अध्याय 28: रानियों सहित श्रीगोपाल का पूजन

गोपालपूजां वक्ष्यामि भुक्तिमुक्तिप्रदायिनीम् ।
द्वारे धाता विधाता च गंगायमुनया सह

gopālapūjāṃ vakṣyāmi bhuktimuktipradāyinīm |
dvāre dhātā vidhātā ca gaṃgāyamunayā saha

शङ्खपद्मनिधी चैव सारङ्गः शरभः श्रिया ।
पूर्वे भद्रः सुभद्रो द्वौ दक्षे चण्डप्रचण्डकौ

śaṅkhapadmanidhī caiva sāraṅgaḥ śarabhaḥ śriyā |
pūrve bhadraḥ subhadro dvau dakṣe caṇḍapracaṇḍakau

पश्चिमे बलप्रबलौ जयश्च विजयो यजेत् ।
उत्तरे श्रीश्चतुर्द्वारे गणो दुर्गा सरस्वती

paścime balaprabalau jayaśca vijayo yajet |
uttare śrīścaturdvāre gaṇo durgā sarasvatī

क्षेत्रस्याग्न्यादिकोणेषु दिक्षु नारदपूर्वकम् ।
सिद्धो गुरुर्नलकूवरं कोणे भगवतं यजेत्

kṣetrasyāgnyādikoṇeṣu dikṣu nāradapūrvakam |
siddho gururnalakūvaraṃ koṇe bhagavataṃ yajet

पूर्वे विष्णुं विष्णुतपो विष्णुशक्तिं समर्चयेत् ।
ततो विष्णुपरीवारं मध्ये शक्तिं च कूर्म्मकम्

pūrve viṣṇuṃ viṣṇutapo viṣṇuśaktiṃ samarcayet |
tato viṣṇuparīvāraṃ madhye śaktiṃ ca kūrmmakam

अनन्तं पृथिवीं धर्मं ज्ञानं वैराग्यमग्नितः ।
ऐश्वर्य्यं वायुपूर्वं च प्रकाशात्मानमुत्तरे

anantaṃ pṛthivīṃ dharmaṃ jñānaṃ vairāgyamagnitaḥ |
aiśvaryyaṃ vāyupūrvaṃ ca prakāśātmānamuttare

सत्त्वाय प्रकृतात्मने रजसे मोहरूपिणे ।
तमसे कन्द पद्माय यजेत्कं काकतत्त्वकम्

sattvāya prakṛtātmane rajase moharūpiṇe |
tamase kanda padmāya yajetkaṃ kākatattvakam

विद्यातत्त्वं परं तत्त्वं सूर्य्येन्दुवह्निमण्डलम् ।
विमलाद्या आसनं च प्राच्यां श्रीं ह्रीं प्रपूजयेत्

vidyātattvaṃ paraṃ tattvaṃ sūryyenduvahnimaṇḍalam |
vimalādyā āsanaṃ ca prācyāṃ śrīṃ hrīṃ prapūjayet

गोपीजनवल्लभाय स्वाहान्तो मनुरुच्यते ।
अङ्गानि यथा-आच क्रं च सुचक्रं च विचक्रं च तथैव च

gopījanavallabhāya svāhānto manurucyate |
aṅgāni yathā-āca kraṃ ca sucakraṃ ca vicakraṃ ca tathaiva ca

त्रैलोक्यरक्षकं चक्रमसुरारिसुदर्शनम् ।
हृदादिपूर्वकोणषु अस्त्रं शक्तिं च पूर्वतः

trailokyarakṣakaṃ cakramasurārisudarśanam |
hṛdādipūrvakoṇaṣu astraṃ śaktiṃ ca pūrvataḥ

रुक्मिणी सत्यभामा च सुनन्दा नाग्नजित्यपि ।
लक्ष्मणा मित्रविंदा च जाम्बवत्या शुशीलया

rukmiṇī satyabhāmā ca sunandā nāgnajityapi |
lakṣmaṇā mitraviṃdā ca jāmbavatyā śuśīlayā

शङ्खचक्रगदापद्मं मुसलं शार्ङ्गमर्चयेत् ।
खङ्गं पाशाङ्कुशं प्राच्यां श्रीवत्सं कौस्तुभं यजेत्

śaṅkhacakragadāpadmaṃ musalaṃ śārṅgamarcayet |
khaṅgaṃ pāśāṅkuśaṃ prācyāṃ śrīvatsaṃ kaustubhaṃ yajet

मुकुटं वलमालां च ऐंद्राद्यान्ध्वजमुख्यकान् ।
कुमुदाद्यान्विष्वक्सेनं श्रिया कृष्णं सहार्चयेत् ।
जप्याद्ध्यानात्पूजनाच्च सर्वान्कामानवान्पुयात्

mukuṭaṃ valamālāṃ ca aiṃdrādyāndhvajamukhyakān |
kumudādyānviṣvaksenaṃ śriyā kṛṣṇaṃ sahārcayet |
japyāddhyānātpūjanācca sarvānkāmānavānpuyāt