अध्याय 39: संक्षिप्त सूर्यपूजा, विष्णु रूप सूर्य

पुनर्देवार्चनं ब्रूहि संक्षेपेण जनार्दन ।
सूर्य्यस्य विष्णुरूपस्य भुक्तिमुक्तिप्रदायकम्

punardevārcanaṃ brūhi saṃkṣepeṇa janārdana |
sūryyasya viṣṇurūpasya bhuktimuktipradāyakam

श्रृणु सूर्य्यस्य रुद्र त्वं पुनर्वक्ष्यामि पूजनम् ।
ॐ उच्चैः श्रवसे नमः ॐ अरुणाय नमः ।
ॐ दण्डिने नमः ।
ॐ पिङ्गलाय नमः ।
एते द्वारे प्रपूज्या वै एपिर्मन्त्रैर्वृषध्वज

śrṛṇu sūryyasya rudra tvaṃ punarvakṣyāmi pūjanam |
oṃ uccaiḥ śravase namaḥ oṃ aruṇāya namaḥ |
oṃ daṇḍine namaḥ |
oṃ piṅgalāya namaḥ |
ete dvāre prapūjyā vai epirmantrairvṛṣadhvaja

ॐ अं प्रभूताय नमः ।
इमं तु पूजयेन्मध्ये प्रभूतामलसञ्ज्ञकम् ।
ॐ अं विमलाय नमः ।
ॐ अं साराय नमः ।
ॐ अं आधाराय नमः ।
ॐ अं परममुखाय नमः ।
इत्याग्नेयादिकोणएषु पूज्या वै विमलादयः

oṃ aṃ prabhūtāya namaḥ |
imaṃ tu pūjayenmadhye prabhūtāmalasañjñakam |
oṃ aṃ vimalāya namaḥ |
oṃ aṃ sārāya namaḥ |
oṃ aṃ ādhārāya namaḥ |
oṃ aṃ paramamukhāya namaḥ |
ityāgneyādikoṇaeṣu pūjyā vai vimalādayaḥ

ॐ पद्माय नमः ।
ॐ कर्णिकायै नमः ।
मघ्ये तु पूजयेद्रुद्र पूर्वादिषु तथैव च ।
दीप्ताद्याः पूजयेन्मध्ये पूजयेत्सर्वतोमुखीः ।
ॐ वां
दीप्तायै नमः ।
ॐ वीं
सूक्ष्मायै नमः ।
ॐ वूं (रूं भद्रायै नमः ।
ॐ वैं
जयायै नमः ।
ॐ वौं
विभूत्यै नमः ।
ॐ वं
अघोरायै नमः ।
ॐ वं
वैद्युतायै नमः ।
ॐ वः
विजयायै नमः ।
ॐ रो सर्वतोमुख्यै नमः

oṃ padmāya namaḥ |
oṃ karṇikāyai namaḥ |
maghye tu pūjayedrudra pūrvādiṣu tathaiva ca |
dīptādyāḥ pūjayenmadhye pūjayetsarvatomukhīḥ |
oṃ vāṃ
dīptāyai namaḥ |
oṃ vīṃ
sūkṣmāyai namaḥ |
oṃ vūṃ (rūṃ bhadrāyai namaḥ |
oṃ vaiṃ
jayāyai namaḥ |
oṃ vauṃ
vibhūtyai namaḥ |
oṃ vaṃ
aghorāyai namaḥ |
oṃ vaṃ
vaidyutāyai namaḥ |
oṃ vaḥ
vijayāyai namaḥ |
oṃ ro sarvatomukhyai namaḥ

ॐ अर्कासनाय नमः ।
ॐ ह्रां सूर्य्यमूर्तये नमः ।
एतास्तु पूजयेन्मध्ये ह्रन्मंत्राञ्छृणु शङ्कर ।
ॐ हं सं खं खखोल्काय क्रां क्रीं सः स्वाहा सूर्य्यमूर्त्तये नमः ।
अनेनावाहनं कुर्य्यात्स्थापनं सन्निधापनम् ।
सन्निरोपनमन्त्रेण सकलीकरणं तथा

oṃ arkāsanāya namaḥ |
oṃ hrāṃ sūryyamūrtaye namaḥ |
etāstu pūjayenmadhye hranmaṃtrāñchṛṇu śaṅkara |
oṃ haṃ saṃ khaṃ khakholkāya krāṃ krīṃ saḥ svāhā sūryyamūrttaye namaḥ |
anenāvāhanaṃ kuryyātsthāpanaṃ sannidhāpanam |
sanniropanamantreṇa sakalīkaraṇaṃ tathā

मुद्राया दर्शनं रुद्र मूलमन्त्रेण वा हर ।
तेजोरूपं रक्तवर्णं सितपद्मोपरि स्थितम् ।
एकचक्ररथारूढं द्विबाहुं धृतपङ्कजम्

mudrāyā darśanaṃ rudra mūlamantreṇa vā hara |
tejorūpaṃ raktavarṇaṃ sitapadmopari sthitam |
ekacakrarathārūḍhaṃ dvibāhuṃ dhṛtapaṅkajam

एवं ध्यायेत्सदा सूर्य्यं मूलमन्त्रं श्रृणुष्व च ।
ॐ ह्रां ह्रीं सः सूर्य्याय नमः

evaṃ dhyāyetsadā sūryyaṃ mūlamantraṃ śrṛṇuṣva ca |
oṃ hrāṃ hrīṃ saḥ sūryyāya namaḥ

वारत्रयं पद्ममुद्रां बिम्बमुद्रां च दर्शयेत् ।
ॐ आं हृदयाय नमः ।
ॐ अर्काय शिरसे स्वाहा ।
ॐ अः भूर्भुवः स्वः ज्वालिनि शिखायै वषट् ।
ॐ हुं कवचाय हुं ।
ॐ भां नेत्राभ्यां वौषट् ।
ॐ वः अस्त्राय फडिति

vāratrayaṃ padmamudrāṃ bimbamudrāṃ ca darśayet |
oṃ āṃ hṛdayāya namaḥ |
oṃ arkāya śirase svāhā |
oṃ aḥ bhūrbhuvaḥ svaḥ jvālini śikhāyai vaṣaṭ |
oṃ huṃ kavacāya huṃ |
oṃ bhāṃ netrābhyāṃ vauṣaṭ |
oṃ vaḥ astrāya phaḍiti

आग्नेय्यामथवैशान्यां नैर्ऋत्यामर्चयेद्धर ।
ह्रृद्यादि हि वायव्यां नेत्रं चान्तः प्रपूजयेत्

āgneyyāmathavaiśānyāṃ nairṛtyāmarcayeddhara |
hrṛdyādi hi vāyavyāṃ netraṃ cāntaḥ prapūjayet

दिस्वस्त्रं पूजयेद्रुद्र सोमं तु श्वेतवर्णकम् ।
दले पूर्वेऽर्चयेद्रुद्र बुधं चामीकरप्रभम्

disvastraṃ pūjayedrudra somaṃ tu śvetavarṇakam |
dale pūrve'rcayedrudra budhaṃ cāmīkaraprabham

दक्षिणे पूजयेद्रुद्र पतिवर्णं गुरुं यजेत् ।
पश्चिमे चैव भूतेशं उत्तरे भार्गवं सितम्

dakṣiṇe pūjayedrudra pativarṇaṃ guruṃ yajet |
paścime caiva bhūteśaṃ uttare bhārgavaṃ sitam

रक्तमङ्गारकं चैव आग्नेये पूजयेद्धर ।
शनैश्चरं कृष्णवर्णं नैर्ऋत्यां दिशि पूजयेत्

raktamaṅgārakaṃ caiva āgneye pūjayeddhara |
śanaiścaraṃ kṛṣṇavarṇaṃ nairṛtyāṃ diśi pūjayet

राहुं वायव्यदेशे तु नन्द्यावर्त्तनिभिं हर ।
ऐशान्यां धूम्रवर्णं तु केतुं सं परिपूजयेत्

rāhuṃ vāyavyadeśe tu nandyāvarttanibhiṃ hara |
aiśānyāṃ dhūmravarṇaṃ tu ketuṃ saṃ paripūjayet

एभिर्मन्त्रैर्महादेव तच्छृणुष्व च शङ्कर

ebhirmantrairmahādeva tacchṛṇuṣva ca śaṅkara

ॐ सों सोमाय नमः ।
ॐ बुं बुधाय नमः ।
ॐ बृं बृहस्पतये नमः ।
ॐ भं भार्गवाय नमः ।
ॐ अं अंगारकाय नमः ।
ॐ शं शनैश्चराय नमः ।
ॐ रं राहवे नमः ।
ॐ कं केतवे नम इति

oṃ soṃ somāya namaḥ |
oṃ buṃ budhāya namaḥ |
oṃ bṛṃ bṛhaspataye namaḥ |
oṃ bhaṃ bhārgavāya namaḥ |
oṃ aṃ aṃgārakāya namaḥ |
oṃ śaṃ śanaiścarāya namaḥ |
oṃ raṃ rāhave namaḥ |
oṃ kaṃ ketave nama iti

पाद्यादीन्मूलमन्त्रेण दत्त्वा सूर्य्याय शङ्कर ।
नैवेद्यान्ते धेनुमुद्रां दर्शयेत्साधकोत्तमः

pādyādīnmūlamantreṇa dattvā sūryyāya śaṅkara |
naivedyānte dhenumudrāṃ darśayetsādhakottamaḥ

जप्त्वा चाष्टसहस्त्रं तु तच्च तस्मै समर्पयेत् ।
ऐशान्यां दिशि भूतेश तेजश्चण्डं तु पूजयेत्

japtvā cāṣṭasahastraṃ tu tacca tasmai samarpayet |
aiśānyāṃ diśi bhūteśa tejaścaṇḍaṃ tu pūjayet

ॐ तेजश्चण्डाय हुं फट् स्वधा स्वाहा पौषट् ।
निर्माल्यं चार्पयेत्तस्मै ह्यर्घ्यं दद्यात्ततो हर

oṃ tejaścaṇḍāya huṃ phaṭ svadhā svāhā pauṣaṭ |
nirmālyaṃ cārpayettasmai hyarghyaṃ dadyāttato hara

तिलतण्डुलसंयुक्तं रक्तचन्दनचर्चितम् ।
गन्धोदकेन संमिश्रं पुष्पधूपसमन्वितम्

tilataṇḍulasaṃyuktaṃ raktacandanacarcitam |
gandhodakena saṃmiśraṃ puṣpadhūpasamanvitam

कृत्वा शिरसि तत्पात्रं जानुभ्यामवनिं गतः ।
दर्घ्यं तु सूर्य्याय ह्रृन्मन्त्रेण वृषध्वज

kṛtvā śirasi tatpātraṃ jānubhyāmavaniṃ gataḥ |
darghyaṃ tu sūryyāya hrṛnmantreṇa vṛṣadhvaja

गणं गुरून्प्रपूज्याथ सर्वान्देवानन्प्रपूजयेत् ।
ॐ गं गणपतये नमः ।
ॐ अं गुरुभ्यो नमः

gaṇaṃ gurūnprapūjyātha sarvāndevānanprapūjayet |
oṃ gaṃ gaṇapataye namaḥ |
oṃ aṃ gurubhyo namaḥ

सूर्य्यस्य कथिता पूजा कृत्वैतां विष्णुलोकभाक्

sūryyasya kathitā pūjā kṛtvaitāṃ viṣṇulokabhāk