pi sa tacchrāvayate yudhi

तान्दृष्ट्वा समरे शूशांस्तर्जमानान्परस्परम् ।
अभवन्मे मती राजन्नैषामस्तीति जीवितम्

tāndṛṣṭvā samare śūśāṃstarjamānānparasparam |
abhavanme matī rājannaiṣāmastīti jīvitam

तेषां दृष्ट्वा तु क्रुद्धानां वपूंष्यमिततेजसाम् ।
अभवन्मे भयं तीव्रं कथमेतद्भविष्यति

teṣāṃ dṛṣṭvā tu kruddhānāṃ vapūṃṣyamitatejasām |
abhavanme bhayaṃ tīvraṃ kathametadbhaviṣyati

ततस्ते पाण्डवा राजन्कौरवाश्च महारथाः ।
ततक्षुः सायकैस्तूर्णमन्योन्यं विजयैषिणः

tataste pāṇḍavā rājankauravāśca mahārathāḥ |
tatakṣuḥ sāyakaistūrṇamanyonyaṃ vijayaiṣiṇaḥ