अध्याय 37: गायत्री कल्प: जप, होम और पूजन

गायत्त्री परमा देवी भुक्तिमुक्तिप्रदा च ताम् ।
यो जपेत्तस्य पापानिविनश्यंति महांत्यपि

gāyattrī paramā devī bhuktimuktipradā ca tām |
yo japettasya pāpānivinaśyaṃti mahāṃtyapi

गायत्त्रीकल्पमाख्यास्ये भुक्तिमुक्तिप्रदं च तत् ।
अष्टोत्तरं सहस्त्रं वा अथवाष्टशतं जपेत्

gāyattrīkalpamākhyāsye bhuktimuktipradaṃ ca tat |
aṣṭottaraṃ sahastraṃ vā athavāṣṭaśataṃ japet

त्रिसन्ध्यं ब्रह्मलोकीस्याच्छतं जप्त्वा जलं पिबेत् ।
संध्यायां सर्वपापघ्नीं देवीमावाह्य पूजयेत्

trisandhyaṃ brahmalokīsyācchataṃ japtvā jalaṃ pibet |
saṃdhyāyāṃ sarvapāpaghnīṃ devīmāvāhya pūjayet

भूर्भुवः स्वः स्वमन्त्रेण युतां द्वादशनामभिः ।
गायत्र्यै नमः ॥ सावित्र्यै सरस्वत्यै नमोनमः

bhūrbhuvaḥ svaḥ svamantreṇa yutāṃ dvādaśanāmabhiḥ |
gāyatryai namaḥ || sāvitryai sarasvatyai namonamaḥ

वेदमात्रे च सांकृत्यै ब्रह्माणी कौशिकी क्रमात् ।
साध्व्यै सर्वार्थसाधिन्यै सहस्त्राक्ष्यै च भूर्भुवः

vedamātre ca sāṃkṛtyai brahmāṇī kauśikī kramāt |
sādhvyai sarvārthasādhinyai sahastrākṣyai ca bhūrbhuvaḥ

स्वरेवं जुहुया दग्नौ समिदाज्यं हविष्यकम् ।
अष्टोत्तरसहस्त्रं वाप्यथवाष्टशंत घृतम्

svarevaṃ juhuyā dagnau samidājyaṃ haviṣyakam |
aṣṭottarasahastraṃ vāpyathavāṣṭaśaṃta ghṛtam

धर्मकामादिसिद्ध्यर्थं जुहुयात्सर्वकर्मसु ।
प्रतिमां चन्दनस्वर्णनिर्मितां प्रतिपूज्य च

dharmakāmādisiddhyarthaṃ juhuyātsarvakarmasu |
pratimāṃ candanasvarṇanirmitāṃ pratipūjya ca

यथा लक्षं तु जप्तव्यं पयोमूलफलार्शनैः ।
अयुतद्वयहोमेन सर्वकामानवाप्नुयात्

yathā lakṣaṃ tu japtavyaṃ payomūlaphalārśanaiḥ |
ayutadvayahomena sarvakāmānavāpnuyāt

उत्तरे शिखरे जाता भूम्यां पर्वत वासिनी ।
ब्रह्मणा समनुज्ञाता गच्छ देवि यथासुखम्

uttare śikhare jātā bhūmyāṃ parvata vāsinī |
brahmaṇā samanujñātā gaccha devi yathāsukham